ئه‌ڤرۆنیوز, ره‌زوان رۆژبه‌یانى:
ئه‌ڤرۆ سپێدى چه‌كدارێن داعش 75 مالێن عه‌ره‌ب ل گوندێ ساده‌و به‌عوێزه‌ یێ سنورێ تلكێف ل پارێزگه‌ها موسل ئاكنجى كرن، سه‌عید مه‌مۆزینى كارگێرى لقا چارده‌ یا پارتى دیموكراتى كوردستان بۆ ئه‌ڤرۆنیوز خویاكر، ئه‌ڤرۆ سپێدێ ل رێكه‌فتێ 12/12/2014 چه‌كدارێن داعش 75 مالێن عه‌ره‌ب ل گوندێ ساده‌و به‌عوێزه‌ سه‌ر ب سنورێ تلكیف ل پارێزگه‌ها موسل ئاكنجى كرن.
هه‌روه‌سا گوت: هه‌ر 75 مال عه‌ره‌بێن ناحیا زمارن پشتى كو ناحیا زمار ژلایێ هێزێن پێشمه‌رگه‌هى هاتیه‌ ئازادكرن ئه‌و عه‌ره‌بێن كو سه‌ر ب چه‌كدارێن داعش بوون ره‌ڤیان ل ناف موسل و ده‌ورو به‌رێن ودهێنه‌ ئاكنجى كرن، دیاركر ژى هه‌تا نوكه‌ داعش ل گوندێن ته‌یراوه‌ و بازیوه‌ و ساده‌و به‌عوێزه‌ هه‌زار و 361 مالێن عه‌رب تێدا ئاكنجى كرینه‌ كو هه‌موو گوندێن شه‌به‌ك نشینن.

مووسل ،بارزان سلێمان مزوورى:
به‌رپرسێ لقا 14 مووسل، عصمت ره‌جه‌ب ، بۆ ئه‌ڤرۆ نیوز دیار كر كۆ نوكه‌ ل ده‌ڤه‌را تل رمان سه‌ر ب پارێزگه‌ها مووسل ڤه‌ هنده‌ك چه‌كدارێن نه‌نیاس رومانه‌ك هاڤێته‌ ناڤ ترومبێله‌كا ژ جورێ پیكاب تویتا یێن چه‌كدارێن تیرورستێن داعش كو داعشه‌كێ به‌رنیاس ابو خه‌تاب دگه‌ل سێ داعشێن دى تێدا بون هاتن كوشتن ،
ناڤبرى دیار كر كۆ ئه‌و ترومبێل یا پر ژ كه‌ل و په‌لێن كاره‌بایى بون ئه‌وێن دوكانێن وه‌لاتیان دا دزین.

ئه‌ڤرۆ نیوز،زنار توڤى:
ئاژانسا خه‌به‌ر یا نووچه‌یێن عێراقى دیاركریه‌:كو په‌رله‌مانتارا عێراقى ژ پارێزگه‌ها نه‌ینه‌وا نه‌هلا هه‌بابى دبێژیت:كو ل روژا پێنجشه‌مبى 2014/12/11 سێ فروكه‌یێن پرى چه‌ك ل فروكخانا ره‌بیعه‌ داداینه‌ و چه‌ك بو هێزێن داعش ئیناینه‌،هه‌روه‌سا دبێژیت:سنورێن عێراقێ یێن دناڤبه‌را توركیا و سوریێ و ئوردنێ یێن ڤه‌كرینه‌،بو تیرورستێن داعش و بهاریكاریا وان وه‌لاتان و برێیا ئه‌سمانى و ئه‌ردى چه‌ك دگه‌هیته‌ هێزێن داعش،نه‌هلا زێده‌تر دبێژیت:وان هه‌رسێ فروكێن پرى چه‌ك كو ل فروكخانا ره‌بیعه‌ ل پارێزگه‌ها نه‌ینه‌وا داداین،كوچه‌ك بو تیرورستێن داعش ئیناینه‌ ب پشته‌ڤانیا وه‌لاتێن جیرانێن عێراقێ و نێڤده‌وله‌تى بووینه‌.

ئه‌ڤرۆ نيوز، نيوار محه‌مه‌د سه‌ليم:

بڕياره‌ حه‌فتيا بهێت، ژ بوو دانوستاندنێ ل سه‌ر كاودانێن ئه‌منى يێن هه‌ولێر و كوردستانێ، مه‌سرور بارزانى، شيره‌تكارێ جڤاتا ئاسايشا هه‌رێما كوردستانێ ل باره‌گايێ جڤاتێ پێشوازيێ ل ئه‌ندامێن لژنا ئه‌من و ئاسايشا په‌رله‌مانێ كوردستانێ بكه‌ت.

نازم كه‌بير هه‌ركى، جێگرێ لژنا ناڤخۆ و ئاسايشێ ل په‌رله‌مانێ كوردستانێ د داخۆيانيه‌كێ دا بۆ ئه‌ڤرۆ نيوز راگه‌هاند كو لژنا ئه‌من و ئاسايشا په‌رله‌مانێ كوردستانێ ب هه‌ماهه‌نگى ل گه‌ل جڤاتا ئاسايشا هه‌رێما كوردستانێ دێ ل باره‌گايێ جڤاتێ ل گه‌ل ئێك روونن دا كو گه‌نگه‌شێ ل سه‌ر نووترين پێشهاتێن ئه‌منى بكه‌ن.

ئاماژه‌ ب وێ چه‌ندێ ژى كر كو وه‌كو لژنا ئه‌منى و ئاسايشێ به‌رده‌وام ل گه‌ل لايه‌نێن ئه‌منى د روونن و وه‌كو به‌رنامه‌ ژى هه‌يڤانه‌ ل گه‌ل وه‌زيرێ ناڤخۆ يێ حوكمه‌تا هه‌رێما كوردستانێ ژى د روونن بۆ زانينا نووترين پێشهاتێن ئه‌منى و هه‌ڤكاريكرنا هه‌ڤدۆ.

نازم كه‌بير هه‌ركى گۆتژى: “هه‌ر د ڤێ روونشتنێ دا، دێ دانوستاندن گوهۆڕينا بۆچوونا ل سه‌ر وان پرۆژه‌ قانوونان هێته‌ كرن يێن گرێدايى وى ده‌زگه‌هى وه‌كو پرۆژێ خانه‌نشينكرنا هێزێن ناڤخۆ و ده‌زگه‌هێن ئاسايشێ”.

ل دووماهيا هه‌يڤا بۆرى ژ ئه‌نجامێ په‌قينا ترۆمبێله‌كا مينرێژكرى، ل هه‌ولێر پێنج كه‌س شه‌هيد بوون و نێزيكى 25 كه‌سان ژى بريندار بوون.