ئه‌ڤرۆ نیوز:
مه‌سعود بارزانى سه‌رۆكێ هه‌رێما كوردستانێ په‌پامه‌كا نه‌رازیبوونێ به‌رامبه‌ر داخوازنه‌كرنا كوردستانێ بۆ كۆنگرێ له‌نده‌ن ده‌ربرى كو تایبه‌ت بوو ب وه‌لاتێن ل گه‌ل داعش د شه‌رى دا و دبێژیت: جهێ دلگرانیا مه‌یه، كو شه‌هیدبوون و قوربانیدان پشكا خه‌لكێ كوردستانێ بیت و ئیتعتبار ژى بۆ خه‌لكێ دى بهێته هژمارتن.
ئه‌ڤرۆ نیوز:
جون كیرى وه‌زیرێ ده‌رڤه‌یێ ئه‌مریكا راگه‌هاند كو هێرشێن هه‌ڤپه‌یمانان بۆ سه‌ر جهێن داعش زێده‌تر ژ 50% ژ سه‌ركردێن وان كرینه ئارمانج و كوشتى نه.
وه‌زیرێ ده‌رڤه‌یێ ئه‌مریكا ئاماژه ب وێ چه‌ندێ ژى كر كو گرێدانا كۆنگرێ نێڤده‌وله‌تى ل بریتانیا، زێده‌تر وان هان دده‌ت بۆ ژناڤبرنا رێكخراوا داعش.
ئه‌ڤرۆ نیوز، ڤه‌ده‌ر سوبحى
پشتی جڤینێن له‌نده‌ن ب پشكداریا 21 ئه‌ندامێن هه‌ڤپه‌یمانیا دژی داعش هاتیه ئه‌نجامدان، حه‌یده‌ر عه‌بادی د پرێس كونفرانسه‌كێ هه‌ڤپشك دا دگه‌ل جون كێری وه‌زیری ده‌رڤه‌یێ ئه‌مریكی دا و فلیپ هاموند وه‌زیرێ ده‌رڤه‌یێ بریتانیا په‌سنا هێرشێن ئاسمانیێن هه‌ڤپه‌یمانیی كر و دبیژیت كو گه‌له‌ك د كاریگه‌ربوون، ژ ئالیێ خوه‌ڤه جون كیرى گۆت: د ده‌مه‌كێ كورت دا تڤه‌نگێن ئێم 16 یێن ئه‌مریكا دێ گه‌هنه ئیراقێ.
عه‌بادی خویاكر كو هه‌موو وه‌لاتێن ده‌وروبه‌ر دزانن گه‌فا داعش لسه‌ر هه‌می جیهانێ یه.
هه‌روه‌سا ناڤبری داخازا پاشخستنا قه‌رێن لسه‌ر ئیراقێ كر ژ ئالیێ جڤاكا نێڤده‌وله‌تی ل باره‌ی پاره‌دانا چه‌كی و گۆت: د جڤینێن داڤوسێ دا گوتوبیژ لسه‌ر قه‌یرانا ئابووریا ئیراقی هاته كرن د ده‌مه‌كی دا كو ئابووورا مه برێژا 40 سه‌دێ داكه‌فتیه.
ژ ئالیێ خوه‌ڤه فیلیپ هاموند راگه‌هاند كو دڤێت جیهان بزاڤێن پتر بكه‌ت بۆ راگرتنا هه‌می ژیده‌رێن پشته‌ڤانیێ بۆ داعش.
جۆن كێری ژی خویاكر كو ئه‌و هێزا داعش پێ هاتی ل ئیراقێ هاتیه راگرتن و بهاریكاریا 2000 هێرشێن ئاسمانیین هه‌ڤپه‌یمانیێ نێزیكی 700 كیلومه‌ترێن چارگوشه ژ ئالیێ هیزێن ئیراقی ڤه هاتینه كونترولكرنڤه ژ داعشێ، و ل ده‌مه‌كێ كورت دا تڤه‌نگێن ئێم 16 یێن ئه‌مریكا دێ گه‌هنه ئیراقێ.
ئه‌ڤرۆ نیۆز ، بارزان سلێمان مزوورى
ب به‌رهه‌ڤبوونا رێكخراو و سه‌نته‌رێن ره‌وشه‌نبیرى و بنگه‌هێن لالش و ژماره‌كا زور یا ئاواره‌یێن شه‌نگال و خه‌لكێ ده‌ڤه‌را شێخان د ناڤ باژێرێ قه‌زا شێخان خرڤه‌بونه‌ك ل دژى دامه‌زراندنا كانتونا شه‌نگال هاته ئه‌نجام دان .
