ئەڤرۆ:
پشتی تیرۆرستێن داعش کەنیسێن دەشتا نەینەوا ب تمامی تالانکرین، ئاڤاھی ھەموو یێن بۆمبرێژکرین و بۆ پەقاندنێ یێن بەرھەڤ کرین، ژێدەرەکێ ھەوالگیری ژی راگەھاند کو چەند سەرکردەکێن داعش ل دەڤەرێ یێن رەڤین.
بەرپرسەکێ پلە بلندێ ئێمناھیا عیراقێ ئاشکرا کر کو پتریا وان سەرکردێن داعش ئەوێن رەڤین، ئەون یێن سەرپەرشتیا مەیدانی یا شەڕی ل وان دەڤەران دکەن یێن ل ژێر دەستھەلاتا داعش دانە و زۆربەیا وان ھەلگرێن رەگەزناما عیراقی نە.
ئەڤرۆ:
پشتی ھێرشەکا چەکداری یا ل دژی سەربازێن مسرێ ل بیابانا سینا کو د ئەنجام دا ٣٣ سەربازێن وی وەلاتی جانێ خوە ژ دەست دابوون وەزارەتا دەرڤە یا ئەمریکا د داخۆیانیەکا فەرمی دا دیار کر کو ھەکە ھێزێن ئێمناھیێ یێن مسرێ پێرابوونێن باش ل ھەمبەر وان ھێرشان وەرنەگرن رەنگە مسر ژی وەک لیبیا و عیراقێ بەر ب شەرەکی ناڤخوەیی یێ دژوار ڤە بچیت و ژ بەر وێ یەکێ ژی دڤێت مسر ئامادەکاریێن باش بۆ رێگری گرتن ل چالاکیان گرۆپێن توندرەوێن ئیسلامی بکەت.
چاڤدێرێن سیاسی دیار دکەن کو گرۆپێن چەکداری یێن سەر ب ئیخوان ل دەمێ دەستھەلاتا مورسی دا شیابوون ل بیابانا سینا و گەلەک دەڤەرێن دی چەکێن باش بدەستڤە بینن و خوە ب ھێز کرینە و ژ بەر وێ یەکێ ژی دھێتە چاڤەرێ کرن کو ھێرشا ل بیابانا سینا دەستپێا شەرەکی دژوار ل مسرێ بیت و ژ بەر وێ یەکێ ژی ب فەرمانا سەرۆک کۆمارێ وی وەلاتی سێ مەە وەک رەوشا نەئاسایی ل مسرێ ھاتیە راگەھاندن.
ھەفتیا بۆری بریتانیا و ئەلمانیا دیار کربوون کو زانیاریێن تەمام ل بەر دەستێ وان ھەنە کو ئیخوان بزاڤێ دکەن ل ئورۆپا جارەکا دی خوە ب رێکخستن بکەن و ھاریکاریا بۆ گرۆپێن چەکداری ل مسرێ رەوانە بکەن و ژ بەر وێ یەکێ ژی ئەو نھا ب توندی چاڤدێریا چالاکیێن وان دکەن و ناھێلن ئەو جارەکا دی خوە ب رێکخستن بکەن.
