ئه‌ڤرۆ نیوز:
كه‌شتیه‌كا دى كو فروكه ل سه‌ر دادده‌ن، ژ باژێرێ نورفولك به‌ره‌ڤ رۆژهه‌لاتا ناڤه‌راست برێكه‌فت داكو پشكداریێ د شه‌رێ دژى داعش دا بكه‌ت.
كه‌شتیا (یو إس إس پیودور روزفلت) كو فروكێن ژ جورێ (نیمتز) هلدگریت، به‌ره‌ڤ كه‌شتیێن دى ل رۆژهه‌لاتا ناڤه‌راست برێكه‌ڤت كو ل گه‌ل ڤان كه‌شتیان دێ پشكداریێ د شه‌رێ ژناڤبرنا داعش ل عیراق و سووریا دا كه‌ت.
تێ زانین كه‌شتیا (یو إس إس پیودور روزفلت) فرۆكێن ئه‌مریكى یێن هه‌رى پێشكه‌فتى هه‌لدگریت.
https://www.youtube.com/watch?v=uBtahfXlD5s
ئه‌ڤرۆ نيوز:
ژێده‌ره‌كێ مه‌يدانى ژ سۆپايێ عيراقى ئاماژه ب وێ چه‌ندێ كر كو فرۆكه‌كا نه‌ناسيار بۆردۆمانا له‌شكرێ عيراقێ كر.
ئه‌ڤى ژێده‌رى د داخۆيانيه‌كا رۆژنامه‌ڤانى دا راگه‌هاند كو ل پارێزگه‌ها ئه‌نبا فرۆكه‌كا نه‌ناسيار بۆدومانا چه‌ند بنگه‌هێن له‌شكرى يێن عيراقێ كرن و ده‌زگه‌هێ هه‌والگه‌ريا عيراقى ژى هه‌تا نوكه نه‌زانيه ئه‌و فرۆكه سه‌ر ب چ لايه‌نه‌كى يه.
ئه‌ڤى ژێده‌رى ئاماژه ب وێ چه‌ندێ ژى كر كو ل ئه‌نبار شه‌ره‌كێ دژوار يێ د ناڤبه‌را له‌شكرێ عيراقێ و چه‌كدارێن داعش دا دهێته كرن و هه‌ردولا به‌رده‌وام يێ پێشڤه‌چوون و پاشڤه‌چوونان دكه‌ن.
ئه‌ڤرۆ نيوز:
وه‌زاره‌تا سامانێن سرۆشتى ل حوكمه‌تا هه‌رێما كوردستانێ راگه‌هاند ل دووماهيێ ڤێ هه‌يڤێ هه‌رێما كوردستانێ دێ ب په‌ترۆلا كه‌ركووك ڤه شێت رۆژانه 600 هزار به‌رميلێن په‌ترۆلێ د رێيا به‌غدا را ره‌وانه‌يى ژ ده‌رڤه كه‌ت.
سه‌رۆكێ لژنا وزه و سامانێن سرۆشتى ل په‌رله‌مانێ كوردستانێ بۆ رووداو دياركر كو نوكه هه‌رێما كوردستانێ 250 هزار به‌رميلێن په‌ترۆلێ بێى كه‌ركووك ره‌وانه دكه‌ت، ب ره‌نگه‌كى كو ئێدى حوكمه‌تا عيراقێ هێجه‌ت نه‌ماينه پشكا بودجێ هه‌رێمێ ببڕيت و گۆت: “نوكه هه‌رێما كوردستانێ پشكا خوه ژ رێكه‌فتنێ ب جهـ ئينايه و پێدڤيه حوكمه‌تا ناڤه‌ندى ژى به‌هرا خوه ب جهـ بينيت”
شێركۆ جه‌وده‌ت سه‌رۆكێ لژنا وزه و سامانێن سرۆشتى ل په‌رله‌مانێ كوردستانێ ده‌رباره‌يى په‌ترۆلا كه‌ركووك گۆت: “ب گۆره‌يى گۆتنێن وه‌زيرێ سامانێن سرۆشتى هنده‌ك كێشێن ته‌كنيكى يێن هه‌ين و هێشتا چاره‌سه‌ر نه‌بووينه، به‌لێ نابنه رێگر ل هه‌مبه‌ر بجهـ نه‌ئينانا وێ رێكه‌فتنێ، چونكو په‌ترۆلا كه‌ركووك ل ژێر چاڤدێريا كۆمپانيا په‌ترۆلا باكوور دهێته هنارتن و ئه‌وان هاش كێشێن ته‌كنيكى هه‌يه”.
ب گۆره‌يى راگه‌هاندنه‌كا وه‌زاره‌تا سامانێن سرۆشتى بڕيار سه‌رجه‌مێ هنارتنا په‌ترۆلێ ل هه‌رێما كوردستانێ هه‌تا دووماهيا ڤێ هه‌يڤێ بگه‌هيته 600 هزار به‌رميلان.
