ئەڤرۆ:
گەنجەکی ب بکارئینانا چار سیمکارتان ئیزعاجا خێزانەکێ دکر ئانکو خویشک و برا و ھەتا گەھشتیە وێ رادێ ئیزعاجا ژن برایێن وان ژی د ھاتەکرن ئانکو بیکێن وێ خێزانێ، چونکو ئەڤی گەنجی حەزژ کچا وێ خێزانێ دکر و خواست نە دایێ وەکو تولڤەکرنەکێ لێھات وی ژی پەنا برە بەر ڤێ رەفتارا شاش، ھەر جار دا سیمکارتەکی بکارئینیت پاشان پشتی ھەیڤەکێ دا سیمکارتەکێ دیتر بکارئینیت و خودانێن وان ژماران ژی نە خەلکێ مە بوون ئەو سیمکارت ل سەر ناڤێن عەرەبان بوون.
پارێزەر بەھزاد بەھجەت بەروشکی بۆ رۆژناما ئەڤرۆ دیارکر کو گەنجەکی ئیزعاجا خێزانەکێ دکر ب پەیوەندیێن موبایلێ و گۆت: دەسپێکێ ئیزعاجا ژنان دکر دناڤا وێ خێزانێ دا ئەڤ چەندە ژی یا گرێدای مەسەلێن دژایەتیێ بوو ل گەل ئەندامێن ڤێ خێزانێ چونکو ئەڤی گەنجی حەزژێ کچا وێ خێزانێ دکر دەمێ خواستی نەدایی وەکو تولڤەکرنەکێ لێھات وی ژی پەنا برە بەر ڤێ رەفتارا شاش، گۆتژی پشتی ھندەک کەسان مایتێکرن دناڤ داکری، ئەڤ گەنجە ھەر بەردەوام بۆ ل سەر ئیزعاجا ڤێ خێزانێ ھەر جار سیمکارتەک د گوھۆری ھژمارا وان نێزیکی چار سیمکارتان بوون پاشان بۆ برا و خوشکا ژی کر، ھەتا گەھشتیە وێ رادێ ئیزعاجا ژن برایێن وان ژی د ھاتەکرن ئانکو بیکێن وێ خێزانێ، ھەر جار دا سیمکارتەکی بکارئینیت پاشان پشتی ھەیڤەکێ دا سیمکارتەکێ دیتر بکارئینیت ئەو خودانێن وان ژماران ژی نە خەلکێ مە بوون ئەو سیمکارت ل سەر ناڤێن عەرەبان بوون بۆ نموونە خەلکێ باشیکێ بوون.
زێدەتر گۆت: پشتی ڤێ خێزانی گۆمان ژ گەنجەکی برین و شکایەت ل دادگەھێ لێ کرین و دوڤچوون ل سەر کری ئاشکرا بۆ، ئەڤ حالەتێن ب ڤی رەنگی راستی تاوانبار زوو ب زوو ئاشکرا نابیت، ھەتاکو خێزان پێزانینان ب دروستی ب دەن داکو بشێن ڤوکۆلینێ ل سەر بکەن چونکو ھژمارا پەیوەندییا پێ دھێتەکرن نزانن یا کێیە ئانکو ناڤێ راستەقینە ناھێتە دیارکرن، ناڤھاتی ئاشکراکر ژی کو پشتی ئەڤ تاوانبارە ھاتیە ئاشکراکرن رەوانەی دادگەھێ بۆ سزایێ وی ژی سێ ملیون غورامەکرن بۆ و شەش ھەیڤان ژی ھاتە بەندکرن.
ھەر دڤێ دەربارێدا ڤەکولەرێ جڤاکی رەمەزان ئیسماعیل خویا دکەت کو شاشیا مەزن دکەڤیتە سەر خێزانێ ب تایبەت دەیک و بابا ئەگەر ژی ئەون کو پەیوەندییا خێزانی دناڤبەرا کچێ و دەیکێ و کوری و بابی زۆرا لاوازە کو چ پێکگەھاندنا وەسا یا ئێکسەر ل گەل ئێک نینە داکو کچ یان گەنج بشێت نھێنیێن ژیانا خوە یا تایبەت بۆ نێزیکترین کەس دناڤا خێزانێ دا بێژیت. گۆتژی دڤێت دەیک و باب کەسایەتیەکا ب ھێز و ھەڤسەنگ بۆ ئەندامێن خێزانا خوە ئاڤا کەن بشێن خوە لبەر ئاریشێن ژیانێ بگرن و نەکەڤنە چ تەلھا، ھندەک گەنج دڵینی و لاوازیا کچێ ب دەرفەت دبینن و پەنایێ دبەنە بەر رەفتارێن دوور ژ بەھایێن جڤاکی و رەوشتی.
نيشاندان
