زاخۆ:
خواندنا دویێ یا پرۆژێ پارێزگەھبوونا زاخۆ ئەڤرۆ دێ ل پەرلەمانێ کوردستانێ ھێتە ئەنجامدان، ئەندامەکێ لیژنا پارێزگەە و ھەرێمان ل جڤاتا نوونەرێن عیراقێ ژی دبێژیت ھەتا نوکە حوکمەتا ھەرێمێ چو داخوازی بۆ پارێزگەھبوونا زاخۆ ئاراستەی حوکمەتا عیراقێ نەکرینە ، قایمەقامێ زاخۆ ژی دبێژیت پشتی کومبوونا وان ل گەل جڤاتا وەزیران، چو دەستھەلاتێن زێدەتر ب دامودەزگەھێن دەڤەرێ نەھاتیە دان.
عەلی ھالۆ ئەندامێ پەرلەمانێ کوردستانێ ل سەر لیستا پارتی دیموکراتی کوردستان ژ زاخۆ بۆ (ئەڤرۆ) گوت” وەکو بزاڤا ئێکێ مە داخوازا خواندنا دویێ یا پرۆژێ پارێزگەھبوونا زاخۆ کریە، بزاڤەکا دی ژی نوکە ئیمزایێن نێزیکی ١٠٠ پەرلەمانتاران بۆ ھەمان مەرەم دھێنە بەرھەڤکرن و ھەتا نوکە مە ئیمزایێن ٤٠ پەرلەمانتاران یێن کومکرین، لێ ھەکە ئەو ژی سەرنەگرت، دێ پەنایێ بەینە شێوازێن مەدەنی ب رێیا رێکخراوێن مەدەنی و وەلاتیان”.
شرین عەبدولرەحمان ئەنداما لیژنا پارێزگەە و ھەرێمان ل جڤاتا نوونەرێن عیراقێ ل سەر لیستا پارتی بۆ ئەڤرۆ گوت” حوکمەتا ھەرێمێ چو نڤیسار نەداینە جڤاتا نوونەرێن عیراقێ ل دۆر ڤی بابەتی، ھەتاکو کاری ل سەر بکەین”.
ژلایێ خوە ڤە خەلیل مەحموود قایمقامێ قەزا زاخۆ دیارکر” دووماھی کومبوونا مە ل گەل جڤاتا وەزیران ل ھەرێما کوردستانێ پشتی بریار دەرکەفتی دوێ کومبوونێ دا دۆپاتی ھاتبوو کرن کو دامودەزگەھێن حوکمەتێ ل زاخۆ ببنە رێڤەبەری و د ھەمان دەم دا لیژنەیەک بھێتە دروستکرن بۆ چەوانیا ب رێڤەبرنا وان رێڤەبەریان” زێدەتر گوت” دیارە ھەتا نوکە چو قانوون پێ دەرنەکەفتینە، لەوما ھەتا نوکە سەرەدەری ل گەل مە دھێتە کرن وەکو قەزا”.
پەرلەمانتار عەلی ھالۆ ئەگەرێ گیرۆبوونا خواندنا دویێ یا پرۆژێ پارێزگەھبوونا زاخۆ بۆ ھەبوونا خواندنا گەلەک پرۆژە قانوونان ڤەدگەرینیت، ھەکە بزانین کێمتر خەمی ھەبیت دوێ گیرۆبوونێ دا، دێ رێکارێن قانوونی گرینە بەر ھەتا کو بکارین دەرباز بکەین و گۆت” مە ٤٠ ئیمزایێن پەرلەمانتاران یێن کومکرین بۆ خواندنا دویێ یا پرۆژەی”.
عەلی ھالۆی تەکەز ژی کر کو پشتی ھەلەبجە، زاخۆ باژێرێ ئێکێ یە ببیتە ئیدارەیا سەربخوە و کۆیە و کەلار ژی ڤێ داخوازیێ دکەن، لێ ژبەر کو ھەتا نوکە چو باژێر وەکی زاخۆ د بەرھەڤ نینن بۆ ڤێ چەندێ ب ئەرد و ستراتیژی و رووبەر ڤە ، ئیدارەکرنا وێ دێ بیتە پالپشت بۆ دەڤەرێن دی”
خویاکر ژی” سنۆربوونا زاخۆ ل گەل دو وەلاتان نابیتە رێگر و چو رێگریێن قانوونی و جۆگرافی نینن، ھەموو مەرج ژی ل خواندنا ئێکێ یێن دەربازکرین”.
