ئه‌ڤرۆ نيوز:
وه‌زاره‌تا دارايى و ئابوورى ل حوكمه‌تا هه‌رێما كوردستانێ راگه‌هاند كو ئه‌ڤرۆ رۆژا دوشه‌مبى رێكه‌فتى 13ى نيسانا 2015 ده‌ست ب به‌لاڤكرنا مووچێ هه‌يڤا دو يێ پێشمه‌رگه‌يى هاته كرن.
ده‌ست ب به‌لاڤكرنا مووچێ هه‌يڤا دو هاته كرن
نووترين نووچه
- پێدڤییە مووچەیێ وەلاتییان نەبیتە پشكەك ژ ململانێیا سیاسی
- سوپاسنامەیەك ژ مەكتەبا سیاسی یا پارتی دیموكراتی كوردستان
- هشیار زێباری بۆچوونا سیاسی یا پارتی ل دۆر گوهۆڕینان بەرچاڤكر
- دخوازین هەتا حەفتییا بهێت بگەهینە رێككەفتنێ ل گەل بەغدا
- نڤیسینەكا پارێزگارێ كەركووكێ دابیتە ئەگەر کو چەندین دەڤەرێن كوردستانی ب حەویجە ڤە بهێنە گرێدان
- ئێكگرتنا هێزێن پێشمەرگەی گەهشتە قووناغا دووماهیێ
- هۆزێن ل دێرازۆرێ و رەققە داخوازا سیستەمەک نە ناڤەندی بۆ سووریێ دکەن
- هەرێمێ پێگیریێن خوە بجهئیناینە و دڤێت بەغدا مووچەی بهنێریت
- پێشكەفتنەكا گرنگ ل دۆسێیا هنارتنا پەترۆلا هەرێما كوردستانێ ب دەستڤەهاتیە
- بەرهەڤی بۆ هەلبژارتنا دەستەیا سەرۆكاتییا پەرلەمانێ كوردستانێ دهێنە كرن
سهرهكى نوچێن گرنگ
هیلاری كلینتۆن ب ڤیدیۆیه‌كێ به‌ربژێریا خوه بۆ سه‌رۆكاتییا ئه‌مریكا راگه‌هاند
ئه‌ڤرۆ نیوز: ڤه‌ده‌ر ره‌شاڤایی:
وه‌زیرا ده‌رڤه یا ئه‌مریكا یا به‌رێ هیلاری كلینتۆن برێیا ڤیدۆ كلیپه‌كێ به‌ربژێریا خوه بۆ سه‌رۆكاتیا ئه‌مریكا یالا سالا 2016 ێ راگه‌هاند.
كلینتۆن كو پسپۆری د سیاسه‌تا ناڤخۆ و یا ده‌رڤه یا ئه‌مریكا دا هه‌یه دبێژیت وێ دڤێت ببیته قاره‌مانا ئه‌مریكا و ئێكه‌م سه‌رۆكا ژن یا ئه‌مریكا ،
تێ زانین كلینتۆن هه‌ڤركیا باراك ئۆباما ژی كربوو ل هه‌لبژارتنێن سالا 2008 ی لێ ئوباما پتر ده‌نگ ئینابوون د پارتا دیموكرات دا.
راپه‌رێ ل هه‌ولێرێ كۆنسێرت گێرای ب 10 هزار دۆلاران ب كه‌فاله‌ت دهێته ئازادكرن
ئه‌ڤرۆ نیوز: ڤه‌ده‌ر ره‌شاڤایی:
راپه‌رێ ئه‌مریكی نێلی كو كۆنسێرته‌ك ل ئادارا ئه‌ڤ ساله ل باژێرێ هه‌ولێرێ گێرابوو، پشتی هاتیه ده‌سته‌سه‌ركرن ب كه‌فاله‌تا 10 هزار دۆلاران هات ئازاد كرن هه‌تا رۆژا دادگه‌هكرنێ كو 19 خزیرانێ یه.
راپه‌ر نێلی ئه‌ڤرۆ رۆژا ئێكشه‌مبی ل ویلایه‌تا تێنسی ل ئه‌مریكا بتۆمه‌تا هه‌بونا مادێن هۆشبه‌ر و چه‌كێ نه‌قانۆنی هاتبوو ده‌سته‌سه‌ركرن پشتی پۆلیسان باسا وی راوه‌ستاندی و ئه‌و ماده د باسا وی دا دیتی .
تێ زانین نێلی ئێكه‌م هونه‌رمه‌ندێ ئه‌مریكی یه كو كونسێرت ل هه‌رێما كوردستانێ گێرای پشتی رێكخراوا خێرخازییا روانگه ب ئاماده‌كاریێن ڤێ كونسێرتێ رابووی.