ئەڤرۆ، رەوان نھێلی
د.عزەت سابر سەرۆکێ لژنا دارایی ل پەرلەمانێ کوردستانێ بۆ ئەڤرۆ دیارکر ل سالا 2014 حکومەتا عیراقێ چو بودجە بۆ ھەرێما کوردستانێ نەھنارتیە و ئەڤ پرسە درێژ بوو، ژبەرکو خەلکێ کوردستانێ ژی نێزیکی 5 ملیون کەسانن و پێدڤی ب ژیانێ نە و فەرمانبەرێن وێ ژی پێدڤی ب موچانن، لەوما دڤێت پرۆژێن ئاڤەدانکرنێ بھێنە ئەنجامدان و نەخوشخانە و قوتابخانە بھێنە ئاڤاکرن و حکومەتا ھەرێمێ نەشیت پارێ نوو دەربکەت و نەشێن قەرێن ناڤخویی ژی بکەت، لەما باشترین رێک قەرێن نێڤدەولەتی یە و ئەگەر حکومەت نەشێت راستەوخو قەران بکەت، دشێت ب رێیا کۆمپانیێن مەزن قەران بکەت یێن ل کوردستانێ کار دکەن کو ئەڤ کۆمپانیە دشێن ناڤبەریێ د ناڤبەرا حکومەتا ھەرێمێ و کۆمپانیێن نێڤدەولەتی بکەن و گۆت: حکومەتا ھەرێما کوردستانێ رەشنڤیسەک ل دۆر پرۆژە قانوونا قەرزکرنێ بەرھەڤکریە و ھیڤیدارین ب زووترین دەم بھنێریتە پەرلەمانی داکو خواندنا ئێکێ بۆ بھێتە کرن و بھێتە پەسەندکرن و ئەو باوەرین بەری سالا نوو ئەڤ پرۆژە بگەھیت و بھێتە پەسەندکرن”. د.عزەت سابر دیسا دیارکر پشتی پەسەندکرنا پرۆژەی دێ دیار بیت کانێ چ وەلاتەک یان بانکەک یان کۆمپانیەک دێ بەرھەڤیا خوە دیارکەت کو ھە ڤکاریا ھەرێما کوردستانێ بکەت و گۆت” ئەڤ قەرە ژی دێ ئەرکێن دارایی ئێختە سەر ملێن حکومەتێ و دێ فایدە چیتە سەر، بەلێ ھەر چاوابیت ھیڤیدارین ب قەرکرنا ھندەک پارەی، حکومەت بشێت موچێ فەرمانبەران و پرۆژان و وەبەرھێنانێ پێ ئەنجام بدەت داکو ئەڤ قەیرانا دارایی کێم ببیت”.
سەبارەت وێ یەکێ کانێ حکومەتا ھەرێما مافێ وێ یەکێ ھەیە قەران بکەت و کانێ دێ چ وەلاتەک قەران دەتە ھەرێمێ، د.عزەت سابر گۆت” مادەم حکومەتا ھەرێمێ نەفتا خوە دھنێریت و بەغدا بودجە ناھنێریت، ئانکو حکومەتا ھەرێما کوردستانێ مافێ ھەی، قەرێن نێڤدەولەتی بکەت و عیراق نابیتە رێگر ل ھەمبەر ھەرێما کوردستانێ ب تنێ دشێت بێژیت ئەو پارێ حکومەتا ھەرێما کوردستانێ وەردگریت، زڤراندنا وی پارەی نە ل سەر ملێ حکومەتا عیراقێ یە”.
د.عزەت سابر سەرۆکێ لژنا دارایی ل پەرلەمانێ کوردستانێ دیارکر ژی کو ب ئەو ل گەل ڤی پرۆژە قانوونا قەرکرنا پارانە بەلێ ھندەک تێبینی ھەنە و گۆت” دڤێت د پرۆژە قانوونێ دا، کوژمێ پارەی و دەولەت و کۆمپانیێن دێ پارە ژێ ھێنە قەر کرن، بھێنە دیارکرن و کانێ قەرز بۆ ماوێ چەندێ یە و ب چەند ماوە ئەڤ قەرە بھێتە زڤراندن”.
