ئه‌ڤرۆ نيوز:
سه‌رۆك كۆمارێ عيراقێ، فوئاد مه‌عصوم د ديداره‌كا رۆژنامه‌ڤانى دا راگه‌هاند كو هه‌كه ئێك ژ به‌شار ئه‌سه‌د سه‌رۆكێ سوريا پشتى چار سالێن شوره‌شا سورى و كه‌فتنا سوريا د ده‌ستێ گرۆپێن تيرۆرى دا، دێ مانا به‌شار ئه‌سده هه‌لبژێرين.
مه‌عصوم ئاماژه ب وێ چه‌ندێ كر كو ده‌ست دانانا تيرۆرێ ل سه‌ر سوريا وێ ب تنێ تووش ناكه‌ت، به‌لكو دێ كارتێكرنێ ل عيراقێ و ده‌وله‌تێن ده‌ڤه‌رێ كه‌ت، به‌لێ مه‌ترسيا ئه‌سه‌د كێمتره، دبيت ل سوريا چاره‌سه‌ريا سياسى ژى بهێته كرن.
ته‌كست ژى ل سه‌ر وێ چه‌ندێ كر كو ئه‌و پشته‌ڤانيا سياسه‌تا به‌شار ل سوريا ناكه‌ن وه‌كو عيراق، مانا وى ل سه‌ر ده‌سته‌لاتێ دێ توندوتيژى و هه‌ڤركيێ زێده‌تر لێ كه‌ت و قوربانيێن وێ ژى دێ ب سه‌دان هزار وه‌لاتيێن سورى بن.
ده‌رباره‌يى شه‌رێ هه‌ڤپه‌يمانان ژى دژى داعش ل عيراق و سوريا، سه‌رۆكێ عيراقێ گۆت: “سه‌ركه‌فتنا ل سه‌ر ڤێ رێكخراوێ ل هنده‌ك جهان يا ئاشكه‌رايه، به‌لێ ل هنده‌ك ده‌ڤه‌ران يا ب زه‌حمه‌ته وه‌كو مووسل، چونكو رێكخستى يا ب خه‌لكى ڤه گرێدايه و نه‌يا به‌رئاقله ل ئه‌سمانى هێرشێ بكه‌نه سه‌ر سڤيلان چونكو دێ ئه‌نجامێن وێ د خراب بن و دێ گه‌له‌ك سڤيل ل بن پيا چن.
ئه‌ڤرۆ نيوز:
گۆڤارا ئێكونومێست يا بريتانى د گۆتاره‌كێ دا، ل ژێر ناڤێ “رێ خوه‌ش كه‌ن، دا كورد سه‌ربه‌خوه بن” و “پرسا دامه‌زراندنا ده‌وله‌ته‌كا نوو ل باكوورێ عيراقێ” به‌حس ل ئه‌گه‌ر و ده‌رئه‌نجامێن دامه‌زراندنا ده‌وله‌تا باشوورێ كوردستانێ دكه‌ت و وه‌سان دبينيت كو كوردان مافێ داخوازكرنا سه‌ربه‌خۆيێ يێ هه‌يى.
ئه‌ڤ گۆتاره ب گه‌شبينى ره‌وشا ئابوورى، سياسى و ديموكراسى يا هه‌رێما كوردستانێ دبينيت و به‌حس ل وێ چه‌ندێ دكه‌ت كو “ب گۆره‌يى پتريا پێوه‌ران هه‌رێما كوردستانێ مافێ هندێ يێ هه‌يى داخوازا ده‌وله‌تبوونێ بكه‌ت”
د پشكه‌كا گۆتارێ دا هاتيه: “هه‌لبژارتن ب ره‌نگه‌كێ به‌رده‌وام ل هه‌رێما كوردستانێ ب رێڤه دچن، په‌رله‌مانه‌كێ زيندى و كارا يێ هه‌يى، خودان جڤاكه‌ك پارتێن سياسى و ميديايا ب ده‌نگ هه‌يه”.
“په‌يوه‌نديێن توند و كوور د ناڤبه‌را هه‌رێمێ و وه‌لاتێن هه‌ڤسۆ دا”، د گۆتارێ دا گرنگيه‌كا زۆر پێدايه، كو دشێت رێ خوه‌ش كه‌ت بۆ دامه‌زراندنا ده‌وله‌تا كوردى يا سه‌ربه‌خوه، ژ لايێ وان وه‌لاتان تووشى كێشه و دژاتيكرنێ نه‌بيت، “سوريا، كو پێناچيت ب ڤان نێزيكان شيانێن دامه‌زراندنا ده‌وله‌ته‌كا ناڤه‌ندى هه‌بيت، د وى پێگه‌هێ خوه ژى دا نينه بشێت دژاتيا جودابوونا كوردێن عيراقێ بكه‌ت، ئيرانێ گرنگى ب په‌يوه‌نديێن دارێتى و رێكوپێك ل گه‌ل وان دايه، په‌يوه‌نديێن ناڤبه‌را كوردستانا عيراقێ و توركيا، كو ژ هه‌موو هه‌ڤسۆيێن وێ پتر يێ بێ هيڤى بوون، گه‌رميه‌كا مه‌زن ب خوه ڤه ديتيه”.
