ئه‌ڤرۆ نیوز:

سه‌رۆك بارزانى د چوارچوڤێ پێشوازیكرنا میخاییل بوگدانوڤ هنارتیێ تایبه‌تێ سه‌رۆكێ رووسیا بۆ كاروبارێن رۆژهه‌لاتان ناڤه‌راست و جێگرێ وه‌زیرێ ده‌رڤه‌یێ یێ رووسیا به‌حسێ ره‌وشا نوكه‌ یا كوردستانێ كر و رژى ل سه‌ر وێ یه‌كێ كر ژبه‌ر هندێ تیرورستان هێرش كره‌ سه‌ر كوردستانێ، چونكه‌ كوردستان ئاسته‌نگه‌كا مه‌زن بوو ل هه‌مبه‌ر بجهبوونا پلانا تیرورستان و به‌رفره‌هبوونا وان ل ده‌ڤه‌رێ و دیاركر كو تیرور گه‌فه‌كا جدى یه‌ بۆ سه‌ر هه‌ر لایه‌كێ و گۆت” هه‌ر لایه‌كێ بخوازیت تیرورێ وه‌ك كارته‌كا سیاسى د هه‌ڤركیان دا بكار بینیت، د ئه‌نجام دا دێ زیان گه‌هیته‌ وى ب خوه‌ و دێ ب ڤى ئاگرى سوژیت.
جێگرێ وه‌زیرێ ده‌رڤه‌ یێ رووسیا رژى ل سه‌ر پشته‌ڤانیا وه‌لاتى خوه‌ بۆ سه‌رۆك بارزانى و گه‌لێ كوردستانێ ل شه‌رى دژى تیرۆرستان كر.

ناڤەندا چاپەمەنیا ypg دیار کر کو ژ سەدی ٧٠ کۆبانێ د بن کۆنترۆلا ھێزێن ypg دایە و د ئۆپەراسیۆنا شەڤا بوری دا گرێ مشتەنور ب تەمامی ھاتیە پاقژکرن، ھەر وھا ٤٠ تەروریستێن داعش ھاتنە کوشتن.
ژ ئالیێ خوەڤە عەمید مسلح زێباری ژ بۆ ئاژانسێن راگەھاندنێ داخویاکرن کو وان دوھی ل گەل شەرڤانێن ypg شیان گرێ مشتەنور یێ ستراتیجی کونترول بکەین و نوکە سەنگا شەری پتر کەتیە د دەستێ وان دا.

ھەر وەسا دا زانین کو ھەر د ھەمان شەڤێ دا چەکدارێن داعش چەندین ھەول دان بۆ زیڤراندنا ئەڤی گری، لێ ھەمی ھەولێن وان ڤالا دەرکەتن و زیانەکە مەزن گەھشتە وان.
ناڤەندا چاپەمەیا ypg دەربارێ ئۆپەراسیۆنا کو دوھی ل گرێ مشتەنوورێ ھاتی دەستپێکرن دا داخویانیەک وەشاند.

د داخویانیا ypg ھاتیە کو: ئێرشێن داعش کو ب ئارمانجا داگرکرنا کۆبانێ ھاتبوون دەستپێکرن کەتن رۆژا ١٢٦، ھێزێن مە ژ سەدی ٧٠یێ باژێر ئێخستنە ژێر کۆنترۆلا خوە و شەڤا بووری ژی ل ھەمبەری چەتەیان ئۆپەراسیۆنەک بەرفرەھ ھاتە دەستپێکرن. د ئەنجاما ڤێ ئۆپەراسیۆنێ دە چەتەیان دەربەیێن پر گران و ستراتیجی خوارن و گرێ مشتەنورێ ژی ھاتە رزگارکرن.

ئەڤرۆ:

