ئه‌ڤرۆ نیوز، شه‌وكه‌ت محه‌مه‌د
پشتی پێشمه‌رگه هوجام سورجی ب درنده‌ترین شێوه ب ده‌ستێ چه‌کدارێن تیروریستێن داعش هاتیه شه‌هید کرن بریار ژ ئالیێ قایمقامێ قه‌زا به‌رده‌ره‌ش هاتبوو دان كو په‌یکه‌ره‌کێ بو شه‌هید هوجام ل به‌رده‌ره‌ش چێکه‌ن.
که‌سه‌کی ب ناڤێ عمار نورالدین تایبه‌ت بو ئه‌ڤرو نیوز دیارکر و گوت : په‌یکه‌رێ شه‌هید هوجام سورچی یێ ئامادیه بو دانانێ لێ تا نها چ جھ نه‌هاتیه ده‌ست نیشانکرن کا دێ ل چار ریانا به‌رده‌ره‌ش یان ل روڤیا هێته دانان.
ئه‌ڤرۆ نیوز:
وه‌زاره‌تا دارایى یا حوكمه‌تا هه‌رێما كوردستانێ د به‌لاڤكرنا مووچێ هه‌یڤا 12 یێ فه‌رمانبه‌ران یا به‌رده‌وامه و سبه دێ مووچێ ژماره‌كا ده‌سته و وه‌زاره‌تان هێته به‌لاڤكرن.
ژێده‌ره‌كێ ژ وه‌زاره‌تا دارایى یا حكومه‌تا هه‌رێمێ راگه‌هاند سبه رۆژا پێنجشه‌مبى دێ مووچێ وه‌زاره‌تێن سامانێن سروشتى و داد و پلاندانان هێته به‌لاڤكرن و دیسا مووچێ فه‌رمانبه‌رێن ( دیوانا چاڤدێریا دارایى، ده‌سته‌یا نه‌زاهێ، ده‌سته‌یا وه‌به‌رهێنانێ، ده‌سته‌یا ژینگه‌هێ، ده‌سته‌یا مافێن مروڤ، ئه‌نجومه‌نێ دادوه‌رى، ده‌زگه‌هێ مین و فه‌رمانگه‌ها په‌یوه‌ندیێن ده‌رڤه) هێته به‌لاڤكرن.
ئه‌ڤرۆ نيوز، ناجى به‌ده‌ل
د.مێڤان عارف عه‌بدولره‌حمان ماموستایێ زانستێن سیاسی ل زانكویا دهۆك بو ئه‌ڤرۆ دیاركر كوردان مفایه‌كێ باش ژ سه‌ربورێن ب سه‌رى هاتین وه‌رگرتینه چ د سیاسه‌تا ده‌وله‌تێن ده‌ورۆبه‌ر دابیت یان ئه‌و شوره‌شێن كورد پێ رابووى، پرانیا شوره‌شێن كوردان یێن به‌رخودانێ بوون، نه به‌ره‌ڤانیكرنێ، شوره‌شێن كوردان زولم و زورداریێ ژ خه‌لكی نه‌كرینه، ئه‌ڤێ چه‌ندێ كه‌لتوره‌ك په‌یدا كر ل ناڤا خه‌لكێ كورد كو جوداهیه‌ك هه‌بیت ژ ئه‌وان مله‌تێن ده‌وروبه‌ر و ئه‌ڤێ سه‌نگا هه‌رێمێ و كوردستانیان و سه‌ركردایه‌تیا سیاسی یا كورد ب تایبه‌تی سه‌رۆكێ هه‌رێما كوردستانێ بنلدكر دناڤا جڤاكێ نێڤ ده‌وله‌تی و ده‌وله‌تێن ده‌وروبه‌ر.
