ئه‌ڤرۆ نيوز، نيوار محه‌مه‌د سه‌ليم:

ئه‌ڤرۆ د رێ و ره‌سمه‌كى دا ل سه‌رۆكاتيا باژێرڤانيا دهۆك ب ره‌نگه‌كێ فه‌رمى ئيحسان عوسمان وه‌كو سه‌رۆكێ باژێرڤانيێ ل جهێ شه‌وكه‌ت محه‌مه‌د ئه‌مين هاته‌ دانان.

د داخۆيانيه‌كێ دا بۆ ئه‌ڤرۆ نيوز ئيحسان عوسمان سه‌رۆكێ نوو يێ باژێرڤانيێ گۆت: “ئه‌ز ئه‌ڤرۆ وه‌كو سه‌رۆكێ باژێرڤانيا دهۆكێ ب ره‌نگه‌كێ فه‌رمى ده‌ست ب كار بووم”.

زێده‌تر گۆت: “ده‌ست بكار بوونا من ژى ب وه‌كاله‌ته‌ و ب راسپارده‌ بۆ ڤى جهى هاتيمه‌ هه‌لبژارتن”.

ل دۆر ئه‌و بابه‌تێن ئه‌و دێ د ماوێ سه‌رۆكاتيا خوه‌ دا گرنگيێ ده‌تێ گۆت: “دێ گرنگيێ ده‌ينه‌ بابه‌تێ پاقژيێ كو سه‌ر پشكا هه‌ر تشته‌كى يه‌ و كه‌سه‌كاتيێ ژى دێ گه‌له‌ك ب هه‌ند ڤه‌ وه‌رگرين”.

به‌رى نوكه‌ شه‌وكه‌ت محه‌مه‌د ئه‌مين سه‌رۆكێ باژێرڤانيا دهۆكێ هاتبوو جهێ شێروان حه‌جى مه‌لۆيى و بۆ كێمتر ژ سێ سالان ل ڤى پۆستى وه‌كو سه‌رۆكێ باژێرڤانيا دهۆك كار كر.

