ئه‌ڤرۆ نيوز:
سه‌ربازه‌كێ له‌شكرى يێ خانه‌نشين كرى يێ ئه‌مريكى راگه‌هاند كو پێشڤه‌چوونێن ڤان رۆژێن دووماهيێ ديار دكه‌ن كو ستراتيژيه‌تا له‌شكرى يا ئه‌مريكى ل ده‌ڤه‌رێ د هه‌ڤدژيكرنا ده‌وله‌تا ئيسلامى به‌رنياس ب داعش نه‌يا كارايه. دا زانين ژى كو ل سه‌ر سه‌ربازێن له‌شكرى يێن ئه‌مريكى پێدڤيه ئۆبامايى پال ده‌ن دا كو ب گوهۆڕيت و چه‌ندين ئه‌گه‌ران ژى ديار دكه‌ت.
عه‌قيدێ خانه‌نشينكرى، ريك فرانكونا، شرۆڤه‌كه‌رێ كارێن له‌شكرى ل CNN گۆت: “گه‌له‌ك تشت د دو سالێن بۆرى دا روودان، ژ لايه‌كى ڤه خوه ڤه‌كێشانا ئه‌مريكا ژ عيراقێ، كو پێدڤى بوو ل سه‌ر مه هێزێن مه مابانه ل وى وه‌لاتى، نه بوو ب هێزكرنا شيانێن سه‌ربازى ل سه‌ر ئه‌ردى ب تنێ، به‌لكو بۆ چاڤدێريا رێره‌وا كارێن تايبه‌ت ب له‌شكرێ عيراقێ ڤه”.
زێده‌تر گۆت: “د سه‌ر هندێ ژى بڕيارا مه بۆ ب چه‌كنه‌كرنا ئۆپۆزسيۆنا سوريا، بۆشيايه‌ك ل هه‌مبه‌ر توندره‌وێن ب چه‌ك يێن رێكخراوا تيرۆرستى يا قاعيده ل عيراقێ ڤه‌كر، ئه‌وا پاشان روو كريه سوريا، د سه‌ر هندێ ئه‌ڤه و هنده‌ك رێيێن دى بوونه ئه‌گه‌رێ ئه‌ڤان كێشێن نوكه په‌يدا بووين يێن ئه‌م ل سه‌ر د ئاخڤين”.
دا زانين ژى كو ئه‌ڤه وێ چه‌ندێ دگه‌هينيت كو هه‌كه ئه‌م پاشڤه بزڤرينه به‌رى نوكه و بێژين بڕيارا سه‌رۆك ئۆباماى بۆ ب چه‌كنه‌كرنا ئۆپۆزسيۆنا سورى و ڤه‌كێشانا هێزێن ئه‌مريكى ل عيراقێ ئه‌مريكا گه‌هانده ڤێ قووناغێ.
عه‌قيدێ خانه‌نشينكرى ئاشكه‌را ژى كر كو هه‌تا نوكه دشيان دا نينه مفاى ژ دربێن ئه‌سمانى وه‌ربگرين و گۆت: “ئه‌ڤه نه د به‌رژه‌وه‌نديا مه دايه، وه‌سان دبينم كو پێدڤيه سه‌رۆك پێداچوونێ د بابه‌تى دا بكه‌ت، هيڤى دكه‌م وه‌زيرێ به‌رگريێ و سه‌رۆك ئه‌ركانێ له‌شكرى ل گه‌ل سه‌رۆك ئۆبامايى باخڤن ژ بووى وێ چه‌ندێ پێداچوونێ د ستراتيژيه‌تا خوه دا بكه‌ت. ئه‌ڤا ئه‌ڤه چه‌ند حه‌فتيه مه ديتى هندێ دگه‌هينيت كو ئه‌ڤ دربێن به‌رى نوكه هاتينه وه‌شاندن نه د سه‌ركه‌فتى بوون”.
ل دۆر رێيا چاره‌يه‌كێ ژى گۆت: “مه رێكخستيا قاعيده يا هه‌يى ئه‌وا شيانێن لڤينێ نه ل سوريا ب تنێ به‌لكو ل عيراقێ ژى هه‌ين، ئه‌وا مه هزر دكر كو دێ دربێن ئه‌سمانى وێ ل عيراقێ راوه‌ستينن، به‌لێ وه‌سا چێنه‌بوو، به‌لێ وه‌سا چێنه‌بوو، له‌شكرێ عيراقێ شيانێن راوه‌ستاندنا ڤێ رێكخستيێ نينن، له‌ورا پێدڤيه ئه‌وا ئه‌م دكه‌ين ب گوهۆڕين”.
نيشاندان
