ئه‌ڤرۆ نیوز:
وه‌زیرێ دارایى یێ حكومه‌تا هه‌رێما كوردستانێ راگه‌هاند ل ده‌ستپێكا ڤێ حه‌فتیێ، حكومه‌تا عیراقێ دێ كوژمێ 583 ملیار دیناران بۆ هه‌رێما كوردستانێ هنێریت.
ئه‌ڤرۆ 17/1/2015 رێباز محه‌مه‌د وه‌زیرێ دارایى یێ حكومه‌تا هه‌رێما كوردستانێ ئاماژه ب وێ یه‌كێ كر كو رۆژێن ئێكشه‌مبى و دوشه‌مبى، به‌غدا دێ 583 ملیار دیناران بۆ هه‌رێما كوردستانێ هنێریت و ب وى پاره‌ى دێ مووچێ فه‌رمانبه‌ران پێ دابه‌ش كه‌ین.
ل پێنجشه‌مبیا بوورى ده‌ست ب به‌لاڤكرنا مووچێ هه‌یڤا 11 یێ سالا بوورى یێ هاتیه كرن.
ئه‌ڤرۆ نيوز:
جڤاتا وه‌زيران ل هه‌رێما كوردستانێ، بزاڤێن دروستكرنا جڤات و ئيدارا نه‌قانوونى ل ده‌ڤه‌را شنگا ئيدانه كر و راگه‌هاند كو نابيت ب ره‌نگه‌كێ سياسى حزبى سه‌ره‌ده‌رى ل گه‌ل وێ ده‌ڤه‌رێ بهێته كرن و دا زانين كو ئه‌ڤه ساركرنا برينێن وانه.
د به‌ياننامه‌كێ دا كو ل مالپه‌رێ فه‌رمى يێ حوكمه‌تێ به‌لاڤكريه، جڤاتا وه‌زيران دبێژيت: “ئه‌م سۆپاسيا شه‌رڤانێن يه‌كينێن پاراستنا گه‌ل دكه‌ين، هه‌ڤكاريا پێشمه‌رگه‌يى ژ ده‌سپێكا شه‌رێ داعش كريه بۆ رزگاكرنا كوردێن ئاواره‌بوويێن شنگال، به‌لێ د ره‌وانگه‌ها قانوونى و دستوورى دا رادگه‌هينين كو بزاڤێن پارتيا كرێكارێن كوردستانێ ل رۆژا 14\1\2015 دا بۆ دروستكرنا جڤات و ئيداره‌كێ بۆ شنگال ب كاره‌كێ نه‌يێ قانوونى و هه‌ڤدژى دستوور و قانوونێن كارپێكريێن كوردستان و عيراقێ دبينن و ئه‌و ده‌ستێوه‌ردان د كاروبارێن كوردستان و عيراقێ دا د قه‌بوولكرى نينن و دڤێت ب ته‌مامى پارتيا كرێكارێن كوردستانێ ژ ڤێ ده‌ستێوه‌ردانێ د كاروبارێن كوردستان و عيراقێ دا دوور بكه‌ڤيت”.
ده‌قێ به‌ياننامێ:
راگه‌یه‌ندراوی ئه‌نجومه‌نی وه‌زیرانی هه‌رێمی كوردستان سه‌باره‌ت به هه‌وڵه‌كانی شێواندنی دۆخی ده‌ڤه‌ری شه‌نگال:
ده‌ڤه‌ری شه‌نگال له دوای هێرشی تیرۆریستانی داعشه‌وه له 2014/8/3دا، له دۆخێكی زۆر ناخۆشدا ده‌ژیت، كه ئێستاش هه‌موو گه‌لی كوردستان وه‌ك برینێكی نوێ له جه‌سته‌ی كوردستاندا ته‌ماشای كۆمه‌ڵكوژی و رفاندنی ئافره‌تانی كوردی ئێزدی ده‌كات له‌و ده‌ڤه‌ره‌دا.
