ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 2\11\2014 بهايێ زێر و زيڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 1 گرام زێرێ (ع) 18 | 35000 |
| 1 گرام زێرێ (ع) 21 | 42000 |
| 1 گرام زێرێ (ع) 22 | 44000 |
| 1 گرام زيڤ | 3000 |
نووترين نووچه
- سەرۆك بارزانی و سەرۆكێ باسكێ (غەد) یێ سووری رەوشا سیاسی و ئەمنی یا دەڤەرێ گەنگەشەكر
- نێچیرڤان بارزانی و بالیۆزێ بریتانیایێ پەیوەندیێن دوقۆلی گەنگەشەكرن
- مەسرور بارزانی: گرنگە حوكمەتەكا ب هێز و ئێكگرتی و خزمەتگوزار بهێتە پێكئینان
- سەرۆكێ حوكمەتا هەرێمێ دوپاتیێ ل دابینكرنا مافێن كوردێن سووریێ دكەت
- د. ڤیان سەبری: هەكە بەغدا پێگیری رێككەفتنا ل گەل هەرێمێ ببیت، ئێدی گرفتا مووچەی دروست نابیت
- هەولێر و بەغدا ل دۆر هنارتنا پەترۆلا هەرێما كوردستانێ رێككەفتن
- بافل تالەبانی ل بەغدا بزاڤێن مەسرور بارزانی سەبارەت پڕۆژەیێ (هەژمارا من) بلند هەلسەنگاندن
- سەرۆك بارزانی: پێدڤییە ل ئیراقێ كار ب بنەمایێن هەڤپشكیێ و هەڤسەنگیێ و ل هەڤهاتنێ بهێتە كرن
- نێچیرڤان بارزانی: پێدڤییە PKK چەكی دانیت و ئەڤە رامانا خوە رادەستكرنێ نینە
- مەسرور بارزانی: ب هەموو شێوەیەكێ پشتەڤانیێ ل سەرئێخستنا پڕۆسەیا ئاشتیێ ل توركیا دكەم
سهرهكى نوچێن گرنگ
به‌فر بارى
بەرواری بالا،زنار توڤی:
رێڤه‌به‌رێ هۆبا چاندنێ ل كانى ماسێ بۆ ئه‌ڤرۆ نيوز گۆت راگه‌هاند كو ئه‌ڤ ساله رێژه‌كا باش يا بارانێ باريه و ل چيايێ مه‌تينا ژى به‌فر يا دباريت.
عەبدولعەزیز محەمەد تاهر گۆت: “د ئەڤ سالەدا رێژەکا باش یابارانێ باریە و هه‌تا نوکە ل دەڤەرا کانێ ماسێ 247 ملیمێن بارانێ بارینە
رێڤەبەرئ هۆبا چاندنێ ل کانی ماسێ زێده‌تر گۆت: “ئەڤئ رێژا بارانێ دلخوشی بۆ جوتیاران پەیدا کریە”.
ل دۆر بارينا به‌فرێ ژى ل وه‌رزێ ئه‌ڤ ساله گۆت: “هەروەسا ل چیایێ مەتینا و سه‌رێ شه‌رانيێ بەفر باریە و کەش و هەوایێ دەڤەرێ گەلەک ساربوویە”.
پارێ کارمەندێن سەر سندوقێن دەنگدانێ دێ ھێتە دان
ئەڤرۆ نیوز، لەزگین جۆقی:
سەرۆکێ کۆمیسۆنا بلندا سەربەخۆیا ھەلبژارتنان ل عێراقی بۆ ئەڤرۆ نیوز دیارکر کو ھەموو بەرھەڤی یێن ھاتینە کرن بۆ بەلاڤکرنا پارێ کارمەندێن سەر سەندوقێن دەنگدانێ ل بەرە ژی ل دەمەکێ نێزیک ل سەرانسەری عیراقێ و ھەرێما کوردستانێ دەست ب بەلاڤکرنا وان بھێتە کرن.
