ئه‌ڤرۆ نیوز:
چه‌كدارێن داعش ل میحوه‌رێ روژئاڤا دیجله هێرش كره سه‌ر سه‌نگه‌رێن پێشمه‌رگه و توشى شكه‌ستنه‌كا مه‌زن بوون.
عه‌مید فه‌خرى مزوورى فه‌رماندێ پێشمه‌رگه‌ى راگه‌هاند كو ئه‌ڤرۆ چه‌كدارێن داعش هێرش كره سه‌ر گوندێ عابد بیلال كو دكه‌ڤیته باشوورێ رۆژئاڤایێ عه‌وێنات ل میحوه‌رێ رۆژئاڤا دیجله و به‌رسڤا هێرشا وان هاته دان كو داعش ترومبێله‌كا خوه‌كوژى بكارئینا و گۆت: 10 داعش هاتنه كوشتن و ژماره‌كا ترومبێلێن وان ژناڤ برن.
ئه‌ڤرۆ نیوز، ناجی به‌ده‌ل
نزار عه‌لی محه‌مه‌د حه‌سه‌ن به‌رپرسێ ئه‌زموونان ل په‌روه‌رده‌یا قه‌زا رۆژهه‌لات بۆ ئه‌ڤرۆ راگه‌هاند:ئه‌زموونێن ده‌ره‌كی یێن به‌رایی 18/2/2015 دێ ده‌ست پێ كه‌ن و دڤێت قوتابی به‌ریا 10 رۆژان سه‌ره‌دانا په‌روه‌رده‌یێن خوه بكه‌ن بۆ وه‌رگرتنا كارتا به‌شداربوونا تاقیكرنێ و خشته‌یێ ئه‌زموونان و نها په‌روه‌رده‌یا رۆژهه‌لات مژولی دانا بنگه‌هانه .
نزار عه‌لی ئه‌و چه‌نده ژی دیاركر كو ئه‌و قوتابێن داخوازی بو ئه‌زمونێن ده‌ره‌كی پێشكێشكرین 995 قوتابینه و هه‌ر ل ده‌ستپێكێ ژێ هاتیه خواستن ب چ زمان و زاراڤ به‌رسڤێ بده‌ت و قوتابی سه‌رپشكریه كو ئێكێ هه‌لبژێریت.
ئه‌ڤرۆ نیوز:
پرۆژه‌ك بۆ دامه‌زراندنا سندوقه‌كا نیشتمانى بۆ روودانێن ژ نشكه‌كێ ڤه دێ هێته دروستكرن، و چه‌ند په‌رله‌مانتار و رێكخراوێن جڤاكى مه‌ده‌نى پرۆژه به‌رهه‌ڤكریه.
سالار مه‌حمود ئه‌ندامێ په‌رله‌مانێ كوردستانێ دیاركر كو ئه‌ڤ سندوقه دێ بۆ روى ب روى بوونا پێشهات و كاره‌ساتێن سروشتى بیت و پرۆژه هاتیه به‌رهه‌ڤكرن و بڕیاره ل نێزیك راده‌ستى په‌رله‌مانى بهێته كرن و بكه‌ڤیته به‌ر ده‌نگدانێ بۆ وێ یه‌كێ پاره‌یه‌ك بۆ ڤێ سندوقێ بهێته دانان و ل ده‌مێن پێدڤى بهێته مه‌زاختن.
هاریارێ سكره‌ته‌رێ گشتی یێ پارتیا سه‌عاده‌ت سه‌مایی ئه‌نجسو داخویاكرن كو پارتیا كاركه‌رێن كوردستانێ دراڤه‌كی تایبه‌ت ب خوه چاپكریه و هه‌ول دده‌ت كو بكه‌ته دراڤێ ده‌ڤه‌رێن كوردی ل ده‌ڤه‌رێن كوردی ل توركیا و ژ لایه‌كی دیڤه پارتیا ناڤهاتی باجا كرین و فروشتنا ئه‌ردوخانیان وه‌ردگريت ل باژارێ ئامه‌دێ.
ئه‌ڤ پێزانین ژ لایێ ئاژانسا دوغان ڤه هاتیه راگه‌هاندن كو ئه‌نجسو یێ كو پشكداری د كونگرێ پارتا خوه دا كری ل ده‌ڤه‌را مێرسینێ و ره‌خنه ل پارتا ئه‌ردوغان گرتن كو ره‌وشا توركیا ل باشورێ رۆژهه‌لاتێ وه‌لاتی یێ كه‌فتیه ژێر كونترولا PKK و كه‌سه‌ك ئێدی نه‌شێت خانیه‌كی بۆ خوه بكرێت یان بفروشێت بێ كو باجا خوه نه‌ده‌ته وان.