هه‌ر له‌به‌ر ئه‌و برینه سه‌خته‌شه، به‌ڕێز مه‌سعوود بارزانی سه‌رۆكی هه‌رێمی كوردستان و فه‌رمانده‌ی گشتیی هێزی پێشمه‌رگه، به‌‌خۆی راسته‌وخۆ سه‌رپه‌رشتیی پلان و هێرشه‌كانی هێزی پێشمه‌رگه‌ی كردووه و ده‌كات دژی چه‌كدارانی داعش له‌و ده‌ڤه‌ره‌دا. هه‌روه‌ها حكومه‌تی هه‌رێمی كوردستانیش، هه‌رچی له توانایدا بووه له‌و دۆخه ناهه‌مواره‌دا كردوویه‌تی بۆ به‌هاناوه‌چوونی خه‌ڵكی ده‌ڤه‌ره‌كه و گه‌ڕاندنه‌وه‌ی كچان و ژنانی كوردی ئێزدی، كه ئێستاش ژماره‌یه‌كی زۆریان له ده‌ست تیرۆریستانی داعشدان. هه‌روه‌ها حكومه‌تی هه‌رێمی كوردستان هه‌وڵی خۆی له‌ڕێگه‌ی لیژنه‌یه‌كه‌وه خستووه‌ته گه‌ڕ، له‌پێناو به‌جینۆسایدناساندنی ئه‌و كۆمه‌ڵكوژی و رفاندنه به‌كۆمه‌ڵه‌ی له‌و ده‌ڤه‌ره‌دا كراون، كه ئه‌نفالێكی نوێیه به‌رانبه‌ر كوردانی ئێزدی ئه‌نجام دراوه.
ئێمه له ئه‌نجومه‌نی وه‌زیرانی هه‌رێمی كوردستان، سوپاسی هاوكاریی شه‌ڕڤانانی یه‌كینه‌كانی پاراستنی گه‌ل ده‌كه‌ین، كه بوونه هاوكاری پێشمه‌رگه له سه‌ره‌تای هێرشی داعشدا بۆ رزگاركردنی كوردانی ئاواره‌بووی ده‌ڤه‌ری شه‌نگال، به‌ڵام ئێمه له روانگه‌ی یاسایی و ده‌ستوورییه‌وه رایده‌گه‌یه‌نین هه‌وڵی پارتی كرێكارانی كوردستان له رۆژی 14/1/2015دا بۆ دروستكردنی ئه‌نجومه‌ن و ئیداره‌یه‌ك بۆ ده‌ڤه‌ری شه‌نگال، به كارێكی نایاسایی و پێچه‌وانه‌ی ده‌ستوور و یاسا كارپێكراوه‌كانی كوردستان و عیراق ده‌بینین و ئه‌و ده‌ستوه‌ردانانه له كاروباری كوردستانی عیراقدا قبوڵكراو نین و ده‌بێ پارتی كرێكارانی كوردستان به ته‌واوی له‌و ده‌ستوه‌ردانانه له كاروباری كوردستانی عیراقدا دوور بكه‌وێته‌وه. نابێ مامه‌ڵه‌ی سیاسی و حزبی به مه‌ینه‌تییه‌كانی ئه‌و ده‌ڤه‌ره برینداره‌وه بكرێت، له‌به‌ر ئه‌وه‌ی كارێكی نایاساییه و ده‌بێته دروستبوونی ئاڵۆزیی سیاسی و ئیداری.
هه‌رێمی كوردستان و عیراق خاوه‌ن ده‌زگای ده‌ستووری و شه‌رعیی خۆیه‌تی، كوردانی ئێزدی و ده‌ڤه‌ری شه‌نگالیش خاوه‌ن نوێنه‌ری خۆیانن له په‌رله‌مانی كوردستان و ئه‌نجومه‌نی نوێنه‌رانی عیراق و ئه‌نجومه‌نی پارێزگای نه‌ینه‌وادا. بۆیه‌ش هه‌موو كارێك كه ئێستا و ئاینده بكرێت له ڕێگه‌ی ده‌زگا شه‌رعییه‌كانی هه‌رێمی كوردستان و عیراقه‌وه بۆ ده‌ڤه‌ری شه‌نگال ئه‌نجام ده‌درێن، نه‌ك له رێگه‌ی نایاسایی و ده‌ستوه‌ردانی ناپه‌سه‌ندكراوه‌وه. ئێمه له ئه‌نجومه‌نی وه‌زیرانی هه‌رێمی كوردستان، هه‌موو هه‌وڵێكمان بۆ ئه‌وه‌یه كه هاوكاریی خه‌ڵكی به‌شه‌كانی دیكه‌ی كوردستان له‌گه‌ڵ ده‌ڤه‌ری شه‌نگال و ناوچه‌كانی دیكه‌ی كوردستانی عیراق، ببێته هۆی باشتربوونی په‌یوه‌ندییه‌كان و تێكه‌ڵاویی باشتر، نه‌ك دروستبوونی دووبه‌ره‌كی و ئاڵۆزی، بۆیه‌ش داوا له پارتی كرێكارانی كوردستان ده‌كه‌ین، ده‌ستبه‌جێ ئه‌و هه‌وڵه نایاساییانه‌ی، له كوردستانی عیراقدا بوه‌ستێنێت.