ناڤبری ئه‌و چه‌نده ژی گوت:سه‌ركرده‌یێن كورد ل دیرۆكا مه دوو كه‌س هه‌نه، ئێكێ قاره‌مانێ رۆدانان و دوو قاره‌مانێ چێكه‌رێ رۆدانان و پرانیا سه‌ركرده‌یێن كوردان ب تایبه‌تی ژی سه‌رۆكێ هه‌رێمێ ب قاره‌مانێن چێكه‌رێ روودانان دهێته دانان.
ئه‌ڤرۆ نیوز:
شاندێ حوكمه‌تا هه‌رێما كوردستانێ دێ رۆژا ئێكشه‌مبیا بهێت چیته به‌غدا و دێ پرسا رێككه‌فتنا هنارتنا نه‌فتا هه‌رێمێ و ئاسته‌نگێن هه‌مبه‌ر وێ دروست بوون بۆ به‌غدا به‌حس كه‌ت.
رێباز محه‌مه‌د وه‌زیرێ دارایى یێ حوكمه‌تا هه‌رێما كوردستانێ راگه‌هاند كو شاندێ هه‌رێمێ بۆ به‌غدا دێ پابه‌ندبوونا خوه ب رێككه‌فتنا هنارتنا نه‌فتا هه‌رێمێ ب رێیا كومپانیا سومو دیاركه‌ت.
بڕیاره شاندێ هه‌رێمێ ب سه‌رۆكاتیا نێچیرڤان بارزانى سه‌رۆكێ حوكمه‌تا هه‌رێما كوردستانێ سه‌را به‌غدا بده‌ن و ل گه‌ل حه‌یده‌ر عه‌بادى سه‌رۆك وه‌زیرێن عیراقێ كوم ببن.
ئه‌ڤرۆ نیۆز، قائید میرۆ
سه‌رۆكێ لیژنا مافێ مرۆڤی ل په‌رله‌مانێ كوردستانێ دبێژیت، هادی ره‌حمانی سه‌رۆكێ به‌رێ یێ دیوانا چاڤدێریا دارایی د ده‌مێ دوسالێن كارێ خوه‌دا 100 ملیۆن دینار بۆ كڕینا كه‌لوپه‌لێن ناڤمالیا خوه كڕینه”.
سۆران عومه‌ر، سه‌رۆكێ لیژنا مافێ مرۆڤی یا په‌رله‌مانێ كوردستانێ بۆ ئه‌ڤرۆ نیۆز گۆت” د سالێن بۆری دا چو چاڤدێری نه‌بووینه، ژبه‌ركو دیوانا چاڤدێریا دارایی بخوه گه‌نده‌لی كریه،
سۆران گۆتژی” سه‌رۆكێ به‌رێ یێ دیوانا چاڤدێریا دارایی 164 رۆژان ب ئیفاد چوویه كه‌نه‌دا و مالی و ل ڤی وێرێ مایه، هه‌ر بۆڤێ مه‌ره‌مێ دده‌مێ وێ سه‌ره‌دانێ دا 93 ملیۆن دینار وه‌رگرتینه، ئه‌ڤه هاتیه‌كرن له‌وڕا چو چاڤدێری نه‌بوویه لسه‌ر حوكمه‌تێ”.
ئه‌ڤرۆ نیۆز، قائید میرۆ
جێگرێ سه‌رۆكێ په‌رله‌مانێ كوردستانێ راگه‌هاند، مه‌ره‌م ژ ناف ئینانا پارێزگه‌ها هه‌له‌بجه بۆ وان كه‌سێن چووینه ناڤا گروپا داعش چو مه‌ره‌مێن خراپ مه نه‌بووینه و خه‌لك ل هه‌موو ده‌ڤه‌رێن هه‌رێمێ چووینه ناڤا داعش.
جه‌عفه‌ر ئیبراهیم، جێگرێ سه‌رۆكێ په‌رله‌مانێ كوردستانێ بۆ ئه‌ڤرۆ نیۆز دیاركر، مه‌ره‌ما من ژ به‌حسكرنا هه‌له‌بجه ژ چوونا گه‌نجان بۆ ناف داعش ب خراپی هاتیه لێكدان و راسته گوره‌ی زانیاریێن مه 500 كه‌س ل هه‌رێما كوردستانێ چووینه ناڤا داعش، به‌لێ ل هه‌موو ده‌ڤه‌رانبووینه و تنێ ل هه‌له‌بجه نه‌بووینه.
