ئه‌ڤرۆ نیوز:
ئه‌ڤرۆ وه‌زاره‌تا به‌ره‌ڤانیا عیراقێ د به‌یاننامه‌كێ دا راگه‌هاند كو وه‌جبا ئێكێ یا زریپوشێن ژ جورێ (MRAP) گه‌هشته وان و وه‌رگرتن كو دژى مینانه و دێ بۆ شه‌رى دژى داعش بكارئینن.
نووترين نووچه
- د بەرهەڤ نینین دەست ژ مافێن خوە یێن دەستووری بەردەین
- د. ڤیان سەبری: ئەڤرۆ جڤاتا نوونەران ل دۆر هێرشێن درۆنی ل سەر هەرێما كوردستانێ دێ كۆمبیت
- جەبار یاوەر: دیاربوو درۆن ل كیش دەڤەرێ د هاتنە ئاراستەكرن
- بالیۆزێ توركیا سوپاسییا بزاڤێن سەرۆك بارزانی بۆ سەرئێحستنا پرۆسەیا ئاشتیێ كر
- نێچیرڤان بارزانی هەڤخەمییا خوە بۆ مالباتێن روودانا كۆت دیار دكەت
- مەسرور بارزانی: گەلەك خەمباربووم ب كارەساتا ئاگربەربوونا باژێرێ كۆت
- چاڤەڕێنە حوكمەتا فیدرال مووچە و شایستەیێن دارایی یێن هەرێما كوردستانێ بهنێریت
- مەسرور بارزانی و بالیۆزێ توركیا پێشڤەبرنا هەڤبەندییان گەنگەشەكر
- مەسرور بارزانی: پێدڤییە ب زووترین دەم بەغدا مووچەی بهنێریت
- فراكسیۆنا پارتی داخوازا كۆمبوونەكا ب لەز یا جڤاتا نوونەران ل دۆر هێرشێن درۆنی ل سەر كوردستانێ كر
سهرهكى نوچێن گرنگ
یێ په‌شیمانه
ئه‌ڤرۆ نیوز مه‌سعود خه‌له‌ف
فرانسو هولاند سه‌رۆكێ فره‌نسا دا خویاكرن دڤێت فره‌نسا هاریكاریێ بده‌ته ئوپوزسیونا سووری و دبێژه ” ئه‌ز هه‌ست ب په‌شیمانيێ دكه‌م ژ به‌ر كو مه ده‌ستێوه‌ردان د سووری دا نه‌كر ل ده‌ما كو به‌شار ئه‌سه‌د چه‌كێن كیماووی ل سالا 2013 بكارئينان و نوكه داعش ده‌ركه‌تیه پێشبه‌ری مه، و ئه‌می ڤه‌كولینێ دكه‌ين كا چ په‌یوه‌ندی دناڤبه‌را ئه‌سه‌د و داعشێ دا هه‌یه”.
هه‌روه‌سا سه‌رۆكێ فه‌ره‌نسی دبێژه كو دڤێت رێكه چاره‌سه‌یه‌كی ببینن بۆ هاریكاریا وه‌لاتێن لێ قه‌ومای داكو هاتنا په‌نابه‌ران كێم ببيت بۆ وه‌لاتێن ئه‌وروپی. و دڤێت سنورێن وه‌لاتێن ئه‌وروپی موكومتر بكه‌ن ل هه‌مبه‌ر هاتنا په‌نابه‌ران.
وێنه‌یى: سه‌ره‌دانا نێچیرڤان بارزانى بۆ شنگال
ئه‌ڤرۆ نێچیرڤان بارزانى سه‌رۆكێ حكومه‌تا هه‌رێما كوردستانێ سه‌را ناحیا سنوونێ و مه‌زارگه‌هێ شه‌رفه‌دین ل چیایێ شنگال دا.
بارزانى دیاركر: پشتى پروسا ئازادكرنا شنگالێ، دێ خزمه‌تگوزاریێن تمام بۆ دابین كه‌ین كو ژیان بۆ ده‌ڤه‌رێ ڤه‌گه‌ریت و خه‌لك ڤه‌گه‌ریته سه‌ر مال و مولكێ خوه، یا ژ ده‌ستێن مه بهێت دێ بۆ خه‌لكێ شنگالێ كه‌ین.
ئه‌مریكا جهێ به‌غدادى دزانیت، بزانه دێ چ سال ژ ناڤ به‌ت؟
ئه‌ڤرۆ نیوز:
سیناتور جون مه‌كین سه‌رۆكێ لژنا به‌ره‌ڤانیێ ل كونگرێسێ ئه‌مریكا ئاشكرا دكه‌ت كو باراك ئوباما سه‌رۆكێ ئه‌مریكا جهێ ئه‌بوبه‌كر به‌غدادى سه‌رۆكێ رێكخراوا داعش دزانیت و به‌رى هه‌لبژارتنێن 2016 یێن ئه‌مریكا، پرسا داعش و سه‌كردێ وێ دێ ئێلاكه‌ت.