هه‌ر لێره‌شدا جه‌خت له‌سه‌ر لێدوانه‌كانی به‌ڕێزان میری كوردانی ئێزدی و پیاوانی ئایینی و كه‌سایه‌تییه‌كانی كوردی ئێزدی ده‌كه‌ینه‌وه، كه ئه‌و ده‌ستوه‌ردانه ده‌بێته هۆی ئاڵۆزی له ده‌ڤه‌ری شه‌نگالدا و له ئه‌نجامدا كوردستانی عیراق و ده‌ڤه‌ری شه‌نگال به‌تایبه‌تی لێی زه‌ره‌رمه‌ند ده‌بێت، بۆیه ده‌بێ كۆتایی به هه‌ر جۆره هه‌وڵێكی له‌و جۆره بهێنرێت.
هێزی پێشمه‌رگه له هه‌وڵی كۆنترۆڵكردنه‌وه‌ی ته‌واوه‌تیی ده‌ڤه‌ری شه‌نگالدایه، هه‌روه‌ها حكومه‌تی هه‌رێمی كوردستان له هه‌وڵه‌كانی بۆ یارمه‌تیدانی خه‌ڵكی ده‌ڤه‌ره‌كه و ئاوه‌دانكردنه‌وه‌ی ئه‌و ده‌ڤه‌ره خۆشه‌ویسته به‌رده‌وام ده‌بێت، بۆ ئه‌و مه‌به‌سته له‌گه‌ڵ حكومه‌تی فیدرالی عیراقیشدا له هه‌وڵداندایه.
له هه‌مان كاتدا ئه‌نجومه‌نی وه‌زیران له‌و پێشنازه‌ش ده‌كۆڵێته‌وه كه داوا ده‌كات شه‌نگال بكرێته پارێزگایه‌كی دیكه، ئه‌وه‌ش به‌‌شێوه‌یه‌كی یاسایی و ده‌ستووری و به‌پێی ڕێوشوێنه یاسایی و ده‌ستوورییه‌كان، له‌گه‌ڵ حكومه‌تی فیدرالی عیراقدا باس ده‌كات، هه‌موو جۆره گفتوگۆیه‌كیش له‌وباره‌یه‌وه به ئاگاداری و به‌شداریی ئه‌نجومه‌نی پارێزگای نه‌ینه‌وا ده‌بێت.
ئه‌نجومه‌نی وه‌زیرانی هه‌رێمی كوردستان
2015/1/17
ئه‌ڤرۆ نیۆز،بارزان سلێمان مزوورى
ئه‌ڤرۆ داعش 400 پیره‌میر و پیره‌ژنێن كوردێن ئێزدى كو ده‌سته‌سه‌ركربوون، ل ته‌له‌عفه‌ر ئازاد كرن و نوكه یێ به‌ره‌ڤ هه‌رێما كوردستانێ ڤه دهێن و كه‌س و كارێن وان چاڤه‌رێى دیتنا وانن.
ئافره‌ته‌ك د ژیێ 50 سالیێ دا، ل ده‌ستێن داعش رزگار بوى ب ناڤێ ته‌ورا حه‌مه‌ت مه توو ، بۆ ئه‌ڤرۆ نیوز دیار كر كۆ نها ئه‌و چاڤه‌رێ كه‌س و كارێن خوینه ل زالگه‌ها كه‌ركوك نڤیسینگه‌ها خالد.