توركیا ژ پاپای توره دبیت و بالیۆزێ خوه ل ڤاتیكانێ گازی دكه‌ت
ئه‌ڤرۆ نیوز: ڤه‌ده‌ر ره‌شاڤایی:
داوی داخویانیێن پاپای توركیا تۆره دكه‌ت و و وه‌زاره‌تا ده‌رڤه یا توركیا بالیۆزێ ئه‌نقه‌ره ل ڤاتیكانێ گازی دكه‌ت.
پاپا فرانسیس د سالڤه‌گه‌را 100 ێ یا كۆمكۆژییا ئه‌رمه‌ناییان لسه‌ر ده‌ستێ ئۆسمانییان رێوره‌سمه‌ك گێرا و تێدا ژ جڤاكا نێڤده‌وله‌تی خاست كو ڤێ كۆمكوژیێ وه‌ك جێنوساید بده‌نه نیاسین كو ئۆسمانیێن تورك لدژی خه‌لكێ سڤیلێ ئه‌رمه‌نی كربوو د شه‌رێ جیهانیێ ئێكێ دا.
ژ ئالیێ خوه‌ڤه توركیا كو هه‌تا نها دانپێدانێ بڤێ كۆمكوژیێ ناكه‌ت و د به‌ییاننامه‌كێ دا ئه‌ڤرۆ خوه‌یا كر كو ئه‌و ڤان داخویانیێن پاپای ره‌ت دكه‌ن.
مه‌ولود چاویش ئوغلو وه‌زیرێ ده‌رڤه‌یێ توركیا دا دیاركرن و گۆت كو گۆتنێن پاپای دوورن ژ راستیێت دیرۆكی، و پله‌یێن كه‌سایه‌تیێن ئایینی نه بۆ وێ یه‌كێنه كو داخویانییان لسه‌ر ڤان جۆره تشتان دا بده‌ن و كه‌رب و كینێ هه‌لده‌ن.
ئه‌ڤرۆ نیوز بۆ پرسا گه‌هشتنا 500 ملیون دولارێ توركیا په‌یوه‌ندى ب وه‌زاره‌تا دارایى كر
ئه‌ڤرۆ نیۆز، قائید میرۆ
په‌یڤدارێ وه‌زاره‌تا دارایی و ئابووریا حوكمه‌تا هه‌رێما كوردستانێ ره‌تكر، چو پاره‌یه‌ك ل وه‌ڵاتێ توركیا گه‌هشتبیته هه‌رێما كوردستانێ.
ئه‌حمه‌د عه‌بدولڕه‌حمان، په‌یڤدارێ وه‌زاره‌تا دارایی و ئابوورى بۆ ئه‌ڤرۆ نیۆز راگه‌هاند” هه‌تا مه‌غره‌بیا ئه‌ڤرۆ چو پاره‌یه‌ك ل وه‌لاتێ توركیا نه‌گه‌هشتیه هه‌رێما كوردستانێ و د ده‌مێ گه‌هشتنێ دا، دێ ئه‌شكرا كه‌ین.
ئه‌حمه‌دی گۆت ژی” جارێ پاره نه‌گه‌هشتیه هه‌تا بزانین دێ موچه‌یێ هه‌یڤا ئادارێ بیت یان نه، هه‌رده‌مێ پاره گه‌هشت دێ دارایی بڕیارێ ل سه‌ر ده‌ت.
ئه‌ڤ داخویانیا په‌یڤدارێ وه‌زاره‌تا دارایی و ئابووریا حوكمه‌تا هه‌رێما كوردستانێ د ده‌مه‌كێ دایه كو هه‌ر ئه‌ڤرۆ عه‌بدولره‌حمان عه‌لى ئه‌ندامێ په‌رله‌مانێ كوردستانێ كو سه‌ره‌دانا وه‌زیرێ دارایى كربوو راگه‌هاندبوو: 500 ملیون دولارێ توركیا،گه‌هشتیه هه‌رێما كوردستانێ.
500 ملیون دولارێ توركیا گه‌هشت
ئه‌ڤرۆ نیوز:
ئه‌و پارێ كو بریاربوو ژ ئالیێ حوكمه‌تا توركیا بۆ هه‌رێما كوردستانێ بهێته هنارتن، ل دووماهیێ گه‌هشت.
عه‌بدولره‌حمان عه‌لى ئه‌ندامێ په‌رله‌مانێ كوردستانێ كو ئه‌ڤرۆ سه‌ره‌دانا وه‌زیرێ دارایى كربوو راگه‌هاند: 500 ملیون دولارێ توركیا، ئه‌ڤرۆ گه‌هشته هه‌رێما كوردستانێ.
