ئه‌ڤرۆ نيوز، شه‌وكه‌ت محه‌مه‌د سالح:

رێڤه‌به‌رێ گشتيێ په‌روه‌ردا پارێزگه‌ها دهۆكێ بۆ ئه‌ڤرۆ نيوز دووماهى پێشنيازا خوه‌ ئه‌وا بۆ په‌روه‌ردان و قوتابخانان هاتيه‌ دان راگه‌هاند.

عه‌بد يوسف رێڤه‌به‌رێ گشتيێ په‌روه‌ردا پارێزگه‌ها دهۆكێ گۆت: “پێشتر هنده‌ك په‌روه‌رده‌ هاتبوونه‌ ئاگه‌هداركرن كو دێ ده‌وامێ كه‌ن ژ به‌ر كو دره‌نگ ده‌ست ب خواندنێ هاتيه‌ كرن”.

زێده‌تر گۆت: “پشتى مه‌ زانى كو هنده‌ك قوتابخانا ئه‌و كێشه‌ يا چاره‌ كرى و نوكه‌ سيسته‌مێ وان يێ خواندنێ ب ره‌نگه‌كێ نورمال يێ ب رێڤه‌ دچيت و ئه‌و دخوازن بكه‌نه‌ بهێن ڤه‌دان مه‌ وه‌كو په‌روه‌رده‌ بڕياره‌كا نوو دا”.

ل دۆر بڕيار وان يا نوو ژى، رێڤه‌به‌رێ گشتيێ په‌روه‌ردێ ل پارێزگه‌ها دهۆك گۆت: “نوكه‌ رێڤه‌به‌رێن قوتابخانا دشێن بڕيارا ده‌وام كرن و نه‌كرنێ ب راگه‌هينن ب گۆره‌يى سيسته‌مى، هه‌كه‌ د پاشكه‌فتى نه‌بن، دشێن بكه‌نه‌ بهێن ڤه‌دان وه‌كو هه‌موو قوتابخانێن كريه‌ بهێن ڤه‌دان، به‌لێ يێن گيرۆ دێ ده‌وام لێ هێته‌ كرن”.

به‌رى نوكه‌ وه‌زاره‌تا په‌روه‌ردێ بڕيار دابوو ژ 11/3 هه‌تا 2015/3/24 دێ ده‌واما فه‌رمى بيت ل هه‌موو قوتابخانان و ده‌وام دێ ل 24/3 ده‌سپێكه‌ت.

ئه‌ڤرۆ:

ھژمارەکا رۆژنامەڤانان ب نوونەرایەتیا سەد رۆژنامەڤانا ل دەستەیا سەربخۆیا مافێن مرۆڤی سکالایەک ل سەر ھەرسێ سەرۆکایەتیێن ھەرێمێ و وەزارەت و فەرمانگەھان تۆمارکر، ئەوژی ب تۆمەتا جۆداھیێ دناڤا دەزگەھێن راگەھاندنێ دا ل دەمێ بەلافکرنا زانیاریان، دەستەیا مافێ مرۆڤی ژی رادگەھینیت کو ھەموو ئەف دەزگەھێن سکالا ل سەر ھاتیە تۆمارکرن ھاتینە ئاگەھدارکرن.
ھەژار ئەنوەر، رۆژنامەڤان و رێکخەرێ کەمپینێ بۆ رۆژناما ئەڤرۆ دیارکر، دەزگەھێن حوکمەتێ جۆداھیێ دناڤبەرا دەزگەھێن راگەھاندنێ دکەن و گۆتژی: ھەرسێ سەرۆکایەتیێن ھەرێما کوردستانێ و وەزارەت و فەرمانگەهـ، جۆدایێن زۆر دکەن ل پێدانا زانیاریان و زانیاریێن گرنگ و پێدڤی ددەنە ھندەک دەزگەھێن ئەو بخوازن نادەنە ھندەکێن دی، لەوڕا ئەم رازینینە بڤێ چەندێ و بۆیە جھێ دلگرانیا رۆژنامەڤانێن تێنە بەھرکرن ژ پێدانا زانیاریان و بەرچاڤێن مە چەندین جارا ھندەک دەزگەھێن راگەھاندنێ بۆ وانا ھەیە بچنە ھەر جھەکی و زانیاریژی بڤان تێنەدان، بەلێ ئەگەر ئەم بچین نەک زانیاریان نادەن، بەلکۆ ناھێلن بچینە ناڤا ئەڤان دەزگەھان ژی، ئەڤە ژی تشتەکێ باش نینە و نەعەدالیەتی دناڤبەرا دەزگەھێن راگەھاندنێ دھێتەکرن و ھەموو رۆژنامەڤان و دەزگەھێن راگەھاندنێ وەکی ئێک گورەی قانوونێ مافێ وەرگرتنا زانیاریان ھەیە.
ھەژاری گۆتژی: پشتی مە دانوستانکرین، رۆژنامەڤانێن نەڕازی کەمپینەک پێک ئینایە و بۆڤێ مەرەمێ سەد رۆژنامەڤانا ئیمزە کۆمکرینە و مەژی وەک ھژمارەکا رۆژناماڤا ب نوونەرایەتیا ھەموویان سەرەدانا دەستەیا گشتیا مافێن مرۆڤی کریە و سکالایەک لسەر ئەڤان دەزگەھان تۆمارکریە. ژ لایێ خۆڤەژی دەستەیێ سۆزدایە ئەف دەزگەە بھێنە ئاگەھدارکرن و رۆھنکرنێ ل دۆر ڤێ چەندێ بدەن، بەرۆڤاژی دێ ناڤێ وان ھێتە بەلافکرن و دەستە دگەل ڤێ چەندێ یە گورەی قانوونێ سەرەدەری دگەل رۆژنامەڤانا بھێتەکرن و جۆداھی نەھێتەکرن.
مەحەمەد گومەشینی، پەیڤدارێ دەستەیا سەربخۆیا مافێ مرۆڤی ل ھەرێما کوردستانێ بۆ ئەڤرۆ گۆت: راستە ئەڤان رۆژنامەڤانا سکالا ل سەر دو بابەتان تۆمارکریە، ئێک پێنەدانا زانیاریان و یا دویێ ژی ددەمێ ڤەگوھاستنا بۆیەر و کۆنگرەیێن رۆژنامەڤانی ئاستەنگ بۆ دھێنە چێکرن، گورەی قانوونێ ژی دبیت ھەموو دەزگەھێن حوکمەتێ پێگیریێ پ قانوونا ھژمارە ١١ یا سالا ٢٠١٣ێ بکەن و بەرۆڤاژی دێ دەستە رێو جھێن قانوونی گریتەبەر و مە ھەموو ئەف دەزگەھێن ناڤێن وانا د سکالایێ دا ھاتیە ئاگەھدارکرینە و پێدڤیە بەرسیڤا مە بدەن.