د.عزەت سابر سەرۆکێ لژنا دارایی ل پەرلەمانێ کوردستانێ ئاماژە ب وێ یەکێ کر ژی کو پرانیا وەلاتێن جیھانێ د قەردان وەکو فەرەنسا، ئیتالیا، ئسپانیا، یونان، ئەمریکا، تورکیا بەلێ پرۆسا ئاڤەدانکرنێ نەراوەستیایە، ئەمریکا زێدەتر ژ 10 ھزار ملیار دولاران یا قەردارە و بانکێن وێ ژی یێن پرن ژ پارەی، تورکیا 300 ملیار دولاران یا قەردارە، بەلێ ئاڤەدانکرن و بەرەڤ پێشبرنا کەرتێ ئابووری یا لێ بەردەوامە، ژبەر ھندێ گەلەک یا ئاسایی یە حکومەت داخوازا قەران بکەت، ژبەر کو پارە ئامرازەکە ھەر رۆژەکێ یێ د دەستێ ئێکێ دا و کار پێ دھێتە کرن و گۆت: حکومەتا ھەرێما کوردستانێ ب ژڤانە رۆژانە 500 ھزار بەرمیلێن گازێ بھنێریتە ژ دەرڤە و وی دەمێ دێ شێت قەرێن خوە پێ بدەت و پاشان بودجێ ھەرێمێ دانیت و ژیانا وەلاتیان پێ خوەش بکەت. ل دووماھیێ سەرۆکێ لژنا دارایی ل پەرلەمانێ کوردستانێ دیارکر کو دیاردا قەران یا ساخلەمە، بەلێ حکومەتا ھەرێما کوردستانێ پێدڤیە ھزرەکا ھوور بۆ ڤان قەران بکەت ب تایبەت د چاوانیا زڤراندنا وێ دا ، ژبەر کو ئەڤ پارێ دھێتە وەرگرتن، نە بۆ کارێ وەبەرھێنانێ یە کو مفا ل سەر ھەبیت بەلکو بۆ موچێن فەرمانبەرانە و بۆ مەزاختیێن وەزارەتانە و ئەو پارێ دھێتە مەزاختن، بەرامبەر دەستناکەڤیت.
سەرۆکێ لژنا دارایی ل پەرلەمانێ کوردستانێ بۆ ئەڤرۆ دیارکر ل گەل ھاتنا پارێن حکومەتا ھەرێما کوردستانێ قەر دکەت، دێ دەست ب پرۆژێن ئاڤەدانکرنێ ھێنە ئەنجامدان و نەخوشخانە و قوتابخانە دێ ھێنە ئاڤاکرن ڤە و گۆت” مادەم حکومەتا ھەرێمێ نەفتا خوە دھنێریت و بەغدا بودجە ناھنێریت، ئانکو حکومەتا ھەرێما کوردستانێ مافێ ھەی، قەرێن نێڤدەولەتی بکەت و عیراق نابیتە رێگر ل ھەمبەر ھەرێما کوردستانێ ب تنێ دشێت بێژیت ئەو پارێ حکومەتا ھەرێما کوردستانێ وەردگریت، زڤراندنا وی پارەی نە ل سەر ملێ حکومەتا عیراقێ یە”.
ئه‌ڤرۆ نيوز، ناجی به‌ده‌ل:
ئه‌ڤرۆ 25\10\2014 ێ 90 سال ل سه‌ر دامه‌زراندنا حوكمه‌تا عيراقێ دا ده‌رباز دبن و بسپۆره‌كێ وارێ ديرۆكێ ژى دبيينت كو پشتى ڤى ماوه‌ى هه‌موويێ كورد هه‌ر يێ دهێنه خاپاندن.
د.حه‌كيم عه‌بدولره‌حمان زبێر بسپور د بیاڤێ دیرۆكێ دا ل زانكۆیا دهۆك بۆ ئه‌ڤرۆ نیوز دياركر كو ئه‌ڤه 90 ساله كورد قوربانيان دده‌ن ژ ئه‌گه‌رێ نيه‌ت پاقژيا وان ل گه‌ل حوكمه‌تێن ئێكێ ل دووڤ ئێكێ يێن عيراقێ به‌رامبه‌ر وان سۆزێن پێ هاتينه داين.