دهێته چاڤه‌رێكرن ئه‌ڤ پاره‌یه بۆ موچێ هه‌یڤا سێ یێ فه‌رمانبه‌ران بهێته ته‌رخاكرن، دده‌مه‌كێ دا كو ژ نوو بریاره سوبه مووچێ هه‌یڤا 2 یێ وه‌زاره‌تا پێشمه‌رگه‌ى بهێته به‌لاڤكرن.
ماموستایێن گرێبه‌ست هه‌تا كه‌نگى دێ مووچه‌ى وه‌رگرن؟
ئه‌ڤرۆ نیوز:
عه‌بدولڕه‌حمان عه‌لی ره‌زا ئه‌ندامێ په‌رله‌مانێ كوردستانێ دیاركر كو ئه‌ڤرۆ ئه‌و ل گه‌ل په‌رله‌مانتار عه‌لى حه‌مه سالح سه‌را وه‌زاره‌تا دارایى كریه و ل گه‌ل رێباز محه‌مه‌د وه‌زیرێ دارایى كومبووینه و گۆت: وه‌زیرێ دارایى ئه‌و ده‌نگوباسه ره‌تكرن كو مووچێ ماموستایێن گرێبه‌ست هه‌تا هه‌یڤا 6 بمه‌زێخن، به‌لكو ئاماژه ب وێ یه‌كێ كر كو هه‌تا هه‌یڤا 9 دێ موچێ ماموستایێن گرێبه‌ست مه‌زێخن.
جڤاتا سه‌كردایه‌تیا پارتى راگه‌هاندنه‌كێ به‌لاڤ دكه‌ت
ئه‌ڤرۆ نیوز:
جڤاتا سه‌ركردایه‌تیا پارتى دیموكراتى كوردستان ئه‌ڤرۆ ب سه‌رپه‌رشتیا سه‌رۆك بارزانى كومبوو و پشتى كومبوونێ راگه‌هاندنه‌ك به‌لاڤكریه كو تێدا ئاماژه ب وێ یه‌كێ كریه كو چه‌ندین بابه‌ت و ته‌وه‌ر دانوستاندن ل سه‌ر هاتینه كرن و بریارێن پێدڤى ل سه‌ر هاتینه دان.
راگه‌هاندنێ ئاماژه ب وێ یه‌كێ كریه كو د كومبوونێ دا پرسا دستوور و سه‌رۆكاتیا هه‌رێما كوردستانێ وه‌كو هه‌موو پرسێن گه‌لێ كوردستانێ به‌حس ژێ هاتیه كرن و بریارێن پێدڤى د وى بیاڤى دا هاتینه دان.
توپبارانكرنا داعش، دهۆك هه‌ژاند
ئه‌ڤرۆ نیوز، چه‌كدار ئه‌ترووشى:
به‌رى ده‌مه‌كى ده‌نگه‌كێ مه‌زن باژێرێ دهوكێ هه‌ژاند، ل دور ڤێ چه‌ندێ ئه‌فسه‌ره‌كێ پێشمه‌رگێ كوردستانێ دیاركر كو پشتى چه‌ند تانگێن بومبه‌كرى هاتینه دانان ژلایێ داعش ڤه ژ ئالیێ فرۆكێن هه‌ڤپه‌یمانان ڤه هاتنه ژناڤبرن.
ئه‌فسه‌ره‌كێ د ناڤا هێزێن پێشمه‌رگێ كوردستانێ ئاماژه ب وێ چه‌ندێ كر كو ل نێزیك پرا بادوش چه‌ندین قه‌سیس هه‌نه و بو ئه‌ڤرۆ نیوز گوت” به‌رى ده‌مه‌كى ل نێزیك پرا بادوش تیرورستێن داعش دڤیان چه‌ندین تانكێن بچوك یێن بومبه‌كرى ب دانن لێ هێزێن هه‌ڤپه‌یمانان ب رێكا پێزانینن پێشمه‌رگه‌یى ئه‌و تانكه ژناڤبرن”.
دیسان ئه‌فسه‌رێ نه‌ڤیایى ناڤێ وى ئاشكه‌را بیت دیاركر كو كارگه‌ها بادوش یا چێمه‌نتویى و سكرێ بادوش ل نێزیك وێ بوردومانێ بون و هه‌تا نوكه نه‌هاتیه زانین كانێ زه‌ره‌ر چه‌ندن و نه‌هاتینه دیاركرن و پێشبینى دهێـته كرن توبخانه‌یه‌كا داعش هاتبیته ژناڤبرن”.
داعش چو ناڤ پارزینگه‌ها بێجى
نيشاندان
WP Facebook Auto Publish Powered By : XYZScripts.com