ئه‌ڤرۆ نيوز:

ل سه‌ر راسپاردا سه‌رۆكاتيا په‌رله‌مانێ كوردستانێ، لژنا پێشه‌سازى و وه‌زێ و ژێده‌رێن سرۆشتى ل په‌رلمانێ كوردستانێ، بڕيار بوو ئه‌ڤرۆ دووڤچوونه‌كا به‌رفره‌هـ بۆ ره‌وشا كاره‌بێ ل هه‌رسێ پارێزگه‌هێن دهۆك و هه‌ولێر و سلێمانێ بكه‌ت و بڕياره‌ ب زووترين ده‌م راپۆرته‌كێ بده‌نه‌ سه‌رۆكاتيا په‌رله‌مانى و پاشان ژى وه‌زيرێ كاره‌بێ و سامانێن سرۆشتى گازى په‌رله‌مانێ كوردستانێ بكه‌ن و كێشه‌ و كێم و كاسيێن كاره‌بێ و وزێ گه‌نگه‌شه‌ بكه‌ن و چاره‌يێن ب له‌ز بۆ ببينن.

د راگه‌هاندنه‌كا نڤيسينگه‌ها رۆژنامه‌ڤانى يا په‌رله‌مانێ كوردستانێ دا هاتيه‌: “ماوێ چه‌ند رۆژايه‌ كێشا كاره‌ب و په‌ترۆل و وزێ ل هه‌رێما كوردستانێ گه‌هشتيه‌ ئاسته‌كێ خراب، ژ به‌ر هندێ ئه‌ڤرۆ رۆژا پێنجشه‌مبى 15ى كانوونا دويێ 2015، لژنا پێشه‌سازى و وه‌زه‌ و ژێدرێن سرۆشتى ل په‌رله‌مانێ كوردستانێ، بۆ دووڤچوونێ ل سه‌ر ئه‌وان كێشان لژنا وان بۆ سێ پشكێن مه‌يدانى و ل هه‌ر سێ پارێزگه‌هێن دهۆك و هه‌ولێر و سلێمانيێ دێ سه‌ره‌دانا ويستگه‌هێن به‌رهه‌مئينانا كاره‌بێ و وه‌زا كاره‌بايێ كه‌ن و داتا و پێزانينێن خوه‌ ل سه‌ر كێشه‌ و ئاريشێن خوه‌ كۆم كه‌ن”.

هاتيه‌ ژى: “پاشان هه‌رسێ تيم، دێ راپۆرتا خوه‌ ئاماده‌ كه‌ن و كه‌نه‌ راپۆرت و ئاراسته‌يى سه‌رۆكاتيا په‌رله‌مانێ كوردستانێ كه‌ن و ب زووترين ده‌م ب هه‌ماهه‌نگى ل گه‌ل سه‌رۆكاتيا په‌رله‌مانى هه‌ردو وه‌زيرێن په‌روه‌نديدار ب وێ كێشێ (وه‌زيرێ كاره‌بێ و سامانێن سرۆشتى) گازى په‌رله‌مانێ كوردستانێ كه‌ن و پێكڤه‌ چاره‌سه‌ريه‌كا ب له‌ز بۆ كێشا كاره‌بێ بينن و هورده‌كاريێن كێشا وزا كاره‌بێ بۆ رايا گشتى به‌لاڤ كه‌ن”.

ئه‌ڤرۆ نيوز:

رێڤه‌به‌ريا گشتيا كه‌شناسيێ ل هه‌رێما كوردستانێ راگه‌هاند كو سوبه‌هى ئه‌سمانێ دهۆكێ ژ ساهاتيێ هێته‌ گوهۆڕين بۆ ئه‌ورێن كێم و پاشان ژى ب ته‌مامى بيته‌ ئه‌ور و ب شه‌ڤ دێ به‌فر و باران بارن.

پشكا پێشبينيان ل رێڤه‌به‌ريا گشتيا كه‌شنايا هه‌رێمێ راگه‌هاند كو ژ ئه‌نجامێ كارتێكرنا فشارێن نزمێن ده‌ريا ناڤه‌راست ل وه‌لاتێ توركيا بۆ سه‌ر هه‌رێما كوردستانێ ئه‌و پێشبينى دكه‌ن كو سوبه‌هى رۆژا ئه‌ينى رێكه‌فتى 16\1\2015 ئه‌سمانێ دهۆكێ ژ ساهاتيێ هێته‌ گوهۆڕين بۆ ئه‌ورێن كێم و پاشان ژى ب ته‌مامى بيته‌ ئه‌ور و ب شه‌ڤ دێ ل ده‌ڤه‌رێن جودا باران باريت و ل ده‌ڤه‌رێن چيايى ژى به‌فر بباريت و دبيت ل سه‌نته‌رێ پارێزگه‌هێ ژى بباريت.

رێڤه‌به‌ريا گشتيا كه‌شناسيێ ل هه‌رێما كوردستانێ ئاشكه‌را ژى كريه‌ كو پلا گه‌رماتيێ ژى دێ نزم بيت ب ره‌نگه‌كى د ناڤبه‌را 9 بۆ 0 پلان دا.

