ل گور یوسف سه‌لمان كو ژ بۆ “ئه‌خبار الان” راگه‌هاندبوو كو رێكخراوا داعش مامێ وی “توركی عه‌لی سه‌لمان” پێشنڤیژێ گوندێ ئه‌بو خوریت ل نێزیكی پارێزگه‌ها حه‌سه‌كێ ل سووری ل سێداره‌دا.
ل گور سه‌لمانی، مامێ وی دخواست بچیت سه‌ره‌دانا زاوركێن خوه یێن كو ته‌ڤلی داعشی بووبون و هه‌وه‌ل بده‌ی كو وان بهێنته مال و وان ژ وی سه‌قایێ شه‌ری و توندره‌ویێ ده‌وربێخێ.
لێ كوره‌كی وی یێ ل ناڤ داعش شكایه‌تا بابێ خوه كربوو و گوتبوو كو بابێ وی ل دژی رێخراوا ناڤبری د رۆژا ئه‌ینێ دا ئاخفیه و ره‌خنه ل شێواز و بیر و باوه‌رێن وان و ئه‌بو به‌كر به‌غدادی گرتبوون، له‌وما پشتی گرتنا وی یا سێ رۆژان و دادگه‌هكرنا وێ، بریار هاته دان كو ئه‌و بهێته سێداره‌دان.
هه‌ر وه‌سان ل هه‌مان ده‌ڤه‌ری ل روژئاڤایی پارێزگه‌ها حه‌سه‌كی كو ل ژێر ده‌ستهه‌لاتا داعش دا یه، گروپێن ژنان هاتنه دروستكرن كو ئه‌ركی پولیسێن ناڤ باژێری دبینن و ژنێن بێ سه‌رپوش و یێن هه‌ڤدژی بیروباوه‌رێن رێكخراوا ناڤبری دهێنه سزادان ب شێوه‌كی ئێكسه‌ر ل پێشبه‌ری خه‌لكی، ئه‌و ژی ب بارچه هاسنه‌كی، له‌شێ وان دهێته لێدان وسه‌ر وسیمایێن وان دهێنه ژناڤبرن.
داعش مه‌لایه‌ك سێداره‌دا
نيشاندان