جه‌عفه‌ر ئیبراهیم گۆتژی” خه‌لك ل سلێمانیێ و دهۆكێ و هه‌ولێرێ و هه‌موو ده‌ڤه‌ران چووینه ناڤا داعش و ب رێیا ئه‌ڤ ڤیدیۆیێن تێنه به‌لافكرن خویایه خه‌لكێ كیش ده‌ڤه‌رێنه.
ئه‌ڤرۆ نیوز:
په‌خشێ رادیویا داعش دگه‌هته چه‌ند ده‌ڤه‌رێن كوردستانێ و وه‌زاره‌تا ره‌وشه‌نبیرى یا حوكمه‌تا هه‌رێما كوردستانێ داخوازا پێرابوونان و دانانا ته‌شویشێ ل سه‌ر شه‌پولێن وێ رادیویێ دكه‌ت.
هه‌لگورد جوندیانى رێڤه‌به‌رێ گشتى یێ راگه‌هاندن و چاپ و به‌لاڤكرنێ ل وه‌زاره‌تا ره‌وشه‌نبیرى یا حوكمه‌تا هه‌رێما كوردستانێ راگه‌هاند كو په‌خشێ رادیویا داعش ل مووسل دگه‌هته كه‌له‌كا یاسین ئاغا و رۆڤیا و شێخان و شنگال و ده‌شتا نه‌ینه‌وا و هنده‌ك ده‌ڤه‌رێن دى، له‌وما مه نڤێسار ئاراسته‌ى جهێن سه‌ر بلند كریه بۆ وێ یه‌كێَ ل گه‌ل ئه‌نجومه‌نێ وه‌زیران و وه‌زاره‌تا ناڤخو باخڤن و ب زووترین ده‌م سنوره‌كێ بۆ وێ رادیویێ دانن و ته‌شویشێ بێخنه شه‌پولێن وێ رادیویێ.
ئەڤرۆ:
وەزیرێ پەروەردا حوکمەتا ھەرێما کوردستانێ د کڤانێ سەرەدانا خوە دا بۆ دھۆکێ بۆ رۆژناما ئەڤرۆ گۆت “ھەر بریارەکا ھەبیت ئەم د بەرژەوەندیا قوتابیان دا دەردکەین و ھەر بریارا ببینین نەدبەرژەوەند دا بیت دێ پێداچوونێ تێدا کەین”.
پشتیوان سادق وەزیرێ پەروەردا حوکمەتا ھەرێما کوردستانێ دەربارەی شێوازێ ئەزموونان کو ھەمی بووینە ھەلبژارتن، گۆت “ھەر بریارەکا وەزارەت بدەت ئارمانج بەرژەوەندیا قوتابیانە و د کۆنفرانسێ پەروەردێ ژی دا تەوەرەک گرێدایی شێوازێ ئەزموونان بوو و ھەرتشتێ ئەم بزانین نەدبەرژەوەندا زانستی و قوتابیان دایە، بەرھەڤین پێداچوونێ بۆ بکەین و ئەگەر کێماسی ھەبن دێ بزاڤێ کەین چارە کەین”.
وەزیرێ پەروەردا حوکمەتا ھەرێما کوردستانێ دەربارەی دامەزراندنا شەش ھزار مامۆستایان ژی گۆت “بریار بوو شەش ھزار ماموستا بھێنە دامەزراندن، لێ وەکو دیار رەوشا ئابووریا ھەرێمێ یا لاواز بوو، لەورا حوکمەتێ بریار دا چار ھزار بھێنە دامەزراندن کو ب ئاوایەکێ شەفاف ل سەر ھەمی پارێزگەھێن ھەرمێ ھاتینە پارڤەکرن و نھا ٨٥% ژ وان دەست بکار بووینە و ١٥% مابوون کو خەلک رازی نەبوو بچیتە جھێن دوور، ئەڤجا دووبارە ھاتینە راگەھاندن و ئومێدەوارین ھەتا دو حەفتیێن دی ئەو ژی دەست بکار ببن”.