ڤێ ئافره‌تێ زێده‌تر گوت: ئه‌ڤرۆ ده‌مژمێر 10 سپێدێ كه‌سه‌ك ژ رێكخستیێن داعش هاته دناڤ وى جهێ ئه‌م تێدا ، گوته مه دێ هنگو به‌رده‌ین چونكى ئه‌م نه‌شیێن وه خودان كه‌ین جه‌ند خوله‌ك ده‌رباز بوون كه‌سه‌ك هات گوته مه رابن دابچین وه راده‌ستێ كه‌س و كارێن وه كه‌ین ئه‌م ل ترومبێلێن ڤه‌گوهاستنێ سیار كرین ئه‌م گه‌هاندینه زالگه‌ها كه‌ركوك ،
ناڤبرى ئاشكرا كر كو ئه‌ڤه 6 هه‌یڤه ئه‌و ل ده‌ستێن داعشدا ل ده‌ڤه‌را سولاغ سه‌ر ب قه‌زا شه‌نگال ڤه ئه‌م ده‌سته‌سه‌ركربووین و بۆ ته‌له‌عفه‌ر ڤه‌گوهاستبووین.
ڤێ دانعه‌مرێ زێده‌تر گۆت: ئه‌م ئاكنجیێن گوندێ تل بنات بوین دگه‌ل ژماره‌كا كچ و گه‌نجا و دانعه‌مرا ده‌سته‌سه‌ركرین كچێن گه‌ل مه بۆ جهه‌كى ڤه‌گوهاستن به‌س دانعمه‌مر پێك ڤه هێلاین حه‌تا ئه‌ڤرۆكه نه‌شیان مه خودان كه‌ن ، ئه‌وكچێن گه‌ل مه هه‌مى بو هنده‌ك جهێن ده‌رڤه‌ى عێراقێ ڤه‌گوهاستن ،
ناڤبرى دیار كر كۆ ئه‌و كه‌سێن دگه‌ل مه هاتینه رزگار كرن نێزیكى 400 كه‌سانه هه‌مى دانعمه‌ر و كێم ئه‌ندامن.
ئه‌ڤرۆ نيوز:
داعش بڕيار دايه كه‌ناله‌كێ نوو يێ تله‌ڤزيۆنى بدانيت و تێدا به‌لاڤكريێن خوه و كار و بزاڤێن خوه به‌چاڤ بكه‌ت كو دێ ل سه‌ر ئه‌نترنێتێ هێته په‌خشكرن.
ئه‌و كه‌ناله دێ ب ناڤێ (قناة الاخلافة) بيت و داعش نوكه ده‌ست ب ريكلاما وى كه‌ناللا كريه ب رێيا كۆڤارا تايبه‌ت ب وان ڤه دابق.
ئه‌و ريكلام به‌حس ل وێ چه‌ندێ ژى دكه‌ت كو تله‌ڤزيۆن دێ نوچه و پێزانينێن داعش ب رێيا ويلايه‌تێن خوه به‌لاڤ كه‌ت، بڕياره ژى 24 ده‌مژمێران په‌خش ل سه‌ر ئه‌نترنێتێ هه‌بيت.
داعش دێ ڤى كه‌نالى ب رێيا مفا وه‌رگرتن ژ وان بريتانيێن ده‌ست ب سه‌ر دا گرتى، ڤيديۆيان تۆمار كه‌ت و مفايى ژ ڤان ڤيديۆيان ل به‌ره‌يێن شه‌رى وه‌رگريت و دێ به‌رنامه‌كێ تايبه‌ت ب چاوانيا هه‌لگرتنا چه‌كى هه‌بيت.
دێ به‌لاڤكريه‌كا ده‌نگوباسان ژى هه‌بيت و دێ ئه‌و به‌لاڤكرى ل ده‌مێن جودا هێته دووباره كرن و باره‌گايێ ڤى كه‌نالى دێ ل باژێرێ مووسل بيت.
ئه‌ڤرۆ نيوز:
فراكسيۆنا زه‌ر ل په‌رله‌مانێ كوردستانێ رۆهنكرنه‌ك ل سه‌ر دامه‌زراندنا كانتۆنا شنگال ل شنگالێ ژ لايێ په‌كه‌كێ ڤه به‌لاڤكر تێدا دياركر كو د ده‌مه‌كى دا وه‌لات يێ ل شه‌رێ خوه‌سه‌پاندى يێ گرۆپێ تيرۆرستيێ جيهانى يێ داعش و ژبلى قاره‌مانيا پێشمه‌رگه‌يى و خوه‌راگريا خه‌لكێ كوردستانێ، پشته‌ڤانيا جڤاكێ نێڤده‌وله‌تى و ئێكرێزى و ته‌بايا د ناڤبه‌را هێز و لايه‌نێن هه‌موو پارچێن كوردستانێ بوويه ئه‌گه‌ره‌كێ گرنگێ سه‌ركه‌فتنێ ب سه‌ر ئه‌و پلانێن دوژمنێن مرۆڤاتيێ و ئازاديێ بۆ خه‌لك و ئاخ و ئه‌زمونا كوردستانێ داناين.