پشتی بۆ دەمێ ھەیڤەکێ ل گوندێ خوە ماین، نەچاربوون قەستا جھەکی بکەن بۆ پەیداکرنا نان و ژیانێ، پتر ژ چار جھان ھاتنە ڤەگوھاستن و دووماھی جار ل دارستانەکا مۆسلێ ماینە، بەردەوام ل ژێر زێرەڤانیا چەکدارێن داعش بووینە، ژ ١٠ کەسان نوکە ب تنێ چار ژێ ماینە، ل ناڤ پتری دو سەد زارۆیان و رێ بۆ وان ھاتە دان دو زارۆیێن خوە ل گەل خوە بینن، ئەوژی ژنەبوونا چاڤدێریێ تووشی نەخۆشیان بووینە و نوکە ل لالشێ ژیانا خوە دەربازدکەن.
بەیان نجمان، ژنەکا دۆرێن ٥٥ سالیێ یە دیارکر ل دەستپێکا کارەساتا شنگالێ ئەو ل گوندێ گولاتێ ماینە و نەشیان ژ گوندی بدەرکەڤن و بوویە و گۆت: دۆرێن ھەیڤەکێ ئەم ل گوندی ماین و ل وی دەمی گەلەک جاران چەکدارێن داعش قەستا مالێن مە دکرن و ھەر تشتێ ھەی دبرن و تالانکرن و پشتی نەبوونا خوارنێ و ڤەخوارنێ ئەم نەچاربووین ژ گوندی بدەرکەڤین و قەستا جھەکێ دیتر بکەین، بەلێ ل دەمێ نێزیکی شەرفەددینی بووین ئەم ھاتینە دەستەسەرکرن ژلایێ چەکدارێن داعش ڤە و ھەر وێ رۆژێ زارۆ و گەنج ژ مە ھاتنە جوداکرن و ئەم ھاتینە ڤەگوھاستن بۆ گوندەکی بناڤێ ( قێار المحراب) کو ل دەروبەرێن تلەعفەر بوو و ئەم ل مالێن خەلکی ئاکنجی بووین و بەردەوام زێرەڤانی ل مە ھاتە کرن.
دیارکر ژی ئەو دۆرێن ٦٠٠ کەسان ل وی گوندی بوون و رێ نەدھاتە دان ژ گوندی بدەرکەڤن و گۆتژی: ب تنێ مە ئازادیا خوە ل گوندی ھەبوو و ھەر زارۆیەک یان گەنجەک ل گەل کەسەکی با دھاتە بەرزەکرن و دۆرێن ٢٠٠ زارۆیان ل گەل مەدابوون ل گوندی، بەلێ دەم بۆ دەمی ژ مە دستاندن و دووماھیێ ھژمارا وان کێمبوو و پاشی ئەم ھاتینە ڤەگوھاستن بۆ ناڤ دارستانەکێ ل باژێرێ مۆسلێ و چو ئاڤاھی ل وێرێ نەبوون و ئەم د کونترۆلکری بووین.
مەحما عەبدو، زەلامەکە دژیێ ١٠٥ سالیێ دا و ئەو ل گەل کورێن خوە ب تنێ ھاتینە ئازادکرن و ھژمارەکا مەزن ژ ئەندامێن خێزانا وی د بێ سەروشوونن، دیارکر ل ئەو ل شنگالێ بوون و نەدشیان ژ مالێ دەرکەڤن و گۆت: ل دەستپێکێ پێنج چەکدارێن داعش ھاتنە لایێ مە و مە چەندەک ژوان دنیاسین و پشتی زانی ئەم دانعەمر ب تنێ یێن ماین گۆتنە مە ل مالێن خوە بمینن، بەلێ مالێن مە ھاتنە تالانکرن و ترۆمبێلێن مە ژ مەھاتنە ستاندن و پشتی ٣ ھەیڤێن زیندانکرنێ دمالدا ئەم ھاتینە ڤەگوھاستن بۆ گوندێ (کوچو) ل وێرێ گۆتنە مە ھوون ئێخسیرێن مەنە و تلفونێن مە ژ مە ستاندن و وەکو ئێخسیران سەرەدەری ل گەل مە دھاتە کرن، پشتی ٢٠ رۆژان ئەم ڤەگوھاستینە گوندەکی ل تلەعفەر و ل وێرێ ژی رێ نەدھاتە دان ژ مال دەربکەڤین و سەرەدەریەکا نەباش ل گەل مە دھاتە کرن و خەلکەک نەچاربوو ب رەڤیت و ئەز دشێم بێژم پتری ١٠٠ کەسان رەڤین و قەستا چیایێ شنگالێ کرن، پاشی ئەم ھاتینە ڤەگوھاستن بۆ مۆسلێ و ل وێرێ دیاربوو ئەم پتری دو ھزار ل ناڤ دارستانەکێ بووین و ب تنێ دارستان وارێ مەبوو و ھاتنوچوونا مە یا ئازاد بوو، بەلێ ژ ئەگەرێ نەبوونا جلکا مە بەتەنی ب خوە وەردکرن و خارن ب ئێکجاری یا کێمبوو.
مەیان فارس، ژنەکە ل رۆژا ئێکێ ل گەل خێزانا خوە کەتە ددەستێن داعشان دا و گۆت: ل رۆژا ئێکێ ل نیڤا رێکێ ئەم ھاتینە گرتن و خێزانا مە پێکھاتی بوو ژ ١٠ کەسان، بەلێ سێ کور و دو کچ و ھەڤژینێ من ژ مە ھاتنە ڤەدەرکرن و ئەز و دو کورێن خوە ژنماما من ماین، ھەر وێ ئێڤارێ ئەم برینە تلعفەر و ل دەستپێکێ ئەم زیندانکرین کو ھژمارا کەسێن د زیندانێ دا پتری ھزار مرۆڤان بوو و جاران ژی ئەم ل ناڤ خانیان ئاکنجی دکرین و گەنج دبرن کار پێ دھاتە کرن، وەکو کارێ شوفێریێ و فیتەریێ و ..ھتد.
پشتی سێ ھەیڤان، مەیان ل گەل زارۆیێن وێ ڤەگوھاستنە مۆسل و گۆت: ل مۆسل دۆرێن دوسەد زارۆیان ل گەل خێزانێن خوە بوون، زارۆیێن من ھەردو نەساخ بوون و رێ ب تنێ بۆ مە ھاتە دان زارۆیێن خوە بینین، ئەوژی د نەساخن و نوکە ل لالشێ ئاکنجی بووینە.
د.خەیری خدر، رێڤەبەرێ کەرتێ شێخان یێ ساخلەمیێ دیارکر پشتی گەھشتنا ون بو لالش مە ھژمارەکا تیمێن ساخلەمیێ ئامادەکرینە تیمەک دێ خوینێ ژوان کێشیت ژبو پشکنینا نەخوشیێن ڤایروسی و تیمەکێ دی یێن تایبەتمەندە ب چارەسەریێ بو ئەوان کەسا یێن نوکە پێدڤی ب چارەسەریێ ھەین و گۆت: پتریا وان تووشی نەخوشیێن دەروونی بووینە و نەخوشیێن دل و فشارا خوینێ و شەکرێ ژی دناڤدا ھەنە.
دیارکر ژی وەک یا دیار ئەڤ کەسانە بو ماوەکێ درێژ ماینە بێ چارەسەری ب تنێ ئەو حەب و چارەسەری بووینە دەما دگەل خوە بڕین وەک دی چ چارەسەری بو نەھاتیەکرن و گەلەک کارتێکرن لێ بوویە.