نوێنه‌رێ خرڤه‌بونێ ، ئیلیاس نعمو خه‌تارى ، بۆ ئه‌ڤرۆ نیۆز دیار كر بناڤێ رێڤه‌به‌ریا ره‌وشه‌نبرى و هونه‌رى ل قه‌زا شێخان و دگه‌ل چه‌ندین سه‌نته‌رو تیپێن هونه‌رى و و نڤیسینگه‌ها گروپێ ئالا و بنگه‌هێ لالش و سه‌نته‌رێ كاكه‌ییان و ئێكه‌تیا ئافره‌تان یێن قه‌زا شێخان، دامه‌زراندنا كانتونا شه‌نگال ریسوا و شه‌رمزار دكه‌ن ژبه‌ر كو چ بنه‌مایێن یاسایى و ده‌ستورى نینن كو رێ ل دامه‌زراندنا كانتونان بده‌ت.
ئه‌ڤرۆ نیوز:
ناڤه‌راستا حه‌فتيا بهێت مووچێ هه‌یڤا 11 یێ وه‌زاره‌تا په‌روه‌ردێ دێ هێته به‌لاڤكرن.
ئه‌حمه‌د گه‌رمیانى جێگرێ سه‌رۆكێ ئێكه‌تیا ماموستایێن كوردستانێ دیاركر كو ئێكه‌تیا ماموستایان دووڤچوونا گیروبوونا موچێ ماموستایان كریه و گۆت: ئه‌م هاتینه ئاگه‌هداركرن كو ناڤه‌راستا حه‌فتیا بهێت دێ مووچێ وه‌زاره‌تا په‌روه‌ردێ هێته به‌لاڤكرن.
ئه‌ڤرۆ نيوز:
نیڤرۆیا ئەڤرۆ تیرۆرستێن داعش گۆله‌كێ كاتيۆشا ئاراستەيی قەزا خەبات یا سەر ب پارێزگەھا ھەولێرێ کر و د ئەجامدا وەلاتیەک شەھیدبوو دو وەلاتیژی بریندارن.
ژێدەرەکێ ئاگەھدار ل قەزا خەبات بۆ ئەڤرۆ نیۆز دیارکر، ئەف گۆلا كاتيۆشا يا داعش ل نێزیک سەنتەرێ باژێڕێ خەبات کەفتیە و نێزیکی بنگەھێ پۆلیسان، کو دکەڤە سەر جادەیا گشتیا ھەولێر خەبات.
ژ لايێ خوه ڤه رێڤه‌به‌رێ پۆليسێن قه‌زا خه‌بات، عه‌بدولجه‌بار موسته‌فا ژى بۆ ئه‌ڤرۆ نيوز گۆت: “موشه‌كا كاتيۆشا بوو ل سه‌ر رێيا سه‌ره‌كى يا دچيت بۆ هه‌ولێر ل نێزيك تاخێ پێشه‌سازى و دو كه‌س بريندار بووينه و كه‌سه‌كى ژى گيانێ خوه ژ ده‌ست دايه كو برينا ئێك ژ وان يا دژواره”.
رێڤه‌به‌رێ پۆليسێن قه‌زا خه‌بات دايه زانين ژى كو ئاراستێ ئه‌و گۆلێ كاتۆشيا ئه‌وێ هاتى ژ لايێ خازرى بوويه.
ئەڤە بۆ جارا سێ یە داعش ل دەڤەرێن دەوربەرێ مووسل قەزا خەبات ئه‌وا 25 كيلۆمتران دوورى هه‌ولێر تۆپباران دکەن، بەلێ ل جارێن بەرێ قوربانی نەبووینە.
قائيد ميرۆ و رزوان رۆژبه‌يانى پشكدارى د ئامادكرنا ڤى بابه‌تى دا كريه
ئه‌ڤرۆ نيوز:
وه‌زيرێ كاروكاروبارێن جڤاكى د نڤيساره‌كێ دا كو ره‌وانه‌يى جڤاتا وه‌زيران كريه، داخوازا مه‌زاختنا كۆژمه‌كێ پاره‌يى دكه‌ت بۆ فه‌رمانبه‌رێن وه‌زاره‌تا وى وه‌كو ده‌رمالێن مه‌ترسيێ ب ره‌نگه‌كێ هه‌يڤانه كو كۆژمێ 450 هزار و 300 هزار ديناره.
