ئه‌ڤرۆ نیوز:
ل دووڤ راگه‌هاندنه‌كا وه‌زاره‌تا دارایى و ئابوورى یا حكومه‌تا هه‌رێما كوردستانێ بریاره سوبه‌هى رۆژا سێ شه‌مبى مووچێ هه‌یڤا ئێك یێ خانه‌نشینێن پێشمه‌رگه‌ى بهێته به‌لاڤكرن.
نووترين نووچه
- مەسرور بارزانی: مە هەڤبەندیێن تایبەت و دۆستانە ل گەل ئیماراتێ هەنە
- سەرۆكێ حوكمەتا هەرێمێ پێشوازی ل قونسلێ هنگاریا كر
- نابیت گرۆپێن چەكداری یێن ئیراقی دەستێوەردانێ د روودانێن دەڤەرێ دا بكەن
- ئەڤرۆ دادگەها فیدرال ل دۆر مووچەیێن فەرمانبەرێن كوردستانێ دێ بڕیارێ دەت
- بالیۆزخانەیا ئەمریكا ل بەغدا ل دۆر ئەگەرێ هێرشێن تیرۆرستی هۆشداریێ ددەت
- ئەوا نوكە و د بەرێ ژی دا دهاتە كرن پلانەكا دۆمدرێژە بۆ لاوازكرن و نەهێلانا قەوارەیێ دستووریێ هەرێما كوردستانێ
- سەرۆك بارزانی و موسەننا سامەرائی رەوشا سیاسییا ئیراقێ گەنگەشە كرن
- سەرۆكایەتییا هەرێمێ: هێرشا ئیسرائیلێ ل سەر ئیرانێ پرۆتەستۆ دكەین
- مەسرور بارزانی پشكداری د بەهییا كەریم شنگالی دا كر
- سزادان و دۆرپێچێن بەغدایێ ل سەر خەلكێ كوردستانێ د بەردەوامن
سهرهكى نوچێن گرنگ
پارتى ده‌نگێ خوه دا گۆڕان
ئه‌ڤرۆ نیوز:
ئه‌ڤرۆ جڤاتا پارێزگه‌ها سلێمانیێ كوم بوو و تێدا ده‌نگدان بۆ به‌ربژارێن ته‌ڤگه‌را گۆران ل سنورێ پارێزگه‌ها سلێمانیێ هاته كرن، سه‌رۆكێ لیستا پارتى دیموكراتى كوردستان ل جڤاتا پارێزگه‌ها سلێمانیێ دیاركر كو ژبه‌ر به‌رژه‌وه‌ندیا خه‌لكێ سلێمانیێ وان ده‌نگ ب وان به‌ربژێران دا.
سه‌رۆكێ لیستا پارتى دیموكراتى كوردستان ل جڤاتا پارێزگه‌ها سلێمانیێ زیاد كاكه ره‌زا بۆ مالپه‌رى پارتى دیاركر كو د وێ پرۆسێ وان ده‌نگێ خوه دا گۆران كو وان 5 قایمقام و 7 رێڤه‌به‌رێن ناحى و 6 رێڤه‌به‌رێن گشتى و جێگرێ پارێزگارێ سلێمانیێ و جێگرێ به‌رپرسێ ئیدارا راپه‌رین گه‌هشتینێ و گۆت: سه‌ره‌راى بجهنه‌ئینانا داخوازیا مه، به‌لێ ژبه‌ر به‌رژه‌وه‌ندیا خه‌لكێ سلێمانیێ بۆ وێ پرۆسێ مه ده‌نگێ خوه دا به‌ربژێرێن وان، و بریاره ڤێ حه‌فتیێ شاندێ هه‌ڤپشكێ ئێكه‌تیێ و گۆڕان سه‌را مه بده‌ن، ژبه‌ر كو ب تنێ كێشا قایمقانێ هه‌له‌بجه یێ ماى كو ئه‌م ب مافێ خوه دزانین و ئه‌م ل سه‌ر وه‌رگرتنا وێ درژدین.
