ئەڤرۆ:
کەسایەتیەکێ سیاسیێ کورد راگەھاند، ھەر چەندە دەولەتبوون مافێ مەیە، لێ دڤێت ڤێ قەیرانا دارایی چارە بکەین، پاشی بەحسێ دەولەتبوونێ بکەین و ئەرک و کارێ حوکمەتێ و پەرلەمانی و پارتێن سیاسیە ڤێ قەیرانێ چارە بکەن.
مەحمود عوسمان بۆ ئەڤرۆگوت” دەمێ شاندێ حوکمەتا عەبادی ل گەل شاندێ کوردی دانوستاندن کرین، وان فێڵ ل شاندێ کوردی کر، ژبەرکو حوسێن شەھرستانی دگەلدابوو ئەو ژی یا پێتڤی نەبو ئینابا و ئەڤە شاشیە و ئەو رێککەفتنا ھاتیە کرن ژی ب ھووری نەھاتیە نڤیسین، ئەو ژ شاندێ کوردی زیرەکتر بوون ب بوچونا من.
ل دۆر بۆرینا سێ ھەیڤان ل سەر حوکمەتا عەبادی و نە ھاڤێتنا چو پێنگاڤان ژ لایێ کوردان ڤە، گوت”ھەر پێنج پارتێن کوردی دەمێ ل سلێمانیێ کومبووین، دیارکربوو ھەکە سێ ھەیڤ بوورین و حوکمەتا عەبادی مەرجێن مە بجھنەئینان، دێ خوە ڤەکێشین، لێ ئەو سێ ھەیڤ بۆرین وچ نەکر، دڤێت پارتێن کوردی ئەو گوتن بجھئینابا، ھەکە نە بلا دەم دیار نەکربا”.
زێدەتر گوت” شاندێ کوردی نەدایە دیارکرن کا دێ چەند ھەیڤان وێ پەترولێ ھنێریتە دەرڤە و پێتڤی بوو گوتبا دێ سێ ھەیڤ یان ژی شەش ھەیڤان شیان ھەبن وێ رێژا پەترولێ ھنێریت و ب ھووری بەحس کربا بۆ ھندێ رامانێن جودا جودا ژێ دروست نەکەن”.

سیاسەت مەدارێ کورد خویا ژی کر من باوەری ب تورکیا نینە و ب بوچونا من ئەو ھەڤالێ کوردان نینە و دەمێ کورد پشا خوە ب تورکیا ڤە گرێدەن شاشیە ژبەرکۆ نابیت ئەم پشتا خوە ب دەولەتەکێ ڤە گرێبدەین و ئەو دەلوت ھاورکاریا دوژمنێ مە بکەت کۆ چەکدارێن داعشن و گۆت :ئەگەر مە رێکێن دیتر ھەبن باشترە ژ تورکیا ژبەرکۆ تورکیا ژلایێ سیاسەتێ دژی مەیە و ئەنجام دا دێ زیان مە کەڤیت و ل دور ئەمریکا ژی دکتوری گۆت : ئەمریکا کوردستانا باشور دھژمێریت پارچەک ژ عیراقێ و دەمێ ھاروکاریا کوردستانێ دکەت ب رێیا عیراقێ دکەت و چەندین جارا کوردستانێ داخواز ژێ کریە کۆ چەکێ گران بھنێریت و ئەمریکا زێدەتر گرنگیێ ب عەرەب و تورکیا و عیراقێ ددەت ژ کوردان و دڤێت کورد ژی ڤی توشتی بزانن ژبەرکو رەفتارا ئەمریکا ھەموو دگەل بەرژەوەندیانە.
دکتوری ب خەم ڤە دادیارکرن ژی کورد ئێگرتی نینە و بەلگەژی ئەوە پێگە کوم نابن ئەڤ پارتێن ھەنێ و بەحس ژ ئاریشان ناکەن , بوچی کوم نابن پەرلەمان چدکەت و حوکمەت چدکەت و گۆت : دەمێ شورەشا ئیلونێ ھەر شەش ھەیڤان ئەم پێگڤە کوم دبوین بێ کو چ ئاریشێن مەزن ژی ھەبن ,بەلێ نھا رونشتنێن مەزن نینە و شاشی گەلەک زورن لێ ئەم بەحس ناکەین ژبەرکۆ نھا دەمێ داعشە , لێ پێشنیازا من ئەوە بوو چاوانیا چارەسەکرنا ئاریشان دڤێت سەروکێ ھەرێمێ دگەل حوکمەت و دگەل پەرلەمانی و ھندەک بسپورێن ئابوری ھەموو پێگڤە وەکو کونفرانسەکێ بگێرن و بەحس ژ ڤان قەیرانان بکەن و بزانن بەغدا و ئەنقەرە چ دڤێت و ب باشی ڤەکۆلن و بریارێن خوە بدەن و نابیت ب ڤی شێوازی ببوریت.