ئه‌ڤرۆ نيوز، نيوار محه‌مه‌د سه‌ليم:

رێڤه‌به‌ريا پۆليسێن پارێزگه‌ها دهۆكێ راگه‌هاند كو ل كۆمه‌لگه‌ها خانكێ كوڕه‌كى كچه‌ك دايه‌ به‌ر ساتۆران و زه‌لامه‌كێ 40 سالى ژى خوه‌ خه‌ندقانديه‌.

هێمن سلێمان به‌رپرسێ راگه‌هاندنێ ل رێڤه‌به‌ريا پۆليسێن پارێزگه‌ها دهۆك راگه‌هاند كو ل كۆمه‌لگه‌ها خانكێ سه‌ر ب قه‌زا سێمێل ڤه‌ كۆڕه‌كێ 16 سالى كچه‌كا 17 سالى دايه‌ به‌ر ساتۆران، خۆشبه‌ختانه‌ گيانێ خوه‌ ژ ده‌ست نه‌دايه‌ و هاتيه‌ ڤه‌گوهاستن بۆ نه‌خۆشخانا ته‌نگاڤيان ل دهۆكێ.

ئاشكه‌را ژى كر كو پشتى ئاماده‌بوونا پۆليێن قه‌زا سێمێل ل جهێ روودانێ، تاوانبار هاتيه‌ ده‌سته‌سه‌ركرن و دانپێدان ب تاوانا كريه‌.

هێمن سلێمان گۆتژى: “زه‌لامه‌كێ 40 سالى ژى ل شوقێن دابين 2 دووماهى ب ژيانا خوه‌ ئينايه‌”.

ئاشكه‌را ژى كر كو ل دووڤ ڤه‌كۆلينێن ده‌ستپێكى هه‌ردو كێشه‌ ژ ئه‌گه‌رێ كێشێن جڤاكى نه‌.

ئه‌ڤرۆ نيوز، ناجی به‌ده‌ل:

وه‌زاره‌تا خواندنا بلند و ڤه‌كولینێن زانستی یا حوكمه‌تا هه‌ریما كوردستانێ راگه‌هاند چه‌ند پوسته‌ك ڤالانه‌ و هه‌ر كه‌سێ مه‌رج ژێ بگرن و حه‌زا وى پۆستى هه‌بيت، دشێت سيڤيێن خوه‌ پێشكێش بكه‌ت.

د. لوقمان محه‌مه‌د هاریكارێ سه‌رۆكێ زانكویا دهۆكێ بۆ ئه‌ڤرۆ نیوز گۆت: “ل گوری بڕیارا وه‌زاره‌تێ هه‌ر كه‌سێ چار سالان ل پوستی خوه‌ دا بۆ دڤێت بهێته‌ گوهورین چ ئه‌و خوه‌ جاره‌كا دی خوه‌ به‌ربژار بكه‌ت یان كه‌سه‌كێ دی بهێته‌ به‌ربژاركرن بو ئه‌وی پوستێن دیاریكری”.

گۆتژی: “هه‌ر كه‌سه‌ك ب تنێ بۆ دو خولان دشێن د ئێك پۆست دابمينيت و پشتى هه‌شت سال ب دووماهى دهێن نه‌شێت خوه‌ به‌ربژێر بكه‌ته‌ڤه‌”.

هاریكارێ سه‌رۆكێ زانكویێ دازانین ئه‌و پوستێن ل سه‌ر زانكویا دهۆك ڤالان ئه‌ڤێن خواری نه‌:

1- هاریكارێ سه‌رۆكێ زانكویێ بۆ كارۆبارێن كارگێری

2- راگرێ كولیژا چاندنێ

3-راگرێ كولیژا زانست

4-راگرێ كولیژا نوشداری ڤیته‌رنه‌ری

5-راگرێ كولیژا زانستێن په‌روه‌رده‌یی

6-راگرێ كولیژا نوژداری

7-راگری كولیژا زانستێن مرۆڤایه‌تی

8-راگرێ كولیژا په‌روه‌ردا وه‌رزشی

9-راگرێ كولیژا ئه‌نداریاری و زانستێن كاره‌كی

10-راگری كولیژا په‌رستاری

د. لوقمان دیاركر ل گوری رێنمایان و چاڤپێكه‌تن ل گه‌ل هێته‌ كرن كو دڤێت هه‌لگرێ باوه‌رناما دكتورا بیت دبیاڤێ په‌یوه‌ندیدار دا و پله‌یا زانستی ژ پرۆفیسورێ یاریده‌ر كێمتر نه‌بیت بو یاریده‌رێ سه‌رۆكێ زانكویێ و راگرێن كولیژان.

گۆتژى: “پله‌یا زانستی ژ ماموستا كێمتر نه‌بیت بو راگرێن په‌یمانگه‌هان و خزمه‌تا زانكویێ ژ 10 سالان كێمتر نه‌بیت و شاره‌زایه‌كا باش ل زمانێ ئینگلیزی و عه‌ره‌بی دا هه‌بیت و و كه‌سایه‌تیه‌كا بهێز و شیانێن برێڤه‌برنێ ل ئاسته‌كێ بالا دا هه‌بن”.

ل گوری راگه‌هاندنا وه‌زاره‌تا خواندنا بلند یا هه‌ریمێ هه‌ر كه‌سێ بڤێت به‌شداریی بكه‌ت دشێن سیڤی یین خو بهنێرن بو ئیمه‌یلا  [email protected] دووماهى ژڤان 16\11\2014 یه‌.

ئەڤرو نیوز، ھەیفا دۆسکی:

کەسەکێ نێزیکی خێزانا کەسێ خوە خەندقاندی ب ناڤێ (ی، ت) بۆ ئەڤرۆ نیوز وەسا ئاشکەرا کر کو کەسێ ناڤبری ژ بەر ئەگەرێ دەینا خوە ب پانکێ ڤەکریە و  پاشی گیانێ خوە ژ دەست دایە.

وێ کەسێ ناڤ نەئینایی گۆتژی: “ئەو کەسێ گیانێ خوە ژ دەست دایی ژ بەر ئەگەرێ خوە خەندقاندنێ نامەک ل پشت خو ھێلابوو دا کو پۆلیس و جھێن شولەژی کەسێ نەئێخنە د ئاریشان دا ژ بەر ئاریشا وی یا تاکە کەسی بوو و کەسێ چ پەیوەندی پێڤە نەبوو”.

دھوک، ھەیفا دۆسکی:
ژێدەرەکی وەسا ئاشکەرا کرل دەڤەرا خانکێ کچەک و ھەڤالێ خوە پێکڤە دەرکەفتبوون، ھەردویان پەیوەندی پێکڤە ھەبوون و پشتی سکس ل گەل کریە و ژ کچینیێ ئێخستیە و پاشی کچ ل سەر دسەپینیت وێ مارە بکەت ژ بەر وێ کریارا سکسی.
ھەما ژێدەرێ کو نەڤایی ناڤێ خوە ژی ئاشکەرا کەت گۆت: “د ھەمان دەم دا کوڕ رادبیت ئەوێ کچێ ددەتە بەر ساتۆران دا کو ب کوژیت”.
زێدەتر گۆت: “ئەو کچە ب وێ برینێ د رەڤیت و قەستا ناڤ کەمپا ئاوارەیان دکەت و کوڕ ب دووڤ دا دھێت ھەتا کو ئەو کچە ژ دەستێن وی دھێتە قورتال کرن و کوڕ ھاتە دەستە سەر کرن ژ لایێ پۆلیسان و کچ بۆ نەخوشخانێ ھاتە رەوانەکرن و نھا ژی ل بن چاڤدێریا نۆشدارانە”.