ئه‌ڤرۆ نیۆز:
نڤیسینگه‌ها سه‌رۆك وه‌زیرێن عیراقێ حه‌یده‌ر عه‌بادى ئاشكراكر، حه‌یده‌ر عه‌بادى ل گه‌ل بالیۆزى ئه‌مریكى ستیوارت جونز گازنده‌ ژ كارێن نورى مالكى كرینه‌، هه‌ڤده‌م دیاركر نورى مالكى زاڤان بۆ شكه‌ستنا حوكمه‌تا عه‌بادى و درێژه‌ پێدانا شه‌رێ ل گه‌ل چه‌كدارێن داعشێ ل عیراقێ دكه‌ت.
نڤیسینگه‌ها عه‌بادى هه‌روه‌سا رونكر، سه‌رۆك وه‌زیرێن عیراقێ بۆ ژ بالیۆزێ ئه‌مریكى ستیوارت جونز دیاركر، كو مالكى ده‌ستهه‌لاتا خوه‌ ل گه‌ل دادگه‌ها بلندا عیراقێ بكاردئینایه‌ بۆ ده‌رخستنا بڕیارا سێداره‌دانا په‌رله‌مانتارێ به‌رێ یێ عیراقێ ئه‌حمه‌د علوانى، ئه‌و چه‌نده‌ ژى عه‌بادى نه‌ڤشارتیه‌ بۆ بالیۆزێ ئه‌مریكى كو ده‌ستهه‌لاتا مالكى ل سه‌ر دادگه‌ها بلندا عیراقێ گه‌فه‌كا مه‌زنه‌، و گۆت: به‌رى ده‌رخستنا وێ بڕیارێ ب رۆژه‌كێ وى په‌یوه‌ندى ب دادگه‌هێ كریه‌ كو وێ بڕیارێ نوكه‌ راگرن یان بهێته‌ پاشخستن بۆ ده‌مه‌كێ دى.
حه‌یده‌ر عه‌بادى هه‌روه‌سا گۆت: هۆزا په‌رله‌مانتارێ به‌رێ یێ عیراقێ ئه‌ڤرۆ د به‌رۆكێن شه‌رێ دژى چه‌كدارێن داعشێ دایه‌ ب جهئینانا وێ بڕیارێ دێ ره‌نگڤه‌دانێن خراب بۆ هه‌بن.
ل گۆر هنده‌ك ژێده‌رێن نێزیك ژ عه‌بادى هاتیه‌ زانین كو، حه‌یده‌ر عه‌بادى داخوازا پشته‌ڤانیا ئه‌مریكى كریه‌ بۆ ڤه‌كرنا باده‌كا گه‌نده‌لیێ ل سه‌ر مالكى بۆ دادگه‌هكرنێ یان دوور خستنا وى ژ عیراقێ.

ئه‌ڤرۆنیۆز:
پشتى بزاڤا ده‌ركه‌فتنا ژ باژێرێ مووسل كرى كو به‌رب پارێزگه‌ها كه‌ركووكى ب چیت، چه‌كدارێن داعشێ ئه‌و گرتن و ناڤه‌ندا باژێرێ مووسل سه‌رژێكرن.
وه‌ك د توڕێن ده‌نكوباسێن ناڤخوه‌یا مووسلێ دا و لسه‌ر زارێ خه‌لكێ ناڤه‌ندا باژێرێ مووسل هاتیه‌ به‌لاڤكرن، ئه‌و ئافره‌تا وه‌كى سه‌رپرشتا ئافره‌تا د فه‌رمانگه‌هه‌كا حوكومى دا ل مووسل كار دكر، هه‌روه‌سا گۆتن چه‌كدارێن داعشێ ئه‌و ئافره‌ته‌ گرتن ده‌مێ بزاڤا ده‌ركه‌فتنا به‌رب پارێزگه‌ها كه‌ركووكێ دكر، بۆ هندێ ژ زۆرداریا داعشێ قورتال ببیت.
خه‌لكێ باژێرێ مووسل خوه‌یاكرن، بجهئینانا كوشتنا وێ ئافره‌تێ ل سپێده‌هیا رۆژا بۆرى نێزیكى رووبارێ دیجله‌ ل ناڤه‌ندا مووسل هاتیه‌ ئه‌نجامدان.
ژئالیه‌كێ دیڤه‌ ئه‌نداما په‌رله‌مانێ عیراقێ ساجیدا محه‌مه‌د بۆ توڕا رۆژنامه‌ڤانێن نه‌ینه‌وا راگه‌هاند، چه‌كدارێن داعشێ د ناڤبه‌را ده‌مه‌كى بۆ ده‌مه‌كێ دى بكارێ كوشتنا ئافره‌تان ل باچێرێ مووسل رادبیت، ب بهانه‌یا ده‌ركه‌فتنا ژ بوچون و رێنامیێن وان، هه‌روه‌سا گۆت: چه‌كدارێن داعشێ ئه‌ندامێن هێزێن صاراستنا ئێمناهیى ژى به‌ربژارێن به‌رێ و هنده‌ك چالاكڤان سڤیل و خودان پیشه‌كارێن جوانكاریان ژى كوشتینه‌، ئاماژه‌دا هندێ ئه‌ڤه‌ زنجیرا گونه‌هباریان ب دووماهى ناهێت، بتنێ هه‌كه‌ هێزێن ئێمناهیا باژێرێ مووسل رزگار بكه‌ن.

