ئه‌ڤرۆ نيوز:
وه‌زاره‌تا په‌روه‌ردێ ل حوكمه‌تا هه‌رێما كوردستانێ ئه‌ڤرۆ رۆژا ئێكشه‌مبى رێكه‌فتى 4\1\2015 ناڤێ چار هزار مامۆستايێن دامه‌زراندى ب ره‌نگێ گرێبست راگه‌هاندن.
مالپه‌رێ وه‌زاره‌تا په‌روه‌ردێ ل حوكمه‌تا هه‌رێما كوردستانێ ناڤێن هه‌ر چار هزار مامۆستايێن ب ره‌نگێ گرێبه‌ست هاتينه وه‌رگرتن ل پارێزگه‌هێن دهۆك و هه‌ولێر و سلێمانى و كه‌ركووك به‌لاڤكرن.
په‌روه‌ردا دهۆك:
ئه‌ڤرۆ نيوز:
پشتى راگه‌هاندنا نووچه‌كى كو دگۆت، چه‌كدارێن داعش هێزه‌كا مه‌زن ره‌وانه‌يى شنگال كريه، ئێك ژ وان كه‌سانێن به‌رچاڤێن ل ناڤ پێشمه‌رگێ كوردستانێ ل شنگال راگه‌هاند چو راستى بۆ وان نووچه‌يان نينن.
مه‌حما خه‌ليل ئێك ژ كه‌سانێن به‌رچاڤێن ناڤا پێشمه‌رگه‌يێ كوردستانێ ل ناڤا شنگال بۆ PDK.info گۆت: “ده‌نگۆيه‌ك هه‌بوو كو دگۆت داعش هێزه‌كا مه‌زن يا ئينايه شنگال و دێ ژ سێ لايان ڤه هێرشێ كه‌ته سه‌ر پێشمه‌رگه‌يى، پشتى مه دووڤچوونا بابه‌تى كرى، ده‌ركه‌فت دره‌و”.
مه‌حما خه‌ليل گۆتژى: “داعش ل شنگال يا شكه‌ستى و شيان نه‌ماينه و خوه ل به‌ر ناگريت”، ئاماژه ب وێ چه‌ندێ ژى كر كو نوكه پتريا شنگال كه‌فتيه ده‌ست پێشمه‌رگه‌يى و شه‌ر نه‌مايه ب تنێ تۆپبارانكرن يا به‌رده‌وامه.
به‌رپرسێ راگه‌هاندنا رێڤه‌به‌ريا گشتيا په‌روه‌ردا پارێزگه‌ها دهۆكێ راگه‌هاند كو ئه‌ڤرۆ ل هنده‌ك قوتابخانێن پارێزگه‌ها دهۆكێ ده‌ست ب تاقيكرنێن وه‌رزێ ئێكێ هاته كرن و بڕياره قوتابخانێن ماين ژى ل 17ى ڤێ هه‌يڤێ ده‌ست ب تاقيكرنان بكه‌ن.
ئه‌ڤرۆ ل هه‌رێما كوردستانێ تاقيكرنێن وه‌زرێ ئێكێ يێن سالا سالا خواندنێ 2014-2014 هاتنه كرن كو ژ قووناغا چارێ بنه‌ره‌ت هه‌تا 12 بنه‌ره‌ت ب خوه ڤه دگريت و بڕياره هه‌تا 15 ڤێ هه‌يڤێ ب ڤه‌كێشن و پاشان هه‌تا 20 هه‌يڤێ ببيته بهێن ڤه‌دان.
ئه‌ڤ ره‌وشه ژ هه‌موو قوتابخانێن پارێزگه‌ها دهۆكێ ناگريت كو ب تنێ هه‌ژماره‌كا كێما قوتابخانان دێ ڤى سيسته‌مى په‌يره‌ۆ كه‌ن، ئه‌ڤێن ژى ژ به‌ر درنگ ده‌سپێكرنا ده‌واما فه‌رمى دێ ل 17ى ڤێ هه‌يڤێ ده‌ست پێ كه‌ن.
