ئه‌ڤرۆ نيوز:
ئه‌ڤرۆ ده‌مژمێر 1ى نيڤرۆ نێچيرڤان بارزانى سه‌رۆكێ حوكمه‌تا هه‌رێما كوردستانێ ل گه‌ل پاپا فرانسيس پاپايێ ڤاتيكانێ كۆمبوو.
په‌يامنێرێ روودا ل ڤاتيكانێ راگه‌هاند كۆمبوونا نێچيرڤان بارزانى و پاپا فرانسيس نيڤ ده‌مژمێرێ ڤه‌كێشا و يا دوقولى بوو.
ئاماژه ب وێ چه‌ندێ ژى كريه كو پشتى وێ ديدارێ نێچيرڤان بارزانى ل گه‌ل وه‌زيرێ ده‌رڤه يێ ڤاتيكانێ كۆمبوو.
رۆژا ئێكشه‌مبى 1\3\2015 نێچيرڤان بارزانى سه‌رۆكێ حوكمه‌تا هه‌رێما كوردستانێ ب سه‌رۆكاتيا شانده‌كى كو پێكهاتى بوون ژ قوباد ته‌له‌بانى جێگرێ سه‌رۆكێ حوكمه‌تا هه‌رێما كوردستانێ و كه‌مال موسلم وه‌زيرێ ئه‌وقافێ و كاروبارێن ئاينى و فه‌لاح مسته‌فا به‌رپرسێ په‌يوه‌نديێن ژ ده‌رڤه و سه‌فين دزه‌يى ئاخفتنكه‌رێ ب ناڤێ حوكمه‌تێ گه‌هشته ئيتاليا و پشتى سه‌ره‌دانا وان بۆ ڤاتيكان و چه‌ند كۆمبوونان بڕياره ل گه‌ل سه‌رۆك وه‌زيرێن ئيتاليا و وه‌زيرێ ده‌رڤه يێ ئيتاليا ژى كۆم ببن.
ژێده‌ر: رووداو
ئه‌ڤرۆ نيوز:
به‌رى ده‌مه‌كێ كێم روونشتنا جڤاتا نوونه‌رێن عيراقێ ب ئاماده‌بوونا حه‌يده‌ر عه‌بادى سه‌رۆك وه‌زيرێن عيراقێ ده‌سپێكر و بڕياره په‌رله‌مانتارێن كورد چه‌ندين پرسێن گرێدايى رێكه‌فتنا هه‌ولێر و به‌غدا و نه‌هنارتنا بودجا هه‌رێمێ رووى ب روويێ وى بكه‌ن.
پێشتر تۆڕا ميديايى يا عيراقيه به‌لاڤكر بوو كو ئه‌ڤرۆ جڤاتا نوونه‌رێن عيراقێ مێڤانداريا سه‌رۆك وه‌زيرێن عيراقێ، حه‌يده‌ر عه‌بادى، كه‌ت ژ بوو ئاگه‌هدار بوون ل سه‌ر ره‌وشا ئه‌منى يا نوكه يا عيراقێ و بجهئينانا به‌رنامێ حوكمه‌تێ ژ لايێ حوكمه‌تا وى ڤه.
ره‌عد ده‌هلكى ئه‌ندامێ هه‌ڤپه‌يمانيا هێزێن نشتيمانى يێن سونه ژى راگه‌هاند بوو كو هێزێن سونه ب تنێ دێ پشكدارى وێ برگێ ژ روونشتنا جڤاتا نوونه‌ران كه‌ن كو دێ سه‌رۆك وه‌زيرى تێدا مێڤان كه‌ن.
گۆتژى: “پشتى وێ كۆمبوونێ په‌رله‌مانتارێن سونه دێ روونشتنه‌كا تايبه‌ت ل دۆر وان بابه‌تان ئه‌نجام ده‌ن يێن عه‌بادى دێ به‌حس كه‌ت و بڕيارێ ده‌ن كا دێ ل سه‌ر بايكوتكرنێ د به‌رده‌وام بن يان ژى نه.
ئه‌ڤرۆ نیۆز، قائید میرۆ
سپێده‌هیا ئه‌ڤرۆ ل قه‌زا شنگالێ هێزێن پێشمه‌رگه‌ی هێرشه‌كا به‌رفره‌ها تیرۆرستێن داعش شكاند و د ئه‌نجامدا هه‌شت پێشمه‌رگه شه‌هیدبوون و هژماره‌كا زۆرا چه‌كدارێن داعش هاتنه كوشتن.
