ئه‌ڤرۆ نیۆز:
ژێده‌ره‌كێ ئێمناهیا باژێرێ شنگالێ راگه‌هاند، ناڤه‌ندا باژێرێ شنگالێ بۆ جارا ئێكێ یه‌ ژ ئالیێ هێزێن ئه‌سمانیا هه‌ڤپه‌یمانان ڤه‌ دهێته‌ توپبارانكرن.
ژێده‌رێ نه‌ڤیاى ناڤێ خوه‌ ئاشكرا بكه‌ت گۆت: باژێرێ شنگالێ هێرشه‌كا ئه‌سمانى هاته‌ هه‌ژاندن و ئارمانجا وێ هێرشا ئه‌سمانى كاروانه‌كێ ترۆمبێلێن بارهه‌لگرێن چه‌كدارێن داعشێ بوویه‌ كو هنده‌ك كه‌لوپه‌ل ڤه‌دگوهاستن، به‌لێ نه‌هایته‌ زانین كا بارێ وان ترۆمبیلان چ بوویه‌.
هه‌روه‌سا ژێده‌رێ ئێمناهیێ گۆت: ئه‌نجامێ هێرشا ئه‌سمانى 2 ترۆمبێلێن بار هه‌لگر و 4 ترۆمبێلێن كو چاڤدێریا كاروانى دكر هاتنه‌ سۆتن و ژناڤبرن ل گه‌ل چه‌كدارێن د وان ترومبێلان دا ژى هاتن كوشتن.

ئه‌ڤرۆ نیۆز، سالار دۆسكى:

رێڤه‌به‌ریا ئه‌وقافا قه‌زا دهۆكێ ب هه‌لكه‌فتا سه‌رێ سالا مشه‌ختى كو دكه‌ڤیته‌ ئێكى موحه‌ره‌مێ ، دیاركر كو ئه‌ڤ ساله‌ چوو بزاڤ و چالاكى نین و بتنێ گۆتارا رۆژا ئه‌ینى هه‌موو گۆتاربێژ هاتبوونه‌ هایداركرن كو به‌حسێ ڤێ چه‌ندێ بكه‌ن.

مه‌لا جیهاد بێسفكى رێڤه‌به‌رێ ئه‌وقافا دهۆكێ هێشت بۆ مالپه‌رێ ئه‌ڤرۆ نیۆز گۆت: ب هه‌لكه‌فتا سه‌رێ سالا مشه‌ختى كو دكه‌ڤیته‌ ئێكى موحه‌ره‌مێ وه‌ك رێڤه‌به‌ریا ئه‌وقافێ چوو رێوره‌سمێن ئاینى نینن و ئه‌ڤه‌ ده‌مه‌كى دا كو سالا بورى چه‌ندین روینشتن ل سه‌ر مشه‌ختبوونا پێغه‌مبه‌رى سلاڤ ل سه‌ربن هاتبوونه‌ گێران.

مه‌لا جیهاد دیاركر ژى كو ژبه‌ر كاودانێن ئابووریێن هه‌رێم تێدا دبۆریت نه‌شێن هه‌ر چو بزاڤا ولاچالاكیان بڤێ هه‌لكه‌فتێ بكه‌ن، له‌وما ئه‌ڤ ساله‌ بتنێ ب رێیا گۆتارێن رۆژا ئه‌ینى ئه‌ڤ بیرهاتنه‌ سا

ئه‌ڤرۆ نیۆز، قائید میرۆ:
مه‌غره‌بیا ئه‌ڤرۆ فڕۆكه‌یێن هه‌ڤپه‌یمانان سه‌نته‌رێ ناحیا زوممار و گوندێن ده‌وروبه‌رێ ناحیێ ب گرانی بۆردۆمانكرن و هه‌تا نوكه‌ زیانێن چه‌كدارێن داعش ب ئه‌گه‌رێ ڤێ بۆردۆمانێ نه‌هاتینه‌ زانین.
حه‌سه‌ن خه‌لو، به‌رپرسێ لیژنا ناوچا زوممار یا پارتی دیموكراتی كوردستان تایبه‌ت ب ئه‌ڤرۆ نیۆز راگه‌هاند، مه‌غره‌بیا ئه‌ڤرۆ فڕۆكه‌یێن شه‌ڕكه‌ر یێن هه‌ڤپه‌یمانا سه‌نته‌رێ ناحیا زوممار و هه‌ردو گوندێن( گرڤرو گر گاڤر) كو باره‌گایێن سه‌ره‌كیێن چه‌كدارێن داعش تێدانه‌ بۆردۆمانكرن و تنێ ل سه‌نته‌رێ ناحیا زۆمار فڕۆكه‌یێن هه‌ڤپه‌یمانان حه‌فت بۆمبێن مه‌زن به‌ردانه‌ سه‌ر چه‌كدارێن داعش.
خه‌لوی گوتژی” ده‌مه‌كێ كێم به‌ری نوكه‌ بۆردۆمان هاته‌ راگرتن و زیانێن چه‌كدارێن داعش نه‌هاتینه‌ زانین، به‌لێ بێگومان زیان هه‌بووینه‌، چونكو هه‌ردو گوندێن گرڤر و گر گاڤر باره‌گایێن وان یێن سه‌ره‌كی بووینه‌.

ئه‌ڤرۆ نیۆز:
خه‌له‌ف مه‌موى بۆ ئاژانسا فرانس قرێس راگه‌هاند، شێخه‌كێ كوردێن ئێزدى د شه‌رێ چیایێ شنگالێ دا هاته‌ كوشتن، هه‌روه‌سا مه‌موى خوه‌یاكر، شێخ خه‌یرى ئێك ژ شێخێن كوردێن ئێزدى یه‌ كو ل وه‌لاتێ ئه‌لمانیا ئاكنجى یه‌ن لێ پشتێ هێرشێن داعشێ ل سه‌ر شنگالێ ڤه‌گه‌ریایه‌ بۆ به‌ره‌ڤانیكرنا ژ ئاخا وه‌لاتى.
خه‌له‌ف مه‌موى گۆت: ره‌وشا مرۆڤایه‌تێ ل چیایێ شنگالێ گه‌له‌ك یا ب زحمه‌ته‌ چونكى ئازوقێ خوارنێ به‌ر ب نه‌مانێ ڤه‌ دچیت، زێده‌بارى دور بوونا د ناڤبه‌را جێهێن ئاكنجى بوونا ئاوه‌ران دا و نه‌مانا سه‌ته‌منیا ترۆمبیلان بۆ هاتن چونێ ل چیایێ شنگالێ.
خه‌له‌ف مه‌موى ئاشكراكر، هژمارا چه‌كدارێن ئێزدى و پێشمه‌رگه‌ى ل چیایێ شنگالێ نێزیكى 1200 پێشمه‌رگه‌ یه‌ ل هه‌موو ده‌روه‌ازه‌یێن چیایێ شنگالێ هاتینه‌ به‌لاڤكرن بۆ هندێ داعشى ب سه‌ر چیایى نه‌كه‌ڤن و جهێن پیرۆزێن و خێزانێن ئێزدیان بهێنه‌ پاراستن.