ئه‌ڤرۆنیوز,ره‌زوان رۆژبه‌یانى:
سالار مه‌حمود ئه‌ندام په‌رله‌مانێ كوردستان ل فراكسیۆنا ئێكه‌تى نیشتیمانى كوردستان بۆ ئه‌ڤرۆ نیوز گوت: ئه‌ز وه‌ك ئه‌ندامێ په‌رله‌مانێ كوردستانێ داخویانیان دده‌م نه‌ وه‌ك ئێكه‌تى، گوت ژى پرۆژه‌ قانوونا سروودا نیشتمانى ئه‌ى ره‌قیب ره‌وانه‌ى په‌رله‌مانى هاتیه‌ كرن و خاندنا ئێكێ ژى بۆ هاتیه‌ كرن، ئاراسته‌ى لژنا قانوونى و لژنا روشنبیرى هاتیه‌ كرن، گوت ژى هه‌ر تێبینیه‌ك ل سه‌ر هه‌بیت درێیا لژنێن په‌رله‌مانێ دبیت گوت بۆ هه‌ر ئه‌ندام په‌رله‌مانه‌ك تێبینێ لسه‌ر ده‌ق و ئاوازێ هه‌بیت دكارن تێبینێن خوه‌ بده‌نه‌ لژنێن په‌یوه‌ندیدار ژبۆ هندێ كو ل راپۆرتێن خوه‌ تۆماربكه‌ن چونكى ئه‌و راپۆرت دبیته‌ بنه‌ما و دهێته‌ ناف هۆلێن په‌رله‌مانێ و گفتۆگو لسه‌ر دهێته‌ كرن،
هه‌روه‌سا دیارژى كر كو سروودا نیشتمانى ئه‌ى ره‌قیب ب عورف هاتیه‌ چه‌سپاندن پێدڤی یه‌ دناف جڤاكا كوردستانى دا رێز لێ بهێته‌ گرتن.
سالار مه‌حمود زێده‌ تر گوت رێز گرتن ل ئه‌ى ره‌قیب و ل ڤى ئاوازى رێزگرتنه‌ ل رابردویا پر خوینا گه‌لێ مه‌ ژبه‌ر هه‌ندێ هه‌ر لایه‌نه‌ك تێبینى ل سه‌ر هه‌بیت ژلایێ ئایدۆلۆژێ ڤه‌ ئه‌ڤه‌ گرێدایه‌ ب بوچونێت وى لایه‌نى به‌لێ بۆچونێ مه‌ وه‌سانه‌ كو ئه‌ڤه‌ سرووده‌ جهێ ته‌قدیرو رێز گرتنه‌ دبیت ب یاسایى بهێته‌ كرن هه‌تا كو چ ده‌رفه‌ت نه‌مینیت بۆ بێ رێزى كرن به‌رامبه‌ر سروودا نیشتمانى ئه‌ى ره‌قیب دیارژى كر تێبینیێن لایه‌نێن دی ژى دبیت ب هه‌ند بێته‌ وه‌رگرتن و ببته‌ به‌هایه‌كى گشتى بۆ گفتوگۆكرن ئه‌گه‌ر بومه‌ سه‌لماندن ب تێبینێن خوه‌ قابیلى گفتوگۆ كرنه‌ ل سه‌ر ئه‌گه‌ر نا ئه‌ڤه‌ یاسایه‌ و دبیت بهێته‌ جێ به‌جێ كرن سه‌باره‌ت گۆرانكارى ل دێره‌كێ سروودا ئه‌ى ره‌قیب ژى دا سالار محمود گوت ئه‌ڤ پرسه‌ دمینیت بۆ گفتوگۆكرن ل ناف هۆلێن په‌رله‌مانێ پێتڤی یه‌ هه‌ر لایه‌نه‌ك ئه‌رگۆمێنتى خوه‌ هه‌بیت ژبۆ سه‌لماندن بوچۆنێن خۆ گوت بوچونا من ئه‌وه‌ كو سروودا ئه‌ى ره‌قیب پێتڤى یه‌ بمینیت ب ئاوازێن خوه‌ وه‌كو ئاوازه‌كێ ستاندارد و ئه‌گه‌ر هه‌ر برگه‌یه‌ك بێهیته‌ گورین كو جهێ ته‌فسیرێن هه‌نده‌ك لایه‌نانه‌ دبیت ب رێز ڤه‌ ته‌مشای بكه‌ین به‌لێ ئه‌ى ره‌قیب پێتڤى یه‌ هه‌ر بمینیت.