ژێده‌ره‌كێ به‌رپرس ل میحوه‌رێ شنگال بۆ مالپه‌ڕێ ئه‌ڤرۆ نیۆز دیاركر” ده‌مژمێر پێنجی سپێده‌هیا ئه‌ڤرۆ، تیرۆرستێن داعش ل هه‌موو لایه‌كیڤه هێرش كریه سه‌ر چه‌په‌رێن پێشمه‌رگه‌ی ل شنگالێ و هه‌تا به‌ری نیڤرۆیا ئه‌ڤرۆ شه‌ڕه‌كێ دژوار دنێڤبه‌را هێزێن پێشمه‌رگه و چه‌كدارێن داعش یێ به‌رده‌وامبوو.
ئه‌ڤی ژێده‌ری گۆتژی” پێشمه‌رگه شیا هێرشا داعش بشكێنیت و نه‌چاربوو پاشڤه‌بچن، هه‌ر د ئه‌نجاما ئه‌ڤی شه‌ڕی هه‌شت پێشمه‌رگه شه‌هید بووینه و هژماره‌كا زۆرا چه‌كدارێن داعش ژی هاتینه كوشتن، به‌لێ ژبه‌ر كاودانێن ده‌ڤه‌رێ هژمارا كوشتیێن داعش ناهێنه زانین.
ئەڤرۆ نیۆز، سالار دۆسکی:
شاڤا بوری شاندەکێ فراکسیونێن کوردستانی و ب مەرەما رێخوشکرنێ دناڤبەرا ھەر دو حوکمەتێن ھەولێر و بەغدا دا، ل گەل سەرۆک وەزیرێن عیراقێ حەیدەر عەبادی کومبوون.
پشتی کومبوونێ دکونگرەکێ رۆژنامەڤانی دا، ھەر ئێك ژ حەیدەر عەبادی سەرۆک وەزیرێن عیراقێ، و ئارام شێخ محەمەد جێگرێ دوویێ یێ سەرۆکێ پەرلەمانێ عیراقێ بۆ سازیێن راگەھاندنێ ئاخفتن و کومبوون ب سەرکەفتیانە ل قەلەم دا.
نەجیبا نەجیب ئەنداما پەرلەمانێ عیراقێ ژ فراکسیۆنا پارتی دیموکراتی کوردستان بۆ مالپەرێ ئەڤرۆ نیۆز گۆت: ل دووڤ گۆتنا شاندێ کوردی کو گەھاندینە مە کومبوون یا سەرکەفتی بوویە و ھەر دو ئالی پابەندێ رێکەفتنێ نە و بتنێ کێشە دبجھئینانێ دایە، عەبادی سوز دایە ھەر دەمێ رێژا پەترۆلێ گەھشت وی دەمی بۆدجێ ھەرێما کوردستانێ ب ھنێریت.
نەجیبایێ ل زاردەڤێ شاندێ سەرۆک فراکسیۆنێن کوردستانی ئاشکراکر ژی کو (250) ملیار دینار ھەیڤا ئێک بەغدا فرێکربوون و دیسان بۆ ھەیڤا دو ژی حوکمەتا عیراقێ دێ (250) ملیار دیناران فریێکه‌ت بۆ ھەرێما کوردستانێ .
نەجیبابێ ھێشتا گۆت: کومبوون بۆ کومبوونێ بەر ب نێزیکبوونێ نە و بتنێ کێشە دبجھئینانێ دایە و دڤێت ھەر دو ئالی رونکرنا بدەن، عەبادی دبێژیت دێ ھند پارە ھێتە ھنارتن ھندی گاز ب رێکا سومو دچیت.
ئه‌ڤرۆ نيوز:
له‌شكرێ عيراقێ و حه‌شه‌د شه‌عبى، ل باكوور و باشوورێ تكريتێ د پێشڤه‌چوونێ دانه بۆ كونترۆلكرنا وى باژێرى و چه‌ند ده‌ڤه‌ر ل ده‌وروبه‌رێن وى باژێرى كۆنترۆلكرينه، گرنگترين جهـ ژى ئه‌كاديميا پۆليسێن تكريت و ده‌ڤه‌را قادسيه نه كو دكه‌ڤنه باكوورێ تكريت، ده‌ڤه‌را ئه‌لۆحه‌سه‌ن ل باشوورێ باژێرێ دۆره ژى هاتيه كۆنترۆلكرن.
