سەرۆکێ کۆمیتەیا خالێن سنۆری ل جڤاتا پارێزگەھا ئەنبارێ، سه‌واد جاسم ئه‌ڤرۆ 24ێ گولانا 2015ێ، ژ ده‌زگه‌هێن راگه‌هاندێ را راگه‌هاند كو ھەموو ھێزێن ئێمناهيێ و ئيدارى ژ خالا سنۆریا وەلید ڤەکێشان، نھا ژی ئەو خال د دەست چەکدارێن داعش دایە.

ب گرتنا خالا ناڤبری، داعشێ ھەموو خالێن سنۆرییێن سوریێ ل گەل عيراقێ کۆنترۆل کرن، دەستھلاتا حوکمەتا سوریێ ژی ل سەر چو خالەکێ نەما.

سه‌واد جاسم دیار کر ژی کو وان بەری نھا داخوازا هاريكارى و پشتگریێ ژ حوکمەتا عيراقێ کربوو، لێ بەغدایێ چو ھێزەک ژ بۆ پاراستنا وێ خالێ ژ هێریشێن داعش نه‌ هنارت.

ئه‌ڤرۆ نيوز:

شيره‌تكاره‌كێ به‌رێ يێ ئاسايشا نه‌ته‌وى ل عيراقێ پلانا ڤه‌كێشانا پشكه‌ك ژ شيره‌تكارێن خوه‌ يێن ئه‌مريكى ل هه‌موو عيراقێ ژ پشتى كه‌فتنا بنگه‌هێن له‌شكرى ل حه‌بانيێ ئاشكه‌را دكه‌ت و رادگه‌هينيت كو شيره‌تكارێن ئه‌مريكا شكه‌ستن يا ئينايى د پاراستنا رومادى دا.

موه‌فق رۆبێعى، سه‌ركردێ هه‌ڤپه‌يمانيا ده‌وله‌تا قانوونێ و شيره‌تكارێ به‌رێ يێ ئاسايشا نه‌ته‌وى ل عيراقێ، د به‌ياننامه‌كێ دا راگه‌هاند: واشنتۆن بنگه‌هێن شيره‌تكاريێن ل عيراقێ ڤه‌كرينه‌ و پلانا ڤه‌كێشانا پشكه‌ك ژ وان ل هه‌موو عيراقێ ئاماده‌ دكه‌ن هه‌كه‌ بنگه‌هێن له‌شكرى يێن حه‌بانيه‌ كه‌فتنه‌ ده‌ستێ تيرۆرستێن داعش.

رۆبێعى ئاماژه‌ ب وێ چه‌ندێ ژى كر كو باراك ئۆباما يێ سه‌رۆكێ ئه‌مريكا ئامرازێن ل به‌ر ده‌ست ژ ده‌ست داينه‌ كو پێكهاتى نه‌ ژ شيره‌تكاران و شكه‌ستنا خوه‌ د پاراستنا رومادى دا سه‌لماند، ژ به‌ر هندێ كو ئۆبامايى پێشتر راگه‌هاند بوو ئه‌نبار و رومادى هێلا سۆرن و نابيت بهێنه‌ به‌زاندن.

ب گۆتنا رۆبێعى، ژ ئه‌گه‌رێ شكه‌ستنا وان پاراستنا ئه‌نبار دا، واشنتۆن داخواز ژ شيره‌تكارێن له‌شكرى كريه‌ كو پلانا ڤه‌كێشانا پشكه‌ك ژ هه‌موو ئه‌ردێ عيراقێ ئاماده‌ بكه‌ن، ئه‌گه‌ر بنكێ له‌شكرى يێ حه‌بانيه‌ كه‌فته‌ بن ده‌ستێ داعش.