ژ ئه‌گه‌رێ هاتنا هژماره‌كا زێده‌يا ئاواران بۆ پارێزگه‌ها دهۆكێ و بنه‌جهكرنا وان ل ناڤا قوتابخانان، رێڤه‌به‌ريا گشتيا په‌روه‌ردا پارێزگه‌ها دهۆكێ نه‌شيا د ماوێ ده‌ستنيشانكرى يێ ده‌سپێكا خواندنێ دا، ده‌ست ب دوامێ ل پارێزگه‌ها دهۆكێ بكه‌ن و هنده‌ك قوتابخانه هه‌تا ده‌سپێكا هه‌يڤا 12 ژى نه‌هاتبوونه ڤالاكرن، ژ به‌ر هندێ ژى پرۆسا خواندنێ ل دهۆك هاتيه پاشخستن و ئه‌ڤێ چه‌ندێ كارتێكرن ل تاقيكرنان ژى كريه.
سه‌ديق شه‌رۆ، به‌رپرسێ راگه‌هاندنێ ل رێڤه‌به‌ريا گشتيا په‌روه‌ردا پارێزگه‌ها دهۆكێ بۆ ئه‌ڤرۆ نيوز گۆت: “ل سنورێ پارێزگه‌ها دهۆك ئه‌ڤرۆ هنده‌ك قوتابخانه دێ ده‌ست ب تاقيكرنان كه‌ن و يێن ماين ژى دێ ل 17ى ڤێ هه‌يڤێ ده‌ست ب تاقيكرنان كه‌ن”.
ئه‌ڤرۆ نيوز:
سه‌رۆكێ ئێكه‌تيا ته‌پا پێ ل كوردستانێ راگه‌هاند، هه‌لبژارتيێ كوردستانێ پشكداريێ د قاره‌مانيا ئه‌ڤ ساله يا كاسا كۆنيفا دا ناكه‌ت و ب تنێ دێ چه‌ند ياريێن هه‌ڤالينى ل ئيتاليا و ئيرله‌ندا ئه‌نجام ده‌ت.
سه‌فين كانه‌بى ل مه‌قدونيا پشكدارى د كۆمبوونا رێكخراوا كۆنيفا دا كر و د په‌يوه‌نديه‌كا تله‌فۆنى دا راگه‌هاند كو د كۆمبوونا وێ رێكخراوێ دا يا كو زێده‌ترى شه‌ش ده‌مژمێران ڤه‌كێشايى بڕيار هاته دا، قاره‌مانيا كۆنيفا ل 2015 نه‌هێته ئه‌نجام دان و ل سالا 2016 بهێته ئه‌نجام دان”.
زێده‌تر گۆت: “بڕيار ژى هاته دان، قاره‌مانيا ڤێ جارێ ب تنێ ل سه‌ر ئاستێ كيشوه‌رێ ئورۆپا بهێته ئه‌نجام دان و ل سه‌ر ئاستێ جيهانێ نابيت، ژ به‌ر هندێ ژى هه‌رێما كوردستانێ نه‌شێت پشكداريێ د قاره‌مانيێ دا بكه‌ت ئه‌وا ئه‌ڤ ساله بڕياره ل ئيرله‌ندا بهێته ئه‌نجام دان”.
راگه‌هاند ژى كو هه‌ر ل حوزيرانا ئه‌ڤ ساله ل ده‌مێ ئه‌نجامدانا قارمانيێ دێ روونشتنه‌كا دى ل ئيرله‌ندا هێته رێكخستن و دێ مێڤاندارا سالا 2016 هێته ده‌ستنيشانكرن، چونكو گه‌له‌ك وه‌لاتان حه‌زا مێڤانداريكرنێ يا هه‌يى وه‌كو ئه‌لمانيا، جورجيا، كازاخستان و سويسرا.
ب گۆره‌يى بڕيارێن نوو يێن فيدراسيۆنێ پێدڤيه هه‌ر هه‌رێمه‌ك دو ياريێن هه‌ڤالينى ژى ئه‌نجام بده‌ت و هه‌رێما كوردستانێ ژى دێ بيته مێڤانا پادانيا ل ئيتاليا و گۆت: “ده‌ما هاتينه ڤه ژى دێ بڕيارێ ده‌ين كا دێ ل گه‌ل چ تيمه‌كێ ياريێ كه‌ين”.