ژێده‌ره‌كێ له‌شكرى ژ ناڤ رێزێن له‌شكرێ عيراقێ راگه‌هاند كو تۆپبارانكرنا هێزێن ئه‌سمانى و تۆپهاڤێژان كومۆبوونا چه‌كدارێن داعش تێكشانديه كو ب ئارمانج بوون هێرشێ بكه‌نه سه‌ر باژێرێ دووره.
ئه‌ڤرۆ سپێدێ ئۆپه‌رسيۆنا ئازادكرنا باژێرێ تكريت يا ده‌سپێكرى ب پشكداريا زێده‌تر ژ 20 هزار له‌شكرى ژ رێزێن سۆپايى و هێزێن ئه‌منى و حه‌شه‌د شه‌عبى.
ئه‌ڤرۆ نيوز:
وه‌زيرێ ئه‌وقاف و كاروبارێن ئاينى ل حوكمه‌تا هه‌رێما كوردستانێ چه‌ندين گوهۆڕين د وه‌زاره‌تێ دا كرن و هژماره‌كا رێڤه‌به‌ران ژ پۆستێن وان دوور خستن.
مالپه‌رێ وه‌زاره‌تا ئه‌وقافێ به‌لاڤكر كو ژ هه‌يڤێن دووماهيا سالا بۆرى، كه‌مال موسلم وه‌زيرێ ئه‌وقافێ و كاروبارێن ئاينى ل هه‌رێما كوردستانێ گوهۆڕين ده‌سپێكرينه و هه‌ر ئێك ژ ئاخفتنكه‌رێ ب ناڤێ وه‌زاره‌تێ و رێڤه‌به‌رێ قوتابخانه و خواندنگه‌هێن ئيسلامى و رێڤه‌به‌رێ ژمێريارى و رێڤه‌به‌رێ پشكنين و دووڤچوونا په‌يمانگه‌هێن ئيسلامى گوهۆڕين و پاشان ژى هه‌ر چار راگرێن په‌يمانگه‌هێن ئيسلامى و رێڤه‌به‌رێ ئه‌وقافا چه‌مچه‌مال گوهۆڕين.
ئاماژه ب وێ چه‌ندێ ژى كريه كو د ڤان رۆژان ژى دا دێ هژماره‌كا گوهۆڕينان كه‌ت و د وى چارچۆڤه‌يى دا دێ رێڤه‌به‌رێ گشتيێ حه‌ج و عومرێ “عه‌بدولسه‌لام عه‌بدولره‌حمان نه‌بى” لادا و ل جهێ وى “خۆناۆ جه‌مال تاهر” دانا.
هه‌ر ب گۆره‌يى گوهۆڕينان هه‌ر ئێك ژ عه‌بدولسه‌ميع عوممر عه‌لى رێڤه‌به‌رێ پشكنينێ ل وه‌زارتێ و “حه‌سه‌ن قادر، رێڤه‌به‌رێ يه‌كا فه‌قيان و سه‌ديق ياسين حه‌بيب رێڤه‌به‌رێ به‌رێ يێ قوتابخانێن ئيسلامى كو هه‌ر سێ ب ناڤونيشانێن به‌رێ يێن پێشكه‌فى نه و ب ته‌نسيب ل وه‌زاره‌تا ئه‌وقافێ كارێ كرى، پشكينه‌رێ گشتى يێ وه‌زاره‌تێ ژى كو ب پلا رێڤه‌به‌رێ گشتى يه هاتيه خانه‌نشينكرن.
ئه‌ڤرۆ نيوز:
به‌نكا ناڤه‌ندى يا عيراقێ راگه‌هاند دێ دراڤێن بچووك يێن كاغه‌زى ژ بازارى ڤه‌كێشيت، شيره‌تكاريێ ئابوورى يێ سه‌رۆكێ وه‌زيران ژى پێشنياز دكه‌ت دراڤێن مه‌زن بهێنه چاپكرن.
هیلال ته‌عان، پسپۆڕی ئابووری، د داخۆيانيه‌كێ دا بۆ راديۆيا عيراق يا ئازاد راگه‌هاند كو پشتى هه‌لاوسانا ئابوورى يا 2006 و بلندبوونا بهايێ سوته‌مه‌نيێ سه‌ره‌ده‌ريكرن ل گه‌ل دراڤێن ژ جۆرێ 50 دينارى و 100 دينارى هاتبوو راگرتن و نوكه بچووكترين دراڤ يێ 250 دينارى يه.