شرین عەبدولرەحمان دبێژیت” ھەکە حوکمەتا ھەرێمێ و سەرۆکێ حوکمەتێ د پشتەڤان بن و مینا ھەلەبجە کار ل سەر بھێتە کرن، دێ مینیت فشارێ دروست بکەین، ھەتا کو دانپێدان پێ دھێتە کرن”.
نووترين نووچه
- وەزارەتا دارایی بەرسڤا سەردابرنێن پەرلەمانتارەكێ ئێكەتیێ ل دۆر لیستا مووچەی ددەت
- رێباز حەملان: مە پەیاما سەرۆكێ حوكمەتا هەرێمێ ل دۆر مووچەیێ فەرمانبەرێن هەرێمێ گەهاندە سۆدانی
- پێشبینییا چەندین سیناریۆیان ل رۆژهەلاتا ناڤین دهێتە كرن كو ئیراقێ ژی دێ ڤەگرن
- نێچیرڤان بارزانی خواستا هەرێما كوردستانێ بۆ پێشڤەبرنا پەیوەندیان ل گەل هندستانێ دوپاتكر
- ل ئەینییا بهێت شاندێ هەڤپشكێ وەزارەتا داراییا ئیراقێ و هەرێمێ دێ كۆمبن
- ل ئیراقێ فیدرالی نەهاتییە بجهئینان
- فەوزی هەریری: تێكگەهشتنەكا باش بۆ پێكئینانا كابینەیا دەهێ هەیە
- ئەڤرۆ شاندێ تەكنیكیێ پارتی و ئێكەتی ل دۆر پێكئینانا كابینەیا نوو یا حوكمەتێ دێ كۆمبن
- دێ ل گەل ئەنەکەسێ دەست ب دانوستاندنان کەین
- پشكداریا مەسرور بارزانی ل كۆڕبەندێ ئابووریێ جیهانی دێ رەنگڤەدانا ئابووری و دیپلۆماسی ل سەر هەرێمێ هەبیت
سهرهكى نوچێن گرنگ
راوێژكارێ سه‌رۆكى، داخاز دكه‌ت ئیران و عیراق ببنه ئێك
ئه‌ڤرۆ نیوز:
عه‌لى یونسى راوێژكارێ تایبه‌تێ سه‌رۆك كومارێ ئیرانێ بۆ كاروبارێن گه‌لان و كێم ئاینان راگه‌هاند كو نوكه عیراق نه ب تنێ ل ژێر كاریگه‌ریا شارستانیا مه‌دایه، به‌لكو شوناس و ره‌وشه‌نبیرى، ناڤه‌ند و پایته‌ختا مه‌یه و ئه‌ڤ چه‌نده د كه‌ڤندا و نوكه ژى هه‌ر ب ڤى ره‌نگى بوویه.
ل دووڤ ده‌نگوباسه‌كێ ئاژانسا ئیسنا یا ئیرانى عه‌لى یونسى ئه‌ڤرۆ د گۆنگرێ شوناسا ئیرانى دا راگه‌هاندیه: جوگرافیا ئیران و عیراقێ ژ ئێك و دو ناهێنه جوداكرن و ره‌وه‌شنبیریا مه‌ژى ناهێته جوداكرن، ئانكو دڤێت ئه‌م پێكڤه شه‌رى بكه‌ین، یان ببین ب ئێك.