ئه‌ڤرۆ نيوز، ناجی به‌ده‌ل:

مامۆستايه‌كێ زانكۆيا دهۆك دياركر كو داخۆيانێن جۆ بايدن بووينه‌ ئه‌گه‌رێ لاوازيا هه‌لويستێ عه‌ره‌بان ل دژى داعش و پشته‌ڤانيكرنا كۆبانێ ژى ژ لايێ كوردان ڤه‌ كو نه‌ وه‌لات نينه‌ و شيانێن وێ گه‌له‌ك ل دژى داعش ب هزێن عه‌ره‌ب نه‌ره‌حه‌ت كرينه‌.

د. فه‌رسه‌ت مه‌رعی مامۆستایێ زانكۆیا دهۆك بۆ ئه‌ڤرۆ نیوز گۆت: “ده‌وله‌تێن عه‌ره‌بى د ناڤا هه‌ڤپه‌يمانيان نێڤده‌وله‌تى دا وه‌كو سعوديه‌ و ئيمارت هه‌ر ژ ده‌سپێكێ وه‌ره‌ ب فرۆكێن جه‌نگى شه‌ر ل دژى داعش كريه‌، به‌لێ پشتى داخۆيانيا جۆ بايدن ئه‌وا گۆتى كو وه‌لاتێن عه‌ره‌بى ل گه‌ل توركيا هه‌ڤكاريا داعش دكه‌ن سستيه‌ك خستيه‌ كارێ وان”.

مامۆستايێ زانكۆيا دهۆك زێده‌تر گۆت: “ئه‌ڤ داعش يا نوكه‌ دروست بوويى، ژ ناڤ عه‌ره‌بان رابوويه‌ و ل گه‌ل وه‌لاتێن عه‌ره‌بى ژى سه‌رهلدايه‌ و نوكه‌ هه‌ر ئێك مژوولى خوه‌يه‌، ئه‌ڤێن ئاماده‌ هاريكاريێ ژى بكه‌ن، ژ ئه‌گه‌رێ مژووليا وان ب ئاواران ڤه‌ نه‌شياينه‌ وه‌كو پێدڤى هاريكاريا سه‌ريازى پێش كێش بكه‌ن”.

نه‌ڤه‌شارت ژى كو ئێكنه‌بوونا عه‌ره‌بان ب خوه‌ دبيته‌ ئه‌گه‌ره‌كێ دى يێ كو نه‌شێن هاريكاريێن باش د هه‌ڤپه‌يمانيا نێڤده‌وله‌تى دا ل دژى داعش بكه‌ن.

ل دووماهيێ ژى دا زانين كو پشكدارينه‌كرنا عه‌ره‌بان بوويه‌ ئه‌گه‌ر رێ ب فرۆكێن عه‌ره‌بى نه‌هێته‌ دان ل داعش بده‌ن و گۆت: “چوونا پێشمه‌رگه‌ى بۆ كۆبانێ ژى هه‌تا راده‌كى ئه‌و نه‌رحه‌ت كرينه‌ كو هێزه‌كا كاريگه‌ر پتر ژ ده‌وله‌ته‌كێ بشێت به‌رهنگاريا تيرۆرێ بگريت، ئه‌ڤه‌ ژى بۆ ده‌وله‌تێن عه‌ره‌بى يا نه‌خۆشه‌”.