ل دۆر پێشبينيا رێژا هه‌وايى و مه‌ودايێ ديتنێ ژى دايه‌ زانين كو دێ ئاراسته‌يێ وى دێ باكورێ رۆژئاڤا بيت ب ره‌نگه‌كى دێ يێ ل سه‌ر خوه‌ بيت د ناڤبه‌را 5 بۆ 20 كلم د ده‌مژمێره‌كێ ماوێ ديتنێ ژى دێ 8 بۆ 10 كلم بيت و ده‌مێ باران بارينێ 7 كلم بيت.

ئەڤرۆ:
ئەندامەکێ پەرلەمانێ کوردستانێ بۆ رۆژناما ئەڤرۆ دیار کر کو پرۆژێ پرا ل سەر رووبارێ زێ یێ مەزن دھێتە چێکرن گەلەکێ گرنگە و دێ رێیا دھۆک- ھەولێر گەلەک کورت کەت.
ئەندازیار بەھزاد زێباری ئەندامێ لیژنا ئاڤەدانکرنێ ل پەرلەمانێ کوردستانێ دیار کر کو ئەڤ پرە دێ جووتسایدە و ل نێزیکی گوندێ جمەی و گوندێ کوبال کو درێژیا 928 مەترایە و 41% ھاتیە بجھئینان و گۆت “ب تەمامبوونا ڤێ پرێ ھاتنوچوون د ناڤبەرا دھۆک و ھەولێرێ دا دێ دەمژمێرەکێ کێمتر بیت”.
ناڤبری خویا ژی کر کو کارێ دروستکرنا ڤێ پرێ گیروبوویە یان راوەستیایە، لێ لیژنا پەرلەمانێ کوردستانێ سەرەدانا ڤی پرۆژەی کریە و گۆت “ئەم چاڤدێریا ڤان جۆرە پرۆژان دکەین، چونکی د وارێ بجھئینانێ دایە و مە راپۆرتەک دروست کریە و مە بۆ سەرۆکێ پەرلەمانی رەوانە کریە و پەرلەمان ژی دێ بۆ جڤاتا وەزیران رەوانە، داکو دویفچوون ل سەر بھێتە کرن”.

ئەڤرۆ:
ھاریکارێ رێڤەبەرێ گشتی بۆ کاروبارێن تەکنیکی ل پەروەردا گشتی دیار کر کو رۆژا 17\1\2015 ئەزموونێن وەرزێ ئێکێ دێ ل ھەر دو پەروەردێن رۆژئاڤا و رۆژھەلات دەست پێ دکەن و ل 26\2\2015 دێ ب دووماھی دھێن و ب تنێ چار رۆژ بێھنڤەدانە.
خورشید یەحیا ھاریکارێ رێڤەبەرێ گشتی بۆ کاروبارێن تەکنیکی ل پەروەردا گشتی دیار کر ژی کو ژمارا قوتابیێن سەر ب پەروەردا رۆژئاڤا ڤە ٦١٧٥٤ قوتابی دێ پشکدار بن و ژمارا قوتابیێن سەر ب پەروەردا رۆژھەلات ڤە 45133 قوتابینە و گۆت “ئەزموون دێ ھەتا رۆژا 26\1\2015بەردەوام بن و رۆژا 27\1\2015 بێھنڤەدان دێ دەست پێ کەت و پشتی چار رۆژان ئانکو 31\1\2015 دەواما فەرمی یە”.
ھەروەسا ناڤبری ئاماژە ب وێ ئێکێ ژی کر کو ل پەروەردێن قەزایین بەردەرەش و شێخان و ئاکرێ و ئامێدیێ ئەزموون ب دووماھی ھاتینە، چونکی وان دەوام د دەمێ وێ یێ دیارکری دا کریە و گۆت “ل دووڤ دەستھەلاتێن وەزیرێ پەروەردێ ل پەروەردێن سێمێل و زاخۆ و تلکێف و شنگال ئەزموون دێ ل 1\2\2015 ھێنە دەستپێکرن”.

ئه‌ڤرۆ نیۆز، هه‌رهین محه‌مه‌د:

د دو روودانێن جودا دا، كه‌سه‌ك هاته‌ كوشتن و ژنه‌كێ خوه‌ خه‌ندقاندیى یه‌ و پولیسێن دهۆكێ ژى نووچه‌ بۆ مالپه‌رێ ئه‌ڤرۆ نیۆز پشت راستكر.
نه‌قیب هێمن سلێمان محه‌مه‌د، رێڤه‌به‌رێ په‌یوه‌ندى و راگه‌هاندنا ل رێڤه‌به‌ریا پولیسێن دهوكێ بۆ ئه‌ڤرۆ نیۆز دیاركر ل پارێزگه‌ها دهوكێ دو روودانێن جودا دروست بووینه‌، كه‌سه‌كى ل قه‌زا زاخو پسمامێ خوه‌ یێ 25 سالى كوشتیه‌، كو‌ ژئه‌گه‌رێ چه‌ند كێشێن جڤاكى بوویه‌، هه‌روه‌سا ژنه‌كا 52 سالى ل كومه‌لگه‌ها چره‌ى خوه‌ خه‌ندقاندیه‌ ب كنفێ، ناڤبرى دیاركر كو ئه‌ڤ ژنه‌ خودان زاروكه‌ و هه‌تا نوكه‌ ئه‌گه‌رێ كوشتنا وێ دیارنینه‌ وڤه‌كولین ل سه‌ر به‌رده‌وامه‌.