ئه‌ڤرۆ نیۆز، سالار دۆسكى:
ئه‌ندامه‌كێ په‌رله‌مانێ عیراقێ ژ فراكسیۆنا گۆران دیاركر كو گه‌رنتى هه‌نه كو قه‌یرانا نوكه عیراق تێدا دبوریت، تایبه‌ت هه‌رێما كوردستانێ و برینا بۆدجا هه‌رێما كوردستانێ دووباره نه‌بیته‌ڤه، چونكه عیراقێ ده‌ستور هه‌یه، دیسان كاودانێن عیراقێ ژ رۆیێ دارایى و ئه‌منى نه دباشن و پێدڤى ب وێ ناكه‌ت كێشا دروست بكه‌ت.
مه‌سعود حه‌یده‌ر گۆت: سه‌ربه‌خۆیا ئابوورى ل هه‌رێما كوردستانێ مه‌زنترین گرنتى یه بۆ خه‌لكێ كوردستانێ كو قه‌یرانا نوكه دوباره نه‌بیته ڤه، دیسا دڤێت هه‌رێما كوردستانێ پێگه‌هێ خوه ل بازارێ فرۆتنا په‌ترۆلا جیهانى هه‌بیت و هه‌تا نوكه نه‌بوویه ب مخابنى ڤه، گرنگ ئه‌وه كێشه دچارچووڤێ عیراقێ دا و ب به‌لانسه‌كى بهێنه چاره‌سه‌ركرن.
مه‌سعود حه‌یده‌ر ئه‌وچه‌نده‌ژى گۆت: هه‌تا نوكه دو رێك وه‌ك چاره‌سه‌رى بۆ كێشا ل گه‌ل به‌غدا، هه‌رێما كوردستانێ راده‌ستى به‌غدا كرینه، خشته‌ك كو لدووڤ وى خشته‌ى نه‌فت بهێته هنارتن، به‌غدا یا دو دله وباوه‌رى ب خشته‌ى نینه، دیسان ئه‌ڤ خشته دێ ب سه‌ره‌دانا شاندنێ هه‌رێمێ بۆ به‌غدا هێته دروستكرن و باوه‌رى بۆ به‌غدا دێ هێته چێكرن.
ناڤبرى گۆت: پێدڤى یه كه‌رتێ په‌ترۆلێ هه‌رێمێ به‌ر ب باشبوونێ بچیت و رۆژانه 700 هزار به‌رمیلان ده‌ربازبیت، پێشبینى هه‌موو یێ به‌ر ب هندێ دچن كو كێشه به‌ر ب چاره‌سه‌ربوونێ نه.
نيشاندان
