ئه‌ڤرۆ نيوز:

فه‌رماندێ گشتيێ هێزێن به‌در راگه‌هاند: “چو هێزه‌كا كوردى پشكدارى د ئازادكرنا سه‌عديه‌ دا نه‌كريه‌، ئيرانێ ژى رۆله‌كێ سه‌ره‌كى د ئازادكرنا جه‌له‌ولا دا هه‌بوو”.

هادى عامرى، فه‌رماندێ گشتيێ هێزێن به‌در، بۆ رووداو راگه‌هاند كو شارۆچكێ سه‌عديه‌ ب تنێ ژ لايێ حه‌شه‌د شه‌عبى ڤه‌ و ب پشته‌ڤانيا سۆپايێ عيراقێ و پۆليسێن فيدرال ڤه‌ هاتيه‌ رزگاركرن و چو هێزێن پێشمه‌رگه‌ى د ئازادكرنا سه‌عديه‌ دا پشكدارى نه‌كريه‌.

ئاماژه‌ ب وێ چه‌ندێ ژى كر كو سوپايێ ئيرانێ رۆله‌كێ سه‌ره‌كى د هه‌ڤكاريا هێزێن پێشمه‌رگه‌ و سۆپايێ عيراقێ دا هه‌بوويه‌ ژ بوو رزگاركرنا ئه‌وان هه‌ردو باژێران و گۆت: “ئيرانێ هه‌ر بۆ ئازادكرنا سه‌عديه‌ و هه‌ر ژى بۆ جه‌له‌ولا گه‌له‌ك هاريكارى كريه‌ و دڤێت سۆپاسيا وان بكه‌ين”.

گۆتژى: “ئه‌مريكا ياريان بۆ خوه‌ ب مه‌ دكه‌ت و هه‌ڤكاريا مه‌ ناكه‌ت و ب تنێ دره‌وان دكه‌ت، به‌لێ ئيرانێ ل سه‌ر ئه‌ردى هه‌ڤكاريا جدى يا مه‌ يا كرى”.

ژ لايێ خوه‌ ڤه‌ كوسره‌ت ره‌سۆل جێگرێ سكرتێرێ گشتيێ ئێكه‌تى نشتيمانى كوردستان و جێگرێ سه‌رۆكێ هه‌رێما كوردستانێ ل دۆر هێزێن سۆپايێ عيراقێ و حه‌شه‌د شه‌عبى كو ناحيا سه‌عديه‌ رزگار كريه‌ گۆت: “بڕياره‌ دايه‌ د ماوێ 24 ده‌مژمێرێن بهێت چول بكه‌ن”، به‌لێ هادى عامرى ره‌تكر كو داخواز ژ وان كربيت سه‌عديه‌ بۆ پێشمه‌رگه‌ى چۆل بكه‌، به‌لكو رێكه‌فتن هاتيه‌ كرن كو هێزێن هه‌ڤپشك ل گه‌ل زالگه‌هێن هه‌ڤپشك سه‌عديه‌ و جه‌له‌ولا ب پارێزن.

دوهى رۆژا ئێكشه‌مبى رێكه‌فتى 24\11\2014 د هێرشه‌كا به‌رفره‌هـ دا بۆ سه‌ر ناحيێن سه‌عديه‌ و جه‌له‌ولا ده‌سپێكر و پشتى هه‌شت ده‌مژمێران شيان هه‌ردو ناحيان ل ژێر ده‌ستێ داعش بيننه‌ ده‌ر.

ئه‌ڤرۆ نيوز، نيوار محه‌مه‌د سه‌ليم:

ئه‌ڤرۆ ده‌مژمێر 5:00 سپێدێ 24\11\2014 هژماره‌كا چه‌كدارێن داعش هێرش كره‌ سه‌ر به‌ره‌يێن پێشمه‌رگه‌يى ل چيايێ باشيكێ و ژ لايێ پێشمه‌رگه‌يى ڤه‌ هێرشا وان هاته‌ تێكشكاندن و زيانێن مه‌زن گه‌هشتنه‌ داعش.

عسمه‌ت ره‌جه‌ب به‌رپرسێ لقا 20 يا پارتى ديموكراتى كوردستان ل شێخان راگه‌هاند كو هێزێن پێشمه‌رگه‌يى ب دژوارى به‌سڤا هێرشێن چه‌كدارێن داعش ل چيايێ باشيك دايه‌ و 18 چه‌كدار كوشتينه‌ و دو هه‌مه‌ر ژى سوتينه‌ و گۆت: “ب گۆره‌ى زانياريێن مه‌ ئێك ژ وان كه‌سێن هاتينه‌ كوشتن ژى ئه‌ميره‌كێ داعش بوويه‌ زێده‌بارى هنده‌ك كه‌سان كو خودان ناسنامێن بيانى بووينه‌”.

عسمه‌ت ره‌جه‌ب يێ كو ل د هه‌مان ده‌م دا وه‌كو خۆبه‌خش ژى ل وى سنورى كار دكه‌ت راگه‌هاند ژى كو چه‌كدارێن داعش تووشى شكه‌ستنه‌كا مه‌زن هاتينه‌ گۆت: “پێشمه‌رگه‌ى ب وه‌ره‌يه‌كا بلند ڤه‌ به‌رسڤا داعش دا و چو زيان ژ لايێ پێشمه‌رگه‌ى ڤه‌ نه‌بوون”.

به‌رپرسێ لقا شێخان يا پارتى ئاماژه‌ ب وێ چه‌ندێ ژى كر كو باشيك و ئه‌و هه‌موو ده‌ڤه‌رێن كوردستانى يێن دكه‌ڤنه‌ ده‌رڤه‌يى ئيدارا هه‌رێما كوردستانێ ل وى سنورى دێ ژ لايێ وان ڤه‌ هێنه‌ رزگار كرن و گۆت: “نوكه‌ دو تشتێن گه‌له‌ك گرنگ ل ده‌ف مه‌ هه‌نه‌، وه‌ره‌يه‌كا بلند و چه‌كێ گران و د ئاماده‌باشيێ داينه‌ بۆ هێرشكرنێ و چاڤه‌رێ فه‌رمانێ ينه‌ بۆ رزگاركرنا وان ده‌ڤه‌ران”.

ئەڤرۆ، نیوار محەمەد سەلیم:

ئەندامەکێ کۆمەلا جوانێن رەسەن ل ئەلمانیا تایبەت بۆ رۆژناما ئەڤرۆ دیار کر کو گەمیەکا پەنابەرێن نەقانوونی وەرگەڕیا و د ئەنجام دا شەش زارۆیێن کورد گیانێ خوە ژ دەست دا.

سەعید شنگالی خویا ژی کر کو ڤێ گەمیێ ل شەڤا 20\11 ل بەر بوو ژ تورکیا بەر ب وەلاتێ ئیتالیا بچیت و وەرگەڕیا و پشتی دو رۆژان مایە د ناڤ ئاڤێ دا، شەش زارۆیێن کورد گیانێ خوە ژ دەست دا.

شنگالی ئاشکرا ژی کر کو نێزیکی 400 کەسان د گەمیێ دا بوون و دۆرێن 200 کورد بوون و پتریا وان خەلکێ شنگال بوون و ھندەک ژی یێن رۆژئاڤایێ کوردستانێ بوون، ئەڤ گەمیە د بەندەرێ (گیرنە) یێ قوبرسا تورکی دا بوو و پشتی تورکیا ئامادە نەبووی ژ دەریایی دەربێخیت ھێزێن یونان نەفەرێن وێ ژ ئاڤێ دەرخستن.