سه‌رۆكێ ئێكه‌تيا ته‌پا پێ ل كوردستانێ ئاماژه ب وێ چه‌ندێ ژى كر كو ئيلان ڤالين يا ئيرله‌ندى ژى داخوازا كرى ل ئادارا ئه‌ڤ ساله ياريه‌كا هه‌ڤالينى ل گه‌ل ئه‌نجام بدن، به‌لێ هێشتا بڕيار نه‌دايه دێ ب چ تيم پشكدارى وێ قاره‌مانيێ بن.
ئه‌ڤرۆ نيوز، ناجی به‌ده‌ل:
پشتى حكومه‌تا عيراقێ ژ ئه‌گه‌رێ كێمكرنا بودجا سالا 2015ێ باج ل سه‌ر ترۆمبێل و كۆمپانيێن گه‌هاندنێ دانايى، ئه‌ڤ كۆژمێ پاره‌يى ئێكسه‌ر دێ كه‌ڤيته سه‌ر ملێن وه‌لاتيان، ئانكو ئه‌و دێ خويكا وێ ده‌ن، ئه‌ندامه‌كێ په‌رله‌مانێ كوردستانێ ژى ديار دكه‌ت كو هه‌رێم ژى يا پابه‌نده ب وێ بڕيارێ و چونكو ئه‌و كۆمپانى ل عيراقێ د تۆماكرينه.
د.عه‌بدولا جاسم ئه‌ندامێ لژنا بازرگانى و مافێن بكاربه‌رى ل په‌رله‌مانێ كوردستانێ بۆ ئه‌ڤرۆ نیوز گۆت: “بڕيارا زێده‌كرنا باجێ ب رێژا 20% ل سه‌ر كارتێن مۆبايل و ئه‌نترنێتێ دێ ژ لايێ وه‌لاتيان ڤه هێته دان، نه دێ ل سه‌ر كۆمپانيێ بيت”.
زێده‌تر گۆت: “ئه‌و بڕیارا ل عیراقێ ده‌ردكه‌ڤیت هه‌موو كۆمپانیێن كوردستانێ ڤه‌دگريت و دكه‌ڤنه به‌ر وى سيسته‌مى، هه‌ر باجه‌كا عيراق ب دانيت، پێدڤيه هه‌رێما كوردستانێ ژى كار پێ بكه‌ت، ژ به‌ر كو حوكمه‌تا هه‌رێما كوردستانێ گرێدايى حوكمه‌تا ناڤه‌ندى يه”.
ئاشكه‌را ژى كر كو ئه‌و وه‌كو لژنه ل گه‌ل ڤێ بڕيارا عيراقێ نينن و ئه‌و ب بارگرانى ل سه‌ر ملێن بكاربه‌رى دده‌نه زانين و گۆت: “دانانا باجێ ل سه‌ر ڤان ره‌نگه كۆمپانيان كاره‌كێ دروسته، به‌لێ پێدڤيه ل سه‌ر ملێن كۆمپانيێ بيت، نه‌كو وه‌لاتيان”.
ئاماژه ب وێ چه‌ندێ ژى كر كو ئه‌ڤا هاتيه كرن، خواندنه‌كا دروست بۆ نه‌هاتيه كرن و ل سه‌ر بنه‌مايێن زانستى نينه، ژ به‌ر هندێ ژى دێ ب خرابى ده‌ركه‌ڤيت و زه‌رمه‌ندێ ئێكێ ژى دێ وه‌لاتى بيت.
گرنگیا دەریێ سێمالکا یێ کو دکەڤیتە ناڤبەرا باشوور و رۆژئاڤایێ کوردستانێ یا بوویە وە کە دەریەکی ناڤبەرا ئاسیا و ئورۆپا ژ بۆ وه‌لاتیێن رۆژئاڤایێ کوردستانێ، لەوما ب ھەزاران کوچبەرێن رۆژئاڤا ئەڤرۆ ل ھەرێمێ نە. لێ یا ژ ھەموویێ نەخوشتر کو ئەڤ دەریە ل گور ئاخافتنێن ھنەک وه‌لاتیێن رۆژئاڤا بوویە دەریەکی بازرگانی بۆ ھدەک کەسان ب تەنێ.