پێشتر جون كیرى وه‌زیرێ ده‌رڤه‌ریێ ئه‌مریكا ئاشكربوو كو ب دووماهى هاتنا رێكخراوا داعش پێدڤى ب سێ سالانه.
هاته قه‌ده‌غه‌كرن
ئه‌ڤرۆ نیوز:
عه‌بدولستار مه‌جید، وه‌زیرێ چاندن و ژێده‌رێن ئاڤێ، ئه‌ڤرۆ راگه‌هاند كو وان بڕیاردایه ئینانا سێڤا سور یا ئیرانێ بۆ هه‌رێما كوردستانێ بۆ ده‌مه‌كێ نه‌دیار بهێته قه‌ده‌غه‌كرن ژبه‌ر كو ئه‌ڤ سێڤه نیشانا خراببوون و بهێنگه‌نیێ ژێ په‌یدبوینه و مه‌ترسى بۆ سه‌ر تێكچوونا ره‌وشا ساخله‌میا وه‌لاتیان لێ
دهێته كرن.
وه‌زیرێ چاندنێ دیاركر كو بۆ ڤێ مه‌ره‌مێ وان هه‌موو خالێن سنورى ئاگه‌هداركرینه كو بۆ ده‌مه‌كێ نه‌دیار نه‌هێلن ئه‌ڤ سێڤه بهێته ناڤ هه‌رێمێ.
كه‌نگى ده‌رمالێن قوتابیێن زانكۆیێ دێ هێنه مه‌زاختن؟
ئه‌ڤرۆ نیوز:
وه‌زاره‌تا خواندنا بلند و ڤه‌كولینێن زانستى راگه‌هاند بڕیاره د ڤێ حه‌فتیێ دا، نیڤا ده‌رمالێن قوتابیان ل هه‌موو زانكۆ و په‌یمانگه‌هێن حكومى بهێنه به‌لاڤكرن كو ژ ئه‌گه‌رێ قه‌یرانا دارایى گیروبووینه.
فوئاد عه‌لى په‌یڤدارێ وه‌زاره‌تا خواندنا بلند دیاركر كو قه‌یرانا دارایى بوویه ئه‌گه‌ر كو ماوێ سێ هه‌یڤان ده‌رمالێن قوتابیان بهێنه گیروكرن، به‌لێ د ڤێ حه‌فتیێ دا، نیڤا وێ دێ هێته دابه‌شكرن.
ل زانكۆ و په‌یمانگه‌هێن سه‌ر ب وه‌زاره‌تا خواندنا بلند ڤه، نێزیكى 100 هزار قوتابى یێن هه‌ین و كوژمێ ده‌رمالێن وان یێن جودانه، یێن ناڤ باژێرێ 40 هزار دیناران هه‌یڤانه وه‌ردگرن، یێن ده‌رڤه‌ى باژێرى ژى هه‌یڤانه 60 هزار دیناران وه‌ردگرن.
فوئاد عه‌لى دیاركر پشتى چاره‌بوونا قه‌یرانا دارایى، دێ ده‌رمالێن قوتابیان هه‌یڤانه د وه‌ختێ خوه‌دا هێنه دان و گیرو نابن.
ڤيديۆ: رێڤه‌به‌رێ پۆليسێن دهۆكێ ده‌سته‌سه‌كرنا چه‌ندين تاوانباران راگه‌هاند
ئه‌ڤرۆ نيوز:
رێڤه‌به‌رێ پۆليسێن پارێزگه‌ها دهۆكێ، عه‌ميد تارق ئه‌حمه‌د ده‌سته‌سه‌ركنا چه‌ندين تاوانباران راگه‌هاند كو هنده‌ك ژ وان تاوانێن كوشتنێ ئه‌نجام داينه و هنده‌ك ژى ژ ئه‌گه‌رێ دزيكرنێ بووينه.
ئاماژه ب وێ چه‌ندێ ژى كريه كو دو ژ ئه‌و كه‌سێن د كه‌يسێ كوشتنا شۆفێرێ ته‌كسيێ دا هه‌ين، يێن چووين گه‌هشتينه چه‌كدارێن داعش
ئەندامەکێ جڤاتا ئابووریا ھەرێمێ مەترسیەکا دارایی ل سەر ھەرێمێ ئاشکەرا دکەت
ئەڤرۆ نیوز:
د راپۆرتەکا رۆژناما ئەڤرۆ دا ل دۆر پێشبینیێن سالا 2015 کو ژ لایێ رۆژنامەڤان سالار دۆسکی ڤە ھاتیە بەرھەڤکرن، تێدا ئێک ژ وان کەسێن بۆچوونا وی ھاتیە وەرگرتن کو د ھەمان دەم دا ئەندامێ جڤاتا ئابووریا ھەرێمێ یە، مەترسیەکا ئابووری ل سەر ھەرێمێ ددەتە دیار کرن.