د ڤێ به‌لاڤكريێ يا دانه‌ك بۆ ئه‌ڤرۆ نيوز ژى ره‌وانه‌كرى ئاماژه ب وێ چه‌ندێ ژى كريه كو ئه‌ڤ كاره ژبلى كو بێرێزيه به‌رامبه‌ر دامه‌زراوێن قانوونى يێن كوردستانێ، ده‌ستێوه‌ردانه ژى ل سه‌روه‌ريا باشوورێ كوردستانێ و سياسه‌تا خوه‌فه‌رزكرنێ ب سه‌ر ئيرادا خه‌لكێ شنگال و پێنگاڤه‌كه ب لايێ پارچه پارچه‌كرنا ئه‌ردێ وه‌لاتى دا.
رۆژا چوار شه‌مبی پارتا كرێكارێن كوردستانێ PKK د كومبوونه‌كێ دا ئه‌نجومه‌نه‌ك بۆ كانتونا شنگالێ دروست كر كو ژ 27 كسان پێك دهێت ب ناڤێ جڤاتا ئێزديێن شنگال و ب بۆچوونا وان ئه‌ڤ كانتۆنه بۆ پتر خزمه‌تكرنا ده‌ڤه‌را شنگاله و ئێكه‌تيێ ژى ده‌ستخۆشى ل ڤێ پێنگاڤێ كريه، به‌لێ قاسم شه‌شۆيێ سه‌ركردێ پێشمه‌رگێن ئێزدى ل چيايێ شنگال ژى بۆ ئه‌ڤرۆ نيوز راگه‌هاند بوو كو هه‌كه ئه‌و ده‌ستبه‌رداريى ڤان ره‌نگه كاران نه‌بن، چو ب سه‌رێ داعش ئينايه، دێ وه‌ل په‌كه‌كێ ژى كه‌ن.
ئه‌ڤه ژى ده‌قێ وێ يه:
راگه‌هاندنه‌ك ژ فراكسيۆنا پارتى ل په‌رله‌مانێ كوردستانێ
شنگال پشكه‌كا بريندار و ڤه‌نه‌قه‌تيايا لاشێ وه‌لاتى يه
خه‌لكێ خۆشتڤيێ كوردستانێ
د ده‌مه‌كى دا وه‌لات يێ ل شه‌رێ خوه‌سه‌پاندى يێ گرۆپێ تيرۆرستيێ جيهانى يێ داعش و ژبلى قاره‌مانيا پێشمه‌رگه‌يى و خوه‌راگريا خه‌لكێ كوردستانێ، پشته‌ڤانيا جڤاكێ نێڤده‌وله‌تى و ئێكرێزى و ته‌بايا د ناڤبه‌را هێز و لايه‌نێن هه‌موو پارچێن كوردستانێ بوويه ئه‌گه‌ره‌كێ گرنگێ سه‌ركه‌فتنێ ب سه‌ر ئه‌و پلانێن دوژمنێن مرۆڤاتيێ و ئازاديێ بۆ خه‌لك و ئاخ و ئه‌زمونا كوردستانێ داناين.
به‌لێ مخابن د وى ده‌مێ بێ حسابكرن بۆ دامه‌زراوێن قانوونى يێن باشوورێ كوردستانێ و رێزگرتن ل ئيرادا خه‌لكێ بريندار و زۆلملێكرى يێ شنگال، پارتيا كرێكارێن كوردستانێ رێ ب خوه دده‌ت به‌حس و داخوازيه‌كا نه‌ڕه‌وا بێخيته رۆژه‌ڤێ.
ئه‌ڤ كاره ژبلى كو بێرێزيه به‌رامبه‌ر دامه‌زراوێن قانوونى يێن كوردستانێ، ده‌ستێوه‌ردانه ژى ل سه‌روه‌ريا باشوورێ كوردستانێ و سياسه‌تا خوه‌فه‌رزكرنێ ب سه‌ر ئيرادا خه‌لكێ شنگال و پێنگاڤه‌كه ب لايێ پارچه پارچه‌كرنا ئه‌ردێ وه‌لاتى دا.
