ئەڤرۆ نیۆز، قائید میرۆ:

ئەفسەرەکێ ھێزێن پێشمەرگەی ئاماژە ب زیانێن داعش ل ھێرشا شەڤا بۆری یا میحوەرێ باشیک دکەت و را دگەھینیت، کو چار داعش ژ لایێ پێشمەرگەيی ڤه‌ هاتينه‌ كوشتن و چەندین چەکدارێن دی ژ لایێ ھەڤپەیمانان  ڤه‌ ھاتینە کوشتن.

رائید رەقیب شوکری، ئەفسەرێ پێشمەرگەيی ل میحوەرێ باشیک بۆ ئەڤرۆ نیۆز راگەھاند: کو پشتی شەڤا بۆری تیرۆرستێن داعش ھێرشەکا بەرفرەە کریە سەر ھێزێن پێشمەرگەيی ل میحوەری باشیک، ھێزێن پێشمەرگەيی گورزەکا کوژەک ل داعش دایە و زیانێن زۆر گەھاندینە تیرۆرستان.
رەقیب شوکری گۆتژی: “د ئەنجامێ شکەستنا شڤێدی يا تیرۆرستێن داعش دا، پێشمەرگە شیاینە چار چەکدارێن داعش بکوژن و نەھێن دی ژی بریندار بکەن، ئەڤە ژبلی کو فڕۆکەیێن ھەڤپەیمانان ژی د دەمێ پاشڤەچوونێ دا بوردۆمانا داعش کریە و ھژمارەکا دی ژی ژێ کوشتینە.

ئه‌ڤرو نیوز،بارزان مزوورى
مقدم داود خالد بانى ئامر به‌ته‌لیونا 3 هێزا 12 ل میحوه‌رێ ناوه‌ران  بو مالپه‌رێ ئه‌ڤرو نیوز دیار كر كو چه‌كدارێن تیرورستێن داعش ئه‌ڤه‌ سێ روژه‌ به‌رده‌وام توپا دهاڤێنه‌ هێزێن پێشمه‌رگه‌ى ل میحوه‌رێ ناوه‌ران به‌لێ نیشان نه‌ئینایه‌ ژبو به‌رسڤ دانا  توپێن وان ژى، هێزێن پێشمه‌رگه‌ى ب چه‌كێ گران به‌رسڤا وان دایه‌ و د ئیكه‌م توپ یا پێشمه‌رگه‌ى بو باره‌گایه‌كێ داعش هاڤێتى 6 داعش كوشتینه‌ و 4 ژوان برینداربوینه‌ ژبلى ئه‌و چه‌كێ گران یێ هاڤێتیه‌ وان زیانێن مه‌زن یێن گه‌هاندینه‌ ترومبێل و باره‌گایێن وان و وان شیانێن هێرش كرنێ نه‌مایه‌.
ناڤبرى دیار كر كو ره‌شا داعش گه‌له‌ك یا لاواز بوى وان بخو دان ب خراب بونا ره‌وشا خو یا كرى گازى  و ئێك وو دكه‌ن دبێژنه‌ ئێك دو ره‌وشا مه‌یا لاواز بوى و خارن ناگه‌هیته‌ زالگه‌هێن وتن دناڤ باژێرێ مووسل ژى كه‌ل و په‌ل و خارن كێم بوینه‌.