سەربەست مستەفا سەرۆکێ کۆمیسۆنا بلندا سەربەخۆیا ھەلبژارتنان ل عیراقێ گۆت: “ئەگەرێ گیرۆبوونا بەلاڤنەکرنا پارێ کارمەندێن سەر سەندوقێن دەنگدانێ ڤەدگەریت بۆ ھەبوونا ئاریشەکا تەکنیکی د گەل وەزارەتا دارایی ل عیراقێ، لێ نوکە ئەو ئاریشە ھاتیە چارە کرن”.
زێدەتر گۆت: “چو ئاریشێن دی نەماینە ل ھەموو پارێزگەھان ژی ئامادەکاری یێن ھاتینە کرن، دێ د دەمەکێ نە دوور دا پارە ھێتە بەلاڤکرن ل ھەموو پاریزگەھان ژبلی وان پاریزگەھێن ئاریشێن ئەمنی لێ ھەین”.
سەربەست مستەفا زێدەتر گۆت: “ل سەرانسەری عیراقێ و ھەرێما کوردستانێ دۆرێن ٣٥٠ ھزار کەسان پرۆسەیا ھەلبژارتنێن بۆری برێڤە بریە، دێ پاداشتێن ھەموویان ژی ھێنە دان ول ھەر پارێزگەھەکێ دێ بەنک ھێنە دەست نیشانکرن بۆ بەلاڤکرنا پارێ کارمەندێن سەر سەندوقێن دەنگدانێ”.
هاتيه نووكرن: كچه‌كا ئاواره خوه خه‌ندقاند
ئه‌ڤرۆ نيوز، هه‌يڤا دۆسكى:
ژێده‌ره‌كى ژ پۆليسێن سێميل كو نه‌ڤيا ناڤێ خوه ئاشكه‌را كه‌ت راگه‌هاند كو ئه‌ڤرۆ كچه‌كا ئاواره‌يا شنگال يا نێزكى 20 سالى خوه هاڤێته د ناڤا رووبارێ خراب دێمى دا.
ئه‌ڤى ژێده‌رێ نه‌ڤيايى ناڤێ خوه ئاشكه‌را كه‌ت گۆت: “هێشتا ئه‌گه‌رێ روودانێ نه‌هاتيه زانين، ڤه‌كۆلين ژى د به‌رده‌وامن”.
ئه‌ڤى پۆليسێ رێڤه‌به‌ريا پۆليسێن سێمێلێ گۆتژى: “ئه‌ڤ كچا ب ناڤێ (هـ ج. ع) ژ ئه‌گه‌رێ خوه هاڤێتنێ بۆ ناڤا رووبارى، ڤێ كچێ گيانێ خوه ژ ده‌ست دايه”.
بابێ ڤێ كچێ دياركر كو كو ئه‌وێ كچێ چو كێشه نه‌بوون و ئه‌گه‌رێ خوه هاڤێتنا ناڤ رووبارێ خراب دێمى ژى نوزانيت.
ل زۆمار خانيه‌ك ب خێزانه‌كا ڤه‌گه‌رياى ڤه په‌قى
ئه‌ڤرۆ نيوز، نيوار محه‌مه‌د سه‌ليم:
عه‌قيده‌كێ فه‌رماندا زێره‌ڤانيێ راگه‌هاند ل گۆندێ كانى شيرينێ ل ده‌مێ ڤه‌گه‌ريانێ بۆ خانيێ خوه، TNT يه‌ك ب وه‌لاتيه‌كى ڤه په‌قى و ئه‌و شه‌هيد بوو و پێشمه‌رگه‌ك بريندار بوو.
