ئهڤرۆ نيوز:
ديمهنێت پشتى پهقينا ئهڤرۆ يا باژێرێ ههولێر ئهوا نێزيكى 30 شههيد و برينداران ل پاش خوه هێلايى، ئهڤ ڤيديۆيه ل سهر تۆرا يۆتيۆبى هاتيه بهلاڤكرن.
نووترين نووچه
- مەسرور بارزانی ب هەلكەفتا جەژنا رۆژیێن ئێزی پیرۆزباهیێ ل ئێزدییان دكەت
- هاریكارییا خەلكی بۆ زیانڤێکەفتیێن چەمچەمالێ جهێ رێزێیە
- مەسرور بارزانی و ئەحمەد ئەلجەربا دوپاتی ل گرنگییا پاراستنا مافێن گەلێ كورد و پێكهاتەیێن سووریێ كر
- پارتی و ئێكەتی ل پیرمام كۆمبوون
- دەولەتا كوردی تاكە كلیلا ئارامییا رۆژهەلاتا ناڤینە
- میرێ ئێزدییان داخوازێ ژ سوودانی دكەت رێككەفتنا شنگالێ بجهبینیت
- رۆژانە روو ب روویێ سیاسەتا رەگەزپەرستیێ و پشتگوهـ هاڤێتنێ دبین
- سهرۆك بارزانی خواست پهیوهندیێن ناڤبهرا ههرێمێ و وهلاتێ چینێ بهێنه بهرفرههكرن
- نێچیرڤان بارزانی و بالیۆزێ ئیرانێ ل بەغدا رەوشا گشتی یا ئیراقێ گەنگەشەكر
- سەرۆكێ حوكمەتا هەرێمێ و فرانسوا تریكۆ گەفێن داعشێ ل ئیراقێ و سووریێ گەنگەشە كرن
سهرهكى نوچێن گرنگ
وهزارهتا كار و كاروبارێن جڤاكى پێدڤى ب فهرمانبهران ههيه
ئهڤرۆ نيوز:
وهزارهتا كاروكاروبارێن جڤاكى ل حوكمهتا ههرێما كوردستانێ راگههاند كو ئهو پێدڤى ب فهرمانبهرايه و ههر كهسێ تايبهتمهنديێن وان ديار كرى ههبن بلا پهيوهنديێ پێ بكهت.
وهزارهتا كاروكاروبارێن جڤاكى ل حوكمهتا ههرێما كوردستانێ د بهياننامهكێ دا كو دانهك بۆ ئهڤرۆ نيوز هنارتيه ئاشكهرا كريه كو ئهو پێدڤى ب هندهك فهرمانبهرايه ل ههرسێ پارێزگههێن دهۆك و ههولێر و سلێمانى و ههر كهسێ ئهو تايبهتمهندى ل دهف ههبن بلا پهيوهنديێ ب وان بكهت.
- ديوانا وهزارهتا كاروكاروبارێن جڤاكى.
- تۆڕا پاراستنا جڤاكى ژ دهۆك و ههولێر و سلێمانى.
تايبهتمهنديێن وان دڤێن د ڤى وارێ ل خوارێ دانه:
- ئهندهزياريا پرۆگرامسازى پشكا پرۆگرامسازى بۆ پارێزگههێن دهۆك و ههولێر و سلێمانى
- پرۆگرامدانهر دهرچوويێن ههر كوليژهكا پشكا كۆمپيۆتهرى بن بۆ ههولێر و سلێمانى.
- چاككرنا كۆمپيۆتهرى دهرچوويێ پهيمانگهها تهكنيكى پشكا كۆمپيۆتهرى يان ههر پشكهكا ههبيت ب مهرجهكى شيارهزاى د چاككرنا كۆمپيۆتهران دا ههبيت بۆ پارێزگهها ههولێر.
- پهيونديان Help Desk دهرچوويێ كوليژا ئاداب يان پهروهرده پشكا ئنگليزى يان دهرچوويێ ههر پشكهكێ بيت ب مهرجهكى شارهزاى د زمانێ ئينگليزى يان عهرهبى دا ههبيت بۆ ههولێر.