ئه‌ڤرۆ نيوز:
لژنا ئه‌منى يا جڤاتا پارێزگه‌ها سه‌لاحه‌دين راگه‌هاند كو ئه‌ڤرۆ سپێدێ كريارا ئازادكرنا باژێرێ تكريت ب ته‌مامى هاته كرن پشتى 48 ده‌مژمێران ژ شه‌رێ ئازادكرنا وى باژێرى.
جێگرێ سه‌رۆكێ لژنێ خالد جسام بۆ شه‌فه‌ق نيوز گۆت: “ئه‌ڤرۆ سپێدێ شه‌رێ ئازادكرنا تكريت ب دووماهى هات پشتى هاتنا هێزێن له‌شكرێ عيراقێ و حه‌شد شه‌عبى و چه‌كدارێن عه‌شيره‌تان بۆ ناڤ سه‌نته‌رێ باژێرى”.
زێده‌تر گۆت: “كريارێن له‌شكرى يێن ل حه‌فتيا بۆرى بۆ ئازادكرنا ناحيا عه‌له‌م و دور و باژێرێ تكريت هاتينه كرن ئه‌ڤرۆ ب دووماهى هاتن”.
ئەڤرۆ نیوز، بێوار حسێن زێباری:
ل سپێدەیا 1991/3/12 و پشتی سەربازگەھا ئاکرێ ھاتیە چوول کرن ئەوا ھنداڤ ئاکرێ و جەماوەرێ ئاکرێ ب ھەموو چین و تووێژ ڤە رابوون ب سەرھلدانێ کو ل پێش ھەموویان جهـ و دام و دەزگەھـ و قشلا ئاکرێ ھاتنە گرتن و چوول کرن ئەڤ جھە ژی کۆ دەستێن رژێما بەعس دابوون لێ ھاتە ئازادرکرن ئەڤ یەکە ژی بوویە جھێ ئازادی و دلخوشیا خەلکێ ئاکرێ دەردۆرێن وێ.
ئازادكرنا ئاكرێ ئه‌وا دو ده‌مژمێران ڤه‌كێشايى، ب رۆژه‌كێ پشتى يا هه‌ولێرێ بوو و ب كليلا سه‌رهلدانێن بادينان هاته ب ناڤكرن.
د ڤێ سه‌رهلدانێ دا ژ به‌ر ره‌ڤينا رژێمێ و شه‌ر نه‌كرنێ و مه‌زناهيا ئيرادا خه‌لكێ ئاكرێ، چو كه‌س شه‌هيد نه‌بوون و هنده‌ك بريندارێن كێم هه‌بوون، ئه‌و ژى ئه‌و بوون يێن ژ ئه‌گه‌رێ خۆشيێ هاتينه برينداركرن و ته‌قه‌كرنێ و برينێن وان ژى سڤك بوون.
ئه‌ڤرۆ نيوز:
لژنا ئاسايش و به‌ره‌ڤانيێ ل په‌رله‌مانێ عيراقێ ئاشكرا كر كو راپۆرتا ده‌ستپێكێ سه‌باره‌ت كه‌فتنا باژێرێ مووسل ل چه‌ند رۆژێن بهێت دێ ل په‌رله‌مانێ عيراقێ دانوستاندنێ ل سه‌ر كه‌ن.
سەباح ساعیدی ئه‌ندامێ لژنا ئاسايش و به‌ره‌ڤانيێ ل كوتلا چاكسازيا نيشتمانى گۆت: ئه‌و لژنا بۆ ڤه‌كولينێ ژ كه‌فتنا باژێرێ مووسل هاتيه پێكئينان، گه‌هشتيه قوناغا به‌رهه‌ڤكرنا راپۆرتا ده‌ستپێكى ل سه‌ر روودانێ و ل چه‌ند رۆژێن بهێت دێ ئێخنه هه‌مبه‌ر په‌رله‌مانێ عيراقێ.
ئه‌ڤرۆ نیوز، ڤه‌ده‌ر ره‌شاڤایى
بیره‌وه‌ریا 12 ئادارێ یا سه‌رهلدانا 2004 یا رۆژئاڤا كوردستانێ- قامشلو، ئه‌ڤرۆ ل كه‌مپا دومیز ل دهۆكێ هاته ساخكرن.
بۆ بیرئانینا شه‌هیدێن سه‌رهلدانا قامشلو ئاكنجیێن كه‌مپا دۆمیز مه‌راسیمه‌ك ب هه‌لكرنا شه‌مالان گێرا وه‌ك رێزگرتن بۆ گیانێ شه‌هیدان و خه‌باتا كوردێن رۆژئاڤا.
تێ زانین ل 12 ئادارا سالا 2004 ێ د یاریه‌كا ته‌پاپێ دا ل قامشلو جه‌ماوه‌رێ عه‌ره‌ب وێنێ سه‌دام حسێن سه‌رۆكێ حزبا به‌عس بلندكرن، و وه‌ك كارڤه‌دانه‌كا كوردان ئالایێ كوردستانێ بلندكر د ئه‌نجام دا شه‌ر و په‌ڤچوون چێ بوون ل باژێرێ قامشلو و رژێما سوری هێرش كره سه‌ر چالاكڤانێن كورد و بكێماتی 30 كورد هاتن كوشتن.