د. حه‌كيم گۆت: “هه‌ر ده‌م كوردان مافێ خوه ب چه‌كێ زۆريێ ب ده‌ست ڤه ئينايه و دانوستاندنێ چو پێڤه نه‌هاتيه، لايه‌نێ سياسى نه‌شياينه وان هه‌موو سيناريۆيێن بۆ وان هاتينه دانان بخوينن ژ ئه‌گه‌رێ نه‌ئێكرێزيا وان و په‌رت و به‌لاڤيا وان و هه‌بووينه به‌رژه‌وه‌نديێن خوه ل گه‌ل حوكمه‌تێن عيراقێ تێكنه‌داينه”.
گۆتژى: “چو ب رێيا رێكه‌فتناما سايكس بيكۆ يان هه‌ر ئێكا دى بيت به‌رده‌وام كورد هاتينه لاوازكرن و بن پێ كرن”، خۆيا ژى كر كو ژ سالا 1920 هه‌تا نوكه كورد يێن بووينه قوربانا سياسه‌ت و به‌رژه‌وه‌نديێن لايه‌نێن نه زه‌لال كو چه‌ندين جاران سۆز ب كوردان هاتبوونه دان و چ ژ وان ژى بجهـ نه‌هاتن”.
بسپۆرێ ديرۆكێ ل زانكۆيا دهۆك ئاماژه ب وێ چه‌ندێ ژى كر كو هه‌ر جاره‌كا عه‌ره‌ب ل عيراقێ لاواز ببن دانبپێدان ب مافێن كوردان كريه و هه‌ر ده‌ما ب هێز كه‌فت بن، جاره‌كا دى لێ هه‌ڤدژ راوه‌ستياينه و گۆت: “پێدڤيه مفا ژ وان خه‌له‌تيان بهێته وه‌رگرتن و شاشى و خه‌له‌تى نه‌هێنه دووباره كرن”.
ئه‌ڤرۆ نيوز، ناجی به‌ده‌ل:
دلێر مسته‌فا حه‌سه‌ن ئه‌ندامێ لیژنا كاروبارێن پێشمه‌رگه و شه‌هیدان و قوربانیێن جینۆساید ل په‌رله‌مانێ كوردستانێ بۆ ئه‌ڤرۆ نیوز گۆت: “هزركرن ل دانانا هێزه‌كا ئاسمانی یا كوردی دهێته‌كرن، چونكو فرۆكه‌ڤانێن زۆر شاره‌زا مه هه‌نه و ژ لایێ به‌غدا ڤه هاتینه پشت گوهـ هاڤێتن”.
زێده‌تر گۆت: “د شيان دايه مفاى ژ ئه‌وان فرۆكان ببينين و مل ب ملێ پێشمه‌رگه‌ى بۆ شه‌رى بكار بينين”.
خۆيا ژى كر كو رۆژا دوشه‌مبى وه‌زیرێ پێشمه‌رگه‌ی دێ بۆ چه‌ند پرسێن گرنگ هێته لژنا ئابوورى يا په‌رله‌مانێ كوردستانێ و ل وێرێ دێ ل سه‌ر چاوانيا دانانا بنگه‌هێ سه‌ربازى يێ هێزێن هه‌ڤپه‌يمانان ل هه‌رێمێ و دروستكرنا هێزه‌كا ئه‌سمانى و چه‌ند پرسێن دى.
گۆتژى: “دێ به‌حس ل بابه‌تێ چێكرنا كارخانه‌كا دروستكرنا ته‌قه‌مه‌نيان ل هه‌رێمێ كه‌ين دا كو ئه‌و بارگرانيا دكه‌ڤيته سه‌ر هه‌رێمێ د ڤى وارى دا كێم ببيت”.
