ئه‌ڤرۆ نیۆز:
ئه‌ڤرۆ سپێدێ فرۆكێن هێزێن هه‌ڤپه‌یمانان دو هێرشێن ئه‌سمانى كرینه‌ سه‌ر بنگه‌هێن چه‌كدارێن داعشێ ل قه‌زا شنگالێ.
ژێده‌ره‌كێ ئێمناهیێ كو نه‌ڤیایه‌ ناڤێ خوه‌ ئاشكرا بكه‌ت بۆ ئاژانسا شه‌فه‌ق نیۆز گۆت: دو فرۆكێن جه‌نگى یێن هێزێن هه‌ڤپه‌یمانان هێرشه‌كا دژوار كریه‌ سه‌ر بنگه‌هێ چه‌كدارێن داعشێ ل باشورێ قه‌زا شنگالێ، زێده‌بارى وێ دیاركر، هه‌ردو بنگه‌هێن داعشێ ل دومیز باشورێ شنگالێ و دئه‌نجامدان 8 چه‌كدارێن داعشێ كوشتى و بریندار بوون.
ژێده‌رێ ئێمناهیێ هه‌روه‌سا گۆت: ئارمانجا دوێ یا فرۆكێن ئه‌سمانى ل سه‌ر دو بنگه‌هێن رێكخستنا له‌شكرى ل بنگه‌هێ له‌شكریێ شنگالێ یێ به‌رێ بوویه‌، و د ئه‌نجامدا 7 تیرورست هاتن كوشتن و 3 ترۆمبێلێن چكداران ژى هاتن سۆتن.

ئه‌ڤرۆ نیوز،زنار توڤى:
ل روژا ئه‌ینى رێكه‌فتى 21/11/2014 سه‌روك وه‌زیرێن توركیا ئه‌حمه‌د داود ئوگلو ب فروكه‌یه‌كا هه‌لیكوپته‌ر ژ هه‌ولێرا پایته‌خت گه‌هشته‌ باژێرێ زاخو و ژلایێ پارێزگارێ دهوكێ و قائیمقامێ زاخو چه‌ندین به‌رپرسێن میریڤه‌ هاتنه‌ پێشوازى كرن،دوێ سه‌ره‌دانێدا به‌حسێ ره‌وشا ئاواره‌یان هاته‌ كرن و هه‌روه‌سا سه‌روك وه‌زیرێن توركیا ب ئاوایه‌كێ فه‌رمى كه‌مپا په‌نابه‌رێن بێرسڤێ ل باژێرێ زاخو ڤه‌كر،كو ژلایێ حكومه‌تا توركیا(ئافاد)ڤه‌ هاتیه‌ چێكرن،ئه‌ڤ كه‌مپه‌ دشێت(2500) خێزانان وه‌رگریت و ب ئاوایه‌كێ سه‌رده‌مانه‌ هاتیه‌ چێكرن،دیسان ئه‌حمه‌د داود ئوگلو،دگه‌ل چه‌ند په‌نابه‌ران جڤیا و به‌حس لسه‌ر ره‌وشا وان هاته‌ كرن،سه‌روك وه‌زیرێن توركیا ئه‌حمه‌د داود ئوگلو دیاركر ژى كو وه‌لاتێ توركیا دێ به‌رده‌وام هاریكاریا ئاواره‌یێن كوردستانێ كه‌ت.هه‌روه‌سا كه‌مپێن دێره‌بوون و شاریا ژى ژلایێ حكومه‌تا توركیا هاتیه‌ چێكرن

ئه‌ڤرۆ نیوز،زنار توڤى:
رێڤه‌به‌رێ په‌روه‌ردا قه‌زا ئامێدیێ بو ئه‌ڤرۆ نیوز راگه‌هاند:كو ل روژا ئێكشه‌مبى 23/11/2014 فورمێن دامه‌زراندنێ ب گرێبه‌ست ل په‌روه‌ردا قه‌زا ئامێدیێ دێ هێنه‌ دابه‌شكرن و دێ بو ماوێ 7 روژان یا به‌رده‌وام بیت و ئه‌ڤ ساله‌ ئه‌م دشێین 160 ماموستایان بگرێ به‌ست وه‌ربگرین،ناسر محه‌مه‌د سه‌عید رێڤه‌به‌رێ په‌روه‌ردا قه‌زا ئامێدیێ زێده‌تر گوت:كو بتنێ ده‌رچوویێن په‌روه‌ردێ و په‌روه‌ردا بنیات و په‌روه‌ردا وه‌رزشى و هه‌روه‌سا ده‌رچوویێن په‌یمانگه‌هێن سه‌ر ب وه‌زاره‌تا په‌روه‌ردێ ڤه‌ یێن كو پێنج سالان دخوینن ل په‌یمانگه‌هێن ماموستایان و وه‌رزشى و كومپیوته‌ى و هونه‌رێن جوان مافێ هه‌ى ڤان فومان پربكه‌ن،ژبلى ڤان كولیژ و په‌یمانگه‌هان كه‌سێ ماف نینه‌ ڤان فورمێن دامه‌زراندنێ پر بكه‌ت.

ئه‌ڤرۆ نيوز:

ب گۆره‌ى ژێده‌رێن ده‌نگوباسان ب مه‌ره‌ما سه‌ره‌دانا كه‌مپه‌كا ئاواران كو زێده‌تر توركمان لێ دژين، سه‌رۆك وه‌زيرێن حوكمه‌تا توركيا دێ سه‌ره‌دانا پارێزگه‌ها دهۆكێ، باژێرێ زاخۆ كه‌ت.

دوهى دره‌نگى شه‌ڤ سه‌رۆك وه‌زيرێن توركيا ب رێيا فرۆكخانا هه‌ولێر گه‌هشته‌ هه‌ولێرا پايته‌خت و ژ لايێ هه‌ر ئێك ژ نێچيرڤان بارزانى سه‌رۆك وه‌زيرێن هه‌رێما كوردستانێ و جێگرێ وى قوباد ته‌له‌بانى و هه‌ر ئێك ژ وه‌زيرێن ناڤخۆ و به‌ره‌ڤانيێ و چه‌ند كه‌ساتيێن دى هاته‌ پێشوازيكرن.

داود ئوغلۆ دێ ل گه‌ل سه‌رۆكێ هه‌رێما كوردستانێ و سه‌رۆكێ جڤاتا وه‌زيران و جێگرێ وى و چه‌ندين وه‌زير و كه‌ساتيێن حكوومى بڕياره‌ ده‌مژمێر 10:00 كۆمبوونه‌كێ ئه‌نجام بده‌ن ل دۆر مه‌ره‌ما پێ هاتى كو ل ئه‌نقه‌ره‌ ب ده‌زگه‌هێن راگه‌هاندنێ يێن توركيا دا دابوو زانين كو ل دۆر په‌يوه‌نديێن هه‌ردو وه‌لاتانه‌ و ديسا پرسا په‌ترۆل و ئه‌منى و سامانێن كانزايى يه‌.