د نڤيساره خوه يا هژماره 100 يا رێكه‌فتى 12\1\2015 كو ئيمزايا محه‌مه‌د هاوديانى، وه‌زيرێ كاروكاروبارێن جڤاكى ل سه‌ره بۆ سه‌رۆكاتيا جڤاتا وه‌زيران ره‌وانه‌كريه، تێدا هاتيه: هيڤيدارين ره‌زامه‌نديێ ده‌رببڕن ب مه‌زاختنا وى كۆژمێ ل خوارێ ديار كرى وه‌كو ده‌رمالێن مه‌ترسيێ بۆ فه‌رمانبه‌رێن وه‌زاره‌تا كاروكاروبارێن جڤاكى ب ره‌نگه‌كێ هه‌يڤانه.
ب گۆره‌يى وێ نڤيسارا وه‌زارتا كاروكاروبارێن جڤاكى داخوازا مه‌زاختنێ ب ڤى ره‌نگى يه:
ئه‌ڤرۆ نيوز:
فه‌رماندێ ئۆپه‌راسيۆنێن ديجله، ژ پۆستێ وى لادا و ئه‌فسه‌ره‌كێ بلندێ كورد ل جهێ وى دێ ئه‌ركێ پاراستنا ده‌ڤه‌رێ پێ راسپێرا.
ژێده‌ره‌كى ژ فرقا 5 يا سۆپايێ عيراقێ بۆ باسنيوز راگه‌هاند كو پشتى عه‌بدولئه‌مر زه‌يدى ژ پۆستێ وى فه‌رماندێ ئۆپه‌راسيۆنێن ديجله دوورخست و بۆ به‌غدا هاته ڤه‌گوهاستن، ل جهێ وى، ئه‌فسه‌ره‌كێ كورد ب ناڤێ عه‌ميد رۆكن شێرزاد عه‌زيز كافرۆشى وه‌كو فه‌رماندێ فرقا 5 يا سه‌ر ب ئۆپه‌راسيۆنێن ديجله ده‌ست ب كار بوو، روون ژى كر كو ده‌ستبكاربوونا وى سه‌ركرده‌يى ب گۆره‌يى رێكه‌فتنه‌كا سياسى بوو
عه‌بدولئه‌مير زه‌يدى فه‌رماندێ به‌رێ يێ ئۆپه‌راسيۆنێن ديجله ئه‌فسه‌ره‌كێ سه‌رده‌مێ رژێما سه‌دام يا ژناڤچوويى بوو، رۆله‌كێ به‌رچاڤ ژى د پرۆسا ئه‌نفال و جينوسايدا گه‌لێ كورد دا هه‌بوويه، د ماوێ كاركرنێ دا وه‌كو فه‌رماندێ ئۆپه‌راسيۆنێن ديجله، ب دوژمنايه‌تيكرنا كوردان و ده‌ڤه‌رێن كوردستانێ يێن ده‌رڤه‌يى ئيدارا هه‌رێمێ يێ ناڤدار بوو.
حاكم سه‌رحان ئه‌حمه‌د سلێڤانه‌یی ئه‌ندامێ لیژنه‌یا دارایی یا جڤاتا نونه‌ران ل عیراقێ بو ئه‌ڤرۆ نیوز دیاركر ب پێشنیارا هه‌ڤالێن نونه‌رێن هه‌له‌بچه بو دانانا بودجه‌یه‌كێ بۆ پارێزگه‌ها وان كو بریاره ب پارێزگه‌هبونا وێ هاتیه داین و لێ هێشتا هه‌یكه‌لێ ئیداری ب داوی نه‌هاتیه .
ناڤبری ئه‌وچه‌نده‌ژی دیاركر ل گه‌ل هه‌مو ئه‌ندامێن جڤاتیێ یێن كورد ئێك راینه بكوژمه‌ك بو ئه‌وێ پارێزگه‌ها نو بهێته دیاركرن لێ هێشتا بجهـ نه‌هاتیه و د بزاڤا داینه دابین.
سه‌رحانی ئه‌و چه‌نده‌ژی دازانین بودجه‌یا په‌ره‌پێدانا پارێزگه‌هان ل گوری ئاكنجیا مرۆڤانه و كه‌فتا وێ ل سه‌ر كیش پارێزگه‌هیێ یه ژ بودجه‌یا ئه‌وێ پارێزگه‌هێ بهێته ڤه‌گوهاستن بو هه‌له‌بچه و بودجه‌یا گشتی یا 17% ژی دڤێت حساب و تایمه‌ندمه‌ندیه‌ك بو ئه‌وێ پارێزگه‌هبونا نو هه‌بیت .
نيشاندان