ئەڤرۆ:
نھۆ بڕیارا دانا مۆلەتا پێنج سالی کو ب خزمەت بۆ فەرمانبەران بھێتە ھەژمارتن راوەستایە، د ھژمارتنا سالێن خزمەتێ دا حوکمەت خوە ب زەرەرمەند دزانیت، لەورا ھێژ ڤەکۆلین یا ل سەر دھێتە کرن.
د. شرین حسنی، ئەنداما لیژنا دارایی ل پەرلەمانێ کوردستانێ بۆ ئەڤرۆ دیار کر، پشتی پرۆژێ ھژمارتنا سالێن خزمەتێ ژ دو سێ سالان بۆ پێنج سالان ژ بۆ حوکمەتێ ھاتیە ھنارتن، ھەتا نھۆ حوکمەتێ رازیبوون ل سەر پێنج سالان نەدایە و گۆت: “ل سەرۆکاتیا حوکمەتێ و وەزارەتا دارایی ڤەکۆلین یا ل سەر وی پرۆژەی دھێتە کرن، بەری بڕیار ل سەر بھێتە دان”.
ئاماژە ب وێ چەندێ ژی کر، پرۆژە د بەرژەوەندیا فەرمانبەران دایە، چونکو ئەوێ مۆلەتێ وەربگریت، دشێت ل کەرتێ تایبەت کار بکەت و ل کەرتێ حوکمی خزمەت دێ بۆ ھێتە ھژمارتن، حوکمەتێ ژی کێشە دێ د خانەنشینکرنێ دا ھەبیت، کو فەرمانبەر بۆ کار نەکەن و خزمەت بۆ بھێتە ھەژمارتن.
سەبارەت روونشتنا دۆھی یا ل سەر قانوونا نەفت و غازێ، شرین حسنی ئاشکرا کر، دو ماددە ھاتینە پەسەندکرن، لێ ماددێ سێیێ فراکسیوونێن ناڤ پەرلەمانی دیتنێن جودا ل سەر ھەبوون، لەو بۆ سۆبەھی ھاتە راگرتن.

ئه‌ڤرۆ:
رێڤەبەرێ گشتیێ وەبەرھێنانێ ل پارێزگەھا دھۆکێ بۆ ئەڤرۆ دیار کر کو نابیت کرین و فرۆتن ب یەکێن گەشتیاری بھێتە کرن و ھەر وەلاتیەکێ کریبیت یان بکریت دێ زەرمەندبیت و ب چو رەنگەکی ژی ناھێتە قەرەبووکرن و گۆت: “یەکێن گەشتیاری ناھێنە تاپۆکرن و نابیت وەبەرھێنەر بفرۆشتە وەلاتیان”.
بەختیار ئەمین علی، رێڤەبەرێ گشتیێ وەبەرھێنانێ خویا کر، یەکێن گەشتیاری بۆ مەرەمێن ئاکنجیبوونێ نەھاتینە چێکرن، لەو نابیت کرین و فرۆتن پێ بھێتە کرن، چونکو پرۆژێن ئاکنجیبوونێ و گەشتیاری ژ لایێ سالوخەت و پێکھاتنێ ڤە د ژێک جۆدانە و گۆت: “ب چو رەنگان یەکێن گەشتیاری ل سەر ناڤێ وەلاتیان و وەبەرھێنەری ناھێنە تاپۆکرن”.
ناڤبری داخوازێ ژ وەلاتیان دکەت خوە ژ کرین و فرۆتنا یەکێن گەشتیاری دوور بکەن، ھەر وەلاتیەکێ یەکێن گەشتیاری بکریت دێ زەرەرمەند بیت و ھەر وەبەرھێنەرەکێ یەکێن گەشتیاری بفرۆشیت دێ مۆلەتا وی ھێتە ھەلوەشاندن و گۆت: “ھەتا نوکە ئەم ھایداربووینە پرۆژەکێ گەشتیاری یەکێن خوە فرۆتینە و مە ژی مۆلەتا وی پرۆژەی ھەلوەشاندیە”.
رێڤەبەرێ گشتیێ وەبەرھێنانێ ئاشکرا ژی کر، ئەو مۆلەتێن بۆ وەبەرھێنەرێن ئاڤاکرنا یەکێن گەشتیاری دھێنە دان ب شێوێ مساتحەنە، لەو نابیت کرین و فروتن پێ بھێتە کرن و گۆت: “گەلەک جاران مە داخواز ژ وەلاتیان کریە ب چ رەنگەکی ڤان یەکێن گەشتیاری نەکرن”.