ئه‌ڤرۆ نيوز
ژێده‌ره‌كى بۆ ئه‌ڤرۆ نيوز دياركر كو نوكه ده‌نگێ ته‌قينه‌كا مه‌زن ل ناڤ سه‌نته‌ريێ باژێرێ هه‌ولێر هات بێى كو بزانيت كا ژ ئه‌گه‌رێ چيه….
ته‌قينه‌ك ل هه‌ولێر روودا
نووترين نووچه
- سەرۆك بارزانی و نێچیرڤان بارزانی و مەسرور بارزانی سەرەخوەشیێ ل قوربانیێن ئاگرێ توركیا دكەن
- نێچیرڤان بارزانی دوپاتیێ ل پێشڤەبرنا پەیوەندییان ل گەل هۆلەندا دكەت
- سەرۆكێ حوكمەتا هەرێمێ ل گەل چەندین سەركردە و بەرپرسێن وەلاتێن جیهانێ ل داڤۆسێ كۆم دبیت
- شاندێ هەولێرێ و بەغدایێ دوپاتیێ ل چارەسەركرنا كێشەیا مووچەیێ فەرمانبەرێن هەرێمێ دكەن
- هەلوەشاندنا بڕیارێن ڕژێما بەعسا ژناڤچووی پێنگاڤەكا گرنگ و پێدڤی بوو
- سەرۆک بارزانی داخواز کر کو ئاستەنگێن د ناڤبەرا مە و هەسەدێ دا نەهێلین
- سەرۆك بارزانی دوپاتیێ ل ئێكڕێزییا كوردان ل سووریێ دكەت
- قونسلێ ئیتالیا بۆ نێچیرڤان بارزانی: گرنگییێ ب پەیوەندیێن خوە ل گەل هەرێما كوردستانێ د دەین
- ئارمانجا مە پێشئێخستنا ژێرخانەیا ئابوورییا هەرێما كوردستانێ یە
- دیدار و كۆمبوونێن سەرۆكێ حوكمەتا هەرێما كوردستانێ ل داڤۆس
سهرهكى نوچێن گرنگ
حه‌فتيا بهێت قوتابى هه‌موو دێ ده‌وامێ كه‌ن
ئه‌ڤرۆ نيوز، نيوار محه‌مه‌د سه‌ليم:
رێڤه‌به‌ريا گشتيا په‌روه‌ردا پارێزگه‌ها دهۆكێ راگه‌هاند كو نوكه نێزێكى 90 قوتابخانه‌يان ماينه و ئاواره تێدانه و پتريا وان ژى ل سنورێ قه‌زا سێمێلێ نه و دهێته چاڤه‌رێ كرن هه‌تا حه‌فتيا بهێت قوتابى هه‌موو ده‌وامێ بكه‌ن.
عه‌بدو يوسف، رێڤه‌به‌رێ گشتيێ په‌روه‌ردا پارێزگه‌ها دهۆك بۆ ئه‌ڤرۆ نيوز دياركر كو ژ سه‌رجه‌مێ 656 قوتابخانان ل سنورێ پارێزگه‌ها دهۆك، نوكه ب تنێ نێزيكى 90 قوتابخانان ماينه و ژ وان ژى پتر يێن قه‌زا سێمێلێ نه كو 56 قوتابخانه نه و كه‌مپا وێرێ ژى ب دووماهى هاتيه دێ ئه‌و ژى بۆ كه‌مپێ هێنه ڤه‌گوهاستن و گۆت: “كه‌مپا سێمێل ل سه‌ر وه‌رگرتنا پارێزگارێ دهۆكێ مايه كا دێ ب كێ ده‌ت”.
زێده‌تر گۆت: “ل زاخۆ ژى پێنج قوتابخانه مابوون و بڕياره ئه‌و ژى ئه‌ڤرۆ هه‌تا سوبه‌هى ب دووماهى بهێن ب گۆره‌ى ئاخفتنێن رێڤه‌به‌رێ په‌روه‌ردا زاخۆ كو دوهى ل ده‌ف من بوو”.