ژ به‌ر هندێ ئه‌م وه‌كو فراكسيۆنا پارتى ديموكراتى كوردستان ژبلى راوه‌ستان به‌رامبه‌ر ڤى كارى، داخوازێ ژ په‌رله‌مان و حوكمه‌ت و هموو لايه‌نێن سياسى و رێكخراوێن جڤاكێ مه‌ده‌نى و رايا گشتى دكه‌ين، به‌رامبه‌ر ڤى كارى هه‌لويستى وه‌رگرن و دژى ب راوه‌ستن و سنوره‌كى بۆ وێ سياسه‌تا خه‌له‌ت ب دانن كو ژبلى نه‌قانوونى بوونێ و ده‌ستێوه‌ردانێ د سه‌روه‌ريا باشوورێ كوردستانێ دا هه‌ر هێزه‌كا ڤێ چه‌ندێ بكه‌ت و هه‌ر هێزه‌كا پشته‌ڤانيێ لێ بكه‌ت و بێ ده‌نگ ببيت كاره‌كێ خه‌له‌ته و بزاڤه‌كه بۆ پارڤه‌كرنا ڤێ ئاخێ.
بژى ئيرادا موكمتر بۆ ئێكه‌تيا رێزێن ملله‌تى
فراكسيۆنا پارتى ديموكراتى كوردستان
ل پەرلەمانێ کوردستانێ
17\1\2015
ئه‌ڤرۆ نيوز:
ب گۆره‌يى ژێده‌ره‌كێ ئاگه‌هدار، برياره سوبه‌هى مووچێ وه‌زاره‌ته‌كا دى يێ هه‌يڤا 11 يا سالا بۆرى ل حوكمه‌تا هه‌رێما كوردستانێ بهێته به‌لاڤكرن.
ب گۆره‌يى چه‌ند ژێده‌ران كو ب ده‌ست ئه‌ڤرۆ نيوز كه‌فتينه، بڕياره سوبه‌هى مووچێ هه‌يڤا 11 يێ سالا 2014 يێ هنده‌ك فه‌رمانگه‌هێن وه‌زاره‌تا ناڤخۆ بهێته به‌لاڤكرن.
هه‌ر ب گۆره‌يى ڤان ژێده‌ران هه‌ر ئێك ژ زێره‌ڤانى و پۆليسێن په‌ترۆل و غازێ و ليوا ئێك يا سلێمانيێ و فه‌رمانده‌يا هێزا ئاماده دێ مووچێن خوه وه‌رگرن.
ئه‌ڤرۆ نيوز:
د كاردانه‌ڤه‌كێ دا به‌رامبه‌ر دامه‌زراندنا جڤاتا كانتۆنا شنگال، ژ لايێ په‌كه‌كێ ڤه، ميرێ ئێزديان هاته ده‌نگ و هوشداريه‌كا دژوار دا و دا زانين كو ئه‌و دێ ب خوينێ به‌ره‌ڤانيێ ژ كاره‌كێ ژ ڤى ره‌نگێ يێ خوه سه‌پاندنێ كه‌ن.
مير ته‌حسين به‌گ ميرێ ئێزديان د داخۆيانيه‌كا تله‌فۆنى دا بۆ باسنيوز راگه‌هاند كو ماوه‌كه ئه‌و ئاگه‌هدارى كاره‌كێ ژ ڤى ره‌نگى يه و هوشدارى دايه كو هه‌موو لايه‌نێن ئێزديان و شنگال ژ حوكمه‌تا هه‌رێمێ ب سه‌رۆكاتيا بارزانى ناهێنه جوداكرن و هه‌ر لايه‌ك ژى بزاڤا ڤێ چه‌ندێ بده‌ت و كێشان دروست بكه‌ت، دێ ب دژوارى رووى ب روويێ وان بن.
ميرێ ئێزديان ل كوردستان و جيهانێ راگه‌هاند ژى كو ئه‌وێن مژوولى پلاندانێ ب كرێگرتى و دوژمنێن ئێزديان و گه‌لێ كوردستانێ ته‌ماشه دكه‌ين و مامه‌لا دوژمنێن راسته‌قينه يێن ملله‌تى دێ ل گه‌ل كه‌ين.
