ئەڤرۆ:

رێڤەبەرێ راگەھاندنا پەروەردا گشتی یا پارێزگەھا دھۆکێ دیار کر کو پۆستێ رێڤەبەریا پەروەردا قەزایەکێ نوکە یێ ڤالایە و دێ ب رێیا پێشکێشکرنا CV پڕ کەن.

سەدیق شەرۆ رێڤەبەرێ راگەھاندنا پەروەردا گشتی یا پارێزگەھا دھۆکێ ئاشکرا ژی کر کو پۆستێ رێڤەبەریا پەروەردا قەزا تلکێفێ نوکە یێ ڤالایە و ھەر پەروەردکارەکێ حەز ھەبین دێ شێت CV خوە پێشکێشی وان کەت، بۆ رۆژناما ئەڤرۆ گۆت ژی  CV ب تنێ د حەفتیەکێ دا دێ ھێنە وەرگرتن.

ھەژی گۆتنێ یە کو رێسان حەسەن جندی رێڤەبەرێ پەروەردا قەزا تلکێفێ ل 28\11\2014 وەغەر کریە و ھەتا نوکە پۆستێ وی یێ ڤالایە و رێڤەبەریا گشتی یا پارێزگەھا دھۆکێ دڤێت وی پۆستی ب رێیا CV پڕ بکەت.

 ئه‌ڤرۆ نیۆز،ناجی به‌ده‌ل:

ب بریارا ژمارا 16 ژلایێ مه‌سعود بارزانی سه‌رۆكێ هه‌ریما كوردستانێ یاسایا زمانێن فه‌رمی ل هه‌رێما كوردستانێ هاته‌ ئیمزاكرن.

سه‌رۆكێ هه‌رێما كوردستانێ یاسایا ژماره‌ 6 یا زمانێن فه‌رمی ل هه‌رێما كوردستانێ په‌سه‌ندكر كو ل رۆنشتنا ئاسایی یا ژماره‌ 9 یا رۆژا 29/10/2014 ژلایێ په‌رله‌مانێ كوردستانێ په‌سه‌ندكر و پاشان سه‌رۆكێ په‌رله‌مانی ب نڤیسارا فه‌رمی ژماره‌ 4/3/4159 ل رۆژا 20/11/2014 ده‌قێ یاسایێ ئاراسته‌ی سه‌رۆكاتیا هه‌رێمێ و بو سه‌رۆكێ هه‌رێمێ ئیزایێ ل سه‌ر بكه‌ت و  3/12/2014 ب نڤیسارا فه‌رمی هژمار 16 ژلایێ سه‌رۆكێ هه‌رێمێ ڤه‌ هاتیه‌ ئیمزاكرن .

یاسا ب 27 ماده‌یان پێكهاتیه‌ و ل رۆژا به‌لاڤبونا وێ ل رۆژنامه‌یا فه‌رمی وه‌قائیعی كوردستان دكه‌ڤیته‌ بیاڤێ بجهكرنێ دا .

ئه‌ڤرۆ نیۆز:
به‌رپرسێ په‌یوه‌ندیێن گشتى یێن بزاڤا گۆڕان راگه‌هاند، ده‌نگۆباسێ ده‌ستبه‌ردانا كارێ ژ ئالیێ نه‌وشێروان موستافا ى رێكخه‌رێ گشتیێ بزاڤا گۆڕان چو راستى بۆ نینه‌.
به‌رپرسێ په‌یوه‌ندیێن گشتى یێ بزاڤا گۆڕان محه‌مه‌د ته‌وفیق ره‌حیم راگه‌هاند، به‌لاڤكرنا ده‌نگۆباسێ ده‌ست ژكاركێشانا نه‌وشێروان موسته‌فاى ژ پۆستێ رێكخه‌رێ گشتیێ بزاڤا گۆڕان دووره‌ ژ راستیێ و چو بنما بۆ نینه‌، ئه‌وا هاتیه‌ به‌لاڤكرن بتنێ ئاخفتنێن راگه‌هاندنێ نه‌.
هه‌روه‌سا ئه‌و چه‌نده‌ به‌رچاڤركر، هه‌تا نها ئه‌و به‌حس دناڤ رێزێن گۆڕاندا نه‌ هاتینه‌ كرن، نه‌وشێروان موسته‌فاى بخوه‌ ژى چو به‌حسێن ب ڤى ره‌نگى نه‌كرینه‌.

