ئه‌ڤرۆ نیوز:
به‌رپرسه‌كێ بلند یێ حوكمه‌تا عیراقێ ئاشكرا كر كو حه‌یده‌ر عه‌بادى سه‌رۆك وه‌زیرێن عیراقێ بریاره حه‌فتیا بهێت سه‌را ئه‌مریكا بده‌ت و داخوازێ ژ باراك ئوباما بكه‌ت كو فرۆكێن بێ فرۆكه‌ڤان و چه‌كێ ئه‌مریكى ب بهایێ ملیاره‌ها دولاران بۆ عیراقێ دابین بكه‌ن.
به‌رپرسێ عیراقى كو ناڤێ خوه ئاشكرانه‌كریه دیاركریه ژى كو دێ عه‌بادى ژ واشنتون خوازیت كو قه‌رێن پارێ وان چه‌كێن دێ ده‌ته عیراقێ، پاشبێخیت، هه‌تا كو عیراق د ده‌مه‌كێ گونجایى دا، پارێ وان لێ ڤه‌دگه‌رینیت.
ئه‌ڤرۆ نيوز:
ژێده‌ره‌كێ به‌رپرس ژ وه‌زاره‌تا دارايى و ئابوورى بۆ باسنيوز دياركرهيه برياره سبه، وه‌زاره‌تا دارايى ده‌ست ب به‌لاڤكرنا مووچێ هه‌يڤا 2 بكه‌ت و وه‌زاره‌تا پێشمه‌رگه‌ى دێ مووچه‌ى وه‌رگرن.
ژ ئاليێ خوه‌ڤه بێستون فايه‌ق په‌رله‌مانتارێ گۆران ل په‌رله‌مانێ كوردستانێ راگه‌هاند كو ئه‌و ل گه‌ل وه‌زاره‌تا دارايى يێ ئاحفتى و سوبه دێ ده‌ست ب به‌لاڤكرنا مووچێ هه‌يڤا 2 هێته كرن و دڤێ حه‌فتيێ دا پرانيا وه‌زاره‌تان دێ مووچێ هه‌يڤا دو وه‌رگرن.
رۆژا پێنجشه‌مبيا چوويى، به‌غدا كوژمێ 527 مليار دينار وه‌ك پشكه‌ك ژ بودجێ هه‌يڤا 3 بۆ حوكمه‌تا هه‌رێما كوردستانێ هنارت.
ئه‌ڤرۆ نيوز:
نڤيسينگه‌ها سه‌رۆكێ په‌رله‌مانێ عيراقێ ئه‌و ده‌نگوباسه ره‌تكرن كو حوكمه‌تا عيراقێ ب ژڤان بيت مووچێ فه‌رمانبه‌ران كێم بكه‌ت و ئاماژه ب وێ يه‌كێ كريه كو ئه‌و داخويانيا ل سه‌ر زارێ سه‌رۆكێ په‌رله‌مانێ عيراقێ به‌لاڤبووى، وه‌سا نينه.
نڤيسينگه‌ها سه‌ليم جبورى سه‌رۆكێ په‌رله‌مانێ عيراقێ ئاماژه ب وێ يه‌كێ كريه كو په‌رله‌مانێ عيراقێ په‌يوه‌ندى ب پرسا مووچه‌ى ڤه نينه و ب تنێ چاڤدێريێ دكه‌ت و ئاماژه ب وێ ئاخافتنه‌كا به‌رىێ يا سه‌رۆكێ په‌رله‌مانى كريه كو : مووچێ فه‌رمانبه‌ران هێلا سووره و ب چ شێوه‌كێ نابيت ده‌ستكارى تێدا بهێته كرن.
ئه‌ڤرۆ نيوز:
گرۆپه‌كێ چه‌كدارێن باژێرێ عه‌ده‌ن ل باشوورێ يه‌مه‌ن، د شه‌رو پێكدادانه‌كێ ل گه‌ل چه‌كدارێن حوسى، دو فه‌رماندێن سوپايێ پاسدارێن ئيرانێ ب ديل گرتن.
ل گۆر ده‌نگوباسه‌كێ ئلژلنسا رويته‌رز چه‌كدارێن سه‌ر ب عه‌بد مه‌نسور هادى راگه‌هاندينه كو رۆژا ئه‌ينى وان دو به‌رپرسێن سه‌ربازى ييێن ئيرانى ب ديل گرتينه.