ل دۆر سه‌نته‌رێ پارێزگه‌ها دهۆك ژى عه‌بد يوسف دا زانين كو ل سه‌نته‌رێ پارێزگه‌ها دهۆك ژى 32 قوتابخانه ل سنورێ هه‌ردو په‌روه‌ردێن رۆژهه‌لات و رۆژئاڤا ماينه و گۆت: “هه‌كه ئه‌و ب تنێ مان، ئه‌م دشێين بكه‌ينه دو ده‌وام و سێ ده‌وامى، دا كو كێشا قوتابيان چاره كه‌ين”.
نه‌ڤه‌شارت ژى كو ل ده‌سپێكێ 656 قوتابخانه بوون، ژ وان ژى 456 ل سنورێ زاخۆ و سێمێل و دهۆك بوون و ئه‌ڤێن دى ژ مێژه كێشا وان هاتيه چاره‌كرن و گۆت: “پێشبينى دكه‌ين ل حه‌فتيا بهێت هه‌موو قوتابى ده‌ست ب ده‌وامێ بكه‌ن”.
ل دۆر زێده‌كرنا ماوێ ده‌وامێ ل دهۆك، رێڤه‌به‌رێ گشتيێ په‌روه‌ردا پارێزگه‌ها دهۆك، گۆت: “وه‌زيرێ په‌روه‌ردێ ده‌سته‌لات يێن داينه مه و هه‌كه مه ب پێدڤى ديت، دشێين ل دووماهيا سالێ ماوه‌يى زێده كه‌ين و دێ بهێنڤه‌دانان ژى كێم كه‌ين، قوتابى و مامۆستايان گه‌له‌ك بێهنا خوه يا ڤه‌دايى”.
بهايێ زێر هێشتا بلند بوو
بهايێ دولارى و يۆرۆى هاته خوار
راسته ئه‌ڤ ساله هۆنه‌ر و وه‌رزش و سرود ل قوتابخانا ناهێنه گۆتن؟
ئەڤرۆ نیۆز، سالار دۆسکی:
رێڤەبەرێ گشتیێ پەروەردێ ل پارێزگەھا دھۆکێ ئەو دەنگ و رەدکرن کو بابەتێن ھونەر و وەرزش و سروودێ قۆتابخانان ئەف سالە بھێنە راکرن، دیارکر کو ھەموو بابەتێن پەروەردێ گرنگیا خوە ھەیە و ھەر ھەموو دھێنە گۆتن و چوو بابەت ناھێنە راکرن.
عەبد یوسف رێڤەبەرێ گشتیێ پەروەردێ ل پارێزگەھا دھۆکێ زێدەتر بۆ ئەڤرۆ نیۆز گۆت: سەرەرایی ئەڤان کاودانا کو رۆژانە چەند قۆتابخانە یێ دھێنە ڤەکرن و دەست ب پرۆسێسا خواندنێ ھاتەکرن، بەردەوام ھەر ھەموو بابەت و بێ جوداھی دھێنە خواندن و ھەموویان گرنگیا خوە ھەیە..
رێڤەبەرێ گشیێ پەروەردێ لدۆر وەرگرتنا موولەتێن مامۆستا، کو ھەر مامۆستایی ماف ھەیە سالێ حەفت دەستیردانان وەربگیت، گۆت: ھەر دیسا مامۆستا ماف ھەیە و ئەڤە مافێ وی یە و ناھێتە ژێستاندن و دشێت ئەف سالە ژی حەفت رۆژان دەستیردانێ وەربگریت.
فۆرمێن شووقێن کێم دەرامەتان نەھاتینە ڤاڤارتن
ئەڤرۆ نیوز، ئەمیر ئەترووشی:
ماوەیەک ب سەر ناڤ نڤێسینا وەلاتیێن پارێزگەھا دھۆکێ بۆ وەرگرتنا شووقێن کێم دەرامەتان بووریە و ھەتا نوکە چو دەنگ و باسێن بەلاڤکرنێ و دانا فۆرمێن زێدەتر نەھاتیە دان، لەوما وەلاتیێن پارێزگەھا دھۆکێ داخوازا شرۆڤەکرنەکێ بۆ بەلاڤکرنا شووقێن کێم دەرامەتان ددەت کا دێ کەنگی ھێنە بەلاڤکرن و نھا چو کار تێدا دھێتە کرن و کەنگی دێ دووبارە فۆرمە ھێنە بەلاڤکرن و ئەو فۆرمێن وەلاتیان داگرتین دێ کەنگی ژێک ھێنە ڤاڤارتن و کەسێن ھەژی ژ وان شووقان مفادار بن.