ل گور چالاكڤانێن د ناڤا كوبانێ دا 41 كه‌س ژ رێكخستنا داعش هاتنه كوشتن د شه‌رێ ل هه‌مبه‌ر هێزێن كوردی دا ل كوبانێ.
هه‌روه‌سا ل گور چاڤدێریا سووری یا مافێن مرۆڤان كو جهێ وێ ل بریتانیایه هاتیه كو ئه‌ڤرۆ 7 شه‌رڤانێن كورد شه‌هیدبوونه د هه‌مان شه‌ر و په‌ڤچوونان دا. دیسان گوتيه كو ئه‌ر یێ به‌رده‌وامه ب هه‌ماهه‌نگی ل گه‌ل هێرشێن فروكه‌یێن هه‌ڤپه‌یمانان.
ژ لایه‌كێ دیڤه چالاكڤانێ سیاسی (دلناس به‌رازی) ژ ناڤا كوبانێ بۆ ئه‌ڤرۆ نيوز راگه‌هاند كو هێزێن YPG د گه‌ل پێشمه‌رگه‌یی شیان گرێ مشته‌نورێ كونترول بكه‌ن و نوكه ئه‌ڤ گرێ ستراتیجی یێن ل ژێر ده‌ستهه‌لاتا هێزێن كوردی ده یه.
دیسا گۆتژی: “هه‌ر دو هێزان شیان تاخا ئه‌منی یێ كو باره‌گایێ ئاسایشێ لێ كونترول بكه‌ن”.
ئەڤرۆ:
ئاژانسا رویترز یا نووچەیان د راپۆرتەکێ دا بەحسێ رەوشا نھا یا کۆبانێ دکەت و ئاماژە ب ڤێ یەکێ دکەت کو ھێزێن پێشمەرگە رۆلەک سەرەکی ل کۆبانێ گێران و نھا داعش رۆژ ب رۆژێ تاخێن گرنگ یێن کۆبانێ ژ دەستان ددەت نھا نێزیکی ٨٥% کۆبانێ د دەستێ کوردان دایە و د دەمەکێ نێزیک دێ کۆبانێ ب تەمامی رزگار بیت و رزگاریا کۆبانێ دێ دربەکا گەلەک مەزن بیت بۆ رێکخراوا تیرۆرستی یا داعش.
ئاژانسا رویترز د راپۆرتەکێ دا بەحسێ رەوشا دووماھیێ یا باژارێ کۆبانێ دکەت و ئاماژە ب ڤێ یەکی دکەت کو مەترسیا کەڤتنا کۆبانێ ھەبوو، لێ پشتی ھێزێن پێشمەرگێن کوردستانێ ب چەکێن گران دەربازی کۆبانێ بوون شیان دربێن کوژەک ل داعشێ بدەن و نھا رۆژ ب رۆژێ داعش ل کۆبانێ پاشڤە دچیت و ھێزا خوە ژ دەست ددەت و ھەتا نھا داعشێ پتر ژ ھزار چەکدارێن خوە ل کۆبانێ دایە کوشتن و ھەکە کۆبانێ ب تەمامی ئازاد بیت دێ دربەکا مەزن بیت بۆ داعشێ چونکو ئەو یەک دێ کاریگەریا خوە ل سەر ئالیگرێن وێ رێکخراوێ کەت و ئێدی وەک پێدڤی کەس ھاریکاریا وێ ناکەت و ل ئالیێ دی کاریگەریەکا گەلەک مەزن دێ ل چەکدارێن وێ رێکخراوێ کەت و دێ ببیتە ئەگەرێ ھندێ ئەو ئێدی شەری نەکەن و دەستان ژ داعشێ بەردەن.
