ئەڤرۆ نیوز:
رێڤەبەریا پاسپورتان ل دھۆکێ داخوازێ ژ وان وەلاتیان دكەت یێن ناڤێن وان د لیستا خوارێ دا هاتین سەرەدانا رێڤەبەریا ناڤبری بكەن ل پشکا بەلاڤكرنا پاسپورتان ژبو وەرگرتنا پاسپورتێن خو بزیترین دەم.
نووترين نووچه
- مەبەستا وان ئەوە مووچە و قووتێ وەلاتییێن هەرێما كوردستانێ ببڕن
- چالاكییێن مەسرور بارزانی پرسێن كوردستانێ د ئێخیتە سەر نەخشەیێ گرنگیپێدانا نێڤدەولەتی
- پشكا رەوشەنبیری و راگەهاندنا پارتی دیدارا كاریگەرییا ئەدەبێ زارەكی ل سەر مۆزیكا كوردی سازكر
- خەلكێ شنگالێ ژ قانوونا لێبۆرینا گشتی د رازی نینن
- سەرۆك بارزانی: گەلێ كورد دێ هەر گەهیتە سەربخوەییێ
- نێچیرڤان بارزانی و تۆبیاس لیندنەر دوماهی پێشهاتێن ئیراقێ و سووریێ گەنگەشەكرن
- پێدڤییە هەرێما كوردستانێ د رێككەفتنێن ئیراقێ و بریتیش پێتڕۆلیۆمدا پشكدار بیت
- مەسرور بارزانی ل داڤۆسێ چەندین دیدارێن گرنگ ئەنجامدان
- فازل میرانی سەرەدانا خەباتكەران دكەت
- بۆ چارەسەركرنا كێشەیا مۆچەیان هەرێمێ دو پێشنیاز بۆ بەغدا یێن هەین
سهرهكى نوچێن گرنگ
بەرپرسەکێ پارتی: نوکە ئەم دگەل ئەنجامدانا ھەلبژارتنێن جڤاتێن پارێزگەھان نینین
ئەڤرۆ نیوز، قائید میرۆ:
پێشنیار ھاتیەکرن دەمێ کارکرنا جڤاتێن پارێزگەھان بۆ دەمێ دو سالان بھێتە درێژکرن و بەرپرسەکێ پارتی ژی دبێژیت، ئەم ب باشی نابینین ھەلبژارتن د ڤی دەمی دا بھێنە ئەنجامدان.
کەنعان خەیلانی، سەرۆکێ فڕاکسیۆنا پارتی ل جڤاتا پارێزگەھا ھەولێرێ بۆ ئەڤرۆ نیوز دیار کر کو ھەر سێ جڤاتێن پارێزگەھان ل ھەرێما کوردستانێ ب نڤیسارەکا فەرمی داخوازا چارەکرنا پرسا جڤاتێن پارێزگەھان کریە، ژ بەر کو دەمێ وان یێ قانوونی تەمام بوویە و ھەلبژارتن ژی نەھاتینە ئەنجامدان، لەوڕا وان داخوازکریە دەمێ جڤاتێن پارێزگەھان بھێتە درێژکرن و رۆژا ھەلبژارتنان بھێتە دیارکرن.
ناڤھاتی ئاماژە دا وێ چەندێ کو کاودانێن نوکە بۆ ئەنجامدانا ھەلبژارتنان د گونجای نینن، چونکی دو ھەلبژارتن ھاتینە ب رێڤەبرن و وان پێشنیارکریە پشتی دو سالێن دی ھەلبژارتنێن جڤاتێن پارێزگەھان بھێنە ئەنجامدان و پەرلەمان و سەرۆکاتیا جڤاتا وەزیران دێ بڕیارا دوماھیێ بدەن.
كه‌شناسى: به‌فر و باران پترى هه‌موو پارێزگه‌هان دێ ل دهۆكێ بارن
ئه‌ڤرۆ نيوز:
رێڤەبەریا گشتیا کەشناسی و بیڤەلەرزێ ل ھەرێما کوردستانێ راگەھاند کو سوبەھی رۆژا دوشه‌مبى رێکەفتی 24ى كانوونا ئێكێ 2018ێ ئه‌سمان دێ باران بيت و ب دژوارى ژى ل هنده‌ك ده‌مان باريت و ل ده‌ڤه‌رێن بلند و چياى ژى به‌فر دێ باريت.
