ئەڤرۆ:

د راپۆرته‌كێ دا بۆ رۆژناما ئه‌ڤرۆ كو ناجى به‌ده‌ل به‌رهه‌ڤكريه‌ دياركريه‌ كو بەرپرسەکا بنگەھێ بھێزکرن و فێرکرنا قوتابیان بۆ ئەڤرۆ دیار دکەت کو گەلەک ماموستا یێن ھەین مالێن خوە یێن کرینە بنگەھێن گوتنا وانێن تایبەت و گۆت” قوتابی یێ ھەی چوویە د بازنەیەکێ دا کو ب چوار ھزار دولاران وانە بۆ ھاتیە گوتن”.
ھاڤین ئەحمەد بەرپرسا بنگەھێ ئالا یێ وانەیێن ب ھێزکرن و فێرکرنێ بۆ ئەڤرۆ ل سەر چاانیا ڤەکرنا بنگەھـ و پەیمانگەھان گۆت” بو ڤەکرنا ھەر بنگەھەکێ بڤی جوری گەلەک جھـ د پێکڤە گرێداینە و ئێک پەروەردەیە و بەشا پلاندانانێ لیژنەیەک ھەیە بۆ ئەڤی بابەتی و پشتی مەرج و رێنمایێن وان د ڤی بنگەھی دا ھەبن و ھەڤپێچ مولەتا باژێرڤانیێ و ساخلەمیێ ژ لایەنێ ساخلەمی و چەوانیا مەرجێن ساخلەمێ و لایەنێ ئەمنی ژی دڤێت رازی بیت داکو چ ئاریشەیێن ئێمناھیێ دروست نەبن.
ھاڤینێ گوت ژی: ئارمانج ژ ڤەکرنا بنگەھێن بھێزکرنا شیانێن قوتابیان و دور ئێخستنا وی ژ ئیستغلالێ و گەلەک ماموستایێن وانەیێن تایبەت دبێژن و گەلەک ژ وان مالێن خوە کرینە بنگەە و جھـ داکو قوتابی بچنە دەڤ بۆ وانەگوتنێ ل ھەمان دەم ئیستغلالکرنا قوتابی ژلایێ مادی ڤە دھێتە کرن بۆ نموونە قوتابی یێ ھەی چوویە د بازنەیەکێ دا کو ب چوار ھزار دولاران وانە بۆ ھاتیە گوتن و زێدەباری نە دووڤچوونا ساخلەمیێ و پەروەردەێ و بیاڤێ ئێمناھیێ و دڤێت دووڤچوون ھەبیت.
ھاڤینێ دەربارێ ئیستغلالکرنا قوتابیان، کانێ ئەرێ پەیمانگەە ژی وە ناکەن د بەرسڤێ دا گۆت: ل بنگەھێن فەرمی وانە دیاریکرینە و ب بھاێ ١٢٠ ھەزار دیناران بۆ ھەر بابەتەکی و ھەر قوتابیەکی د دەمێ ھەیڤەکێ دا بۆ د ھێتەگوتن و ل بنگەھێ ئالا ل سەر ئەوێ چەندێ چوویە و کێم قوتابی دھێنە وەرگرتن داکو باشتر فێربیت و بەشداربیت ل گەل ماموستایی ب شێوەیەکێ نورمال و ئەڤە ژی ل گوری مەرج و رێنمایێن وەزارەتا پەروەردێ یە.
ھاڤینێ دیارکر کو ڤەکرنا بنگەھێن فێرکرنێ دڤێت ب فەرمی بن داکو پتر د خزمەتا قوتابیان دا بیت و نەبیتە ئارمانجەکا بازرگانی.
بەرپرسا بنگەھێ ئالا یێ وانەیێن ب ھێزکرن و فێرکرنێ گوت ژی : مە یا دیتی و گوە لێ بووی، گەلەک رێخکراوێن حزبی و لایەنێن دی بۆ سەرنج راکێشانا قوتابی دەست ھاڤێتی یە ڤەکرنا خولان بەس پێدڤیە کو چەوا من بو بنگەھێ خو کارێن فەرمی کرینە دڤێت ئەو لایەن ژی ڤەکەت و بو ڤەکرنا ئەڤان جورێن خولان و پێداچونەکا باش ل سەر بھێتەکرن.