په‌یاما سه‌رۆك بارزانى د سالڤه‌گه‌را سێداره‌دانا پێشه‌وا قازى محه‌مه‌د
ئه‌ڤرۆ نیوز:
سه‌رۆك بارزانى د سالڤه‌گه‌را سێداره‌دانا پێشه‌وا قازى محه‌مه‌د ل فێسبوكێ خوه په‌یامه‌ك به‌لاڤكریه و وێنه‌كێ قازى محه‌مه‌د دانایه و گوتیه: پێشه‌وا قازى هاته سێداره‌دان، به‌لێ خه‌بات و ئیرادا گه‌لێ وى بۆ ئازادیخوازیێ بهێزتر بوو، نه ل سێداره‌دان و نه قركرن و ئه‌نفال و كیمیاباران و تیرور چ ژ وان نه‌شیایه ئیرادا گه‌لێ كوردستانێ بشكێنیت، هزاران سلاڤ ل گیانێ پێشه‌وا قازى محه‌مه‌د و هه‌موو شه‌هیدێن رێیا ئازادیێ بن و رێبازا پیروزا وى دێ هه‌ر یا به‌رده‌وام بیت.
هه‌ر سێ ده‌مژمێران ل دهۆكێ كه‌سه‌ك دبيته قوربانى روودانێن هاتنوچوونێ
ئه‌ڤرۆ نيوز، نيوار محه‌مه‌د سه‌ليم:
به‌رپرسێ پشكا راگه‌هاندنێ ل رێڤه‌به‌ريا هاتنوچوونا پارێزگه‌ها دهۆكێ راگه‌هاند كو د كێمتر ژ 100 ده‌مژمێران دا، ژ ئه‌گه‌رێ روودانێن ترافيكێ، 22 كه‌س بريندار بووينه و شه‌ش كه‌سان ژى گيانێ خوه ژ ده‌ست دايه.
ئازاد تاها، به‌رپرسێ پشكا راگه‌هاندنێ ل رێڤه‌به‌ريا هاتنوچوونا پارێزگه‌ها دهۆكێ، بۆ ئه‌ڤرۆ نيوز گۆت: “د چار رۆژان دا، 25، 26، 27 و 27ى ئادارا 2015ێ 12 روودان رووداينه و تێدا دو ژن و چار زه‌لامان گيانێ خوه ژ ده‌ست داينه و 22 كه‌س ژى بريندار و په‌ككه‌فتى بووينه”.
ئازاد تاها زێده‌تر گۆت: “ئه‌ڤ روودانه ژى زێده‌تر ل سه‌ر رێيێن ل ژ ده‌رڤه‌يى باژێران رووداينه و هه‌ڤپشكێن وان ژى زێده‌تر شۆفێرێن بارهه‌لگر و ته‌كسيان بووينه”.
ده‌رباره‌يى ئه‌گه‌رێن ڤان روودانان ژى به‌رپرسێ پشكا راگه‌هاندنێ ل رێڤه‌به‌ريا هاتنوچوونا پارێزگه‌ها دهۆكێ دا زانين كو زێده‌تر ئه‌ڤ روودانه ژ ئه‌گه‌رێن خويه‌تى يێن تايبه‌ت ب شۆفێرى ڤه ل گه‌ل نه‌بوونا هشياريێ بوويه و گۆت: “رێ و بابان ژى كارتێكرن ل سه‌ر ڤان روودانان هه‌يه”.
سه‌رۆكێ جڤاتا نوونه‌رێن ئه‌مريكا گه‌هشته عيراقێ
90% خەلکێ زومار يێ ڤەگەڕیايى
ئەڤرۆ نیۆز، قائید میرۆ:
رێڤەبەرێ ناحیا زومار ئاشکراکر، ھژمارەکا زوورا ئاکنجیێن ناحیا زومار ڤەگەڕیانە سەر مالێن خوە و ئاڤ و کارەب ژی مینا بەرێ ھەنە.
موزاحم سەعدون، رێڤەبەرێ ناحیا زومار بۆ ئەڤرۆ نیۆز گۆت: “پشتی ئازادکرنا ناحیا زومار ژ لایێ ھێزێن پێشمەرگەيی ڤە ھەتا نوکە 90% ژ خەلکێ زومار ڤەگەڕیاینە سەر مال و حالێن خوە و ژیان یا بەردەوامە د ئەڤێ ناحیێ دا”.