ئەندازیار نزار تەمەر سەعید، رێڤەبەرێ ئاڤەدانکرن و ئاکنجیبوونێ ل پارێزگەھا دھۆکێ ل دور ڤێ چەندێ بۆ ئەڤرۆ نیوز دیار کر، ژ بەر کاودانێن نھا ھەرێما کوردستانێ د بارێ ئابووری را تێدا دبووریت، نھا پرۆژێن ئاڤاکرنا شووقێن کێم دەرامەتان وەکو ھەموو پرۆژێن ھەرێما کوردستانێ ھاتینە راگرتن و کار تێدا ناھێتە کرن و گۆت: سەبارەت بەلاڤکرنا فۆرمان، مە ل دھۆکێ و قەزا بەردەرەش فۆرمە دابوونە وەلاتیان و لژنە پێکئینابوون بۆ ڤاڤارتنێ، بەلێ ئەو ژی ژ بەر ھاتنا ئاواران کار تێدا ناھێتە کرن و ژێک نەھاتینە ڤاڤارتن.
ل دور مەرجێن بەلاڤکرنا یەکێن ئاکنجیبوونێ دیار کر، چار مەرجێن سەرەکی ھەنە، ئێک ژ وان دڤێت خێزاندار بیت و نابیت یێ مفاداربیت ژ وەرگرتنا پێشینا ئاڤاھیان یان ژی وەرگرتنا پارچە ئەردەکی یا پارچە ئەردەکی چاندنێ یان پیشەسازی یان گەشتیاری بیت.
ژڤانێ زانکۆلاین ھاتە درێژکرن
ئەڤرۆ:
ژڤانێ پێشکێشکرنا فورما زانکۆلاین بۆ زانکۆ و پەیمانگەھان بۆ 23 ڤێ ھەیڤێ ھاتە درێژکرن کو بەری نووکە دووماھی ژڤان 19 ڤێ ھەیڤێ بوو.
د نڤێسارەکێ دا، وەزارەتا خواندنا بلند و ڤەکولینێن زانستی ل سەر زارێ ئارام ئیبراھیم رێڤەبەرا ناڤەندا وەگرتنێ ل دیوانا وەزارەتا خواندنا بلند راگەھاند” ژ پێخەمەت دانا زێدەتر دەلیڤێ ب قوتابیان، قوتابیێن دوازدێ ئامادەیی و ئەوێن نەشیاینە فورما وەرگرتنێ ل زانکۆ و پەیمانگەھان پێشکێش بکەن، ل سەر راسپاردا د.یوسف گۆران وەزیرێ خواندنا بلند و ڤەکولینێن زانستی بڕیاردا ب درێژکرنا ماوێ پێشکێشکرنێ ھەتا دەمژمێر 12 شەڤا ئێکشەمبیا ل سەر دوشەمبی، رێکەفتی 23\11 و ھەتا ڤی ژڤانی دێ زانکۆلاین یا کارا بیت.
وەزارەتا خواندنا بلند و ڤەکولینێن زانستی داخواز ژ قوتابیێن پۆلا دوازدێ ئامادەیی کریە، بزاڤێن خوە لەزتر لێ بکەن ھەتا ل ژڤانێ دیارکری، فورمێن وەرگرتنێ ل زانکۆ و پەیمانگەھان ب رێیا زانکۆلاین و ھووری پر بکەن و پێشکێش بکەن.
سه‌رۆك بارزانى و نه‌جمه‌دین كه‌ریم كۆمبوونه‌ك گرێدان
ئه‌ڤرۆ نیۆز:
ئه‌ڤرۆ سه‌رۆكێ هه‌رێما كوردستانێ مه‌سعود بارزانى ل گه‌ل دكتور نه‌جمه‌دین كه‌ریم پارێزگه‌رێ پارێزگه‌ها كه‌ركووك ل سه‌لاحه‌ددین كۆمبوو.