داعشه‌كێ لیبى دبیته والیێ مووسل
ئه‌ڤرو نیوز،بارزان مزوورى
ژێده‌ره‌ك ژ رێكخراوا چه‌كدارێن ئازاد ناڤ باژێرێ مووسل بو ئه‌ڤرو نیوز ئاشكرا كر كو پشتى كوشتنا به‌رپرس و والیێن داعش ل گه‌له‌ك قه‌زا و ناحیێن سه‌ر ب پارێزگه‌ها مووسل ڤه ئه‌ڤرۆ 3/8 چه‌كدارێن تیرورستێن داعش والیه‌ك بناڤێ ده‌روێش بابا یێ ره‌گه‌ز لیبى كره والیێ مووسل و ئه‌شره‌ف حه‌سه‌ن العفرى كره به‌رپرسێ ئه‌منى یێ قه‌زا ته‌له‌عفه‌ر و موهه‌یمه‌ن الباز یێ ره‌گه‌ز ئه‌ڤغانى كره به‌رپرسێ ئه‌منى ناحیا گه‌یارا و كاتع سلمان یێ ره‌گه‌ز سورى كره به‌رپرسێ عه‌سكه‌رى بو ده‌ڤه‌را به‌عاج .
ڤیان ده‌خیل ل دۆر خه‌لاتكرنا خوه بۆ ئه‌ڤرۆ نیوز دئاخڤیت
ئه‌ڤرو نیوز ،بارزان مزوورى
ئه‌نداما په‌رله‌مانێ عێراقێ، ڤیان ده‌خیل، بو ئه‌ڤرو نیوز دیار كر كو پێخوش حال بوو كو رێكخراوێن جیهانى ئه‌ڤ ساله ئه‌و هه‌لبژارت وه‌ك ئێك ژ وان ئافره‌تێن چالاك د بوارێ پاراستا ئافره‌تێ دا ل سه‌رتاسه‌رێ رێكخروارێن بیانى و جیهانى كو خه‌لاتێ سالانه‌یه ژلایێ ناتالى لوسكولوت لندن دهێته دان.
ناڤبریێ دیار كر كو ئه‌ڤ خه‌لاته سالانه ژلایێ ناتالى لوسكولوت لندن دهێته دان ب وان كه‌سان ئه‌وێن هاریكاریا ژنێ و كچان دكه‌ت ل جیهانێ و خو ل ئافره‌تێ دكه‌نه خودان ژ هه‌ر كریاره‌كا تیرورستى و گۆت: ئه‌ڤ ساله ژى هه‌لسه‌نگاندن هاتبو ئه‌نجامدان دا ژلایێ رێكخرواێن جیهانى ڤه یێن نه‌حكومى كو ئه‌ز ئێك ژوان ژنا هاتیمه هه‌لبژارتن كو ب رێكا پاراستنا ژنێن ئیزدیا توشى رویدانه‌كێ بویم ل چیایێ شه‌نگال ، ئه‌ڤ خه‌لاته یێ هه‌شتێ یه كو ئه‌ڤه هه‌شت ساله ئه‌ڤ خه‌لاته دهێته پارڤه‌كرن ل سه‌ر وان كه‌سێن به‌ره‌ڤانى ل ژنێ و كچێ دكه‌ن.
ئه‌ڤ خه‌لاته دووماهیا سالا بوورى هاتبوو راگه‌هاندن كو ب ڤیان ده‌خیل بهێته دان، به‌لێ ژبه‌ر برینداربوونا ڤیان ده‌خیلێ نه‌شیابوو به‌رهه‌ڤى وه‌رگرتنا خه‌لاتێ وه‌ربگریت و ئه‌ڤرۆ ئه‌و خه‌لات وه‌رگرت.
هه‌تا نوكه چ پلانه‌كا دياركرى بۆ ئازادكرنا مووسل نينه
ئه‌ڤرۆ نيوز:
جه‌بار یاوه‌ر ئه‌ميندارێ گشتى يێ وه‌زاره‌تا پێشمه‌رگه‌ى راگه‌هاند كو هه‌تا نوكه چ به‌رهه‌ڤييێن تمام و پلانه‌كا دياركرى بۆ چاوانيا ده‌ستپێكرنا شه‌رێ ئازادكرنا مووسل و گۆت: ئه‌گه‌ر حوكمه‌تا عيراقێ د پروسا سه‌ربازى يا بۆ سه‌ر تكريتى ئه‌نجامداى، بشێت هوێ پارێزگه‌هێ رزگار كه‌ت، دێ ل ڤى ده‌مى پێنگاڤه‌كا گرنگ بيت بۆ رزگاركرنا مووسل.