د ڤێ دەربارێ دا حسێن خەلیل چاڤدێرێ سیاسی یێ رۆژئاڤایێ کوردستانێ بۆ رۆژناما ئەڤرۆ دیار کر کو سەرکەڤتنێن پێشمەرگەی ل شنگال، زۆمار و نھا ژی ل کۆبانێ کاریگەریا خوە یا مەزن ھەبوو و براستی ژی رەوشا دووماھیێ یا ل کۆبانێ جھێ دلخوەشیێ یە، چونکو کۆبانێ ببوو خالەکا گرنگ یا شەری و ھەکە داعشێ شیابا کو کۆبانێ کۆنترۆل کەت دا ئەو یەک کاریگەریەکا گەلەک خراب ل ھەموو کوردستانێ کەت و گۆت: (جھێ دلخوەشیێ یە کو ب ھاریکاریا پێشمەرگێن کوردستانێ و شەرڤانێن کورد پرانیا کۆبانێ ھاتیە ئازادکرن و دێ د دەمەکا نێزیک دا باژار ب تەمامی ژ تیرۆرستان ھێتە پاقژ کرن و ئەڤە ژی سەرکەڤتنەکا گەلەک مەزنە و دڤێت بەرخوەدانا کۆبانێ ل گەل پرۆژەکا نەتەوی ل رۆژئاڤایێ کوردستانێ بھێتە خەملاندن و ئارمانج ژی بدەستڤە ئینانا مافێ رەوا یێ گەلێ کورد بیت).
ناڤھاتی ئەو یەک ژی ئاشکرا کر کو قوربانیێن کورد نھا ل کۆبانێ و دەڤەرێن دی یێن کوردستانێ ددەن ھەموو بۆ راگەھاندنا دەولەتا کوردی یە و دڤێت ھەموو ھێزێن کوردستانێ ژی ل سەر وێ یەکێ کار بکەن و براستی گۆتنێن دی کو دەمەکە ل ئالیێ ھندەک ھێزێن کوردی ڤە دھێتە گۆتن دبنە ئەگەرێ وێ یەکێ کو مرۆڤ ھەست ب نەخوەشیێ بکەت و ئەز ھیڤیدارم کورد دەلیڤا نھا بدەست ھاتیە جارەکا دی ژ دەستان نەدەن.
ئه‌ڤرۆ نيوز:
په‌يمانگه‌ها ته‌كنيكى يا ئامێديێ رادگه‌هينيت كو دێ ئه‌و دێ رابيت ب وه‌رگرتنا وان قوتابيێن ده‌رچوويێن ئاماده‌يى يێن ل چو كۆليژ و په‌يمانگه‌هان نه‌هاتينه وه‌رگرتن يێن سنورێ قه‌زا ئامێديێ.
د نڤيساره‌كێ دا كو ئه‌ڤرۆ نيوز ب ده‌ست خوه خستيه، په‌يمانگه‌ها ته‌كنيكى يا ئامێديێ رادگه‌هينيت كو ئه‌و دێ ل رۆژا چارشه‌مبى و پێنجشه‌مبى 7و8\1\2015 ده‌ست ب به‌لاڤكرنا فورمان كه‌ت بۆ وان قوتابيێن ل چو په‌يمانگه‌هـ و كوليژان نه‌هاتينه وه‌رگرتن.
ئاماژه ب وێ چه‌ندێ ژى كريه كو ئه‌و دێ ل دووڤ رێنمايێن وه‌زاره‌تا خواندنا بلند و ڤه‌كۆلينێن زانستى ب تنێ قوتابيێن قوتابخانێن سنورێ خوه وه‌رگريت يێن ده‌رچوويێن 12 ئاماده‌يى پشكا زانستى ل پشكا “سامانێ ئاژه‌ل” وه‌رگريت.
ئه‌ڤرۆ:
بزاڤا ئەفسەرێن ئازاد ل مووسل کو دژی داعشێ شەڕی دکەن راگەھاند، تیرۆرستێن داعشێ ١٣ سەربازگەھێن تایبەت ب مەشکرنا زارۆیان ل سەر بکارئینانا چەکی ل مووسلێ ڤەکرینە,
محەمەد فاھم ئەلشمەری شیرەتکارێ لەشکری یێ بزاڤا ئەفسەرێن ئازاد ل مووسلێ د داخۆیانیەکا رۆژنامەڤانی دا گوت” ھەتا نۆکە مە ١٣ سەربازگەھێن داعشێ یێن مەشقکرنا زارۆ و سنێلان ل سەر بکارئینانا چەکی و بەلاڤکرنا ھزرا تەکفیری دەستنیشانکرینە، کو ھەموو ژ کۆرێن باژێرێ مووسلێ نە”.
