ئه‌ڤرۆ ب خێرا خوینا پیرۆزا شەھیدان و بەرخودانا پێشمەرگەیێن جانفیدایێن کوردستانێ کو، ھەر پێشمەرگەیەک وەکە کاوەیێ ئاسنگەر ل ھەمبەر زواھکێن تاریێ راوەستانە و ل چەپەرێن شەرەفێ ل ھەمبەر ھێزا تاری و شەرخواز پارێزگاریێ ژ ئازادی، ئارامی و پاشەرۆژا کوردستانێ دکه‌ن. ئەم نەورۆزا ئازادی و سەرکەفتنێ پیرۆز دکه‌ين. نەورۆزا ئه‌ڤ ساله‌ کو، نەورۆزا بەرخودان و بەرگریکرنێ ژ ھەبوون و ناسنامەیا مەیە، دڤێت جانێ ئێکرێزیێ ب ھێزتر بکەين و ژ بۆوو بەرھنگاربوونا ھەر مەترسیەک، ئاریشەک و ئاستەنگەکێ کو ب سەر کوردستانا مە یا خۆشتڤى دا بێت، مە زێدەتر تەشویق بکەت.

کوردستانیێن خوەشتڤی

د ڤێ نەورۆزێ دا، کا چاوا رۆناھیا ئاگرەکی نەتەوەیەک د چاردورێن خوە کۆمکریە، ئھا دڤێت وەسا کورێن ڤێ نەتەوەیێ ل ھەر وەلات و دەرەکا جیھانێ بن، ب جانێ ئێکێتی و لێبورینێ ژ بۆ بجهئینانا پەیاما نەورۆزێ کو، مناسبەیەکە سەربلند و ئازادانەیە، ب ھەر ئاوایی بخەبتن.

د ڤێ هه‌لكه‌فتا پیرۆز دا، پیرۆزباھیێن گەرم ل مالباتێن سەربلندێن شەھیدان و پێشمەرگەیێن مێرخاس ل بەرەیێن شەرەف و بەرگریێکرنێ، دکه‌ين. نەورۆزا بەرخوەدانێ ل تەڤ کوردستانیێن ھەموو پارچێن کوردستانا خۆشتڤى پیرۆز بيت. نەورۆز ل کوردێن دیاسپۆرا و ل ھەر جییەکێ لێ بن پیرۆز بيت.

شکۆدار بيت نەورۆزا پێشمەرگەیی، جەژنا نەتەوەیی و سەرسالا نوویا کوردی.

نەمری بۆ شەھیدێن رێیا رزگاری و ئازادیا کوردستانێ

جڤاتا وەزیرێن ھەرێما کوردستانێ
٢٠.٠٣.٢٠١٥

ئه‌ڤرۆ نيوز، بێوار حسێن زێبارى:

1 of 5

ئه‌ڤرۆ نيوز:

رێڤه‌به‌ريا هاتنوچوونا پارێزگه‌ها دهۆكێ چه‌ندين رێنما ب هه‌لكه‌فتا هاتنا نه‌ورۆزێ به‌لاڤكرن ب مه‌ره‌ما سلامه‌تيا وه‌لاتيان كو ئه‌ڤێن ل خوارێ نه‌:

١- نابیت ھاتنوچوون بو سەیرانی و تایبەت ل جادیین بەرتەنگ ب ترۆمبیلیت بارھەلگر بھێتەکرن وەک :ترێل – مه‌قتورە- سەرێن ترێلا- قله‌ابە –لوری – .. ھتد و گومان تێدا نینە جاده‌یێن سەیران و گەشتوگوزاریێن پارێزگەھا دھۆکی و دەوروبەران زۆر د بەرتەنگن و ھەموو ئێک سایدن.
٢- قەدەغەیە زاروک ل بودیا ئوتومبیلا پیکەمدا بھیتە دانان و ئەڤ دیاردە زورا بەربەلاڤە دناڤا شوفیراندا لدەمی چوونا سەیرانی
٣- پێدڤيه‌ شوفێر پێگیريێ ب بێیارێن لەزاتیا جادێ بکەن و ل دووڤ تابلويێ بۆ ھاتیە بەستن و سنورێن لەزا قانوونى نەبەزینن.
٤-وەلاتیێن خوشتڤی ئاگەھداری زارۆکی بە و زارۆکێ ژیێ وی ژ ٧سالی کێمتر ل سینگێ ترۆمبێلێ دانە دانن، چونکو ب روودانەکا سڤک زیانەکا مەزن دێ ب زارۆی کەڤیت.
٥- -پێدڤییە سەیرانی ترۆمبێلێن خوە ل سەر تەنیشتێن جادێ و ل سەر یێن فلکان و جھێن بەرتەنگ نەراوەستینن دا کو رێ و ھاتنوچوون نەھێتە گرتن و بۆ زانیین زۆر جاران ژ بەر زۆربوونا ترۆمبێلان ئەم پێدڤی تەنیشتێن جادێ دبن بۆ ھاتنوچوونێ.
٦-دیاردەکا داخباریێ د ناڤا سەیرانیان دا یا بەربەلاڤە ئەو ژی ل دەمێ سەرێ زارۆيى دئیننە دەرێ برێيا جاما ترۆمبێلێ یان برێيا سلایتی (بانێ ترۆمبێلێ) و پێدڤيه‌ بھێتە قەدەغەکرن.
٧- پێدڤيه‌ ل سەر ھەموو شوفێران پێگريێ ب ئاموژگاری و ئیشارەتێن پولیسێ ھاتنوچوونێ بکەن و ل دووڤ حەزا جادێ ل دەمێ ھندەک جادا دگرن و بەری شوفێران وەردگیرن و ئەف چەندە ژى بۆ کونترولکرنا کەتوارێ زۆربوونا ترۆمبێلان.
٨- نابیت چەژنا نەورۆزی و ھەموو چەژنێن بھارێ ب دەلیڤە بھێنە ديتن و ھاژوتنا ترۆمبێلێ بھێتە کرن بێ دەستووردان و ھەر کەسەکی سەرپێچیێ بکەت دێ ھێتە رەوانەکرن بۆ دادوەرێ نوبەدار و دێ ھێتە زیندانکرن.
٩- زۆر گرنگە ل رۆژین جەژنێ و خۆشيێ و شادیێ شوفێری ب رەوشتی و ب قانوونێ بھێتە کرن و نابیت ھاژوتنا ترۆمبێلێ ب خەمساری بھێتەکرن وەک :بەتەناش ڤەدان –زگزاک کرن ل ناڤ بەینا ترۆممبیلان دا –سەردا شکاندن –ھاڤیتنا بەرمایكێن خوارنێ برێيا جامێ –ھێلان و ژێبورینا خەلەت یان برێيا دەستی راستێ- ……ھتد
١٠- پێدڤيه‌ ل سەر ھەموو شوفێر و سەرنشین و گەشتیاران پێگیریێ ب گرێدانا قاویشا سلامەتیێ بکەن ل ناڤ ترۆمبێلێ دا ل دەمێ ھاژوتنێ ل رێيێین ناڤ باژیری و ل ریێيێن ژ دەرڤەيی باژیری.
١١- نابيتن گەلەک كه‌س سواری ترۆمپێلێ ببن و قەدەغەیە سوار بوونا زێده‌تريا وه‌لاتيان ژ ژمارا دەست نیشانکری چونگی روودانەکا سفک زیانەکا مەزن پەیدا دکەت.
١٢- پێدڤیە بابەتێ سەبر و ھەداری و بھێن فرھەیێ د ناڤا شوفێران دا بەربەلاڤ بیت و تایبەت ل دەمێ زۆربوونا ترۆمبێلان کارتێکرنێن نەرێنی ل سەر شەقامان دکەت و ھەر شوفێرەک ل دوو سایدی خوە بچیت و ترۆمبێل ھەموو ببنە ئیک رێزی و ئێک ل دووڤ ئێکێ دا بچیت قەدەغەیە جادێ بکەنه‌ دوو رێزی.
١٣- ل دووڤ رێنمایێن گشتی قەدەغەیە ئەف کارە بھێنە ئەنجامدان ژ لایێ وه‌لاتیان ڤە: “ھاڤێتنا بەرمایێن خوارنێ و پیسکرنا ژینگەھێ – برينا دار و باران –ئارمانجانی ب تڤه‌نگا- نێجیرا گیانەوەران- ئاگر ھەلکرن ل نیزیکی ترۆمبێلا…. ھتد.
١٤- ریڤەبەریا ھاتنوچوونا پاریزگەھا دھۆکی ھەماھینگێ د گەل ھەموو دەزگەھێن ئێمناھيێ و دەزگەھێن خزمەتگوزاری یێت ھەین وەک: باژێرڤانى- ساخلەمی – ئاسایش – ھەوالگیری – ھاوارھاتن …..ھتد
١٥-داداوەرێ نوبەدار ھاتیە دانان و ھەر لیڤینەکا نەيا قانوونى ھەبیت و یان بوویەرەکا دلتەزین ھەل بده‌ت ب زووترین دەم پەیوەندیێ ب جھێن شولەژێ بکەت دا کو بھێتە چارەسەرکرن.
١٦- نابیت ماتورسکل ھاتنوچوونێ ل جھێن سەیرانا بکەن ل ھەر سێ رۆژێن جەژنا نەورۆزێ دا.
١٧- بو ھەر روودانەکا ترافیکێ داخوازێ ژ وەلاتیان دکەین ب زووترین دەم ژمارە ١٨٨ ھیێا ھاوار ھاتنا ترافیکی لێ بدەن د ٢٤ دەمژمێران دا د خزمەتا هه‌وە دایە.