مير ته‌حسين به‌گ گۆت: “ب تنێ سه‌رۆكێ ئێزديان مه‌سعود بارزانى يه و ب تنێ ئه‌و دشێن ب وه‌رگرتنا رايا ئێزديان بڕيارێ ل سه‌ر مان و نه‌مانا ئێزديان بده‌ت”.
هه‌ر وه‌سان ميرێ ئێزديان به‌حس ل وێ جڤاتێ كر و گۆت: “هيڤيدارم به‌رى هه‌ر تشته‌كى خو ژ ده‌ڤه‌را شنگال ڤه‌كێشن و چو جار بير ل هندێ نه‌كه‌ن كاره‌كێ وه‌سان يێ ترسناك بكه‌ن و بلا بهێلن خه‌لك ل بن سيبه‌را پێشمه‌رگه‌يى دا يێ ئارام بيت”.
ميرێ ئێزديان سلاڤ و رێزێن خوه ژى بۆ هه‌موو پێشمه‌رگه‌يى هنارتن و سه‌ره‌خۆشى ل شه‌هيدا كرن و هيڤيا زوو ساخبوونا برينداران ژى كر.
رۆژا چوار شه‌مبی پارتا كرێكارێن كوردستانێ PKK د كومبوونه‌كێ دا ئه‌نجومه‌نه‌ك بۆ كانتونا شنگالێ دروست كر كو ژ 27 كسان پێك دهێت ب ناڤێ جڤاتا ئێزديێن شنگال و ب بۆچوونا وان ئه‌ڤ كانتۆنه بۆ پتر خزمه‌تكرنا ده‌ڤه‌را شنگاله و ئێكه‌تيێ ژى ده‌ستخۆشى ل ڤێ پێنگاڤێ كريه، به‌لێ قاسم شه‌شۆيێ سه‌ركردێ پێشمه‌رگێن ئێزدى ل چيايێ شنگال ژى بۆ ئه‌ڤرۆ نيوز راگه‌هاند بوو كو هه‌كه ئه‌و ده‌ستبه‌رداريى ڤان ره‌نگه كاران نه‌بن، چو ب سه‌رێ داعش ئينايه، دێ وه‌ل په‌كه‌كێ ژى كه‌ن.
ئه‌ڤرۆ نيوز:
ژ ئه‌گه‌رێ كێشه‌كا ته‌كنيكى ل وه‌لاتێ توركيا د ماوێ دو حه‌فتيێن بۆرى دا، ئه‌ڤه جارا دويێ يه هنارتنا پترۆلا كه‌ركووك بۆ به‌نده‌رێ جيهان يا توركى رادوه‌ستيت.
ژێده‌ره‌كێ بلند ل كۆمپانيا په‌ترۆلا باكور د داخۆيانيه‌كێ دا بۆ باسنيوز راگه‌هاند كو هنارتنا په‌ترۆلا كه‌ركووك بۆ به‌نده‌را جيهان يا توركى راوه‌ستايه و په‌ترۆل ژ كه‌ركووك ناچيت.
ئه‌ڤى ژێده‌رى گۆتژى: “د ماوێ ڤان 15 رۆژان دا ژ 1\1\2015 هه‌تا نوكه بۆ جارا دويێ يه هنارتنا په‌ترۆلا كه‌ركووك د راوه‌ستيت، هه‌ردو جاران ژى ژ ئه‌گه‌رێ كێشكه‌كا ته‌كنيكى يا ناڤخۆيا توركيا بوويه”.
ئه‌ڤرۆ نیوز ، بارزان سلێمان مزوورى
ژێده‌ره‌ك ژ رێكخراوا چه‌كدارێن ئازاد ل ناڤ باژێرێ مووسل بۆ ئه‌ڤرۆ نیوز دیار كر كو ئه‌ڤرۆ چه‌كدارێن تیرورستێن داعش ل گوره‌پانا پارێزگه‌ها موسل سێ رێكخستیێن خوه دو ژ وان سێداره‌دان ئێك ژوان ژى ل ئاڤاهیه‌كێ بلند دا ئاڤاهیێ ئاشور به‌رامبه‌رێ ئاڤاهیێ پارێزگه‌هێ چاڤێن وى گرێدان و تێدا هاڤێته خار.
نيشاندان