وه‌لاتی (ب-ع) ژ رۆژناما کوردستان را ئاخفی بوو و گۆتبوو کو وی دخواست ل شەھیانا کوڕێ خوه ل دھۆکێ ئامادە ببیت، ل پشتی چەند ھەولدانان کو ئەو فەرمی دەرباس ببیت، ئەو نەشیا و شیانیێن وی یێن دارايی نەبوون کو ب رێيا قاچاخچیا بھێت.
له‌وما خەلکێ رۆژئاڤایێ کوردستانێ پرسیار دکەت، بۆچى ب تەنێ بۆ بازرگانان ڤەکریە و خەلکێ بێ چارە ب کۆمان دولاران ددەتە بازرگانێن مرۆڤان ل ھەر دو ئالیان.
وه‌لاتیەکی دی ب ناڤێ (م-ک) دبیژیت: “من کارێ بازرگانیا سنوردار دکر، لێ روودانێن ڤێ دووماھیێ ئەز نەچارکرم کو ئەز و کوڕێ خوە یێ ١٧ سالی بەرێ خوە بدەنە ھەرێما کوردستانێ، ژ بەر مە نەشیا ب رێيا دەریێ سێمالکا دەرباس ببەن، ئەم نەچار بوون ب رێيا قاچاخ بھێين کو ژ رۆژئاڤا بۆ ھەرێما کوردستانێ مە نێزی (700 دولاری) دانە یێ قاچاخچی و دھۆکێ بۆ ھەولێرێ مە (٢٠٠ دولار) دان.
بڕیارا لەشكریا ب زوورێ و رەڤا گەنجا ژ رۆژئاڤا ژ لایێ قاچاخچیان ڤە دھێتە بکارئینان و بھایێ گەھاندنێ ژی بلندکرینە، لەوما نوکە و ل گور قاچاخجیەکی سەر سنورێ رۆژئاڤایێ کوردستانی کو بۆ رۆژناما ئەڤرۆ ئاخفی و گۆت: ” نوکە بھایێ کەسەکی کو ئەم بینين هه‌تا دھۆکێ گەھشتیە ھەزار دولاری”.
ئه‌ڤرۆ نيوز:
پۆليسێن نه‌هێلانا گۆنه‌هباريان ده‌سته‌سه‌ركرنا بانده‌كێ ره‌ڤاندن و دزيكرنێ راگه‌هاندن كو ئه‌ندامێن وى گرۆپى گه‌له‌ك چه‌ك و پاره ژ خه‌لكى وه‌رگرتينه.
دوهى ئێڤارى 3\1\2015 رێڤه‌به‌ريا پۆليسێن نه‌هێلانا گۆنه‌هباريان ل هه‌ولێر ئاشكه‌را كر كو بانده‌كێ مه‌زن يێ ره‌ڤاندن و دزيكرنێ ده‌سته‌سه‌ركر، كو بانده‌كێ مه‌زنه و د ڤه‌كولينێن ده‌سپێكى دا دانپێدان ب تاوانێن مه‌زن كريه، د ناڤ ره‌ڤاندن و دزيكرن هه‌بوويه. ئه‌و ئێك ژى ئاشكه‌را كر كو هه‌موو ئه‌ندامێن باندى كوردن و خه‌لكێ ناڤ باژێرێ هه‌ولێرن.
پۆليسێن نه‌هێلانا گۆنه‌هباريان ل هه‌ولێر ته‌كست كر كو نوكه نه‌ڤێت ئه‌و هه‌موو پێزانينان ل سه‌ر وى باندى به‌لاڤ بكه‌ن، به‌لێ داخواز ژ وه‌لاتيان كر: “هه‌ر وه‌لاتيه‌كێ حه‌له‌ته‌كێ ژ ڤى ره‌نگى ب سه‌رى هاتبيت، په‌يوه‌نديێ ب پۆليسێن نه‌هێلانا گۆنه‌هباريان بكه‌ن يان راگه‌هاندنا پۆليسێن هه‌ولێر”.
دهێته چاڤه‌رێكرن د چه‌ند رۆژێن داهاتى دا، پشتى ته‌مامبوونا ڤه‌كۆلينان، رێڤه‌به‌ريا وان هه‌موو پێزانينان و تاوانێن ڤى بۆندى بۆ وه‌لاتيان ئاشكه‌را بكه‌ت.