د. خەلیل غازی ئەندامێ جڤاتا ئابووری ل ھەرێما کوردستانێ و مامۆستایێ زانکۆیا دھۆک ل دۆر پێشبینیێن خوە بۆ لایەنێ ئابووری بۆ ئەڤ سالە گۆت: “سالا 2015 ب رەشبینی دبینم و پێدڤی یە حوکمەت ل خوە زڤرینەکێ د کارێن خوە دا بکەت و گوھۆرینان ژی ئەنجام بدەت، ھەکە دێ کێشێن ئابووری یێن مەزن بۆ مللەتێ کورد ل ئەڤ سالە پەیدابن”.
زێدەتر گۆت: “دبینم دێ قەیرانا ئابووری ل ھەرێمێ کوورتر لێ ھێت، دڤێت داھاتێ پەترۆلا ھەرێما کوردستانێ زێدە ببیت و ھەکە بھایێ پەترۆل ئەرزانتر ژی بیت، دێ قەیرانا ئابووری یا بەردەوام بیت، ژ بەر کو پێشبینی دھێتەکرن کو بھایێ پەترۆلێ بچیتە دبن پێنجی دۆلاران دا.”
د. خەلیل دا زانین کو دڤێت حوکمەتا ھەرێما کوردستانێ سیستەمێ خوە یێ وەرگرتنا باجان و گومرکان ب گوھۆریت و مفایی ژ دەرگەھێن سنۆری وەربگریت.
نۆرى مالكى دڤێت رێكه‌فتنا هه‌ولێر و به‌غدا ژناڤ ببه‌ت
ئه‌ڤرۆ نيوز، نيوار محه‌مه‌د سه‌ليم:
زێده‌ترى 20 ئه‌ندامێ جڤاتا نوونه‌رێن عيراقێ ئيمزا كۆمكرينه دا كو رێكه‌فتنا د ناڤبه‌را هه‌ولێر و به‌غدا يا وارێ په‌ترۆلێ دا ژ ناڤ ببه‌ن و بكه‌نه پرۆژێ قانوونه‌كێ.
ئه‌ندامه‌كێ كورد ل جڤاتا نوونه‌رێن عيراقێ بۆ شه‌رقولئه‌وسه‌ت راگه‌هاند كو زێده‌ترى 20 ئيمزا ژ لايێ جڤاتا نوونه‌رێن عيراقێ ڤه هاتينه كۆمكرن دا كو رێكه‌فتناما ناڤبه‌را هه‌ولێر و به‌غدا ژ ناڤ ببه‌ن.
ئه‌ڤى ئه‌ندامێ نه‌ڤيايى ناڤێ خوه ئاشكه‌را بكه‌ت ئاماژه ب وێ چه‌ندێ ژى كريه كو ئه‌ڤ رێكه‌فتنه ب تنێ د به‌رژوه‌ندا هه‌رێمێ دايه و پاره دێ بۆ هێنه ره‌وانه‌كرن و چو سه‌روه‌رى بۆ عيراقێ نه‌مايه.
عه‌ره‌فات كه‌ره‌م ئه‌ندامێ جڤاتا نوونه‌رێن عيراقێ ئه‌و نووچه بۆ باسنيوز پشت راست كر كو گۆت: “ئه‌ڤه تشته‌كێ نوو نينه، ژ ده‌سپێكا رێكه‌فتنێ هه‌تا هاتيه ئيمزاكرن دژى وێ بوون و پاشان ژى گۆت ئه‌ڤه چوكدانانا به‌غدايه بۆ هه‌رێمێ”.
زێده‌تر گۆت: “حه‌نان فه‌تلاوى و عاليه نوسه‌يف سه‌رپه‌رشتيا وێ ئيمزا كۆمكرنێ دكه‌ن”.
د هه‌مان ده‌م دا، حاكم سه‌رحان ئه‌حمه‌د، ئه‌ندامێ جڤاتا نوونه‌ران بۆ ئه‌ڤرۆ نيوز گۆت: “ئه‌ز وه‌كو ئه‌ندامێ جڤاتێ ل لژنا ئابوورى يێ هايدارى ڤى بابه‌تى نيننم، به‌لێ هه‌كه تشته‌كێ وه‌سان هه‌بيت ژى سه‌رناگريت، چونكو كارێ په‌رله‌مانى ب تنێ چاڤدێريكرنه، نه مايتێكرنه د كارێ حوكمه‌تێ دا”.