ئه‌ڤى ئه‌ندامێ لژنا پێشمه‌رگه ل دۆر هنارتنا چه‌كى بۆ كۆبانێ ئاشكه‌را كر كو كۆبانێ هند پێدڤى ب پێشمه‌رگه‌ى نينه هندى پێدڤى ب چه‌كێ گران هه‌يى، ئه‌ڤجا ئه‌ڤ رێژا كێم و دياركرى ب چه‌كێ گران ڤه دێ هاريكاريه‌كا باشا خه‌لكێ كۆبانێ و شه‌رڤانان كه‌ت.
ئه‌ڤرۆ نيوز، نيوار محه‌مه‌د سه‌ليم:
به‌رپرسێ راگه‌هاندنێ ل رێڤه‌به‌ريا پۆليسێن پارێزگه‌ها دهۆك راگه‌هاند كو گه‌نجه‌كێ 15 سالى ل خوه خه‌ندقاند.
هێمن سلێمان به‌رپرسێ راگه‌هاندنێ ل رێڤه‌به‌ريا پۆليسێن پارێزگه‌ها دهۆك بۆ ئه‌ڤرۆ نيوز گۆت: “شڤێدى ده‌مژمێر 11 گه‌نجه‌كێ 15 سالى ل تاخێ سه‌رهلدان ل مالا خوه دووماهى ب ژيانا خوه ئينا”.
به‌رپرسێ راگه‌هاندنێ ل رێڤه‌به‌ريا پۆليسێن پارێزگه‌ها دهۆك ل دۆر ئه‌گه‌رێ روودانێ ژى ئاشكه‌را كر كو ئه‌ڤى كه‌نجى كێشه‌كا ده‌روونى هه‌بوويه.
ئه‌ڤرۆ نيوز:
ئاژانسا ڤه‌كۆلينێن ئه‌سمانى يا ئه‌مريكا يا ناسيار ب ناسا راگه‌هاند كو ل 21 و 22 و 23ى هه‌يڤا 12 بارۆڤه‌كا رۆژێ ب سه‌ر ئه‌ردى دا هێت و ژ ئه‌نجامێ ڤێ چه‌ندێ ژى دێ رۆژ بۆ ڤى ماوه‌ى تارى بيت.
كۆڤارا له‌ها ژ زارده‌ڤێ سه‌رۆكێ ئاژانسا ناسا، تشارلز بۆلدن، به‌لاڤكريه كو پێدڤيه د وى ماوه‌ى دا، ئاراميێ راگرن ژ ئه‌گه‌رێ ڤێ بارۆڤا رۆژێ ئه‌وا كو دبيته مه‌زنترين بارۆڤه پشتى 50 سالان و دێ 72 ده‌مژمێران ڤه‌كێشيت.
ئاشكه‌را ژى كريه كو ئه‌ڤ روودانه دبيت وه‌كو بهێن ته‌نگيه‌كێ ژى بۆ مرۆڤان دروست بكه‌ت.
كۆڤارا له‌ها پێزانينێن زێده‌تر ل سه‌ر چاوانيا وێ و كا دێ ل كيرێ ده‌ت و كارتێكرنا وێ يا چاوان بيت به‌لاڤ نه‌كريه.
ئەڤرۆ نیۆز، سالار دۆسکی:
چاڤدێرەکێ سیاسی بۆ ئەڤرۆ نیۆز دیارکر کو ئەگەر پیڤەرا گرفتا دانوستاندنا دگەل بەغدا و ئەنجامێن وان دێ بینین کو کوردان دگەل بەغدا شکستا ئینای و ئەڤ شکستئینانە، نەتنێ لسەر ملێن پارتییە ئەگەرچی وەزارەتا سامانێن سروشتی لدەست پارتی ژی بیت، ھەر ھندێ ناگەھینیت، حزبێن دیژی بەرپرسیارەتی یا ڤێ شکستێ دکێشن، ھەر ئێک بگورێ پشکدارییا خو، ھەکە چ ددەستی دا ژی نەبیت، دشێن ل پەڕلەمانی بایکوتکەن .
