ئەڤرۆ نیۆز، سالار دۆسکی:
ھەرێما کوردستانێ سێ رێ ھەنە بۆ نەھێلانا قەیرانا ئابووری ل ھەرێما کوردستانێ و دابینکرنا مووچێن فەرمانبەران، ژڤانە ھەتا دووماھیا ئەڤ سالە قەیرانا دارایی ب دووماھی بێت.
ئەندامەکێ پەرلەمانێ کوردستانێ ژ فراکسیۆنا زەر دیارکر کو سێ ھەلبژارتن ھەنە بۆ چارەسەرکرنا مووچێن فەرمانبەرێن کوردستانێ، دانوستاندنێن کوردان د گەل بەغدا و کێشە چاره بن و مووچە چارە بن، حەفتیا بھێت سەرۆکێ حوکمەتێ د گەل شاندەکی دێ چیتە بەغدا، دیسا بەرھەمێ پەترۆلا ھەرێمێ دێ دووماھیا ئەڤ سالە زێدە بیت و دێ مووچە چارە بیت، دیسا ھەلبژارتنا سیێ وەرگرتنا قەرەکێ 10 ملیار دۆلاری یە یێ نێڤدەولەتی، ھەتا دووماھیا ئەڤ سالە دێ کێشە ھێتە چارە كرن.
دلشاد شەعبان غەفار جێگرێ سەرۆکێ لیژنا سامانێن سرۆشتی ل پەرلەمانێ کوردستانێ بۆ ئەڤرۆ نیۆز: “قەرزێ دھێتە کرن ژ به‌نکا نێڤده‌وله‌تى يه و دێ میزانیا ھەرێما کوردستانێ پێ ھێتە دانان و دێ ژ وەلاتەکێ دوست بیت و 10 ملیار دۆلار 19 تریلۆنە د گەل ھندەک داھاتی دێ بودجا 2015 ھێتە دابینکرن”.
ئه‌و چه‌نده ژى ئاشكه‌را كر كو ھەتا نوکە وەزارەتا سامانێن سرۆشتی ب چار ملیاران دەیندارە بۆ مووچان، بژڤانە چەندین قەرزێن دی ژی وەربگریت.
دلشاد شەعبان غەفار جێگرێ سەرۆکێ لیژنا سامانێن سرۆشتی ل پەرلەمانێ کوردستانێ بۆ ئەڤرۆ نیۆزدا زانين ژى وان ژ وەزارەتێ خواستیە كو رێکخەریێ بۆ وان بکەت و دەمەکێ نێزیک دێ سەردانا بەنداڤا جیھان کەن و گۆت: “ھەر پێزانین و پێشبینیەکا وەزارەتا سامانێن سرۆشتی داینە مە وەک وان دەرکەفتی یە”.
نيشاندان