ھاڤین ئەحمەد رێڤەبەرا بنگەھێ ئالا دیارکر ژی دڤیا د ناڤا قوتابخانێ دا ئەڤ خولە ھاتبانە ڤەکرن نەک بناڤێ پەیمانگەھـ و سەنتەران لێ قوتابخانێن مە نە بەرھەڤن ژ ئەگەرێ زوریا قوتابیان و چەند دەوامیا ل قوتابخانەیان و دەرفەت نەبوویە.
پەروین عەبدولستار بەرپرسا قوتابخانە و سەنتەران ل پارێزگەھا دھۆکێ ل پشکا پلاندانانێ ل رێڤەبەریا گشتی یا پەروەردا پارێزگەھا دھۆکێ بۆ ئەڤرۆ گوت: وەرگرتنا مولەتێ ب نڤیسارەکا فەرمی پێشکێشی رێڤەبەرێ گشتی دھێتە کرن و پشتی دووڤچوون و پێداچون و رازیبوونا لیژنەیا رێڤەبەراتیا گشتی یا پەروەردێ ل سەر دئێنە کرن ھەڤپێچ ل گەر لایەنێن پەیوەندیدار مینا ساخلەمی و باژێرڤانی و جھەتێن ئەمنی پاشی بۆ وەزارەتێ بو رازیبوونا وان پاشی دێ دەست بکارێن خوە کەن.
ناڤبریێ دیارکر ژی کو لیژنەیاکا تایبەت دێ سەحکەتە چەوانی و ھزرا ڤەکرنا ئەڤی بنگەھی، دڤێت ٢٢ مەرجێن وەزارەتێ تێدا بھێنە بەرچاڤکرن پشتی ئەم رازی دبین دڤێت ئەو رێڤەبەراتیێن پەیوەندیدار ب بابەتی ڤە ژی رەزامەند بن ل سەر.
لگوری ئاخفتنا پەروین عەبدولستار ھەر کەسێ دڤێت دشێت داخازا مولەتا سەنتەرە یان پەیمانگەھێ بکەت، بەلێ دڤێت ئەو کەسێ وانە بێژ بیت و ماموستایێ تایبەتمەند بیت و ھەر پەیمانگەھەکا مولەتا وەرگرتنا فێرکاریێ ھەبیت بتنێ و بێ ڤەکرنا خولان دڤێت ب رەزامەندیا مە بیت و ھەتا دشێت ڤەکەت ل گورەی ئەو مەرجێن وەزارەتێ دیارکرین و راستڤەکرین.
ھەروەسا پەروین عەبدولستار بەرپرسا قوتابخانە و سەنتەران ل پارێزگەھا دھۆکێ دیارکر کو لیژنەیەک ھەیە بو دووڤچوونا ئەوان یێن مولەت وەرگرتین و گۆت: ھەر جە و سەنتەرەک و بنگەھەک مولەتا ڤەکرنا خۆلان نەبیت دێ دووڤچوونا وان کەین و سەرپێچیکار دھێنە سزادان.

ئه‌ڤرۆ:

کچەکا ٢٤ سالی برێیا تێلەفونێ دلێ خوە بۆ رۆژنامەیا ئەڤرۆ ڤەدکەت و دبێژیت: ئەز قوتابیمە ل قوناغا دوازدێ دخوینم بەری ھەیڤەکێ من شوی ب کەسەکێ کریە کو ئەم د دەزگریێ داینە و ئەوی دوو زانکو بداوی ئیناینە و ٢٧ سالە و بیانی نە بەری ھەفتیەکێ ژمارەیەکێ ئیزعاجا من دکر من ژی ئەو ژمارە دا دەزگرێ خوە و من گوتێ ئەڤ ژمارە ئیزعاجا من دکەت دەزگرێ من پەیوەند ب وی کەسی کر وی کەسی گوتێ ھەڤالا منە و ئەز حەژێ دکەم و ب سویند ئەز وی کەسی نانیاسم من گوتە ھەڤالێ خوە بلا بەلگەیەکێ بو تە بینیت کو فعلەن ئەز حەژێ دکەم، وی گوتیە ھەڤالێ من دەنگێ وێ یێ لنک من و ئەڤ کەسە بو ئەگەر مابەینا مە نەخوش بیت و ئەزا پێش چاڤێن دەزگرێ من رەش کریم ئەم ژێک ڤەبوین و ھندی ئەز پەیوەندیێ ب وی کەسی دکەم بەرسڤا من نادەت و بەرسڤا دەزگرێ من ددەت و گەلێک دئاخڤن و نەشێم ڤی تشتی بۆ بابێ خوە بێژم و مە ھەردویا حەلاقێت ئێکدو یێت زڤراندین و نە مالا من و نە ژی مالا وی نزانن کو مە ئێکدو یا ھێلای من ھەر دگوت بەلکی تورەبونا وی بھێنە خوار و چێببیت و ئەز گەلەک پەیوەندیێ ب دەزگرێ خوەدکەم بەرسڤا من نادەت ھەتا ژمارا من یا بلوک کری من گەلەک بزاڤ کرینە بەس بێ فایدەیە و گەل من نا ئاخڤیت و خالەتا من گەل ئاخفتیە وی گوت: مانێ یا خەلەتە و تێلەفونا وی کەسی یا جاب دای و من نەڤێت من گەلەک تشت یێت ژێ زانین دڤیا من ئەو نەخواستبا و من نەڤێت مادەم ھوسا یا بێ سومعەتە و بکێر مالا من ناھێت ئەزێ ب سومعەتم بۆ زانین ئەز یا بێ دایکم ئەڤە دوو سالە چویە بەر دلوڤانیا خودێ و وی ژی مالا من دا لایەکێ و ژلایێ دەرونی ڤە ئەز گەلەکا تێک چویم یا وەل من ھاتی من دڤێت ئەز خوە بکوژم دلێ من یێ ژ ژیانێ رەش بوی ژیانا من گەلەکا خوش بو نزا بو ئەڤە بسەرێ من ھات گەلەک یێ لپێش چاڤێن من شکەستی خو ھەکە ئەز لێ بزڤرم ژی دێ بدلەکێ شکەستی لێ زڤرم چونکی من چ تشتێن خەلەت نەکرینە ھیڤیدارم رێیە چارەیەکێ بو من ھون چ دبێژن و ئەز چ بکەم ؟؟
کچا ھێژا :
براستی تو یاوێرەک و راست بوی دگەل دەزگرێ خوە دەمێ تە ژمارە دایە ڤێ بەلێ شاشی ژ دەف تە ژبەرکو بساناھی چیروک دێ ھێنە ڤەھاندن ژلایێ وی ڤە و بەرگریا تە دێ یا بێ مفا بیت چونکی پەروەردا گەنجێ مە د ڤان بابەتا دا دەرفەتێ نادەتێ لدووڤ راستیا بچیت و بساناھی ژلایێ دی دیرکەڤیت و باشتر بو تە بابەت دگەل وی کوری گەنگەشە کربا وھەتا گەھشتبا مالباتا تە یان تە پەیوەندی برێڤە بەریا توندوتیژیێ کربا دا بابەتی بدوماھی ھینن یان و یان، دڤیا ھەڤالێ تە لدووڤ ئاخفتنا تە ئاستەکێ بلند ھەبا و دەرفەت نە دابا وی بدلێ خوە چیروکا چێ بکەت و بابەت ب وردی دراسەت کربا ژبەرکو یا دیارە ئەگەر تو بخو ڤیابای بڤی رەنگی سەرەدەری نەدکر بەلێ وەسا دیارە مروڤەکێ نساخە و مەرەما وی ئینتقامە وەسا دیارە وی ژلایێ خوڤە تو یاڤیای و دەمێ دیتی تو چوی ڤیا تەبێشینیت ژبەر کو وی چ ژ بابەتی دڤێت بەس تێکدانە و ھەکە نە ئەو دا پەیوەندیێ ب دەزگرێ تە کەت دا دیتنا خوە بێژتێ و مخابن گەنجێ مە خودانێ ڤان ھزرێن نساخ بیت و بساناھی خەلکەکی توشی ئارێشا بکەت و بدیتنا مە بابەتی بدوماھی بینە و مالباتا بکە دناڤ بابەتی دا برێکا کەسەکا نزیکی تە و یاشارەزا بیت دا چارەسەر بکەت نە خراپتر لێ بکەت و بزانە دەرگەھێن ژیانی بوتە د ڤەکرینە وب بێ دەنگی پەیوەندیێن خوە دگەل بدوماھی بینە ژبەر کو ب زەحمەت ھوین جارەکا دی بشێوەکێ نورمال سەرەدەریێ دگەل ئێک بکەن.