دئه‌ڤرۆ نیوز: ڤه‌ده‌ر ره‌شاڤایی:
سه‌رۆكێ ئاژانسا رویته‌رز ل به‌غدا پشتی گه‌فێن كوشتنێ لسه‌ر تورا جڤاكییا فه‌یسبۆكی لێ هاتیه كرن لسه‌ر بابه‌ته‌كێ وێ ئاژانسێ، ئیراق بجه هێلا و ره‌ڤی.
رۆژنامه‌ڤان نێد پاركه‌ر كو سه‌رۆكێ نڤیسینگه‌ها ئاژانسا نێڤده‌وله‌تیا رویته‌رزه كه‌فته لبن گه‌فێن په‌یجه‌كێ فه‌یسبۆكی و كه‌ناله‌كێ ته‌له‌ڤزیۆنی یێ ملیشیاێن شیعه، ئه‌گه‌ر ژی بۆ وێ یه‌كی ڤه‌دگه‌رن كو رویته‌رز بابه‌ته‌ك لسه‌ر تالانكرن و ده‌ستدرێژیێن چه‌ند میلیشیایێن شیعه ل تكریت به‌لاڤكربوو كو تێدا راستی ب به‌لگه‌ڤه ئاشكراكربوون.
چه‌ندین فه‌رماندێن ملیشیاێن شیعه داخازكربوو پاركه‌ر ژ ئیراقێ بهێته ده‌رێخستن هه‌تا هنده‌كان گۆتبوو دڤێت بهێته بێده‌نگكرن برێیا كوشتنێ.
ئه‌ڤرۆ نیوز: ڤه‌ده‌ر ره‌شاڤایی:
رێكخستیا تیرۆرییا داعش 1500 چه‌كدارێن خوه ب ئاشكرایی ژ مووسل دهنێریته پارێزگه‌ها ئه‌نبار بێ كو فرۆكێن هه‌ڤپه‌یمانییا دژی داعش وان بكه‌ته ئارمانج.
فه‌رمانده‌یێ هێزا سه‌حوه ل ره‌مادی عاشور حه‌مه‌دی بۆ ده‌زگه‌هێن میدیایی خویاكر كو 1500 چه‌كدارێن داعش ژ مووسل برێیا كاروانێن سه‌ربازی هاتینه ناڤ پارێزگه‌ها ئه‌نبار دا، هه‌رچه‌نده بزاڤا ڤی كاروانی دهاته چاڤدێری كرن ژ ئالیێ هێزێن هه‌ڤپه‌یمانان، چونكی ببه‌رده‌وامی ئه‌و ده‌ڤه‌ر دبن چاڤدێریێ دایه، لێ هێزێن ئاسمانیێن هه‌ڤپه‌یمانان چ هێرش نه‌كرنه سه‌ر و ئه‌و كاروان نه‌كرینه ئارمانج.
ئه‌ڤرۆ نیۆز، قائید میرۆ
ئه‌ندامه‌كێ جڤاتا سه‌ركردایه‌تیا پارتی ته‌كه‌ست كر، د كۆمبوونا جڤاتا سه‌ركردایه‌تی دا كو ل رۆژێن داهاتی دێ هێته سازكرن، پارتی دێ هه‌لویستێ خوه یێ دوماهیێ ل دور دستووری و پۆستێ سه‌رۆكێ هه‌رێمێ ئه‌شكرا كه‌ت.
ئه‌حمه‌د كانی، ئه‌ندامێ جڤاتا سه‌ركردایه‌تیا پارتی دیموكراتی كوردستان د داخویانیه‌كێ دا بۆ ئه‌ڤرۆ نیۆز راگه‌هاند” كۆمبوونا داهاتیا جڤاتا سه‌ركردایه‌تیا پارتی تنێ ل دۆر دستوورێ هه‌رێما كوردستانێ نینه، به‌لكۆ كۆمبوونا ئاسایيا سه‌ركردایه‌تیا پارتیه، به‌لێ دێ مژارا سه‌ره‌كیا كۆمبوونێ پرسا دستووری و ویلایه‌تا سه‌رۆكێ هه‌رێما كوردستانێ بیت.
ل دۆر بۆچوونا پارتی لسه‌ر هه‌لبژارتنا سه‌رۆكێ هه‌رێمێ، كانی گۆت” جارێ نه‌شێم بۆچوونا پارتی بێژم، هه‌تا كۆمبوون نه‌هێته گرێدان و دێ سه‌ركردایه‌تی ئێكلا بكه‌ت كو ئایا پارتی دێ رازیبیت سه‌رۆك ل په‌رله‌مانی بهێته هه‌لبژارتن یانژی دناڤا خه‌لكی دا بهێته هه‌لبژارتن.