عه‌قيد شێرزاد نائيف، ژ فه‌رماندا دهۆك راگه‌هاند كو ئه‌ڤرۆ سپێدێ ل ده‌مێ ڤه‌گه‌ريانا وه‌لاتيه‌كى بۆ خانيێ خوه ل كانى شرينێ TNT پێ ڤه په‌قى، د ئه‌نجام دا ئه‌و شه‌هيد بوو و پێشمه‌رگه‌ك ژى بريندار بوو.
گۆندێ كانى شرينێ ئێك ژ وان گۆنديێن سه‌ر ب ناحيا زۆمار ڤه‌يه كو دكه‌ڤيته باشوورێ رۆژهه‌لاتا ناحيێ ب دووراتيا 10 كيلۆمه‌تران و ل گه‌ل ناحيا زۆمار هاتيه ئازادكرن.
ل گه‌ل ژناڤبرنا داعش دڤێت هزرا تاكێ عيراقى ژى بهێته گوهۆڕين
ئه‌ڤرۆ نيوز، ناجی به‌ده‌ل:
مامۆستايه‌كێ زانكۆيا دهۆك ديار دكه‌ت كو داعش ب رۆژه‌كێ و دويا دروست نه‌بوويه و ژناڤبرنا وێ ژى نه ب تنێ گرێدايى وان كه‌سايه يێن كريارێن تيرۆرستى ئه‌نجام دده‌ن، به‌لكو دڤێت هزر و ره‌وشه‌نبيريا تاكێ عيراقى بهێته گوهۆڕين.
د. وه‌عدی سلێمان ماموستایێ زانكویا دهۆك بۆ ئه‌ڤرۆ نیوز گۆت: “ب شه‌ڤ و رۆژه‌كێ داعش نه‌هاتیه، به‌لكو ره‌وشه‌نبیری و مێشكێ تاكێ ئه‌ڤێ ده‌ڤه‌رێ ده‌لیڤه‌یا بهێز بۆ تیرۆرێ خوشكریه، گرۆپێن تیرۆری بهێنه ناڤ عیراقێ”.
ماموستایێ زانكویا دهۆك ئه‌و چه‌نده ژی گۆت: “ره‌وشه‌نبیری و دیرۆكا عیراقێ ديده‌ڤانه و كاریگه‌ری و كارتێكرن ل هنده‌ك لایه‌ن و تائیفێن ناڤ جڤاكێ عیراقێ كریه بهێته پالدان بۆ كریارێن تیرۆری”.
د. وه‌عدی ئه‌و چه‌نده ژی دا زانین كو نه‌هێلانا داعش نه ب تنێ نه‌هێلانا ئه‌وان كه‌سايه يێن كريارێن تیرۆری كری، به‌لكو دڤێت هزر و ره‌وشه‌نبیریا تاكێ عیراقی بهێته گوهۆڕین.
پێشمەرگە نێزیکی سنوونێ بوویە
دھۆک، لەزگین جۆقی:
ئەندامێ خولا بەرێ یێ پەرلەمانێ عیراقێ ل بەرۆکێن شەری مەحما خەلیل بۆ ئەڤرۆ دیارکر کو ب تنێ ١٥ کیلومەتر ماینە ھیزێن پێشمەرگەی بگەھنە د ناڤ ناحیا سنوونێ دا و ب ئێکجاری ژ دەستێن خوە کوژێن داعش بھێتە رزگار کرن و گۆت سەرۆک بارزانی ب شەڤ و رۆژ کار دکەت بۆ ئازادکرنا شنگالێ و ھەموو دەڤەرێن دی یێن کوردستانێ.
مەحما خەلیل ھەروەسا گۆت: “پشتی ناحیا زومار و رەبیعە ھاتینە رزگار کرن ترسەک بۆ خوە کوژێن داعش دروست بوویە و ئەڤە چەند رۆژن چو ھێرش ئەنجام نەداینە ئەڤە ژی وێ دگەھینت کو شیانێن ھێرشکرنێ نەماینە ب تنێ یا بەرگریێ ژ خوە دکەت، دیار ژی کر کو ئەو چاڤەرێی فەرمانا بارزانی نە بۆ ھێرشکرنێ”.