ئه‌ڤرۆ نیوز: ڤه‌ده‌ر ره‌شاڤایی:
سیناتۆرێ ئه‌مریكی و به‌ربژێرێ پێشبینیكری بۆ هه‌لبژارتنێن سه‌رۆكاتییا ئه‌مریكا ل سالا 2016 ێ دبێژیت : دڤێت چه‌ك ب شێوه‌كێ راسته‌وخۆ ب هه‌رێما كوردستانێ بهێته دان و پێدڤیه كوردان ده‌وله‌تا خوه هه‌بیت.
سیناتۆر راند پاول د هه‌ڤپه‌یڤینه‌كێ دا گۆت: ده‌مێ هاتی كوردان ده‌وله‌تا خوه هه‌بیت بۆ ڤێ یه‌كێ دڤێت ئه‌مریكا پێداچوونێ د سیاسه‌تا خوه دا بكه‌ت كو هه‌تا نها دژی وێ یه‌كێ یه هه‌رێما كوردستانێ ببیته ده‌وله‌ته‌كا سه‌ربخوه.
ناڤهاتی گۆت: هه‌كه‌ر ب من بیت دێ سنوره‌كێ نوو بۆ كوردستانا ئیراقێ كێشم و ده‌وله‌ته‌كا سه‌ربخوه بۆ مسوگه‌ر كه‌م.
هه‌روه‌سا پاول وه‌سا دیاركر كو چه‌ك برێیا به‌غدا را بۆ هه‌رێمێ دچیت له‌ورا یا پێدڤی ناگه‌هیته ده‌ستێ وان، هه‌ر چه‌ك و ته‌قه‌مه‌نیه‌كا ژ هه‌ر جهه‌كی بۆ هه‌رێما كوردستانێ دچیت دڤیتَ راسته‌وخۆ بۆ هه‌ولێرێ بهێته هنارتن.
ئه‌ڤرۆ نيوز:
سۆپايێ عيراقێ راگه‌هاند كو نوكه ئه‌و و حه‌شه‌د شه‌عبى ل سه‌نته‌رێ باژێرێ تكريت شه‌رێ كۆلان ب كۆلان دكه‌ن و ل حه‌وێچه ده‌نگۆيێ وێ چه‌ندێ يێ هه‌يى كو ژ ترسا پێشمه‌رگه‌يى داعش ئه‌و ده‌ڤه‌ر چۆل كربيت.
ژێده‌رێن سه‌ربازى رادگه‌هينن كو هێزێن له‌شكرێ عيراقى و حه‌شه‌د شه‌عبى نوكه شه‌رێ كۆلان و جادا ل گه‌ل چه‌كدارێن داعش دكه‌ن كو ئه‌و نێزيكى ده‌ڤه‌را قادسيه و نه‌خۆشخانا له‌شكرى بووينه و ل ناڤه‌ندا سه‌نته‌رێ باژێرى ژى ناڤه‌ندێن خوه داناينه.
ژ لايه‌كێ دى ڤه ژێده‌رێن له‌شكرى رادگه‌هينن كو ژ ترسا هێرشا هێزێن پێشمه‌رگێ كوردستانێ ل ميحوه‌رێ كه‌ركووك نوكه چه‌كدارێن داعش باژێرێ حه‌وێچه بجهـ هێلايه.
ئه‌ڤرۆ نيوز:
وه‌زيرێ دارايى يێ عيراقێ د سێيه‌مين ديدارا سلێمانيێ دا كو سه‌باره‌ت كێشێن د ناڤبه‌را هه‌ولێر و به‌غدا هاتيه سازكرن، ئه‌ڤرۆ راگه‌هاند ئه‌گه‌ر حوكمه‌تا عيراقێ پاران نه‌هنێريت، ل به‌غدا نامينيت و دێ ڤه‌گه‌ريته هه‌ولێرێ.
هشيار زێبارى وه‌زيرێ دارايى يێ عيراقێ راگه‌هاند: ژێده‌رێ سه‌ره‌كى يێ داهاتێ عيراقێ هنارتنا نه‌فتێ يه، دڤێت ژێده‌رێن داهاتێ مه د هه‌مه‌جور بن و ب تنێ پشت ب نه‌فتێ گرێنه‌ده‌ين.
هشيار زێبارى وه‌زيرێ دارايى يێ عيراقێ ديسا راگه‌هاند: حكومه‌تا هه‌رێما كوردستانێ هه‌موو ده‌مه‌كێ داخوازا 17% ژ بودجه‌ى دكه‌ت، ئه‌گه‌ر حوكمه‌تا عيراقێ پاره‌ى بۆ هه‌رێمێ نه‌هنێريت، ل به‌غدا نامينم و دێ ڤه‌گه‌رمه هه‌ولێرێ.
نيشاندان