ئه‌ڤرۆ نيوز، مه‌سعود خه‌له‌ف
شیرەتکارا ئەلمانی ئه‌نگێلا مێرکل راگه‌هاند: “ئەو نە ل دژی ھندێ نە کو یونان ژ دەڤەرا یورۆ بھێتە دەرخستن، ھەكە چاڤخشاندنەک ژ لایێ چەپگران ڤە د سیاسەتا کێمکرنا مەزاختیان ل وەلاتێ خوه”.
ئەڤ ئێکە ژ لایێ رۆژناما شبیگل یا ئەلمانی ڤە ھاتیە ڤەگوھاستن ل گور ھنەک ژێدەرێن نێزیک ژ حوکمەتا ئەلمانی و تێدا ھاتیە کو “حوکمەتا ئەلمانی دبینیت کو چارە نینە ژ دەرڤەيی دەرکەفتنا یونانێ ژ دەڤەرا یورۆ، ھەكە سەرۆکێ ئۆپۆزسیؤنێ ئه‌لێکسیس تسیبراس بۆ سەرۆکێ حوکمەتێ و ده‌ست ژ رێيا کێمکرنا مەزاختیان ژ بودجێ بەردا و قەرێن وەلاتێ خوه ژی د ده‌مێ خوه دا نەدان”.
ھەروەسا ھەمان ژێدەران بۆ رۆژناما شبیگل دانە خویاکرن کو مێرکل و وەزیرێ دارایی فولفانگ شوبیلیە ديتنا خوه گوھاڕتنە و دبینن: “ئەم دێ شێين بەرپرساتیا دەرکەتنا یونانێ ژ دەڤەرا یورۆ ھەلگرين، ئەو ژ بەر کو دەڤەرا یورۆ گەلەک پێشکەفتن ب خوه ڤە دیتن ژ دەستپکا قەیرانا کو ل سالا 2012 ھاتیه پێش”.
ئه‌ڤرۆ نیوز:
نوكه ل قه‌زا ئامێدیێ به‌فر یا دباریت، گه‌شناسیا هه‌رێمێ ژى پێشبینیا وێ یه‌كێ كربوو كو 4 ڤێ هه‌یڤێ پێله‌كا به‌فرێ ده‌ڤه‌رێن چیایى ڤه‌گریت.
پشكا پێشبينيان ل رێڤه‌به‌ريا گشتيا بيڤه‌له‌رز و كه‌شناسيا هه‌رێمێ راگه‌هاندبوو كو ل 4\1\2015 هه‌رێما كوردستانێ دێ كه‌ڤيته به‌ر فشارێن نزمێن وه‌لاتێ توركيا كو هه‌وايه‌كێ سار يێ ل گه‌ل دا و ژێده‌رێ وان ژى ژ ناڤه‌راستا ئه‌ورۆپا يه و دهێته پێشبينيكرن كو ئه‌سمانى دهۆكێ بۆ هه‌ورێن ته‌مام بهێته گوهۆڕين و ل ده‌ڤه‌رێن چيايى يێن به‌فر بباريت.
ئه‌ڤرۆ نیوز:
په‌یڤدارێ حكومه‌تا هه‌رێما كوردستانێ، په‌یاما وێ چه‌ندێ دده‌ته فه‌رمانبه‌ران كو مووچێ هه‌ڤێن 11 و 12 یێن هه‌یڤا 12 دێ د ڤێ هه‌یڤێ دا هێته دان.
سه‌فین دزه‌یى بۆ knn دیاركریه” ل نێزیك دێ مووچێ هه‌یڤا 11 هێته دان داكو هه‌تا دووماهیا ڤێ هه‌یڤێ موچێ هه‌یڤا 12 ژى بده‌ین”.
دزه‌یى ئاشكرا كر كو د ماوێ دو هه‌یڤێن بهێت دا، پێدانا مووچێن فه‌رمانبه‌ران دێ ئاسایى بیته‌ڤه.
ده‌قێ داخویانیا سه‌فین دزه‌یى:
نيشاندان