پشکا پێشبینیان ل رێڤەبەریا گشتیا کەشناسی و بیڤەلەرزێ ل ھەرێما کوردستانێ د نڤیسارەکێ دا کو دانەک بۆ ئەڤرۆ نیوز رەوانە کرینە راگەھاند کو ژ ئه‌نجامێ فشارێن نزمێن ده‌ريا ناڤه‌راست و فشارێن نزمێن وه‌لاتێ توركيا دھێتە پێشبینیکرن باران بيت و ب دژوارى ژى ل هنده‌ك ده‌مان باريت و ل ده‌ڤه‌رێن بلند و چياى ژى به‌فر دێ باريت.
پشکا پێشبینیان دایە زایە زانین کو دێ ئله‌زاتيا بايى د ناڤبەرا 5 ھەتا 15کم دا و ماوێ دیتنێ ژی دێ د ناڤبه‌را 8 بۆ 9كم دا بیت، پلێن گەرمێ ژی دێ د ناڤبەرا 5 بۆ 15 پلان دا بن.
ئاماژه ب وێ چه‌ندێ ژى كريه كو ئه‌و پێشبينى دكه‌ن ل پارێزگه‌ها دهۆكێ زێده‌ترين رێژا به‌فر و بارانێ لێ بباريت ل چاڤ ده‌ڤه‌رێن دى يێن هه‌رێما كوردستانێ و پلێن گه‌رمێ ژى دێ هێنه خوار و رۆژا ب دووڤ دا كارتێكرنا ڤێ فشارێ دێ ب دووماهى هێت.
جڤاتا نوونه‌ران دخوازيت به‌رى سه‌رێ سالێ پرسا بوودجێ و كابينا عه‌بدولمه‌هدى ب دووماهى بينيت
ئه‌ڤرۆ نيوز:
ئه‌ڤرۆ جڤاتا نوونه‌رێن عيراقێ دێ كۆم بيت و دێ بزاڤێ كه‌ت د ڤان دو رۆژان دا، كابينا نوو يا حوكمه‌تێ ته‌مام بكه‌ت و ده‌نگى ل سه‌ر بده‌ت.
ب گۆره‌ى وى به‌رنامێ ل مالپه‌رێ جڤاتا نوونه‌رێن عيراقێ هاتيه به‌لاڤكرن، جڤاتا نوونه‌رێن عيراقێ ئه‌ڤرۆ دێ گه‌نگه‌شێ ل سه‌ر هه‌لبژارتنێن جڤاتێن پارێزگه‌هان و چه‌ند پرسه‌كێن دى كه‌ت.
ئه‌ندامه‌كێ جڤاتا نوونه‌رێن عيراقێ ل سه‌ر فراكسيۆنا پارتى ديموكراتى كوردستان راگه‌هاند كو د ڤان دو رۆژان دا، دو پرسێن گرنگ يێن هه‌ين بهێنه به‌حسكرن كو ئه‌و ژى پرسا بوودجێ و ته‌مامكرنا كابينا نوو يا حوكمه‌تا عه‌بدولمه‌هدى نه.
د. ديار ته‌يب بۆ ئه‌ڤرۆ نيوز گۆت: “هه‌ر چه‌نده ئه‌ڤ هه‌ردو پرسه د ناڤ كارنامێ ئه‌ڤرۆ دا نينن و باوه‌ر ناكه‌م سوبه‌هى ژى بچنه د ناڤ به‌رنامێ كارى دا، ژ به‌ر كو هه‌تا نها چو رێكه‌فتنێن سياسى نه‌هاتينه كرن، به‌لێ تشته‌ك ژى يێ دوور نينه ل عيراقێ و ده‌باره‌ى بوودجێ ژى تێبينيێن لژنا دارايى ل سه‌ر ب دووماهى نه‌هاتينه، به‌لێ دبيت گڤاشتن ل سه‌ر لژنێ ژى بهێته كرن هه‌تا سوبه‌هى تێبينيێن خوه ب دووماهى بينن و بێخنه ناڤ به‌رنامێ كارى”.