ئه‌ڤرۆ نیۆز، هه‌یفا دوسكى:
كۆنفرانسێ سوبه‌هى ل دهوكێ دێ هێته‌ كرن كو ب چاڤدێریا سه‌رۆكێ هه‌رێما كوردستانێ یه‌ و جڤاتا بلندا خانمان دگه‌ل ده‌سته‌یا سه‌ربه‌خو یا مافێ مرۆڤ دگه‌ل هاریكاریا نه‌ته‌وێن ئێكگرتى و رۆژا جیهانى یا راگه‌هاندنا جارناما مافێن مرۆفى ژێر درۆیشمێ (مافین مه‌ پرسا رۆژه‌كى نینه‌ پرسا 365 رۆژایه‌ دسالێ دا هێته‌ كرن ل هوكێ.
نازدار عارف ئه‌نداما جڤاتا بلندا خانمان تایبه‌ت بۆ ئه‌ڤرۆ نیۆز گۆت: ژبه‌ر پتریان جاران و سالان ئه‌ڤ شێوه‌ كورنفرانسه‌ ل هه‌ولێرا پایته‌خت دهاتنه‌ كرن، لێ ئێدى دێ هه‌ر سال ل پارێزگه‌هه‌كێ هێته‌ كرن، پاشى نازدار خانێ دیاركر ژى كو ئه‌ڤ رۆژه‌ دكه‌ڤیته‌ دووماهی رۆژا هه‌لمه‌تا نشتیمانى یا جیهانى بۆ به‌رهنگاروبونا توندو تیژیا دژى ئافره‌تێ یه‌ ل هه‌رێما كوردستانێ و یا دیاره‌ كو جودا نینین ژ جیهانێ ژبه‌ر هندێ ژى دێ دڤێ رێوره‌سمێ دا چوار مێزگه‌ردێن گرێدایى ره‌وشا ئاواران و تایبه‌ت ئه‌و نه‌خوشیێن ب سه‌رێ ئافره‌تان دهێن ب گشتى و دیسا توندو تیژیا دژى ئافره‌تان و كانى ئایه‌ ئێدى ئافره‌تێ پێدڤى ب چیه‌ بو بهێته‌ كرن.
نازدار خانێ ئه‌و ژى ئاشكه‌را كر كو وه‌زاره‌تا نافخو و رێڤه‌به‌ریا گشتى یا توندو تیژیێ ل هه‌رێما كوردستانێ و دیسا وه‌زاره‌تا كارو كاروبارێن ناڤخو وه‌زاره‌تا ته‌ندورۆستى دێ به‌شدار بن و دگه‌ل هندێ ژى ڤه‌رێژا وان چوار مێزگه‌ردا مه‌ راسپارده‌ لێ درۆستكرینه‌ ب ئاماده‌بونا وه‌زیرێن شوله‌ژى دڤان بیاڤێن گرێدایى ره‌وشا نها و تایبه‌ت ئافره‌تان حازربن، هه‌ژى ئاماژى یه‌ كو دێ ئه‌نجامێن وى راسپاردى ژى هێنه‌ به‌حسكرن.
پاشى خانما ماڤبرى گۆت ژى كو دێ ئه‌ڤ كونفرانسه‌ ژ گه‌له‌ك وه‌لانێن بیانێ حازر بن و دگه‌ل رێكخراوێن جڤاكێ مه‌ده‌نى و كه‌سانێن پسپور و جهێن په‌یوه‌ندیدار و هه‌مى لایه‌نێن سیاسى بێ جوداهى تێدا دبه‌شدارن ژبه‌ر كره‌كێ مێرى یه‌.
ل داویێ نازدار خانێ گۆت ژى مافێن ژنان پرسا رۆژه‌كێ بتنێ نینه‌ به‌لكو پرسا 365 رۆژانه‌ دسالێ دا ژبه‌ر هندێ ژى دێ به‌رده‌وام كار ل سه‌ر ڤێ بیاڤێ هیته‌ كرن. خالا گرنگ ژى ل سه‌ر ره‌وشا كێم ئه‌ندمان و ئاواران و بابه‌تێن گرێدا ئافره‌تان دێ بابه‌تێن ئازرى بن دكونفرانسێ سباهى دا و ل سه‌ر ه‌وشا نها یا هه‌رێما كوردستان تێدا دبوریت.

شێخان ، بارزان سلێمان مزوورى
ناڤێن مامۆستایێن وه‌ك گرێبه‌ست ل په‌روه‌ردا قه‌زا شێخان بوچ سالا خواندنێ 2014 _ 2015 هاتینه‌ وه‌رگرتن هاتنه‌ به‌لاڤكرن.
لدور ڤێ لستا ناڤێن خارێ رێڤه‌به‌رێ په‌روه‌ردا قه‌زا شێخان ، ئه‌سعه‌د محی الدین، بۆ ئه‌ڤرۆ نیوز دیار كر هه‌ر كه‌سێ ناڤێ وى نه‌هات بیته‌ وه‌رگرتن دشێت حه‌تا سێ روژێن دى نه‌رازیبونا خو دیار كه‌ت .

