خودانێن كومپانێن كه‌لوپه‌لێن ئه‌لكترونى وچێكرنا شوقان گازندا دكه‌ن كۆ پتریا خه‌لكى بخوه ئه‌ڤ قه‌یرانه ب ده‌لیڤه دیتیه و قستێن خوه ناده‌ن، خودانێ كومپانیه‌كێ ئاشكه‌را دكه‌ت كو سكالا ل سه‌ر هنده‌ك كه‌سان تۆماركریه.
ئه‌ڤرۆنیۆز، هه‌رهین محه‌مه‌د:
زێره‌ڤان به‌روارى خودانێ كۆمپانیا دێرین یا كه‌لۆپه‌لێن كاره‌بێ ب قست گۆت: گه‌له‌ك كه‌س هه‌نه ب مه‌ره‌ما نه‌بوونا موچه‌یان ب خوه ب ده‌رفه‌ت دبینن قستێ خوه ناده‌ن، هه‌تا قستى خوه یێ شه‌ش هه‌یڤان نه‌دایه ولى ئه‌م دزانین خه‌لكى پاره نینن بهێن قستێ خوه بده‌ن ئه‌م زوریێ ل وان ناكه‌ین، وگه‌له‌ك دهاریكارین دگه‌ل خه‌لكى ده‌مێ كه‌لوپه‌لان دده‌ینه خه‌لكى ب قست دنڤیسین كا فه‌رمانبه‌ره كیشك رێڤه‌به‌ریێ یه سه‌رب كیشك وه‌زاره‌ێ ڤه‌یه ده‌مى دزانین موچه‌ێن هاتینه‌دان په‌یوه‌ندیێ ب وان دكه‌ین ئاگاداردكه‌ین، ده‌مێ قستێ وانه به‌لێ نوكه فرۆتنا كه‌لۆپه‌لان ل كۆمپانیا مه هاتیه راوه‌ستاندن ب رێكا په‌سه‌ندان ژى نه‌شێن كه‌لۆپه‌لان ب فروشین چونكو خه‌لكى پاره نینن قستێ خوه بده‌ن بتنێ كه‌لۆپه‌لان ده‌ینه وان كه‌سان یى ئه‌م دنیاسین.
زێره‌ڤانى هه‌روه‌سا گۆت: من سكالا ل سه‌ر وان كه‌سان تۆماركرینه ئه‌وێن قستێن خوه نه‌داین به‌لێ دزانین ئه‌وكه‌سه‌كى نه لێ ل كومپانیا مه پارێزه‌ر هه‌نه ڤان كیشه‌ی چاره‌سه‌ردكه‌ن ب رێكێن قانونى.
كومپانیا بارز ستى یا چێكرنا شۆقان دیاردكر كوگه‌له‌ك كه‌س هه‌نه ب خوه شوقه توماركرینه لێ ئه‌ڤه بۆ ماوێ چار هه‌یڤانه ئه‌و كه‌سێن ب خوه شوقه توماركرین قستێن خوه نه‌داینه دبینم خه‌لكى ب خوه ئه‌ڤ قه‌یرانه ب خوه ب ده‌رڤه‌ت دیتیه هێجه‌تا دگرن كو قستێن خوه نه ده‌ن لێ فروتن و ئاڤاكرنا شوقان یا به‌رده‌وامه هه‌روه‌سا گه‌له‌ك دهاریكارن دگه‌ل حه‌لكى دزانین موچه نین زوریێ ل خه‌لكى ناكه‌ین
سوزڤان حه‌یرى ل كومپانیا رێناس یا فرۆتنا هه‌موو جورێن كه‌لوپه‌لێن كاره‌بێ گۆت: ڤان كاودانا گه‌له‌ك كارتێكرن ل كارى مه‌كریه وه‌ك هه‌موو جاران خه‌لك قستێن خوه نائینن ب ڤێ چه‌ندى زیانه‌كا مه‌زن ب مه‌كه‌تیه لێ ئه‌گه‌ر خه‌لكى قستێن خوه ئینا بان دا لڤاندنه‌كه‌تبا دكارى دا نوكه ئه‌و پارى ده‌ستى خه‌لكى دا یى مریه ئه‌م چ قازانجى ناكه‌ین و گه‌له‌ك حه‌زدكه‌ین حكومه‌ت هاریكاریا كومپانێن كه‌لوپه‌لێن كاره‌بایى بكه‌ن دا په‌یوه‌ندى داڤبه‌را كومپانیا حكومه‌تێ هه‌بیت دبینم باژێرڤانى ساخله‌مى دگه‌ل كومپانیا مه نه‌یا هاریكاره سوزڤانى هێشتاژى گۆت:دبیت هنده كومپانى هه‌بن ژ نو هاتبنه دانان ژبه‌ر نه بوونا پارن ونه‌دانا قستان ژلایێ خه‌لكى ڤه كومپانێن خوه بگرن چونكو چ قازانج ناكه‌ن به‌لێ هنده‌ك كومپانى هه‌نه ژكه‌ڤن دا كارى فروتنا كه‌لوپه‌لێن ئه‌لكترونى دكه‌ن نه‌شێن كومپانێن خوه بگرن چونكو گه‌له‌ك پارێ وان دده‌ستى خه‌لكى دایه به‌لێ نوكه نه‌شێن چ كه‌لوپه‌لێن دى بینن چونكو خه‌لك ناهێن بكرن بتنێ نوكه گه‌نج دهێن موبایلا ب قست دكرن .
هاولاتیه‌ك بناڤێ عه‌لى ئه‌حمه‌د گۆت: گه‌له‌ك جاران من كه‌لوپه‌ل ب قست كرینه لێ ل ده‌مێ ده‌ست نیشانكرى من قستێ خوه دایه به‌لێ نوكه موچه‌نین نه‌شێم ل وى ده‌مى قستێ خوه بده‌م یێ كومپانیێ ده‌ست نیشانكرى چونكو هه‌رسێ هه‌یڤان جاره‌كێ موچه دهێنه دان نه‌شێم هه‌موو قستان ل سه‌رئێك بده‌م چونكو كرێدارم لێ خودانێ كومپانیێ هه‌ڤالێ منه ازعاجامن ناكه‌ت ئه‌گه‌ر قستان دره‌نگ ژى بده‌م .
خودانێن كۆمپانیێن قستان سكالا ل سه‌ر بكڕێن خوه تۆماركرن
نيشاندان