سەعدون گۆتژی” خزمەتگوزاریێن وەکو ئاڤ و کارەب ڤەگەڕیاينە دەڤەرێ و نوکە بنگەھێن ساخلەمی و خزمەتگوزاریێن دەستپێکی ل ڤی باژێڕکی ھەنە”.
“ئۆجه‌لان هايدارى بزاڤێن نێچيرڤان بارزانى يه بۆ پرسا ئاشتيێ ل توركيا”
ئه‌ڤرۆ نيوز:
ئه‌ڤرۆ سپێده‌هيا 30\3\2015، سه‌رۆكێ حوكمه‌تا هه‌رێما كوردستانێ نێچيرڤان بارزانى پێشوازى ل له‌يلا زانا و سررى سوره‌يا ئۆنده‌ر، ئه‌ندامێن په‌رله‌مانێ توركيا كرن.
د ديدارێ دا، به‌ريزان به‌حس ل دووماهى سه‌ره‌دانا خوه بۆ گزيرتا ئيمرالى كر و تێدا ئاماژه ب وێ چه‌ندێ كريه كو ئۆجه‌لان ئاگه‌هدارى وان بزاڤێن نێچيرڤان بارزانى يه بۆ چاره‌كرنا پرسا كوردى ل باكوورێ كوردستانێ و دا زانين ژى كو ئه‌وى رێز و سۆپاسى بۆ سه‌رۆكێ حوكمه‌تێ ل هه‌مبه‌ر ڤى كارێ وى هه‌بوون.
هه‌ر د ديدارێ دا هه‌ر دولا گرنگى دا پرسيا ئاشتيێ و به‌حس ل وێ چه‌ندێ كر كو يا باش نينه هنده‌ك ئه‌گه‌رێن لاوه‌كى كارتێكرنێ ل پرۆسا ئاشتيێ بكه‌ن.
سه‌رۆكێ حوكمه‌تا هه‌رێما كوردستانێ ژى پشته‌ڤانيا خوه بۆ پرۆسا ئاشتيێ دووپاتكر و ئاماژه ب وێ چه‌ندێ كر كا چاوان ل ده‌سپێكێ پشته‌ڤان بوويه، نوكه ژى وه‌سان دێ پشته‌ڤانيێ ل پرۆسێ كه‌ت.
به‌حس كرن ل سه‌ر ره‌وشا تيرۆرێ ته‌وه‌ره‌كێ دى يێ ڤێ روونشتنێ بوون و نێچيرڤان بارزانى سۆپاسيا وان هه‌موو لايان كر يێن پشكدارى د شه‌رێ دژى تيرۆرێ دا كرى.
داعش وه‌لاتيێن تكريت ڤه‌گوهاستنه تلكێف
ب گۆره‌يى ژێده‌ره‌كى ئه‌منى، داعش ده‌ست ب ڤه‌گوهاستنا وه‌لاتيێن ژ ناڤا باژێرێ تكريت كر و بۆ تلێف ڤه‌گوهاستن و ئه‌ڤه ژى ب ديتنا وى نيشانا روودانا شه‌ره‌كێ دژوار دهێته كرن.
ئه‌ڤى ژێده‌رێ ئه‌منى يێ ئه‌ڤرۆ نيوز پاراستن ل سه‌ر ناڤێ وى كرى گۆت: “شێڤدێ چه‌كدارێن داعش ده‌ست ب ڤه‌گوهاستنا وه‌لاتيێن عه‌ره‌ب يێن لايه‌نگرێن خوه بۆ باژێركێ تلكێف ڤه‌گوهاستن ژ بووى پاراستنا وان”.
زێده‌تر گۆت: “ئه‌ڤ وه‌لاتيێن وان ڤه‌گوهاستين ب هژمار، 40 ترۆمبێلێن مه‌زن پرى وه‌لاتيێن خوه كربوون”.
دا زنين ژى كو ئه‌ڤه نيشانێن وێ چه‌ندێ نه كو دێ شه‌ره‌كێ مه‌زن ل وێ ده‌ڤه‌رێ هێته كرن ئه‌وێ نوكه هێزێن عيراقێ بزاڤا گرتنا وێ ده‌ڤه‌رێ دكه‌ن.