ئه‌ندامێ جڤاتا نوونه‌رێن عيراقێ ئاشكه‌را ژى كر كو جڤاتا نوونه‌ران نه‌ڤێت ژيێ خوه درێژ بكه‌ت و دڤێت ڤان هه‌ردو پرسان چاره بكه‌ت، ژ به‌ر هندێ ژى پێشبينى دهێته‌كرن گڤاشتن ل سه‌ر لژنا دارايى بهێته كرن دا كو كارێ خوه ب دووماهى بينيت، هه‌كه ئه‌ڤه نه‌هاته كرن ژى دبيت د حه‌فتيا ئێكێ يان دويێ يا پشتى سه‌رێ سالێ بوودجه بكه‌ڤيته به‌ر ده‌نگدانێ.
ئه‌ڤرۆ و سوبه‌هى ئه‌ڤ جهه دێ مووچه‌ى وه‌رگرن
ئه‌ڤرۆ نيوز:
ب گۆره‌يى پێزانينێن ل به‌ر ده‌ست ئه‌ڤرۆ نيوز ژ ژێده‌ره‌كى ژ وه‌زاره‌تا دارايى و ئابوورى يا حوكمه‌تا هه‌رێما كوردستانێ راگه‌هاند كو بڕياره ئه‌ڤرۆ رۆژا ئێكشه‌مبى 23ى كانوونا ئێكێ 2018 دێ مووچێ خانه‌نشينێن له‌شكرى هێته به‌لاڤكرن و پاشان ژى 24ى كانوونا ئێكێ 2018 دێ مووچێ خانه‌نشينێن مه‌ده‌نى هێته به‌لاڤكرن
فه‌رمانده‌كێ پێشمه‌رگه‌ى: توپبارانكرنا داعشێ ل مه‌خموور يا به‌رده‌وامه
ئه‌ڤرۆنيوز:
فه‌رمانده‌كێ هێزا پێشمه‌رگه‌ى ل سنوورێ مه‌خموور راگه‌هاند، ده‌مێ سێ رۆژانه توبخانا ئه‌مريكى ل مه‌خموور بنگه‌هێن داعشێ ل چيايێ قه‌ره‌چووخ توپباران دكه‌ت، به‌لێ هه‌تا ئۆپه‌راسيۆنه‌ك نه‌هێته ئه‌نجامدان داعش ناهێته ژناڤبرن ل وێ ده‌ڤه‌رێ.
يادگار ئه‌حمه‌د، فه‌رماندێ هێزا پێشمه‌رگه‌ى ل مه‌خموور گۆت” ده‌مێ سێ رۆژانه توبخانه وفرۆكێن ئه‌مريكى ب به‌رده‌وامى ل چيايێ قه‌ره‌چووخ داعشێ توپباران دكه‌ن وزيانێن مه‌زن يێن گه‌هاندينێ”.
ناڤبرى دداخۆيانيه‌كێ دا بۆ مالپه‌رێ فه‌رمى يا پارتى گۆت ژى” نێزيكى 400 چه‌كدارێن داعشێ يێن ل چيايێ قه‌ره‌چووخ وگه‌له‌ك تونێل ل وى چياى كۆلاينه، له‌وما ب تنێ ب توپبارانكرنێ ناهێنه ژناڤبرن وپێدڤيه ئۆپه‌راسيۆنه‌كا ئه‌ردى بهێته ئه‌نجامدان تاكو بهێنه ژناڤبرن”.
دياركر ژى” هێزێن ئه‌مريكه هه‌ست ب مه‌ترسيا داعشێ كريه، له‌وما به‌رده‌وام وان توپباران دكه‌ن”.
د. سۆزان ئامێدى:دڤێت كوردان ب رەنگەكێ بەردەوام پێگوهۆرێ ئەمریكا هەبیت
ئەڤرۆنيوز، زنار تۆڤی:
د. سۆزان ئامێدی مامۆستا زانستێن سیاسی ل زانكۆیا دهۆكێ بۆ ئەڤرۆ نیوز دیاركر: ل جیهانێ چو دەولەت نینن ل دووڤ بەرژەوەندیا خوە نەچن، لێ د بەرژەوەندیێن وان دەولەتان دا هندەك روودان چێدبن، كو كارتێكرنا وان دبنە ئەرێنی و نەرێنی، هەروەسا ئاستێ سیاسی و ئاستێ ئەرێنی و نەرێنی یێ وان روودانان دمینیتە ل سەر خواندنا دروست، بۆ وان پێنگاڤ و بەرژەوەندی و بریارێن هاتینە دانان، لەوما یا گرنگە كو دیراسەت بۆ وان هەموو پێنگاڤان بهێتە كرن، ژ روویێ ئابووری و سیاسی ڤە، هەروەسا ئەڤ چەندە دمینیت ل سەر ئاستێ وێ دەولەتێ یان شیانێن وێ دەولەتێ، كانێ هەتا كیژ رادەی هێزا وێ یا سیاسی و ئابووری، هەروەسا ئاست و جهێ وێ دناڤبەرا هەموو دەولەتان دا چەندە.
