ئه‌ڤرۆ نيوز:

رۆژنامه‌كا ئه‌مريكى ئاشكه‌را كر كو چه‌ند نامه‌ ژ چه‌ندين به‌رپرس و سياسه‌تمه‌دارێن گه‌لێ كورد ژ باشوورێ كوردستانێ گه‌هشتينه‌ ئيدارا واشنتۆن و تێدا داخواز كريه‌ چه‌كى ئێكسه‌ر بۆ هێزێن پێشمه‌رگه‌يێ كوردستانێ بهنێرن.

رۆژناما واشنتۆن تايمز يا ئه‌مريكى ته‌كست ل سه‌ر وێ چه‌ندێ كريه‌ كو ئه‌ڤرۆ هێزێن پێشمه‌رگه‌يى هێزێن ئێكانه‌نه‌ ب هه‌موو شيانێن خوه‌ روو ب روويێ گرۆپێن تيرۆرستێن داعش دبنه‌ڤه‌، ژ ئه‌گه‌رێ ڤێ چه‌ندێ ژى پێدڤيا له‌شكرى يا به‌رچاڤ ب چه‌ك و ته‌قه‌مه‌نيان هه‌يه‌ و پێدڤيه‌ ئێكسه‌ر بگه‌هنه‌ ده‌ستێ وان.

رۆژنامێ ئاماژه‌ ب داخۆيانيا ئاد رويس يێ كۆنگرێسمه‌نێ ئه‌مريكى كريه‌ كو گۆتيه‌: “كورد هه‌ڤپه‌يمانه‌كێ راسته‌قينه‌ و باوه‌رپێكريێ ئه‌مريكايه‌”، ئاماژه‌ ب وێ چه‌ندێ ژى كريه‌ كو د وان نامێن بۆ ئيدارا واشنتۆن هاتينه‌ ره‌وانه‌كرن دبێژن كو هه‌كه‌ چه‌ك ژ به‌غدا بۆ پێشمه‌رگه‌يى بهێت دوور نينه‌ به‌غدا كێشان بۆ گه‌هاندنا وان چه‌كان بۆ پێشمه‌رگان دروست بكه‌ت.

ئه‌ڤرۆ نيوز:

حوكمه‌تا تونس ئاشكه‌را كر كو ل هه‌يڤا ئادارا سالا 2013ێ هه‌تا نوكه‌ زێده‌تر ژ 12 هزار وه‌لاتيێن تونس ڤيايه‌ په‌يوه‌نديێ ب گرۆپێن چه‌كدارى بكه‌ن، به‌لێ رێ لێ هاتيه‌ گرتن.

ناجم غه‌رسه‌لى، وه‌زيرێ ناڤخۆيێ تونس ئاشكه‌ار كر كو ژ ده‌سپێكا هه‌يڤا ئادارا 2013ێ و هه‌تا نوكه‌ رێگرى ل 12 هزار و 490 وه‌لاتيان هاتيه‌ كرن كو دڤيا بچنه‌ سوريا و عيراقێ و په‌يوه‌نديێ ب گرۆپێن چه‌كدارى يێن ئيسلاميێن توندڕه‌و بكه‌ن.

گۆتژى: “ب تنێ ل سالا 2015ێ نێزيكى هزار كه‌س راده‌ستى دادگه‌هێ هاتينه‌ كرن ب تۆمه‌تا په‌يوه‌نديكرنێ ب گرۆپێن تيرۆرستى”.

ئاماژێ ب وێ چه‌ندێ ژى دكه‌ت كو پشتى ژ ناڤچوونا رژێما زه‌ينولعادبدين بن عه‌لى ل سالا 2011، لڤاندنێن گرۆپێن توندڕه‌و د وه‌لاتى دا زێده‌بووينه‌ ب ره‌نگه‌كى هێرش بۆ سه‌ر سۆپا و هێزێن ئه‌منى هاتينه‌ زێده‌كرن.