راگەھاندنا ئورۆپا: شەرێ ل یەمەنێ دەستپێکرنا شەرێ جیھانی یێ سیێ یە
ئەڤرۆ:
ئۆپەراسیۆنا سعوودیێ ل گەل وەلاتێن دی یێن عەرەبی ل دژی حوسیێن یەمەنێ رەنگڤەدانەکا مەزن د ئاستێ جیھانێ دا کریە و دەزگەھێن راگەھاندنا ئورۆپا ژی دیار دکەن کو شەرێ نھا برێڤە دچیت د راستی دا شەرێ شیعە و سوننایە و ئەو شەرە ژی دەستپێکەکە بۆ شەرێ جیھانی یێ سیێ، چونکو ئەمریکا ژی نھا پشتەڤانیێ ل بەرەیێ سوننان دکەت و روسیا ل گەل ئیران، عیراق و چین ژی پشتەڤانیا شیعان دکەن و ئەوە ژی نیشا ددەت کو جیھان ل سەر دو بەرەیان ھاتیە دابەش کرن و شەرێ نھا ل یەمەنێ برێڤە دچیت دێ د ماوەیەکێ گەلەک کێم دا ل وەلاتێن دی ژی بەلاڤ ببیت.
ئاژانسا رویتەرز یا نووچەیان د راپۆرتەکێ دا دیار کر کو شەرێ نھا ل یەمەنێ د راستی دا شەرێ ئیران و سعوودیە و وەلاتێن دی یێن سوننە و شیعانە و ژ بەر ڤێ یەکێ ژی دێ کاریگەریەکا مەزن ل جیھانێ کەت، چونکو ئیرانێ شیابوو د ماوەیێ چەند مەھێن بۆری دا پشتا خوە ب دانوستاندنێن ل گەل ئەمریکا گەرم بکەت و یەمەنێ داگیر بکەت، ل ئالیێ دی ئیرانێ ب بەھانا شەرێ دژی داعشێ عیراق ژی کرە دەستێ خوە و ئەمریکا ژی ل ھەمبەر وان کریارێن ئیرانێ بێدەنگ ما، چونکو مەبەستا سەرەکی یا ئەمریکا ئەو یەک بوویە کو سعوودیە و ئوردن و وەلاتێن دی یێن عەرەبی ل دژی ئیرانێ رێکخستن بکەت و شەرێ نھا ل یەمەنێ ژی برێڤە دچیت دەستپێکەکا نوویە بۆ شەرێ جیھانی یێ سیێ و رەنگە کاریگەریا خوە ل گەلەک وەلاتێن دی ژی بکەت.
ل ئالیێ دی ئاژانسا فرانس پرێس ژی د راپۆرتەکێ دا دیار کریە کو ھەرچەندە نھا گەلەک وەلاتێن ئورۆپا ل ھەمبەر شەرێ ل یەمەنێ بێدەنگن یان ژی ھەلویستەکێ پێدڤی نیشا نەداینە، لێ وان دڤێت بزانن کو دێ ئەنجامێ شەرێ یەمەنێ بەر ب کیڤە بچیت، چونکو شەرێ یەمەنێ دێ رۆژھەلاتا ناڤین ب گشتی لاواز بکەت و رەنگە ئەو یەک پشکەک ژ ستراتیژیا نوو یا ئەمریکا و بریتانیا بیت بۆ نەخشێ نوو یێ رۆژھەلاتا ناڤین، چونکو ئەمریکا دەمەکە بزاڤێ دکەت کو سعوودیێ راکێشیتە ناڤ شەرێ ل دژی داعش و ئیرانێ و ژ بەر ھندێ ژی یا نھا دھێتە کرن تا رادەیەکێ مەزن خزمەتا ستراتیژیا نوو یا ئەمریکا و وەلاتێن رۆژئاڤا دکەت.