ئەڤرۆ:
رۆژا 6ی کانوونا دویێ دبیتە سالڤەگەرا دامەزراندنا لەشکرێ عیراقێ کو د رۆژا 6\1\1921ێ ئێکەم فەوجا لەشکرێ عێراقێ ھاتە پێکئینان، پەرلەمانتارەکێ کورد ژی دبێژیت، ب درێژاھیا دیرۆکێ ئەڤی لەشکری زۆلم ل مللەتێ کورد کریە و ئەم ئەڤێ رۆژێ ساخناکەین و لەشکرێ عیراقێ ژی لەشکرێ مە کوردان نینە.
شاخەوان عەبدولا، ئەندامێ لژنا ئاسایش و بەرگریێ ل جڤاتا نوونەرێن عیراقێ دیارکر، مخابن دوھی ئەڤ رۆژ بوو کو تێدا لەشکرێ عیراقێ ھاتیە دامەزراندن و بۆ ئەڤرۆ گۆت ” لەشکرێ عیراقێ ئامیرەک بوو ژبۆ تەپەسەرکرنا مللەتێ کورد و مللەتێن دی یێن عیراقێ، ھەر ئەف لەشکرە بوو د ھەوێن ئەنفالان دژی خەلکی کورد و تەپەسەرکرنا خەلکێ شیعە مەزھەب ھاتیە بکارئینان، ھەموو ئەڤ تاوانێن دژی گەلێ کورد ھاتینە ئەنجامدان لەشکرێ عیراقێ تێدا پشکدار بوویە و بێ لایەنی نە پارستیە، ھەروەسا ددەمێ سالێن بۆری دا بتایبەتی ھەشت سالێن دەستھەلاتداریا مالکی، دوبارە لەشکرێ عیراقێ بۆ مەرەمێن خوە یێن تایبەت بکارئینان و خونیشاندەرێن سونە ھاتنە تەپەسەرکرن و سالا 2012ێ مالکی دخواست لەشکرێ عیراقێ دژی کوردان بکاربینیت و فەرماندەیا ئۆپەراسیۆنێن دیجلە بۆ ڤێ مەرەمێ دامەزراند و دخواست ھێرشێ ل سەر دەڤەرێن کوردستانێ بکەت، ھەموو ڤان ئەگەران تشتەکێ وەسا کر وەلاتیێن عیراقی باوەری ب ڤی لەشکری نەمینیت و ب لەشکرێ خوە نەزانن، ھەتا وی دەمێ لەشکرێ عیراقێ نەبیتە لەشکرەکێ نیشتیمانی و بێ لایەن، یا ب زەحمەتە باوەری بۆ وەلاتیێن عیراقێ دروست ببیت ب لەشکرێ خوە بزانن، ئەڤە ژی ب بجھئینانا دستوورێ عیراقێ دبیت، لەشکرێ نوو یێ عیراقێ ژ دەرڤەی دستووری ھاتیە پێکئینان و د مادێن 61 و 80 دا ھاتیە دڤێت پەرلەمان فرقەیێن لەشکری دیار بکەت، ھەتا ببیتە جھێ باوەریا خەلکی، بەلێ د سالێن بۆری دا، ئێک لایەنی لەشکری ھاتیە ب رێڤەبرن”.
شاخەوانی گۆت ژی” ل سالێن بۆری چو وەکھەڤی د پێکھاتا لەشکرێ عیراقێ دا نەبوویە و کورد و پێکھاتێن دی ھاتینە بێ بەھکرن ژ پشکا خوە یا دستووری و ددەمێ نوکەدا تنێ رێژەیا کوردان دناڤ لەشکرێ عیراقێ دا 3%ێ یە و ئەڤەژی پشکا راستەقینەیا کوردان نینە و ھەتا وی دەمێ مە بەھرا خوە نەبیت دناڤ لەشکرێ عێراقێ دا، ئەم ب لەشکرێ خوە نوزانین”.
خۆیاکر ژی” د سالڤەگەڕا دامەزراندنا لەشکرێ عیراقێ سەرکردێن سیاسی و سەربازی یێن عیراقێ چو ئاماژەک ب رۆلێ پێشمەرگەی نەکریە د بەرگریێ دا ژ ئاخا عیراقێ و کوردستانێ د شەڕێ دژی تیرۆرێ دا، ئەڤە ددەمەکی دایە پێشمەرگە ب درێژاھیا ھزار کیلۆمەتران یێ ئەردێ مە ژ تیرۆرستێن داعشێ دپارێزیت و ئەڤە نیشانا وێ چەندێ یە کو پێشمەرگەی ب پشکەک ژ لەشکرێ عیراقێ نا ھەژمێرن”.
نيشاندان