سه‌باره‌ت ره‌وشا مافێن مرۆڤى ل هه‌رێما كوردستانێ، گۆتارا گۆڤارا ئيكونۆمێست ئاماژه ب وێ چه‌ندێ دايه كو “هه‌كه چ ره‌وش يا بێ گرێ نينه، به‌لێ ل گه‌ل هندێ كاودانێن مافێ مرۆڤى و ئازاديا راده‌ربڕينێ ل هه‌رێما كوردستانێ ل چاڤ وه‌لاتێن ده‌ڤه‌رێ ژ گه‌له‌كان باشتره”.
هه‌ر د گۆتارێ دا ته‌كست ل سه‌ر وێ چه‌ندێ هاتيه كرن كو خه‌لكێ كوردستانێ داخوازا وه‌لاتێ خوه دكه‌ن و “ئه‌ڤه ژى داخوازيه‌كا ره‌وايه و كوردان مافێ وێ داخوازيێ هه‌يه”.
ژێده‌ر: رووداو
ئه‌ڤرۆ نیوز:
پشتی سێ رۆژان چ ژ چاره‌نڤیسێ وی نه‌هاتیه زانین، گه‌نجێ كورد سامان نه‌سیم ژ ئالێ حكومه‌تا ئیرانێ ڤه هاته سێداره‌دان و پارێزه‌رێ وی ئه‌ڤ ده‌نگوباسه پشتراستكر.
عه‌زیز مژده پارێزه‌رێ سامان نه‌سیم پشتراستكر كو ئه‌ڤرۆ 20 ێ شوباتا 2015 سامان نه‌سیم ب فه‌رمی هاتیه سێداره‌دان، هه‌ڤده‌م دگه‌ل پێنج زیندانێن دی یێن سیاسی.
ئاشكرابوونا ڤێ یه‌كێ كارڤه‌دانێن جیهانی لدووڤ خوه ئینان، جێن ساكی په‌یڤدارا وه‌زاه‌تا ده‌رڤه‌یا ئه‌مریكا دلته‌نگیا خوه ده‌ربری ژ جێبه‌جێكرنا سزایێ سێداره‌دانێ لسه‌ر سامان نه‌سیم ژبه‌ر ئه‌ندامیا وی د پژاكێ دا.
ئه‌ڤرۆ نیوز، ره‌زوان رۆژبه‌یانى
سه‌ردار یه‌حیا قایمقامێ قه‌زا به‌رده‌ره‌ش بۆ ئه‌ڤرۆ نیوز دیاركر كو ل سه‌ر داخازیا مه سه‌روكى حكومه‌تا هه‌رێمێ، لژنه‌كا دووڤچونێ بۆ به‌رده‌ره‌ش هنارت بۆ دووڤچوونا ل سه‌ر سێ پرۆژه‌یێن ئاكنجیبوونێ ل قه‌زا به‌رده‌ره‌ش كو كارێ وه‌به‌رهێنانێ دكه‌ن و گۆت: پشتى كو مه سه‌را وان پرۆژه‌یان كرى، هوشدارى دانه پرۆژێ ئاڤا وه‌لات كو ده‌مێ دروست كرنا پرۆژێ وێ ب سه‌ر ڤه نه‌چیت و گیرو نه‌بیت و پرۆژێ ئاكنجیبوونێ یێ لاوان سیتى ژبه‌ر خرابیا كارێ و ب سه‌رڤه چونا ده‌مێ وى كو گه‌له‌ك ل ده‌مێ خوه پتر گیرو بویه و پێگرى ب گرێبه‌ستێن وه‌لاتیان و یاسایێن وه‌به‌رهێنانێ نه‌كریه و بریار هاته‌دان كو كارێ وى بهێته راگرتن و ب توندى ژى بهێته سزادان.
سه‌ردار دیاركر كو رۆژا ئێك شه‌مبى دگه‌ل وه‌لاتیان دێ گفتوگویێ كه‌ین كا وه‌لاتى چ پێ باشه كو ئه‌و بهێته كرن و ببیته بریار.
ئه‌ڤرۆ نیوز: ڤه‌ده‌ر ره‌شاڤايی:
پشتی به‌رپرسه‌كێ سه‌ربازی پلانا ئوپه‌راسیۆنا ئازادكرنا مووسل ئاشكرا كری، كو دێ ل مه‌ها نیسان یان گۆلانا ئه‌ڤ ساله ژ ئالیێ 25 هزار سه‌ربازێن كورد و ئیراقی ڤه هێته ده‌ستپێكرن، ڤئ یه‌كێ ره‌خنه لدووڤ خوه ئینان.
سێناتورێ ئه‌مریكی تۆم كۆتۆن و به‌رپرسێ لژنا خزمه‌تا سه‌ربارزی ل كۆنگرێسێ ئه‌مریكی كو به‌ریا نها ل ئه‌فغانستانێ و ئیراقێ كارێ سه‌ربازی كریه، ئاشكراكرنا پلانا ئۆپه‌راسیۆنێن ئازادكرنا موسل ژ داعش ره‌خنه‌كر و بتشه‌كێ مه‌ترسیدر دانا.