ههر كهسێ بڤێت ل دووڤ ڤان شارهزايان خوه ڤهگوهێزيته سهر ميلاكێ وهزارهتا كاروكاروبارێن جڤاكى ژى بلا CV يێ خوه بۆ ئيمێلێ engineer.aram1@gmail بهنێريت يان ژى پهيوهنديێ ب هژمارا تلهفۆنا 0662546017 بكهت.
ئامارا كوشتى و بريندارێن تهقينا ههولێر
ئهڤرۆ نيوز:
ئهڤرۆ سپێدێ ل دهمژمێر 12:00 نيڤرۆ ل بهر دهرگههێ پارێزگهها ههولێر ل بهرامبهر كهلا ههولێر كهسهكى خواست ب ترۆمبێلهكا مارسدس يا TNT كرى، بچيته ناڤا پارێزگهها ههولێر و پشتى كارمهندێن ئاسايشێ رێگرى لێ كرى، خوه ب وان ڤه پهقاند.
ژێدهرێن دهنگوباسان ددهنه زانين كو د ڤێ روودانێ دا، چار كهس شههيد بووينه كو دو ژ وان كارمهندێن ئاسايشێ نه و دو ژى وهلاتيێن سڤيلن و 22 كهس ژى د بريندارن و برينا ئێكى يا سڤكه و يا چاران ژى يا گرانه.
ههتا نوكه چو لايهنان بهرپرساتيا خوه ژ ڤێ روودانێ ديار نهكريه، بهلێ رێكخراوا تيرۆرستى يا داعش كهيفخۆشيا خوه ل سهر ڤێ روودانێ ب رێيا تويتهرى دايه زانين.
ئهڤ تهقينه د دهمهكى دايه كو بڕياره ئهحمهد داود ئۆغلۆ سهرۆك وهزيرێن توركيا سهرهدانا ههرێمێ بكهت.
وێنهيێن كريارا تيرۆرستى يا ئهڤرۆ يا ههولێر
تهقينا ههولێر كوشتى و بريندار يێن ههين
ئهڤرۆ نيوز:
ب گۆرهى زانياريێن ئهڤرۆ نيوز، ترۆمبێلهكا تى ئێن تى كرى، ل بهر دهرگههێ پارێزگهها ههولێر تهقيه و ههتا نوكه هژمارا زيانان نههاتيه زانين.
ب گۆرهى پهيامنێرێ ئهڤرۆ نيوز كو يێ نێزيكى روودانێ يه قوربانى ههبووينه ژ كوشتى و برينداران و ئهڤ روودانه ب كريارهكا خوه كوژى بوويه.
ترۆمبێلهكا مارسدس بزاڤ كريه بچيته ناڤ بارهگايێ پارێزگهها ههولێر و پۆليسان ژى رێ نهدايێ و ژ ئهنجامێ وێ چهندێ خوه پهقانديه و د ئهنجامێ وێ چهندێ ژى دا چار كهس يێن هاتينه كوشتن كو دو ژ وان پۆليسن و دو ژى وهلاتيێن سڤيلن.
پارێزگهها ههولێر دكهڤيته سهر جادا 10 مهترى ل سهنتهرێ پارێزگهها ههولێر نێزيكى كهلا ههولێره و رۆژانه قهرهبالغهكا زۆر ل سهر وێ جادێ ههيه.
ئهڤ روودانه د دهمهكى ژى دا كو سوبههى بڕياره سهرۆك وهزيرێ توركيا داود ئوغلۆ سهرهدانا ههرێما كوردستانێ بكهت.
هشيار زێبارى: بهغدا پارێ ههرێمێ مهزاخت
ئهڤرۆ نيوز:
هشيار زێبارى وهزيرێ دارايى ل حوكمهتا عيراقا فيدرال د كۆنگرهكێ رۆژنامهڤانى دا ل بهغدا راگههاند كو ئهڤرۆ حوكمهتا عيراقێ 500 مليۆن دۆلارێن ههرێمێ مهزاختن.