جه‌بار یاوه‌ر سه‌باره‌ت پشكداريا پێشمه‌رگه‌ى د پروسا ئازادكرنا مووسل دا گۆت: ئه‌گه‌ر ره‌وش يا باش بيت و پلانه‌گا گونجايى هه‌بيت، ل وى ده‌مى دێ هه‌ماهه‌نگى ل گه‌ل حوكمه‌تا عيراقێ و حوكمه‌تا هه‌رێمێ و هه‌ڤپه‌يمانان هه‌بيت و به‌رژه‌وه‌ندا بلندا هه‌رێمێ د رزگاركرنا مووسل دا هه‌يه. *
كه‌ركوك كه‌فته د ئاماده‌باشيێ دا
ئه‌ڤرۆ نيوز، چه‌كدار ئه‌ترووشى
ژێده‌ره‌كێ ئاگه‌هدار يێ ئێمناهيێ ل كه‌ركووكێ بۆ ئه‌ڤرۆ نيوز دياركر هێزێن ئێمناهيێ ل پارێزگه‌ها كه‌ركووكێ ژبه‌ر ئه‌گه‌ره‌كێ نه‌ديار كه‌فتينه د ئاماده‌باشيێ دا و هه‌تا نوكه ئه‌گه‌رێن ڤێ ئاماده‌باشيێ نه‌هاتيه زانين.
هه‌مان ژێده‌ر دياركر كو ئه‌و هێزێن د بهێنڤه‌دانێ دا، هه‌موو ڤه‌گه‌ريانه سه‌ر ئه‌ركێن خوه، ديسان هێزێن پێشمه‌رگه‌ى ل ميحوه‌رێ كه‌ركوكێ كه‌فتينه د ئاماده‌باشيا توند دا.
وه‌زاره‌تا پێشمه‌رگه‌ى دێ ڤه‌كولینێ ل كوشتنا راوێژكارێ كه‌نه‌دى كه‌ت
ئه‌ڤرۆ نیوز:
وه‌زاره‌تا پێشمه‌رگه‌ى یا حوكمه‌تا هه‌رێما كوردستانێ سه‌باره‌ت كوشتنا راوێژكارى كه‌نه‌دى راگه‌هاندنه‌ك به‌لاڤكریه كو تێدا هاتیه: كوشتنا راوێژكارێ كه‌نه‌دى بێ ده‌ستى بوویه.
د راگه‌هاندنا وه‌زاره‌تا پێشمه‌رگه‌ى دا ئاماژه ب وێ یه‌كێ هاتیه كرن كو وه‌لاتێ كه‌نه‌دا ب گه‌ل و حوكمه‌ت و سوپایێ خوه‌ڤه، د ئێكه‌م رۆژا هێرشا چه‌كدارێن داعش دا، ب هه‌موو شیانێن خوه‌ڤه پشته‌ڤانیا كوردان كریه.
راگه‌هاندنا وه‌زاره‌تا پێشمه‌رگه‌ى ئاماژه ب وێ یه‌كێ ژى كریه كوبریار هاتیه دان بله‌ز ڤه‌كولین ل ئه‌گه‌رێ روودانێ بهێته كرن.
ئێکەتی: پارتی پشکداریا مە د ئیدارا ھەولێر دا گیرۆ کریە
ئەڤرۆ نیۆز، قائید میرۆ:
ئەندامەکا ئێکەتیێ ل جڤاتا پارێزگەھا ھەولێرێ دیارکر، د گەل پارتی رێکەڤتینە، بەلێ ژ بەر رێکەفتنا ئێکەتیێ و گۆڕان ل سلێمانیێ پارتی پشکداریا وان ل ھەولێرێ گیرۆ کریە.
