ئه‌ڤرۆ نيوز، ناجی به‌ده‌ل:
د. كامیران به‌رواری ماموستایێ زانكویا دهۆك بو ئه‌ڤرۆ نیوز راگه‌هاند: “دڤێت كورد هه‌رده‌م ل پرسێن خوه‌ یێن ستراتیژی بگه‌رن و ئه‌و پرسێن چاره‌نڤیسێ كورد و كوردستانێ پێڤه‌ گرێدایی و شوره‌شا ئیلونێ و گولانێ ژ بوو چ هاتینه‌ كرن و دپێخه‌مه‌تا رزگاركرنا ئاخا كوردستانێ و دانانا ده‌سه‌لاته‌كا كوردی و ئازادبونا مله‌تێ كورد و درۆستكرنا سه‌روه‌ریا كورد و كوردستانێ ئه‌ڤه‌ پر گرنگن و ژ به‌ر ئه‌ڤێ چه‌ندێ خالا ئیستراتیژی ئه‌وه‌ كو زڤراندنا جوگرافیا كوردستانێ”.
د .كامیران دیاركر ژی زڤراندنا جوگرافیا كوردستانێ و نه‌هێلانا داگیركرنا كوردستانێ هه‌ر چ نه‌ بیت بو هێلا 34 بیت و بجهكرنا دستورێ هه‌رێما كوردستانێ راوه‌ستین و ژبه‌ركو مافێن مه‌ هه‌مو د دستوری دانه‌ ئه‌گه‌ر دستور نهێته‌ بجهكرن و بابه‌تێ فیدرالیزمێ، كوردا چ چاره‌نڤیسێ پاشه‌رۆژێ ل عیراقێ نابن و كورد نابیت رۆژ و ده‌مێن خو ب بورینن ب پرسێن رۆژانه‌ڤه‌ و گرێدان ب پرسگریكێن بودجه‌یێ و گازێ ڤه‌ و ئاریشه‌یا كوردێن باشورێ كوردستانێ نه‌ ئاریشه‌یه‌كا ئابۆری و ره‌وشه‌نبیری یه‌ به‌لكو پرسگریكه‌كا نه‌ته‌وه‌ی و نیشتمانی و سیاسی و جوگرافی و دیرۆكی یه‌ و دڤی واری دا چه‌ند ئه‌م جه‌ختێ ل سه‌ر پرسێن ئابوری بكه‌ین ئان پرسێن رۆژانه‌ بكه‌ین ،ئه‌م دوزا خو یا سه‌ره‌كی ژبیر دكه‌ین.
د. كامیران به‌رواری ئه‌و چه‌نده‌ ژی ته‌كید كر كو دوزا سه‌ره‌كی عیراقه‌كه‌كا فیدرالی و مه‌ژی دوێ فیدرالیێ دا چارچوڤه‌یه‌كێ خویێ یاسایی هه‌بیت ئه‌م ژ هێزێن ناڤ نه‌توه‌وه‌یی ڤه‌ بهێنه‌ دانپێدان تشتێ خه‌لت دڤێرێدا ئه‌وه‌ تا نها ئه‌و پرسا فیدرالیێ ل عیراقێ بتنێ كورد دبێژن ئه‌م فیدرالینه‌ لێ عه‌ره‌ب وه‌ نا بێژن و دڤێت ئه‌و فیدرالی ل سه‌ر ئاخا عیراقێ بجهـ بێت هه‌رێما كوردان و هه‌رێما عه‌ره‌بان هه‌ردوكا حكومه‌ته‌كا هه‌ڤبه‌ش و فیدرالی هه‌بیت تا نها هوسا نینه‌ ،حكومه‌ته‌كا ناڤه‌ندی یا هه‌ی و كو حكومه‌تا هه‌رێمێ،ئه‌و مافێن نها به‌غدا داینه‌ مه‌ گه‌له‌ك ژ ئه‌وان مافان كێمترن 1970 كوردان ده‌ستڤه‌ ئیناین .

ئه‌ڤرۆ نيوز، بارزان سلێمان مزووری:
ئەفسەرەک ژ ھێزێن پێشمەرگەیێن لیوا 12 فەوجا سێ ل میحوەرێ باشیک بۆ ئەڤرۆ نیوز دیار کر کۆ شڤێدى 12\12 فروکەیێن ھەڤپەیمانان دەست ب بوردومانکرنا بارەگا و کاروانێن ترومبێلێن چەکدارێن تیرورستێن داعش کر ل ناڤ باژێرێ باشیک و دەوربەرا كر و زیانێن مەزن یێن گیانی و مادی گەھاندنە داعش.
ناڤبری زێدەتر گۆت: “ئامارا کوشتی و بریندارێن داعش ئەوێن ژ بەر بوردومانا فروکەیێن جەنگی کەفتین نەگەھشتیە بەردەستێن مە بەس ل دووڤ زانیاریێن وان گەلەک ژوان کوشتینە “.

ئه‌ڤرۆ نيوز:

هێزێن پێشمه‌رگێ كوردستانێ د پرۆسه‌كا گه‌ريان و پشكنينێ دا ل گۆنده‌كێ ده‌وروبه‌رێن ناحسا سه‌عديه‌ ل ده‌ڤه‌را تبج، فرۆكه‌كا بێ فرۆكه‌ڤان ديت.

ژێده‌ره‌كى ژ هێزێن پێشمه‌رگه‌يى راگه‌هاند، هێزێن فه‌وجا ئێك سه‌ر ب ليار 136 يا پێشمه‌رگه‌يى د پرۆسه‌كا گه‌ريان و پشكنينێ دا ل گۆنده‌كێ سه‌ر ب ناحيا سه‌عديه‌ ده‌ست ب سه‌ر فرۆكه‌كا بێ فرۆكه‌ڤانا سيخورى دا گرت.

ئه‌ڤى ژێده‌رى گۆت: “ئه‌و فرۆكا بێ فرۆكه‌ڤان چه‌ند زه‌ره‌ره‌كێن پێگه‌هشتين، ئه‌ڤجا نزانين ژ ئه‌گه‌رێ ته‌قه‌كرنا هێزێن ئه‌منى بوويه‌ يان ژ ئه‌گه‌رێ ته‌قا وه‌لاتيێن گۆندى بوويه‌”.

ئه‌ڤى ژێده‌رى گۆتژى: “ل بيستانه‌كێ چاندنێ شياينه‌ ڤێ فرۆكێ ده‌سته‌سه‌ركه‌ن، د ده‌مه‌كى دا خه‌لكێ وى گۆندى يێن ره‌ڤين و گيانه‌وه‌رێن خوه‌ ژى هێلاينه‌ ژ ئه‌گه‌رێ كرياريێن له‌شكرى يێن رۆژێن بۆرى.

د ڤێ ده‌ربارێ دا مه‌حمود سه‌نگاوى، به‌رپرسێ حيوه‌رى گه‌رمه‌سێرێ هێزێن پێشمه‌رگه‌يى، بۆ رووداو گۆت: “دبيت ئه‌و فرۆكه‌ يا ئيرانى بيت ل ده‌ڤه‌رێ كه‌فتبيته‌ خوار و چ ئاماژه‌ پێكرن ژى پێ ديار نينه‌”.