ئه‌ڤرۆ نيوز، ناجی به‌ده‌ل:

ل نویترین ده‌ركه‌فتنا سه‌رۆكێ رێكخراوا قاعیده‌ ئاشكه‌راكر كو ئوسامه‌ بن لادن ل رێكخستنێن ئیخوانان كاركریه‌ .

د. مێڤان عارف عه‌بدولره‌حمان پسپور د دیرۆكا سیاسیا هه‌ڤچه‌رخ ل زانكویا دهۆك بو ئه‌ڤرۆ نیوز دیاركر په‌یوه‌ندیا ئه‌یمه‌ن زه‌واهری ل گه‌ل ئیخوانا هه‌بو و چه‌ندین جاران ل سه‌ر پرسگریكا ئیخوانا هاتینه‌ ده‌سته‌سه‌ركرن و كاریگه‌ریا عه‌بدولا عه‌زائیمێ ل سه‌ر بن لادنی و ئه‌یمه‌نی .

د. مێڤانی ئه‌و چه‌نده‌ ژی دیاركر ل ده‌مێ ڤه‌كرنا قوتابخانه‌یان و رێكخستنا عه‌ره‌بێن ئه‌وقان ده‌ستێ جیهادێ و كارتێكرنا وان هه‌بوویه‌ و نها خو ڤه‌گه‌رینه‌ڤه‌ وه‌ك یا ل مسرێ و ره‌نگڤه‌دانا ئه‌ڤێ داویێ ل سینا درۆست بووین خو لێ بكه‌نه‌ خودان و رێكخستنه‌كا دی یا ب هیز ل ده‌ڤه‌رێ.

ناڤبری ئه‌و چه‌نده‌ ژی دیاركر ئه‌و ململانیا ناڤبه‌را داعشی و قاعیده‌یێ دا درۆست بووی بێهێزیا قاعیده‌ نها ل رۆژهه‌لاتا ناڤین نيشان دده‌ت و ئه‌ڤ داخویانیا سه‌رۆكێ ریكخراوا قاعیده‌ ئاماژه‌یه‌ بو ب هێزی و ڤه‌گه‌راندنا ده‌سه‌لاتێ و خو رێكخستنه‌كا نوو و ده‌لیڤه‌ زانینا ره‌وشا ناڤخویا مسرێ وه‌ر بگریت.

ئه‌یمه‌ن زه‌هوارید وێ گرته‌یا ڤیدویێ دا دیاركر بن لادبن ب رێكا رێكخستنێن كومه‌له‌یا ئیخوانان هاتیه‌ هنارتن بو پاكستانێ مه‌ره‌م ژێ هه‌ڤكاریكرنا كومه‌له‌یا ئیسلامی بوو ل وی وه‌لاتی به‌لێ ئه‌و ژ فه‌رمانێن كومه‌له‌یێ ده‌ركه‌فت ب كارێن خوڤه‌ مژیل بو و.

ئوسامە بن لادن سەرۆكێ به‌رێ یێ رێكخراوا قاعیدە ل سالا 2011 ژ لایێ سوپایێ ئەمریكاڤه‌ ل پاكستان هاته‌ كوشتن و ئەیمەن زەواهیری جهێ وی گرتی یه‌.

ئه‌ڤرۆ نيوز، موسعود خه‌له‌ف:

ل گور گوتارەکی یا نڤیسەر (روبەرت کورنویل) کو د رۆژناما (ئیندبندنت) یا بریتانی دا بەلاڤ کریە کو دبیت ل قوناخا داھاتی قەیرانەک ل ناڤبەرا ئەمریکا و دوستا وێ یا تەکانە ل رۆژھەلاتا ناڤین(ئیسرائیل) دروست ببیت، ئەو ژی ژ بەر کو بنیامین نتنیاھو یێ رژدە کو ل مەھا ئادارێ بچیتە واشنتون و گوتارەکی ل کونگرێس پێشکێش بکەت.
چوونا نتنیاھو نە ب گور داخوازنامەکیە ژ کوچکا سپی، بەلکو ئەو ژ لایێ سەروکی جڤاتا نوونەرێن ئەمەریکا ڤە (جون بوینر) ڤە ھاتیە داخوازکرن بۆ خواندنا گوتارەکی ل دور (مەترسی و گەفێن ئیرانێ). لەوما کوچکا سپی ژ لایێ خوەڤە داخویانی دا و گۆت کو ھەکە نتینیاھو بھێت ژی، ئەو نەشێت ئوباما ببینت، ژبەر کو سەرەدان نە ب شێوەکی رێکخستی ل گەل کوچکا سپی پێک ھاتیە.

ئه‌ڤرۆ نیوز:
داعش د یه‌یجێن خوه‌ دا، ڤیدیویا سه‌ربرینا ده‌سته‌سه‌ركرى یێ دوێ ب ناڤێ كینجى گوتوى یێ ژاپۆنى به‌لاڤكر و حكومه‌تا ژاپۆنى ژى یێ بزاڤێ دكه‌ت ڤه‌كولینێ ژ راستیا ڤیدیویێ بكه‌ت.
ئێكشه‌مبیا بوورى، داعش ئێك ژ ده‌سته‌سه‌ركریێن داعش ب ناڤێ هۆ هاروونا یاكاوا، سه‌رژێكر كو به‌رى نوكه‌ داعش بۆ ئازادكرنا وان داخوازا 200 ملیون دولاران ژ حكومه‌تا ژاپۆنێ كربوو.