دارا ناتق چاڤدێرێ سیاسی بۆ رۆژناما ئەڤرۆ دیار کر کو نھا رۆژھەلاتا ناڤین کەڤتیە قۆناغەکا نوو دا و شەرێ ل یەمەنێ دەستپێکەکە بۆ ئاڤاکرنا گەلەک دەولەت و ھەرێمێن نوو، چونکو رەنگە گەلەک وەلاتێن رۆژھەلاتا ناڤین پارچە ببن و ل گۆر تشتێ نھا دیار دبیت ھەکە ئیران د پراکتیکێ دا خوە بکەتە ناڤ شەرێ ل یەمەنێ دێ شەرێ ھێتە ڤەگۆھاستن بۆ ناڤ ئیرانێ و گۆت: (لێ دەولەتا ئیرانێ د شەرێ ل دژی داعشێ دا ژی ھەردەم بزاڤ کر کو شەر نەھێتە ڤەگۆھاستن بۆ ناڤ ئاخا ئیرانێ و ژ بەر ھندێ ل عیراقێ شەرێ وان کر، نھا ژی وان دڤێت ل یەمەنێ شەرێ خوە بکەن دا شەر نەھێتە ڤەگۆھاستن بۆ ناڤ ئیرانێ، لێ ھەکە شەر درێژ بیت دێ ل ئیرانێ ژی ھندەک گوھۆرین روو بدەن و ژ بەر ھندێ دڤێت کوردێن رۆژھەلات ژی خوە بۆ ھەر روودانەکێ ل ئیرانێ ئامادە بکەن).
ل ئالیێ دی چەندێن رۆژنامە و دەزگەھێن راگەھاندنا عەرەبی دیار کرن کو سەربازێن سعوودیێ ب رێیا ئەردی دەربازی ناڤ ئاخا یەمەنێ بووینە و شەرێ چەکدارێن حوسی دکەن، لەشکرێ سعوودیێ بزاڤێ دکەن نەھێلن کو چەکدارێن حوسی خوە نێزیکێ سنۆرێ سعوودیێ بکەن.
ل ئالیێ دی مەرزیە ئەفخەم پەیڤدارا وەزارەتا دەرڤە یا ئیرانێ راگەھاند کو ھێرشا ل دژی حوسیان ل یەمەنێ دێ رەوشا رۆژھەلاتا ناڤین گەلەک ئالۆز کەت و ئەو یەک د بەرژەوەندیا چو ئالیەکێ دا نینە.
ئەڤرۆ نیوز ناڤەرۆکا ناما عەبدوللا ئوجەلان بۆ سەرۆک بارزانی ئاشکرا دکەت
ئەڤرۆ:
ھەر ئێک ژ لەیلا زانا ئەنداما پەرلەمانێ تورکیا و سورەیا ئوندەر پەیڤدارێ شاندێ دانوستاندنێن ل گەل حوکمەتا تورکیا و نیلوفەر کوچ ھەڤسەرۆکا KNK دوھی ب مەرەما گەھاندنا ناما عەبدوللا ئوجەلان رێبەرێ PKK بۆ مەسعود بارزانی سەرۆکێ ھەرێما کوردستانێ و مام جەلال سکرتێرێ گشتی یێ ئێکەتیێ گەھشتنە ھەولێرێ و پشتی رادەستکرنا ناما ئوجەلان، دێ ل گەل نێچیرڤان بارزانی سەرۆکێ حوکمەتێ و پارت و ئالیێن سیاسی یێن ھەرێمێ کۆمبوونان ئەنجامدەن.
ل گۆر زانیاریێن ب دەست رۆژناما ئەڤرۆ کەفتین، ناما ئوجەلان ژ سێ خالێن سەرەکی پێک دھێت، ئەو ژی ئەنجامدانا کۆنگرێ نەتەوی و ئێکگرتنا کوردان د وارێ سەربازی و سیاسی دا دژی تیرۆرێ و سیاسەتەکا ھەڤپشک بۆ چارەکرنا پرسا کوردی ل ھەموو پشکان ھەبیت.
عەبدوللا ئوجەلان د ناما خوە دا داخواز ژ سەرۆک بارزانی کریە د وارێ دبلۆماسی دا رۆلێ خوە بۆ چارەکرنا دۆزا کوردی ل سەر ئاستێ نێڤدەولەتی بگێڕیت، ژ بەرکو رۆلەکێ باش د ڤی واری دا ھەیە، ھەروەسا ژێ خواستیە کو دەستپێشخەریێ بۆ ئەنجامدانا کۆنگرێ نەتەوەی بکەت.
نيشاندان
WP Facebook Auto Publish Powered By : XYZScripts.com