ئەو ژی خۆیاکر کو رۆژ بۆ رۆژێ گەنج دگەھنە ناڤ رێزێن پێشمەرگەی و خوەبەخش شەری دکەن، بەرھەڤیێن مەزن دھێنە کرن بۆ ئازادکرنا شنگالێ و نوکە چەندین گەنجێن شنگال ل چیایی نە و چاڤەرێ فەرمانا سەرۆک بارزانی دکەن داکو دەست ب ھێرشێ بکەن بۆ ئازادکرنا شنگالێ و سنوونێ و ھەموو دەڤەرێن دی، گۆتژی: “ئەم ب ھیڤی نە ل وەختەکێ نە دوور مزگینیا ئازادکرنا شنگالێ بھێتە راگەھاندن”.
ئه‌بۆ به‌كر به‌غدادى چاوان به‌حس ل شه‌رێ زۆمار دكه‌ت؟
ئه‌ڤرۆ نيوز:
نامه‌كا ئه‌بۆ به‌كر به‌غدادى به‌لاڤ بوويه و ب ئاشكه‌رايى به‌حس ل شكه‌ستنا داعش ل ميحوه‌رێ زۆمار و جرف صغير و تكرين دكه‌ت و ئاشكه‌را ژى دكه‌ت كو ده‌زگه‌هێن هه‌والگه‌ريێ رۆله‌كێ به‌رچاڤ تێدا هه‌بوو.
د نامه‌كێ دا كو ئه‌بۆ حفسه مهاجرى به‌لاڤ كريه ئاماژێ ب وێ چه‌ندێ دكه‌ت كو به‌غدادى دانپێدان ب وێ چه‌ندێ كريه كو زيانه‌كا مه‌زن ل زۆمار و تكريت و جرف صغير ب داعش كه‌فتيه.
ل دۆر وێ نامێ ژى، ئه‌بۆ به‌كر به‌غدادى چ رۆهنكرن به‌لاڤ نه‌كرينه، به‌لێ دانپێدان ب شكه‌ستنا داعش ل وان ده‌ڤه‌ران كريه كو ب پشته‌ڤانيا ده‌زگه‌هێن هه‌والگه‌رى يێن عيراقى ل هنده‌ك ژ وان جهان پێزانين بۆ چووينه ل سه‌ر دووباره دروستكرنا هنده‌ك شانێن دى ل عيراقێ.
دەرگەھێ پێشکێش کرنێ بۆ کۆمسیۆنا ھەلبژارتن و ڕاپرسیا ھەرێمێ ھاتە ڤەکرن
ئەڤرۆ:
پەرلەمانێ کوردستانێ دێ ب ڕێیا CV ئەندامێن دەستەیا ب رێڤەبرنا کۆمسیۆنا ھەلبژارتن و ڕاپرسیێ وەرگریت، بۆ ڤێ مەرەمێ ژی فۆرمەک بەلاڤ کریە و مەرج دەرێخستینە بۆ وان کەسێن دڤێن پێشکێش بکەن.
سەرۆکێ لژنا بەروەخت یا کۆمسیونا بلند یا سەربخوە یا ھەلبژارتنێن کوردستانێ مەروان گەلالی گۆت: “پشتی پەرلەمانێ کوردستانێ پرۆژە قانوونا ھەلبژارتن و راپرسیێ پەسەند کری و ماوێ سێ ھەیڤان دیارکری بۆ دروستکرنا وێ کۆمسیۆنێ، نوکە پەرلەمانی دەست ب بەلاڤ کرنا وان فۆرمان کر و ھەرکەسەکێ ئارەزو ھەبیت ببیتە ئەندام دشێت فۆرمێ پر بکەت”.