كۆتۆن گۆت كو ئاشكراكرنا ده‌م و ژمارا ڤێ پلانێ تشته‌كێ هه‌ستیاره دێ پێشمه‌رگه و هێزێن ئیراقی یێن دێ پشكداربن د ئۆپه‌راسیۆنێ دا ئیخیته مه‌ترسیێن مه‌زنتر دا.
رێڤه‌به‌ريا كه‌شناسى و بيڤه‌له‌رزان ل هه‌رێما كوردستانێ دياركر كو ئه‌ڤرۆ ل هنده‌ك ده‌ڤه‌رێن باشوورێ كوردستانێ به‌فر باريه و هه‌تا نوكه يا به‌رده‌وامه.
رێڤه‌به‌ريا كه‌شناسى و بيڤه‌له‌رزان ل هه‌رێما كوردستانێ دياركريه كو ل كانى ماسێ، ئامێديێ، سەرسنك و زاوێتە يا سه‌ر ب پارێزگه‌ها دهۆك و حاجی ئۆمەران، چۆمان، چیای كۆڕەك، ره‌واندوز و پیرمام ل سنوورێ پارێزگه‌ها هەولێر، چيايێ گۆیژە يا سنوورێ پارێزگه‌ها سلێمانيێ بەفر يێ دباريت.
فوتو: هونه‌ر ئامێدى
ئه‌ڤرۆ نيوز:
جون مه‌كين سه‌رۆكێ لژنا به‌ره‌ڤانيێ ل كونگريسێ ئه‌مريكا راگه‌هاند دڤێت ئه‌مريكا 10 هزار سه‌ربازان ره‌وانه‌ى عيراقێ بكه‌ت بۆ شه‌رێ دژى داعش.
جون مه‌كين راگه‌هاند كو دڤێت ئه‌مريكا سه‌ربازان بهنێريته عيراقێ بو روى ب روى بوونا وێ كومه‌لكوژيا داعش ل ده‌ڤه‌رێ خولقاندى و گۆت: چوونا هێزا ئه‌مريكى ب تنێ مفايێ بۆ ژناڤبرنا داعش نينه، به‌لكو دێ دووماهيێ ب ده‌ستهه‌لاتا ئه‌سه‌د ژى هێت.
ئه‌ڤرۆ نيوز:
به‌رپرسه‌كێ پله بلند يێ فه‌رمانده‌يا ناڤه‌نديا هێزێن ئه‌مريكى رادگه‌هينيت كو 20 بۆ 25 هزار سه‌ربازێن عيراقێ د به‌رهه‌ڤن بۆ كونترولكرنا باژێرێ مووسل د ناڤبه‌را هه‌يڤا 4 و 5 يا ئه‌ڤ ساله‌دا.
وى به‌رپرسى كو ناڤێ خوه ئاشكرانه‌كريه راگه‌هانديه كو پروسا كونترولكرنا مووسل د پێشڤه‌چوونێ دايه و هێزێن عيراقى دێ پلانێ دانن و ل گه‌ل هاتنا هه‌يڤا ره‌مه‌زانا ئه‌ڤ ساله مووسل دێ ب تمامى هێته كونترولكرن و پاقژكرن ژ داعش.
وى به‌رپرسى گوتيه: نێزيكى هزار هه‌تا دو هزار چه‌كدارێن داعش دناڤ مووسل دا هه‌نه.
ئه‌ڤرۆ نیوز، ڤه‌ده‌ر ره‌شاڤايى
كه‌نالێ سكای نیۆز یێ بریتانی راپۆرته‌ك به‌لاڤ كریه لسه‌ر سه‌ربازه‌كێ بریتانی یێ 19 سالی كو بنگه‌هێ خوه یێ سه‌ربازی ل بریتانیا هێلایه و بۆ كوردستانێ گه‌شت كریه دا بگه‌هیته رێزێن پێشمه‌رگه ل هه‌رێما كوردستانێ و شه‌ری دژی داعش بكه‌ت.
ڤی سه‌ربازی كو ناڤێ وی نه‌هاتیه ئاشكرا كرن برێیا نامه‌كێ خێزانا خوه ئاگه‌هداركریه كو ئه‌و یێ ژ بریتانیا ده‌ركه‌ڤتی دا بگه‌هیته رێزێن هێزێن پێشمه‌رگه‌ی و دێ ساله‌كێ ل هه‌رێما كوردستانێ بوورینیت.
ژ ئالێ خوه ڤه په‌یڤداره‌كێ وه‌زاره‌تا به‌ره‌ڤانیا بریتانیا خویاكر كو ئه‌و هایدارن ژ ڤان راپۆرتان و دێ لێكولینا لسه‌ر كه‌ن.
تێ زانین وه‌زاره‌تا پێشمه‌رگه به‌روه‌خت راگه‌هاندبوو كو گه‌له‌ك كه‌سێن بیانی داخاز كریه شه‌ری بكه‌ن دناڤ هێزێن پێشمه‌رگه‌ی دا دژی داعش.
نيشاندان