ھەڤدەم چاڤدێرێ سیاسی ئەوژی گۆت: دانوستاندنێن دگەل بەغدا رە وڕیشالێن خو دکێشیتە گرفتەکا مەزنتر کو ھەتا نھو سەرکردایەتییا کوردی ھەست پێنەکرییە، ئانژی ھەستا پێکری بەلێ چجارا دانپێنەئینایە ژبەر ھندەک ئەگەرێن تایبەت بخوڤە، بدرێژییا دیروکا سیاسی یا حزبێن کوردستانێ سەرکردایەتییا یا گوتی : “گرفتا مە ل عیراقێ گرفتەکا سیاسییەو مە گرفت دگەل مللەتێن عیراقێ نینە! ، ھێشتا ژی گۆت: گرفتا مە دگەل عیراقێ گرفتەکا سیاسی نینە و قەد نابیتە سیاسی، گرفتا مە دگەل مللەتێن عیراقێیە نە حکومەتان، ژبەر ھندێ نە سیاسییە، گرفتا مە نەتەوەییەکا ساخ وبێگەردە، ئەگەر ئەم لسەر ڤی بنەمای مفاوەزاتا نەکەین دێ ھەر دفاشل بین و چجارا ناگەھینە چ دگەل بەغدا. پشتگیری بو ئاخڤتنا من ژی چەندین جورێت حکومەتا ل عیراقێ ھاتنە گوھڕین بەلێ پا کێشا مە ھەر وەکی خودمینیت، نزانم دێ کەنگی فێربین کو گرفتا مە نە حکومەتن بەلکو مللەتێ عیراقێ یە.
ھەلگرێ ماستەرێ زانکۆیەکا ئوسترالی زێدەتر ژی ئاشکراکر و گۆت: من لێکوڵینەکا مقارن لسەر سێ نەتەوەیێن بێ وەڵات کر بۆ زانکویا ئەدیلاید باشوورێ ئوسترالیا ٢٠٠٢ێ تێدا من بەراوردی دناڤبەرا ململانێیا تایوانی چینێ، فەلەستینی و جوییا ، کورد و دژمنێن خو دا کر، ئەنجامێن گەلەک سەیر بوومن دەرکەتن پشتی لێکولینێ، تنێ تایوانی دشێن بێژن ململانێ و خەباتا مە دگەل چینێ ململانێیەکا سیاسییە، چونکی ئاینێ وان ئێکە رەگەزێ وان ئێکە دابونەریت وبەھا وئاکارو تەنانەت شێوازێ وانژی ھەمی ئێکە تنێ چین کومونیستە و ئەو نەکومونیستن. ژبەرھندێ نە کورد و نە فەلەستینی نەشێن وەبێژن چونکی ململانێییا کوردا نەتەوەییە و یا فەلەستینییا ئاینییە دگەل دینێ جویا نە ململانێیا فەلەستینییا یا ھاتییە تەسییس کرن زەمانێ “پان- ئەرەبیزمێ” و عبد الناێری ددەمێ جەنگێ ساردا دا پتر پشتگیرییا جادا عەرەبی بدەستڤە بینیت ، بەلێ پا تێناگەھم کورد دێ بوو ململانێیەکا نەتەوەییا بێگەرد کەنە سیاسی وچ بەرژەوەندی تێدا ھەیە؟
ناڤبری ھێشتا ژی گۆت: من باوەری ب مانێ نینە دگەل بەغدا دڤێت بھەمی ڕەنگا و ئاشکرا و بێ ترس وشەرم، دڤێت بێژین ئەم دگەل عیراقێ نابین و مە بملیونا ھوو ئەگەرێن ھەین، بەلێ پا دڤێت رێزگرتن لقوناغێ بھێتە گرتن چونکی دەم وج‌ە دوو فاکتەرێن گرنگن دھەر پروسەکا سیاسیدا.