ژینۆ محه‌مه‌د، ئەنداما فڕاکسۆنا ئێکەتیێ ل جڤاتا پارێزگەھا ھەولێرێ بۆ ئەڤرۆ نیۆز راگەھاند” د گەل پارتی دیموکراتی کوردستان گەھشتنە رێکەڤتناما دووماھیێ بۆ پشکداریکرن د حوکمەتا ناڤخۆیا ھەولێرێ دا، تنێ مایە ئەف رێکەفتنه بھێتە ئیمزاکرن و بجهئینان”.
ژینۆیێ گۆتژی: “بڕیار بوو بەری ماوەکی رێکەفتن بھێتە ئیمزاکرن و بجهئینان، بەلێ پشتی ئێکەتی و بزاڤا گۆڕان ل سلێمانیێ رێکەفتین، پارتی پشکداریا مە گیرۆ کریە و ھیڤیدارین لەز بھێتەکرن ل ئیمزاکرنا رێکەڤتنێ و چو ئاریشە تێدا نەماینە”.
حزبێن ئیسلامی ل کوردستانێ فەتوا و تەعليماتا ژ دەرڤە وەردگرن
ئەڤرۆ نیۆز ،سالار دۆسکی:
رێڤەبەرێ پەیوەندی و راگەھاندنێ ل وەزارەتا ئەوقافێ، مەریوان نەقشەبەندی، بۆ ئەڤرۆ نیۆز گۆت: “نەبوونا ئێک مەرجەعێ ئیسلامی ل کوردستانێ ھۆکار بۆ حزبا ئیسلامی دزڤریت، ئێکەتیا زانایان وەزارەتا ئەوقافێ ب مەرجەعێ خوە نابینن، جھێ ڤێ چەندێ ھەر ئێکێ ب خوە رێکخراوەکا زانایان یا ئیسلامی یا (سیبەر) یان د ناف حزبێن خوە دامەزراندینە و فەتوا و تەعليماتا ژ دەرڤەی کوردستانێ وەردگرن”.
هنده‌ك كه‌س ل كوردستانێ كو سه‌ر ب لايه‌نێن ئيسلامى نه، ره‌خنه‌يا وێ چه‌ندێ ل وه‌زاره‌تێ دگرن كو ئێكه‌تيا زانايان و وه‌زاره‌تا ئه‌وقافێ نه‌بووينه مه‌رج، نه‌قشه‌به‌ندى د به‌رسڤا وان دا گۆت: “هه‌ر حزبه‌كا ئيسلامى بۆ خوه مه‌رجه‌عه‌ك دروست كريه و كريه ژێده‌ر، پێگريێ ب رێنمايێن وه‌زاره‌تێ و ئێكه‌تيا زانايان ناكه‌ن”.
بارزانى: قه‌ردارێن ئافره‌تانين
ئه‌ڤرۆ نيوز:
مه‌سعود بارزانى سه‌رۆكێ هه‌رێما كوردستانێ راگه‌هاند كو ب درێژاهيا مێژوويا خه‌باتا گه‌لێ كورد، به‌هرا ئافره‌تان ئازار و نه‌حۆشى و خۆراگرى بوويه و دبێژيت: “ئه‌و رۆلێ ئافره‌تان د ژيان و خه‌باتا گه‌له‌ك كوردستانێ دا ديتى، جهێ شانازيێ يه و ئه‌م هه‌موو قه‌ردارێن فيداكارى و خۆراگريا ئافره‌تێن كوردستانێ ينه”.
بارزانى د په‌يامه‌كێ دا ب هه‌لكه‌فتا 8ى مارس، رۆژا جيهانى يا ئافره‌تان، ئاماژه ب وێ چه‌ندێ كر كو د ده‌مه‌كى دا كو بيره‌وه‌ريا 8ى مارس يا دهێته كرن، گه‌لێ كورد يێ د شه‌ره‌كێ دژوار دا ل گه‌ل درنده‌ترين جورێ تيرۆرستان و دبێژيت: “د ڤى شه‌رێ زالمانه يێ ب سه‌ر گه‌لێ مه دا هاتيه سه‌پاندن، خووشكێن ئێزدى باجا ژنبوون و كوردبوون و ئێزدبوونا خوه دا و مه‌زنترين تاوان به‌رامبه‌ر هاته كرن”.