مەروان گەلالی بۆ مالپەرێ پەرلەمانێ کوردستانێ دیارکر کو ل کۆمبوونا خوە یا رۆژا 29\10 لژنێ چەند بڕیار دەرخستن کو ئێک ژ وان گرێدانا چەند کۆمبوونانە ل گەل رێکخراوێن جڤاکێ مەدەنی و ئەوێن گرنگیێ ب ھەلبژارتنان ددەن، بۆ ڤێ مەرەمێ ژی ئەڤرۆ 2\11\2014 دێ ئەڤ کۆمبوونە ھێتە کرن و گۆتژی: “د کۆمبوونا خوە دا لژنێ کەلیشێ فۆرما پێشکێش کرنێ بۆ وەرگرتنا سیڤیان ل گەل مەرجێن پێشکێش کرنێ وەکو مەرجێن بنەرەتی بۆ وەرگرتنا پالێوراوان پەسەند کرن، کو پێشکێش کرن دێ ھەتا 10\11\2014 بیت و ھەر کەسێ مەرجێن وان ل دەف ھەبن دێ شێت پێشکێش کەت، کو دێ ژ لایێ لژنەکا تایبەتمەند ڤە چاڤپێکەفتن ل گەل ھێتە کرن”.
ئێک ژ وان مەرجێن ھاتینە دیارکرن ئەوە کو دڤێت ئەندام و سەرۆکێن وێ کۆمسیوۆنێ خەلکەکێ بێ لایەن بن و ھەکە حزبی ژی بن دڤێت دەستا ژ کارێ حزبی بەردەن، ھەروەسا ب کێمی دڤێت خودان باوەرناما زانکۆیێ بیت و ژیێ وی ژ 30 سالان کێمتر نەبیت، ئەوێن حەزا پێشکێش کرنێ ھەی دشێن ب رێیا مالپەرێ پەرلەمانێ کوردستانێ فۆرمێ وەربگرن و پر بکەن”.
پێشمه‌رگه ل كۆبانێ خوه ئاماده‌ى شه‌رى دكه‌ت
ئه‌ڤرۆ نيوز:
ئاخفتنكه‌رێ ب ناڤێ يه‌كينه‌يێن پاراستنا گه‌ل، يه‌په‌گێ، راگه‌هاند كو هێزێن پێشمه‌رگێ كوردستانێ ل كۆبانێ خوه ژ بوو شه‌رێ دژى داعش ئاماده دكه‌ن و هه‌بوونا وان دێ هه‌ڤسه‌نگيا كێشێ گوهۆڕيت.
پۆلات جان، ئاخفتنكه‌رێ ب ناڤێ يه‌كينه‌يێن پاراستنا گه‌ل بۆ ئاژانسا فرانس پرێس راگه‌هاند كو به‌رى دو رۆژا هێزێن پێشمه‌رگێ هه‌رێما كوردستانێ چووينه كۆبانێ و نوكه خوه ئاماده دكه‌ن دا شه‌رى ل دژى داعش بكه‌ن.
ل سه‌ر داخوازا سه‌رۆكێ هه‌رێما كوردستانێ مه‌سعود بارزانى و ب پشتى ره‌زامه‌نديا په‌رله‌مانێ كوردستانێ، هه‌رێما كوردستانێ ژ بوو هاريكاريكرنا رۆژئاڤا، 150 پێشمه‌رگه ژ هێزا پشته‌ڤانيێ هنارتنه باژێرێ كۆبانێ و ل هه‌موو جهان پێشوازيه‌كا گه‌رم لێ هاته كرن.
ئاخفتنكه‌رێ ب ناڤێ يه‌كينه‌يێن پاراستنا گه‌ل خۆيا ژى كر كو ب وى چه‌كێ گران يێ ل گه‌ل وان هه‌يى، دێ رۆله‌كێ مه‌زن گێرن و گۆن: “هه‌ڤسه‌نگيا هێزێ ل كۆبانێ دێ هێته گوهۆڕين”.
نيشاندان
WP Facebook Auto Publish Powered By : XYZScripts.com