ناڤهاتیێ گۆت ژی: دەمێ ئەمریكا ڤیای ڤێ پێنگاڤێ بهاڤێژیت و ب بریارا ترەمپی هێزێن خوە ژ سووریێ ڤەكێشیت، پرانیا خەلكێ جیهانێ ئەڤ پێنگاڤە ب پێنگاڤەكا خراب ل قەلەم دایە، ب تنێ ئەو دەولەت نەبن، یێن كو بەرژەوەندیێن وان دڤێ پێنگاڤێ دا، كو ئەو ژی ئیران و رووسیا و توركیا نە، وان دیت ئەڤ پێنگاڤا ترەمپی د بەرژەوەندیا وان دانە، لێ هندەك جهێن بەرپرس یێن كۆچكا سپی خوە ل سەر ڤی بابەتی نەرازی كریە و دیسا وەزیرێ بەرگریێ ژی دەست ژ كاركێشیایە، لەوما پرسیار ل ڤێرێ ئەوە، ئەرێ مادەم هەموو ل دژی ڤێ پێنگاڤا ترەمپی نە و ئەڤە نە د بەرژەوەندیا گەلەك وەلاتێن جیهانی دایە، لێ بەرژەوەندیا ئەمریكا ژ ڤێ بریارێ چیە؟، ئەرێ ئەڤ بریارە ژبەر هەلبژاتنێن بهێن یێن ئەمریكایە، ژ پێخەمەت ترەمپ سەرنجا خەلكێ ئەمریكا بۆ خوە رابكێشیت، یان ژی وی سیاسەتەكا دیتر هەیە، كو بكەتە سۆپرایزەك بۆ هەموو خەلكێ جیهانێ، وەكو ڤێ بریارا ڤەكێشانا هێزێن خوە ژ سووریێ.
سۆزان ئامێدی دياركر: سەرۆكێ ئەمریكا كەسايه‌تیەكا بازرگانیە و نە كەسەكێ ئەكادیمی سیاسی یە، لەوما وی دڤێت ئاریشا دروست بكەت، داكو پشتی هنگێ بهێت مامەلێ ل گەل وان ئالیان بكەت، ب مەرەما بەرژەوەندیێن خوە یێن بەرتەنگ یێن مادی، هەروەسا ئەو هزر ل مرۆڤایەتیێ ناكەت و دیسا هزرێ ل ئێمناهیا خەلكێ دیتر ژی ناكەت و ب تنێ چاڤێ وی ل بەرژەوەندیا وی یا ئابووری یە، بۆ وی خەلكێ دیتر گرنگ نینە، ب تایبەتی ئەو مللەتێن خودان كیانێن بچووك، وەكو مللەتێ كورد ل رۆژئاڤا، كو هەڤپەیمانێن ئەمریكا بوون، ل شەرێ دژی داعش، دیسا كورد ژی وەسا تێگەهشتبوون، كو دێ ئەمریكا پشتەڤانیێ ل وان كەت و چو جاران وان ناهێلیتە ب تنێ، لێ ترەمپی ب ڤێ پێنگاڤێ كارتێكرنەكا مەزن ل كوردان كریە، هەر چەندە سیاسەت هاتیە نیاسین ب هونەرێ چارەكرنا ئاریشان، لێ ئەڤ جۆرێ سیاسەتێ یێ دوورە ژ رەوشتێ مرۆڤان، لەوما ب تنێ وی ل سەر بەرژەوەندا مادی ئەڤ بریارە دایە، هەر چەندە گەلەك دەولەت هەنە، كو ل هەمبەری ڤێ سیاسەتێ راوەستن و شیانێن هندێ هەنە، لێ كوردان ئەو شیان نینن، كو هەمبەری ڤێ پێنگاڤێ راوەستن، لەوما ئەم نەشێن بەرژەوەندیێن دەولەتی “تەقدیر” بكەین لدووڤ بەرژەوەندیێن كوردەواری، بەلێ دڤێت ئەم بزانین كانێ دێ چاوا بەرژەوەندیێن خوە ” تەرتیب” كەین، ل گەل بەرژەوەندیێن دەولەتان، ژ پێخەمەت ئەم ژی خوە ب گونجینین ل گەل وی دۆخی.