ئه‌ڤرۆ نیوز:
سه‌رۆكێ هه‌رێما كوردستانێ راگه‌هاند: هێزێن پێشمه‌رگێ كوردستانێ یێن شیاین د ماوه‌كێ كێم دا، تیرورستان بشكێننى و 20 هزار كیلومترێن چوار گوشه ژ ده‌ستێ تیرورستان رزگار بكه‌ن.
مه‌سعود بارزانی سه‌رۆكێ هه‌رێما كوردستانێ ئه‌ڤرۆ پێشوازى ل ماركوس گروبل وه‌زیرێ به‌ره‌ڤانیا ئه‌لمانیا و شانده‌كێ د گه‌ل دا كر، شاندێ مێهڤان په‌سنا رۆل و قوربانیدانا هێزا پێشمه‌رگێ كوردستانێ كر د روى ب روى بوونا تیروستان دا و پشته‌ڤانیا به‌رده‌وامبوونا وه‌لاتێ ئه‌لمانیا د هاریكاریكرنا پێشمه‌رگه‌ى دا دووپاتكر.
به‌رى ده‌مه‌كێ كێم فرۆكێن شه‌ركه‌رێن هه‌ڤپه‌يمانان ل ميحوه‌رێ ناوه‌ران باره‌گا و جهێن چه‌كدارێن داعش تۆپباران كرن.
ب گۆره‌يى ئه‌و زانيارێن ب ده‌ست ئه‌ڤرۆ نيوز كه‌فتين ل ميحوه‌رێ ناوه‌ران ئه‌و جهێ فرۆكێن شه‌ركه‌رێن هه‌ڤه‌يمانان تۆپبارانكرين، ئه‌و جهـ بوون يێن قه‌ناس ب ده‌ستێن داعش تێدا د ئاكنجى.
ئه‌ڤرۆ نيوز:
ل سه‌ر داخۆيانيا سه‌عدى ئه‌حمه‌د پيره ئه‌ندامێ مه‌كته‌با سياسيا ئێكه‌تى نشتيمانى كوردستان كو به‌حس ل وێ چه‌ندێ كربوو كو ل ناڤ پارتى ديموكراتى كوردستان چه‌كدار و رێكخستنێن سه‌ر ب حه‌شه‌د شه‌عبى ڤه هه‌نه، ئاخفتنكه‌رێ فه‌رميێ سه‌رۆكاتيا هه‌رێما كوردستانێ هاته ده‌نگ و داخۆيانيه‌كا نڤيسكى به‌لاڤكر.
د ڤێ نڤيساره‌كێ دا يا ئه‌ڤرۆ نيوز دانه‌ك ب ده‌ست خوه خستى ئاماژه ب وێ چه‌ندێ كريه كو هه‌كه سه‌عدى ئه‌حمه‌د پيره پێزانينێن دروست و به‌لگه ل سه‌ر وان كه‌سێن ل سه‌ر ئه‌ردێ كوردستانێ هێزا حه‌شه‌د شه‌عبى دروستكرى هه‌بن، بلا پێشكێشى ده‌زگه‌هێن په‌يوه‌نديدار بكه‌ت دا كو پێرابوون بهێنه وه‌رگرتن.
ده‌قێ روونكرنا سه‌رۆكاتيا هه‌رێما كوردستانێ:
پشتی وێ یەکێ کو داخویانیا برێز سەعدی ئەھمەد پیرە ئەندامێ مەکتەبا سیاسی ل چەند دەزگەھەکی راگھاندنێ ھاتە بەلاڤ کرن کو قاشۆ ل ناڤ پارتیا دەمۆکراتا کوردستانێ دا چەکدار و رێخستنێن سەر ب ھەشدی شەعبی ھەیە. داخواز ل ڤی برێزی دکن کو ئەگەر زانیاریێن دروست و بەلگەیا خوەیا د دەربارێ وان کەسان دە ھەیە کو ب دروستکرنا ھێزا سەر ب ھەشدی شەعبی ل ناڤ ئاخا کوردستانێ رابوونە، ئێدی چ ل ناڤ پارتی (پدک) بێ یان ھەر ھزبەکی دین، بلا بدە دەزگەھێن پەیوەندیدار بۆ کو ئیجرااتا پێویست ل گەل وان دا بێ کرن.
د. ئومێد سەباح
پەیڤدارێ فەرمییێ سەرۆکایەتیا ھەرێما کوردستانێ
١١-٠٤-٢٠١٥
نيشاندان