سه‌باره‌ت ناڤه‌رۆكا كۆمبوونێ پارێزگه‌رێ كه‌ركووك راگه‌هاند، سه‌رۆكێ هه‌رێما كوردستانێ پشته‌ڤانیا خوه بۆ ئێداره‌یا پارێزگه‌ها كه‌ركووكێ دوپاتكر و ته‌كه‌س ل موكمكرنا په‌یوه‌ندیێن داناڤبه‌را هه‌ردو ئالیان دا بۆ پتر خزمه‌تكرنا باژێرێ كه‌ركووكێ كر.
د ئالیه‌كێ دیێ وێ كومبوونێ دا به‌حسێ كێشێن دناڤبه‌را به‌غدا و هه‌ولێرێ دا و شه‌رێ دژى داعشێ هاته كرن، زێده‌بارى رێككه‌فتنا ڤێ دووماهیێ یا دناڤبه‌را حوكمه‌تا هه‌ولێرێ و حوكمه‌تا ناڤه‌ندیا به‌غدا ل سه‌ر كێشا هنارتنا په‌ترۆلێ و مووچێن فه‌رمانبه‌رێن هه‌رێمێ ب كاره‌كێ گرنگ هاته سالوخه‌تدان.
بازرگانیا ل گه‌ل داعشێ و ڤه‌خوارنێن بێهوشكرنێ
ئه‌ڤرۆ نیۆز:
ل ئێك ژ زالگه‌هێن ژێر كونترۆلا پێشمه‌رگه‌ێ هه‌رێمت كوردستانێ ده‌ست ب سه‌ر هنده‌ك كه‌لوپه‌لێن ڤه‌خوارنێن كحولى دا بگرن، ئه‌و كه‌لوپه‌ل برێیه‌كا قاچاغى دڤیان ده‌ربازى سنۆرێن هێزێن پێشمه‌رگه‌ى و بۆ ئالیێ چه‌كدارێن داعشێ بهێنه ره‌وانه‌كرن.
تشتێ هه‌ره سه‌یر كو قاچاغچیان ئه‌و كه‌وپه‌ل دناڤ فه‌ردێن ئارى دا ڤه‌شارتبوون و دانا بوونه سه‌ر عه‌ره‌بانه‌كێ كو پێ بهێنه ڤه‌گوهاستن و بزاڤكرن ب ڤى شێوه‌ى سنۆرێ زالگه‌ها پێشمه‌رگه‌ى ده‌رباز بكه‌ن.
ئه‌ینیا بهێت داود ئۆغلو دێ سه‌را هه‌رێمێ ده‌ت
ئه‌ڤرۆ نیۆز:
بڕیاره رۆژا ئه‌ینیا بهێته سه‌رۆك وه‌زیرێن توركیا داود ئۆغلو ل گه‌ل شانده‌كى ب گه‌هیته هه‌رێما كوردستانێ.
به‌لێ هاتیه دیاركرن، به‌رى سه‌ره‌دانا هه‌رێمێ بكه‌ت ب رۆژه‌كێ دێ قه‌ستا به‌غدا كه‌ت و ل گه‌ل حه‌یده‌ر عه‌بادى سه‌رۆك وه‌زیر و به‌رپرسێن پله بلندێن عیراقێ دێ كومبیت.
هه‌ر چه‌نده ل سه‌رده‌مێ سه‌رۆك وه‌زیرێن به‌رێ نورمالكى په‌یوه‌ندیێن هه‌ردو ئالیان تێكچوو بوون، ل حه‌فتیا بۆرى ژى وه‌زیرێ ده‌رڤه‌یێ عیراقێ ئیبراهیم جه‌عفه‌رى سه‌ره‌دانا توركیا كر بوو هه‌ر بۆ هه‌مان مه‌به‌ست كو په‌یوه‌ندیێن دناڤبه‌را هه‌ردو وه‌لاتان ئاسایى بكه‌ن.
سه‌ره‌دانێن به‌رپرسێن هه‌ردو وه‌لاتان دێ درێژپێدان هه‌بیت و پشتى ڤه‌گه‌ریانا ئه‌حمه‌د داود ئۆغلوى ژ به‌غدا سه‌رۆكێ جڤاتا نوونه‌رێن عیراقێ سه‌لیم جبورى دێ سه‌ره‌دانا ئه‌نقه‌ره ده‌ت.
نيشاندان
WP Facebook Auto Publish Powered By : XYZScripts.com