د بەرسڤا پرسیارەکێ دا کو باژارێ دھۆکێ ژ ڤان پلێن دامەزراندنێ زەرەرمەند بوویە وەزیرێ پەروەردێ گۆت “مە ل سەر ئاستێ پارێزگەھان پلە داناینە، بۆ نموونە بەھرا دھۆکێ نێزیکی ٨٥٠ پلە بوون و پاشی مە ٣٠ پلێن دی ژی بۆ زێدە کرن”.
ل دۆر پرسیارەکێ کو گۆتنەک ھەبوو نێزیکی سێ ھزار فەرمانبەران دێ ھێنە دامەزراندن، چ راستی بۆ ڤێ ئێکێ ھەیە؟ وەزیری گۆت “من ئەڤ گۆتنە گولێ نەبوویە و مە فەرمانبەر ژ ئاستێ خوە زێدەتر ھەنە لێ مە ئاریشا ماموستایان ھەیە”.
ھەروەسا وەزیرێ پەروەردا حوکمەتا ھەرێمێ بەحسێ خواندنا ئەھلی کر و گۆت “مە گەلەک گازندە ل سەر خواندنا ئەھلی ھەنە و مە دڤێت سیستەمەکێ رێکوپێک بۆ دارێژین”.
ئەڤرۆ نیوز ،بارزان مزووری
بەرپرسێ لقا ١٤ مووسل ل میحوەرێ باشیک، عسمه‌ت رەجەب، بۆ ئەڤرۆ نیۆز دیار کر کۆ ئەڤرۆ سپێدێ ل ناڤ باژێرێ مووسل چەکدارێن تیرورستێن داعش پێنج ئەفسەرێن له‌شكرى سێداره‌دان پشتی ل دادگەھا شەرعی یا داعش فەرمان ھاتی
به‌رپرسێ لقا 14 يا پارتى ئاماژه ب وێ چه‌ندێ ژى كر كو ھەر پێنج ژ وان ل سەربازگەھا غزلانی سێدارەدان.
ل دۆر ناڤێن وان كه‌سان گۆت: “هه‌ر ئێك ژ عەقید عیماد حسێن، عەقید درید ئیبراھیم، راید عمار مشعل، نەقیب یونس شەریف، نەقیب حەسیب جاسم”
زێدەتر گۆت: “ل شەڤا بوری چەکدارێن تیرورستێن داعش والیێ ناحیا حه‌مام عەلیل ب ناڤێ مزھه‌ر خەلەف مه‌مدوح سێدارەدا ل سەر بازگەھا غزلانی ژ ئەگەرێ خیانەتێ د گەل چەکدارێن تیرورستێن داعش پێزانینێن داعش گەھاندە دەزگەھێن ئیمناھیێ یێن عێراقێ”.
ئه‌ڤرۆ نيوز:
وەزیرێ دەرڤە یێ تورکیا مەولود چاڤوش ئوگلۆ د پرێس کۆنفرانسەکێ دا راگەھاند کو ل عیراقێ چو تشتەکێ ب ناڤێ لەشکرێ عیراقێ نینە، گەلەک گرۆپێن جودا جودا یێن چەکداری ھەنە، لێ تنێ ھێزا کو شیایە شەرێ داعشێ بکەت و دربێن کوژەک ل وێ رێکخستنێ بدەت ھێزا پێشمەرگە بوویە و مرۆڤ نەشێت ژ بلی ھێزا پێشمەرگەی ل عیراقێ پشتا خوە ب چو ھێزەکا دی گەرم بکەت.
نيشاندان