ئه‌ڤرۆ، نیۆز سالار دۆسكى:
ئه‌ندامه‌كێ به‌رێ یێ په‌رله‌مانێ عیراقێ بۆ مالپه‌رێ ئه‌ڤرۆ نیۆز گۆت: شه‌رێ باژێرێ مووسل یێ گرنگ و دڤێت خشتێ كاركرنێ بهێته‌ پارڤه‌كرن دناڤبه‌را هێزێن پێشمه‌رگه‌ى و عیراقێ و هه‌ڤپه‌یمانان ڤه‌ و چه‌وا پشكداربن، دیسان درنده‌ى و بێزار بوونا خه‌لكێ مووسل دێ بیته‌ هۆكار كو داعش بشكێت، هه‌كه‌ داعش مووسل هاته‌ شكاندن دێ هه‌موو ده‌ڤه‌ران هێته‌ شكاندن چونكه‌ پایته‌ختێ داعش مووسله‌.
حه‌سه‌ن جیهاد، ئه‌ندامێ لژنا به‌رڤانیێ ل خولا بورى یا په‌رله‌مانێ عیراقێ هێشتا گۆت: شه‌رێ مووسل گه‌له‌ك ڤه‌ناكێشیت و ئه‌ڤ ساله‌ دێ داعش بدووماهى هێت، پێدڤى یه‌ دشه‌رێ مووسل دا ئه‌ركێ وه‌لاتێن هه‌ڤپه‌یمان ئه‌و بیت چاڤدێریكرنا سنوران بیت و دیسان زانیارى و وێنان بگه‌هینته‌ هێزێن كوردى و عیراقى.
هه‌مبه‌ر قوربانیێ ژى ناڤبرى گۆت: هه‌كه‌ شه‌رێ كولان كولان مووسل ده‌ست پێ بكه‌ت و ئه‌ڤ خه‌لكه‌ تێدا بیت دێ قوربانى هێته‌دان و دیسان ئه‌ڤه‌ دمینت ل سه‌ر شێوازێ شه‌ركرنێ ژى ژلایێ هه‌ڤپه‌یمانان ڤه‌.

ئه‌ڤرۆ نیوز،بارزان مزوورى
رێڤه‌به‌رێ گشتیێ راگه‌هاندن و ره‌وشه‌نبيريا وه‌زاره‌تا پێشمه‌رگه‌، هه‌لگورد حكمه‌ت ، بو ئه‌ڤرۆ نیوز دیار كر كو پێشمه‌رگه‌ لایه‌نێ جێ به‌جێ كاره‌ هه‌تا نها چ فه‌رمان بو به‌شداربوونا هێزێن پێشمه‌رگه‌ى د پروسه‌یا رزگاركرنا مووسل دا نه‌هاتینه‌ دان.

ناڤبرى دیار كر كۆ كێشه‌یا رزگاركرنا باژێرێ مووسل پێدڤیه‌ به‌رهه‌ڤیێن زێده‌تر بو بهێنه‌كرن و سوپایێ عێراقێ ژى پتر خو به‌رهه‌ڤ بكه‌ت و به‌رهه‌ڤیه‌ك تایبه‌ت ل سه‌ر ئاستێ ئاكنجیێن مووسل بهێته‌كرن، ئه‌و عه‌ره‌بێن سنه‌ په‌یوه‌ندى ل گه‌ل وان بێته‌كرن كو هاریكاربن دگه‌ل هێزێن به‌شدارى د پروسه‌یا رزگاركرنا مووسل دا دكه‌ن، چونكو گه‌له‌ك رێك و جه هه‌نه‌ پێدڤیه‌ به‌حس و به‌رهه‌ڤى بو بێته‌كرن پاش به‌حسێ ئازاد كرنا مووسل بهێته‌كرن .

ئه‌ڤرۆ نیۆز، قائید میرۆ
فه‌رمانده‌كێ پێشمه‌رگه‌ی ل میحوه‌رێ گوێر ئاشكرا كر، سپێده‌هیا ئه‌ڤرۆ داعش دخواست ته‌كتیكه‌كا نوو بكار بینیت و هێرشی بكه‌ته‌ سه‌ر هێزێن پێشمه‌رگه‌ی، به‌لێ ب د ژواری به‌رسڤا وان هاته‌ دان و هاتنه‌ شكاندن.
موقه‌ده‌م حسێن موكی، فه‌رماندێ پێشمه‌رگه‌ی ل میحوه‌رێ گوێڕ ب مالپه‌ڕێ ئه‌ڤرۆ نیۆز، راگه‌هاند:سپێدا ئه‌ڤرۆ تیرۆرستێن داعش ل گوندێ ته‌لڕیم هێرش كره‌ سه‌ر چه‌په‌رێن پێشمه‌رگه‌ی، ئه‌ڤه‌ژی وه‌كه‌ ده‌لیڤه‌ك كو سپێدێ هێرشێ بكه‌ن و وه‌سا هزركر پێشمه‌رگه‌ د هشیارنینه‌، به‌لێ پێشمه‌رگه‌ی ب دژواری به‌رسڤا داعش دا و شیان گورزه‌كا كوژه‌ك ل تیرۆرستان بده‌ن.
موقه‌ده‌م حسێن گۆت ژی” پشتی شه‌ڕه‌كێ دژوار داعش نه‌چاربوو پاشڤه‌ بچیت و ئه‌م دوڤدا چووینه‌ و ئه‌و خانیێن ناڤا گوندی داعش به‌ری نوكه‌ مفا لێ وه‌ر دگرت، ژلایێ پێشمه‌رگه‌یڤه‌ هاتنه‌ سووتن و ل گوره‌ی زانیاریێن مه‌ هژماره‌ك چه‌كدارێن داعش كوشتینه‌ بێی كو پێشمه‌رگه‌ چو زیان هه‌بن.

ئه‌ڤرۆ نيوز، ره‌وان نهێلى

حاكم سه‌رحان ئه‌ندامێ لژنا دارايى ل په‌رله‌مانێ عيراقێ بۆ ئه‌ڤرۆ نيوز دياركر برياره‌ سه‌رۆك فراكسيونێن كورد ل په‌رله‌مانێ عيراقێ ل گه‌ل حه‌يده‌ر عه‌بادى سه‌رۆك وه‌زيرێن عيراقێ كوم ببن و به‌حسێ رێككه‌فتنا ڤێ دووماهيا يا به‌غدا و هه‌رێمێ و پرسا هنارتنا بودجێ هه‌رێما كورستانێ ل گه‌ل بكه‌ن.

ل دووڤ پێزانينێن ئه‌ڤرۆ نيوز، برياره‌ ئه‌و كومبوونه‌ ئه‌ڤ شه‌ڤه‌ بهێته‌ سازكرن كو دێ يا تايبه‌ت بيت ب پرسا كێشێن د ناڤبه‌را هه‌رێم و به‌غدا، ب تايبه‌ت ئه‌و لێكتێنه‌گه‌هشتنا چێبووى و هه‌ولدان بۆ نێزيكرنا هه‌ردوئاليان.