ئاماژه ب وێ چه‌ندێ ژى كر كو رێكه‌فتنا د ناڤبه‌را هه‌رێم و به‌غدا دا، ب ره‌نگه‌كێ هه‌ڤسه‌نگيا سياسى هاتيه كرن و تشته‌ك ناهێته كرن هه‌كه ره‌زامه‌نديان لايه‌نان ل سه‌ر نه‌بيت.
ژ لايێ خوه ڤه ئارام شێخ محه‌مه‌د جێگرێ دويێ يێ سه‌رۆكێ جڤاتا نوونه‌رێن عيراقێ بۆ رووداو گۆت: “سه‌رۆكاتيا جڤاتا نوونه‌رێن عيراقێ چو داخوازيێن ژ ڤى ره‌نگى بۆ دانوستاندنێ ل سه‌ر راستڤه‌كرن يان ژناڤبرنا رێكه‌فتناما هه‌ولێر و به‌غدا پێ نه‌گه‌هشتينه و هه‌تا نوكه دانوستاندن ل سه‌ر وێ رێكه‌فتنێ ژى نه‌كريه”.
هنده‌ك ژ شاره‌زايان ژى ڤێ پێنگاڤێ ب بێده‌نگكرن و مژوولكرنا كوردان دده‌نه زانين دا كو دانوستاندنێ ل گه‌ل نۆرى مالكى ل سه‌ر دوسيێن گه‌نده‌ليێ و كه‌فتنا مووسل نه‌كه‌ن ب تايبه‌ت ئه‌ڤ كه‌سێن ب ڤى كارى رابووين كه‌سانێن نێزيكێن مالكى نه.
رێكه‌فتنا د ناڤبه‌را هه‌ولێر و به‌غدا دا ل دووماهيا سالا بۆرى بۆ ب دووماهى هاتنا كێشێن دارايى يێن ناڤبه‌را هه‌رێما كوردستانێ و حوكمه‌تا ناڤه‌ندى دا هاتبوو كرن كو ب گۆره‌يى رێكه‌فتنێ حوكمه‌تا عيراقێ دێ بودجا هه‌رێما كوردستانێ ره‌وانه كه‌ت به‌رامبه‌ر وێ چه‌ندێ هه‌رێما كوردستانێ رۆژانه 250 هزار به‌رميلێن په‌ترۆلێ ره‌وانه‌يى ژ ده‌رڤه بكه‌ت ل گه‌ل 300 هزار به‌رميلێن كه‌ركووك كو هه‌موو دێ ب رێيا بۆريێن په‌ترۆلا هه‌رێما كوردستانێ چيته به‌نده‌رێ جيهانێ و ژ وێرێ ژى دێ بۆ بازارێن جيهانى هێته ره‌وانه كرن.
داخۆيانيا قاسم شه‌شۆيى ل سه‌ر سيستمێ كانتۆنان بۆ شنگال
ئه‌ڤرۆ نيوز:
فه‌رماندێ پێشمه‌رگێن ئێزدى ل سه‌رێ چيايێ شنگال د داخۆيانيه‌كا رۆژنامه‌ڤانى دا راگه‌هاند كو شنگال پشكه‌كه ژ هه‌رێما كوردستانێ و ئه‌وێن به‌حسێ كانتۆنان دكه‌ن نه‌يارێن مه‌نه.
قاسم شه‌شۆ، فه‌رماندێ پێشمه‌رگێن ئێزدى ل سه‌رێ چيايێ شنگال، ل گه‌ل نێچيرڤان بارزانى سه‌رۆكێ حوكمه‌تا هه‌رێما كوردستانێ د داخۆيانيه‌كا رۆژنامه‌ڤانى دا كه‌يفخۆشيا خوه هاتنا سه‌رۆكێ هه‌رێما كوردستانێ و سه‌رۆكێ حوكمه‌تا هه‌رێما كوردستانێ ده‌ربڕى و گۆت: “گه‌له‌ك كه‌سان دگۆت پارتى ره‌ڤين و شنگال هێلا بێ خودان، به‌لێ ئه‌ڤه هه‌موو ده‌ركه‌فتن ئاخفتنێن نه‌وه‌يى و هيڤى دكه‌ين ب زووترين ده‌م شنگال ژى بهێته رزگار كرن”.
د پرسيارا رۆژنامه‌ڤانه‌كى دا ل دۆر سيستمێ كانتۆنان ژى گۆت: “ئه‌و نه‌يارێن مه‌نه وان به‌حسان دكه‌ن و بڕيار نه د ده‌ستێ وان دايه، ئه‌م پشكه‌كين ژ كوردستانێ و دخوازين ب زووترين ده‌م بهێته ئازادكرن”.
نيشاندان
WP Facebook Auto Publish Powered By : XYZScripts.com