ئه‌ڤرو نیوز: هه‌یفا دوسكى:
شپال حه‌سه‌ن به‌رپرسا جڤاتا پارێزگه‌ها دهوكێ یا ئێكه‌تیا ئافره‌تان بۆ ئه‌ڤرۆ نیوز گۆت: ژبه‌ر ره‌وشا نها تایبه‌ت هه‌رێما كوردستانێ تێدا دژیت و ژبه‌ر وان كه‌سێن مالێن خو ب جێه هێلاین و ئه‌و كچێن كه‌فتینه‌ ده‌ستێ دوژمنێن كورد و كوردستانێ(داعش) دیسا یێن قورتال ژى بوین. و هه‌ر وه‌سا ژبه‌ر وان شه‌هیدێن گیانێ خو گورى كورد و كوردستانێ كرین سالڤه‌گه‌را ئێكه‌تیا ئافره‌تان كو دكه‌ڤیته‌ 11/12/ ناهێته‌ ساخركن وه‌كو سالێن دى به‌لكو بتنێ دێ پێشوازیا مێهڤانا هێته‌ كرن، ل باره‌گایێ جڤاتا پارێزگه‌ها دهوكێ یا ئێكه‌تیا ئافره‌تان ئه‌و ژى ل ده‌مژمێر 10:00 سپێدێ دگه‌ل ڤێ ژى دێ جڤاتا قه‌زا دهوك ژى ب هه‌ڤرا پێشوازیێ كه‌ن، پاشى شه‌پال خانێ گۆت ژى ئه‌وان ل به‌ره‌ جوانكاریه‌كا جودا ژ هه‌مى جوانكاریێن دى ڤه‌كه‌ن بهایه‌كێ ئه‌رزان دگه‌ل ئیمزاكرنا سه‌نته‌ره‌كێ دێ یێ گرێدایى له‌ش جوانى و مه‌له‌ڤانى و پێدڤیێن ئافره‌تان بهێته‌ ڤه‌كرن، زێده‌بارى كو ئه‌و پرۆژێن گرێدایى ئافره‌تێ پتر ئه‌م دێ ل سالا داهاتى ئه‌نجام ده‌ین و پتر بیاڤێ پێگه‌هاندنا ئافره‌تێ خورت كه‌ین و كارى باشتر ئه‌نجام ده‌ینو دگه‌ل ڤێ خه‌لكێ ئازاده‌ گازندێ ژمه‌ بكه‌ت ژبه‌ر ئه‌م خو ب خودانێن ئافره‌تا دزانین دێ هه‌ر گازنده‌ ژمه‌ هێته‌ كرن، لێ ژبه‌ر ره‌وشا نها یا كوردستان كه‌فتى تێدا بتنێ دێ پێشوازى ل مێهڤانا هێته‌ كرن.
دووڤ دا به‌یان سالح به‌رپرسا ئه‌نجومه‌نێ قه‌زا دهوك یێ ئێكه‌یت ئافره‌تان ب هه‌ما پسیارێ دبێژت ب ڤێ مه‌ره‌كێ دى كومه‌كا سمیناران ئه‌نجام ده‌ین دگه‌ل به‌لاڤكرنا هاریكریا ل سه‌ر ئاواران ل گه‌له‌ك جهان، پاشى بیان خانێَ گۆت ژى ئه‌نجومه‌نێ قه‌زایێ یێ ئافره‌تان دێ كومه‌كا خولان ژى بو ئاواران هێنه‌ ڤه‌كرن.

ئه‌ڤرۆ نيوز:

ب سه‌رپه‌رشتيا مه‌سعود بارزانى، سه‌رۆكێ پارتى ديموكراتى كوردستان، كۆمبوونا جڤاتا سه‌ركرداتيا پارتى ديموكراتى كوردستان برێڤه‌چوو كو ئه‌ڤه‌ هه‌شت هه‌يڤه‌ نه‌هاتيه‌ گێران.

جڤاتا سه‌ركرداتيا پارتى ديموكراتى كوردستان ئه‌ڤرۆ سپێدێ كۆمبوونا خوه‌ ب سه‌رپه‌رشتيا مه‌سعود بارزانى، سه‌رۆكێ هه‌رێما كوردستانێ كو د هه‌مان ده‌م دا سه‌رۆكێ پارتى ديموكراتى كوردستانه‌ ژى ئه‌نجام دا.

ب گۆره‌ى ئه‌و پێزانينێن ل به‌ر ده‌ست ئه‌ڤرۆ نيوز هه‌ين، ئه‌ڤه‌ نێزيكى هه‌شت هه‌يڤانه‌ جڤاتا سه‌ركرداتيا پارتى ديموكراتى كوردستان چو كۆمبوون ئه‌نجام نه‌داين.