ئه‌ڤرۆ نیۆز، قائید میرۆ
به‌رپرسێكی بلندێ ئێكه‌تی نیشتیمانی كوردستان ل پارێزگه‌ها هه‌له‌بجه‌ ته‌كه‌زكر، ئێكه‌تی یا به‌رهه‌ڤ نینه‌ پۆستێ پارێزگه‌رێ هه‌له‌بجه‌ بده‌ته‌ پارتی دیموكراتی كوردستان.
ئه‌حمه‌د قه‌ده‌فه‌ری، جێگرێ به‌رپرسێ مه‌لبه‌ندێ ئێكه‌تیێ ل هه‌له‌بجه‌ ب ئه‌ڤرۆ نیۆز راگه‌هاند، د كۆمبوونا ئه‌ڤرۆیا لایه‌نێن سیاسیێن پارێزگه‌ها هه‌له‌بجه‌ بڕیارهاتیه‌دان، لیژنه‌یه‌ك دگه‌ل لیژنا دانوستنكارا ئێكه‌تی و گۆڕان كۆمبیت و پێداچوون لسه‌ر به‌لافكرنا پۆستێن پارێزگه‌هێ بهێته‌كرن.
قه‌ده‌فه‌ری گۆتژی” ئه‌م وه‌كی ئێكه‌تی به‌رهه‌ڤ نینه‌ ده‌ست چ پۆستێ قایمقامێ ناڤه‌ندا هه‌له‌بجه‌ به‌رده‌ین و ب چوشێوه‌یه‌كی ئه‌ڤی پۆستی ناده‌ینه‌ پارتی”

ئه‌ڤرو نیوز، هه‌یفا دوسكى:
ئه‌ڤین سدقى به‌رپرسا كاروبارێن ئیدارى ل سه‌نته‌رێ پێشمه‌رگه‌ یێ ره‌وشه‌نبیرى بو ئه‌ڤرو نیوز گۆت: ژبه‌ر ره‌نگڤدانا ژنێن كورد و یێن كوبانێ و دیسا شوره‌شێ یێن باشور و یێن نوكه‌ ژى بویه‌ جهێ سه‌دایه‌كا مه‌زن، ژبه‌ر هندێ نه‌خاسمه‌ یێن ده‌مێ رۆژنامه‌ڤانێ یابانى بناڤێ ( (masuo
قه‌ستا سه‌نته‌رى پێشمه‌رگه‌ كرى و دیاركر كو ژنێن كورد د هه‌مى قوناغێن ژیانێ دا خودان هه‌لویست و كه‌سایه‌تى نه‌ له‌ورا ژى رۆژناڤه‌انه‌كێ یابانى ل دووڤ ده‌نگێ قاره‌مانیا ژنێن كورد دهێت و تایبه‌ت دێ پارچه‌ك ژ راپورتا باس ل وێ ژنێ كه‌ت ئه‌وا ل كوبانێ یا شه‌رڤان جیرانێ و وێره‌كیا وێ، زێده‌بارى ژى رۆژنامه‌ڤانێ ناڤبرى دئاخفتنه‌كا خودا ده‌باره‌یى ژنێن كورد گۆت: من دڤێت راپورته‌كا باش ل سه‌ر ژنێن باشور و پاشى باكور درۆستكه‌م سه‌باه‌رت به‌شداریا وان دشوره‌شێن كوردى دا وینه‌یێن وان ژ سه‌نته‌رى وه‌رگرتینه‌ و ژنێن به‌شدار د شوه‌رشێن ئه‌یلو و گولانێ ژى دێ پشكه‌كا سه‌ره‌كى نه‌ دڤێ راپورتێ دا.
ژلایه‌كێ دیڤه‌ ژى ئه‌ڤین خانێ به‌حس ل وێ چه‌ندێ ژى كر ئه‌و خولا ل سه‌نته‌رێ پێشمه‌رگه‌ هاتیه‌ ڤه‌كرن ره‌نگڤه‌دانه‌كا باش هه‌بو ل چاڤێ، وه‌لاتێ، دى دا و ژبه‌ر هندێ ژى داخاز كر هنده‌ك ژوى ئه‌رشیڤى دگه‌ل خو به‌ت و پشتى ڤێَ راپورتى ناڤبرى خواست ئه‌و بشێت ده‌ربرینێ ژ شیان و وێره‌كى و گرنگیا ژنا كورد بو گه‌له‌ك وه‌لاتان دیار بكه‌ت.