هيلال ته‌كست كر كو چاپكرنا دراڤێن مه‌زن دێ بيته ئه‌گه‌رێ هاتنه‌خوارا دينارى و سه‌رهلدانا هه‌ولاوسانا ئابوورى و دێ بيته ئه‌گه‌رێ نه‌مانا دراڤێن بچووك كو نوكه بچووكترين ژى 250 دينارى يه.
ژ لايێ خوه ڤه شيره‌تكارێ ئابوورى يێ سه‌رۆك وه‌زيرێن عيراقێ، مه‌زهه‌ر محه‌مه‌د سالح ب هه‌مان ژێده‌ر راگه‌هانديه كو ل گه‌ل چاپكرنا دراڤێ مه‌زن دانه دا كو ل بازارێ مامه‌له پێ بهێته كرن.
ئەڤرۆ نیۆز، قائید میرۆ:
وەزیرێ ساخلەمیا حوکمەتا ھەرێما کوردستانێ ھوشداریێ دەتە وەلاتیان ل دۆر بەلافبوونا(ئەنفلوەنزا) بەرسیڤێ وەرزی و دبێژیت، د ھندەک حالەتاندا مەترسیەکا مەزنە بۆسەر ژیانا زارۆ و کەسێن ب تەمەن.
رێکەوت حەمە رەشید، وەزیرێ ساخلەمیا ھەرێما کوردستانێ ھوشداریێ دەتە وەلاتیان ل دۆر بەلافبوونا پەرسیڤێ وەرزی و ئیماژە بڤێ چەندێ دکەت، د ھندەک حالەتاندا زۆرا یا مەترسیدارە بتایبەتی بۆسەر ژیانا زارۆیان و کەسێن ب تەمەن و نەخۆشیێن دۆم درێژھەی، لەوڕا پێدڤیە خوە بپارێزن و ئەف کەسێن ئیماژە پێکری دڤێت دەمەکێ زوودا سەرەدانا بنگەھێن ساخلەمیێ بکەن.
رێکەوت حەمە رەشید گۆتژی” پێدڤیە دەمێ پژمینێ کلینکس بھێتە بکار ئینان و پشتی بکار ئینان ئێسکەر بھێتە ھاڤێتن، زوو زوو دەستێن خوە بشۆن و دەمێ سلافکرنێ مەترەکێ دۆربن ژ کەسێ بەرامبەر، ھەروەسا دەمێ دەرکەفتنا نیشانێن بەپرسیڤێ وەرزی سەرەدانا نۆشداری بکەن و ژ مال دەرنەکەڤن بۆ جھێ کاری.
ئەڤرۆ نیۆز، قائید میرۆ:
جێگرێ فەرماندێ زێرەڤانی ئیماژە بڤێ چەندێ دکەت، شەڤا بۆری ل دەوروبەرێ مووسل فڕۆکەیێن ھەڤپەیمانان گورزەکا کوژەک ل تیرۆرستێن داعش دایە و جبەخانەکا تژی چەک ھاتیە ژناڤبرن.
عەمید ھەژار، جێگرێ فەرماندێ زێرەڤانی ب مالپەڕێ ئەڤرۆ نیۆز راگەھاند” شەڤا بۆری ل نێزیک قەزا حەمدانیە و ناحیا بەرتلە فڕۆکەیێن ھەڤپەیمانان کاروانەکێ ترۆمبێلێن چەکدارێن داعش کریە ئارمانج و د ئەنجامدا ھژمارەکا زۆرا تیرۆرستان ھاتینە کوشتن، بەلێ ھژمارا وان ناھێتە زانین ب دروستی چەندن و ترۆمبێلژی ھاتینە ژناڤبرن.
عەمید ھەژاری گۆتژی”ھەر د بوردۆمانا شەڤا بۆری دا جبەخانەکا تژی چەک ھاتیە ژناڤبرن و ب ئامیرێن پەیوەندیکرنێ مە گوھداریان چەکدارێن داعشکریە و رەوشا وانا زۆر خراپبوویە، ھەتا ئەمیرەکی ددەمێ پەیوەندیێ گۆتیە بەرپرسێ خوە رەوشا مە زۆرا خراپە و مە چو چارە نەماینە.
نيشاندان