15ى ڤێ ههيڤێ عادل عهبدولمههدى د كۆنگرهكێ رۆژنامهڤانى دا ل دۆر رێكهفتن ل گهل ههرێما كوردستانێ گۆت: “ل سهر وێ چهندێ پێكهاتينه كو حوكمهتا ههرێما كوردستانێ 150 هزار بهرميلێن پهترۆلێ ل ژێر دهستهلاتا حوكمهتا ناڤهندى بهنێريته ژ دهرڤه بهرامبهر وێ ئهم دێ 500 مليۆن دۆلاران بۆ ههرێمێ رهوانه كهن”.
دهێته پێشبينكرن ئهڤرۆ يان سوبههى شاندهك ژ ههرێما كوردستانێ ژى بۆ ڤێ مهرهمێ بچيته بهغدا و دا كو ل سهر گهلهك بابهتێن دژى يێن ژ ڤى رهنگى رێك بكهڤن.
تهقينهك ل ههولێر روودا
حهفتيا بهێت قوتابى ههموو دێ دهوامێ كهن
ئهڤرۆ نيوز، نيوار محهمهد سهليم:
رێڤهبهريا گشتيا پهروهردا پارێزگهها دهۆكێ راگههاند كو نوكه نێزێكى 90 قوتابخانهيان ماينه و ئاواره تێدانه و پتريا وان ژى ل سنورێ قهزا سێمێلێ نه و دهێته چاڤهرێ كرن ههتا حهفتيا بهێت قوتابى ههموو دهوامێ بكهن.
عهبدو يوسف، رێڤهبهرێ گشتيێ پهروهردا پارێزگهها دهۆك بۆ ئهڤرۆ نيوز دياركر كو ژ سهرجهمێ 656 قوتابخانان ل سنورێ پارێزگهها دهۆك، نوكه ب تنێ نێزيكى 90 قوتابخانان ماينه و ژ وان ژى پتر يێن قهزا سێمێلێ نه كو 56 قوتابخانه نه و كهمپا وێرێ ژى ب دووماهى هاتيه دێ ئهو ژى بۆ كهمپێ هێنه ڤهگوهاستن و گۆت: “كهمپا سێمێل ل سهر وهرگرتنا پارێزگارێ دهۆكێ مايه كا دێ ب كێ دهت”.
زێدهتر گۆت: “ل زاخۆ ژى پێنج قوتابخانه مابوون و بڕياره ئهو ژى ئهڤرۆ ههتا سوبههى ب دووماهى بهێن ب گۆرهى ئاخفتنێن رێڤهبهرێ پهروهردا زاخۆ كو دوهى ل دهف من بوو”.
ل دۆر سهنتهرێ پارێزگهها دهۆك ژى عهبد يوسف دا زانين كو ل سهنتهرێ پارێزگهها دهۆك ژى 32 قوتابخانه ل سنورێ ههردو پهروهردێن رۆژههلات و رۆژئاڤا ماينه و گۆت: “ههكه ئهو ب تنێ مان، ئهم دشێين بكهينه دو دهوام و سێ دهوامى، دا كو كێشا قوتابيان چاره كهين”.
نهڤهشارت ژى كو ل دهسپێكێ 656 قوتابخانه بوون، ژ وان ژى 456 ل سنورێ زاخۆ و سێمێل و دهۆك بوون و ئهڤێن دى ژ مێژه كێشا وان هاتيه چارهكرن و گۆت: “پێشبينى دكهين ل حهفتيا بهێت ههموو قوتابى دهست ب دهوامێ بكهن”.
ل دۆر زێدهكرنا ماوێ دهوامێ ل دهۆك، رێڤهبهرێ گشتيێ پهروهردا پارێزگهها دهۆك، گۆت: “وهزيرێ پهروهردێ دهستهلات يێن داينه مه و ههكه مه ب پێدڤى ديت، دشێين ل دووماهيا سالێ ماوهيى زێده كهين و دێ بهێنڤهدانان ژى كێم كهين، قوتابى و مامۆستايان گهلهك بێهنا خوه يا ڤهدايى”.
بهايێ زێر هێشتا بلند بوو
بهايێ دولارى و يۆرۆى هاته خوار
نيشاندان
WP Facebook Auto Publish Powered By : XYZScripts.com