غەیاسەدین نەقشەبەندی ھێشتا ژی گۆت: ئەز مافی د دەمە حکومەتا عیراقێ ب تایبەت دوسێی نەفتێ چونکی چێنابیت ئەم نەفتێ ژی بفروشین و مە لەشکرێ خو ھەبیت بێی بەغدا شولکەت وداخازا نەفتا عیراقێ ژی بکەین، ئەڤە نە پێنگاڤێن فیدرالیزمێنە، دڤێت ئێکێ ژدوان بکەین و ئاشکرا بێژین ئان ئەم یێ دگەل عیراقێ ئان ئەم دگەل نینین.
ئەگەر ئەم دخوڕاببینین کو دێ شێین نەفتا خو فروشین و مە منەت ب بەغدا نینە، ئەڤرو بەری سوبە دڤێت وەزیرێن مە بزڤڕنەڤە و ئێدی دگەل بەغدا ڤەبڕین، ئەگەر ژی ئەمدزانین کو ئەم بێی عیراقێ وھاریکارییا وێ نەشێین خولسەر پێیا بگرین، ئەڤ موزایەداتە وبکارئینان موچەی وەکی کارتەکا فشارێ ئێدی سەرناگریت.
ئەڤرۆ نیۆز، قائید میرۆ
ئەنجامێ تۆپبارانا ھێزێن پێشمەرگەی و فڕۆکەیێن شەڕکەرێن ھەڤپەیمانان ل دەڤەرا باشیک سەرکردەکێ داعش ب پلەیا ئەمیر ھاتە کوشتن و سەرپەشتیا ھێزێن داعش دکر ل دەشتا نەینەوا.
ژێدەرەکی ژ ھێزا پێشمەرگەی ل میحوەری باشیک ب ئەڤرۆ نیۆز راگەھاند، پشتی بۆ چەندین جارا چەکدارێن داعش بۆردۆمانا ھێزێن پێشمەرگەی کریە، دوھی ھێزێن پێشمەرگەی ب ھەڤکاریا فڕۆکەیێن ھەڤپەیمانان بنگەھێن داعش بۆردۆمانکرن و زیانێن مەزن گەھاندن چەکدارێن داعش.
ژێدەری گۆتژی” د ئەنجامێ تۆپبارانا پێشمەرگەی و بۆردۆمانا فڕۆکەیێن ھەڤپەیمان بۆ سەر چەکدارێن داعش ل میحوەری باشیک، ھژمارەکا تیرۆرستان ھاتنە کوشتن کو ئێک ژوانا ئەمیرێ چەکدارێن وانە ل دەشتا نەینەوا بناڤێ یاسین ئەبو تەحسین و سەرپەرشتیا ھێزێن داعش دکر ل باشیک و دەشتا نەینەوا.
ئه‌ڤرۆ نيوز:
ژێده‌ره‌كێ ئاگه‌هدار ژ ناڤا پێشمه‌رگه‌يێ كوردستانێ ب ئه‌ڤرۆ نيوز راگه‌هاند كو ناجيا زۆمار ب ته‌مامى هاته كۆنترۆلكرن.
ئه‌ڤى ژێده‌رێ پێشمه‌رگه‌ى يێ مه پاراستن ل سه‌ر ناڤێ وى كرى، دياركر كو ئه‌ڤرۆ سپێدێ ل گه‌ل فرۆكێن سه‌ربازى يێن ئه‌مركى پێشمه‌رگه‌ى هێرش كره سه‌ر چه‌ند گوندێن ده‌وروبه‌رى زۆمار و پاشان ژى چوو ناڤا ناحيێ و شه‌رێ كۆلانان ل گه‌ل داعش كر.
گۆتژى: “نوكه پێشمه‌رگه‌ى ناحيه كۆنترۆلكريه و تيمێن ئه‌نده‌زيارى مژوولى ژناڤبرنا بۆمبه و TNT نه ئه‌وێن ژ لايێ چه‌كدارێن داعش ڤه هاتيه دانان”.
نيشاندان