بارزانى ته‌كست كر كو ئافره‌تێن كوردستانێ نمونا خۆراگرى و فيداكاريا ئافره‌تێن جيهانێ نه و دبێژيت: “نمونا وه‌سان كو د ئێك رۆژ دا ته‌رمێ سێ كوڕێن خوه يێن شه‌هيد گرتنه باوه‌ش و وره‌يا پيلايى يا خوه ژ ده‌ست ناده‌ن و هێشتا ئاماده‌يى قوربانيدانێ نه”.
ده‌قێ په‌ياما سه‌رۆكێ هه‌رێما كوردستانێ ب هه‌لكه‌فتا 8ى مارس، رۆژا جيهانى يا ژنان:
ب ناڤێ خودێ مه‌زن و دلوڤان
ژنێن کوردستانێ میناکا خوەراگری و فەداکاریا ژنێن جیھانێ نە. میناکێن وھا کو ل یەک رۆژێ دا تەرمێ سێ زارۆک و گەدەیێن شەھید ھمبێز دگرن کو ئورە و مۆرالا خوە پۆلایینی ژ دەست نادن و ھێ ژی ئامادەیێ قوربانیدانێ نە، دیرۆکا تەڤگەرا رزگاریخوازا کوردستانێ ژی تژەیە ژ میناکا دایکێن شەھیدێن ب ڤی ئاوایی. ھەر ژ بۆ ڤێ یەکێ ئەو دلێری و قەھرەمانیا ل پێشمەرگە تێ دیتن نە سەیرە و نە دووری ل چاڤەرێکریە ژ بەر کو پەروەردەیا شیر و دەستێن وان دایکێن ئازا و مەزنانن. نھا ل دەمەک دا بیرانینا سالڤەگەرا ھەشتێ ئادارێ دکن کو گەلێ مە ل شەرەکی دژوار دایە ل گەل درندەترین جوورەیێ تەرۆریستان. ل ڤێ شەرێ زالمانەیا ل سەر گەلێ مە دا ھاتیە سەپاندن خوشکێن مەیێن ئێزیدی باجا ژنبوون و کوردبوون و ئێزیدیبوونێ دان و مەزنترین تاوان ل بەرانبەری وان ھاتە کرن. داییکێن مە شەھیدێن مەیێن قەھرەمانێن ئەزیز و خوەشدڤی ژ دەست دان. ل ڤێ شەرێ دا بەشەکی زێدەیێ ژنێن کوردستانێ تووشی دژواریا کۆچبەریێ بوون. ب درێژاھیا دیرۆکا خەباتا گەلێ مە بەشا ژنێن مە ئازار و دژواری و خوەراگری بوویە. ئەو رۆلا ژن ل ژیان و خەباتا گەلێ کوردستانێ دا دیتیە جھێ شانازیە و ئەم ھەموو قەرزدارێ فەداکاری و خوەراگریا ژنێن کوردستانێ نە. ئەرکێ سەر ملێ مە ھەموویانە بەرسیڤا مەزنا ئەرک و ماندووبوونا ژنێن کوردستانێ بدین و ماف و داخوازیێن وان بنپێ نەکین و رێز ل ئیرادەیا وان بگرین و کار ژ بۆ میسۆگەرکرنا وەکھەڤیا د ناڤبەرا ژن و زلاامان دە بکین. ب ھەلکەفتا رۆژا جیھانییا ژنان پیرۆزباھیێ ل ھەموو ژنێن کوردستان و جیھانێ دکم. پیرۆزباھیێ ل ژنێن کۆبانێ دکم کو ب دلێری و خوەراگریێ ل شەرێ تەرۆریستان دە ھەموو جیھانێ سەرسام کر. پیرۆزباھیێ رۆژا جیھانییا ژنان ل دایکێن شەھیدان و ژن و کەچ و خوشکێن شەھیدێن مەیێن سەربلند دکم و ھێڤیا شادیێ ژ بۆ وان دخوازم.
مسعود بارزانی
سەرۆكێ هەرێما كوردستانێ
8ـی 3ـی 2015
نيشاندان
WP Facebook Auto Publish Powered By : XYZScripts.com