هێشتا دبێژیت: ل ڤێرێ شاشى هەموو بۆ ترامپی ڤەناگەریت، لێ شاشى بۆ وان دەولەتانە یێن كو پشت بەستنێ ل سەر ئەمریكا دكەن و هزر ناكەن، هەكە ئەمریكا وان بهێلیتن وان چو پێ گوهۆرەكێ دیتر هەیە، دێ كی وێ بۆشایێ پركەت، هەر چەندە كوردان ل رۆژئاڤا گەلەك پشتا خوە ب ئەمریكا گەرم دكر، هەروەسا چەندین وەلاتێن دیتر ژی ل كەنداڤی پشتا خوە ب ئەریكا گەرم كریە، ل هەمبەری ئیرانێ و رووسیا، لەوما دڤێت كوردان ب رەنگەكێ بەردەوام پێ گوهۆرێ ئەمریكا هەبیت، هەروەسا باشترە كورد خوە نێزیكی فرەنسا بكەن، چونكی د نوكە دا فرەنسا ب رەنگەكێ باش پشتەڤانیێ ل كوردان دكەت و وێ دیاركریە كو دڤێت چارەسەریا ئاریشێن كوردان بهێتە كرن، دیسا دڤێت كورد ئێكبگرن و ڤێ بریارا ترەمپی ئەو چەندە دیاركریە، كو كوردان چو هەڤال نینن و ب تنێ دڤێت ئەو د ئێكگرتی بن، هەروەسا ل هەرێما كوردستانێ ژی پێدڤیە چاكسازی د وراێ سیاسی و ئابووری دا بهێتە كرن، چونكی بەری نوكە ژی ئەمریكا چاڤێن خوە نقاندینە، دەمێ كو لەشكرێ عیراقێ و حەشدا شەعبی هێرشی سەر كوردستانێ كری و كەركووك و چەندین دەڤەرێن دیتر داگیركرین.
برێت مه‌كگۆرك ده‌ست ژ كارێ خوه كێشا
سوباهی دادگەه دێ بریارا دووماهیێ ل دۆر سەرۆکێ بەروەخت یێ پەرلەمانی دەت
ئەڤرۆ نیوز، هۆشەنگ تاجر:
رێڤنگ هرۆری سەرۆکێ بەروەخت یێ پەرلەمانێ کوردستانێ تایبەت بۆ ئەڤرۆ نیوز دیار کر کو ئەز وەکو کەسێ دانعەمر یێ پەرلەمانێ کوردستانێ بوومە سەرۆکێ بەروەخت و ئەو یەک ژی قانوونی یە، ل گۆر پەیرەوا پەرلەمانی ژی دەستپێکێ سەرۆکێ بەروەخت دێ سووندا قانوونی خووت و پاشی ژی ئەندامێن دی و وەسا ژی هاتە کرن و گۆت: (پشتی سووندخوارنێ پێدڤی بوو دەستەیا سەرۆکاتیا پەرلەمانی بهێتە هەلبژارتن و دەمێ کۆمبوونێ ژی نەهاتیە دەستنیشانکرن).
ناڤبری هەروەسا دیار کر کو د کۆمبوونا ئێکێ دا چو ئالیێن سیاسی بەربژار بۆ سەرۆکاتیا پەرلەمانی نەبوون، ژ بەر هندێ ژی هەموو فراکسیۆنێن ناڤ پەرلەمانێ کوردستانێ ژ بلی کومەل و نەوەی نوێ داخواز کرن کو کۆمبوون یا ڤەکری بیت هەتا ئالیێن سیاسی دگەهنە رێککەفتنەکێ بۆ دەستنیشانکرنا دەستەیا سەرۆکاتیا پەرلەمانی و ئەو یەک ب دەنگێ پرانیا ئەندامێن پەرلەمانی ژی هاتە قەبوول کرن و گۆت: (هەر پێشنیازەک ژی ب دەنگێ هەموو ئەندامێن پەرلەمانی بهێتە قەبوول کرن رەنگێ فەرمیبوونێ بخوە ڤە دگریت).
سەرۆکێ بەروەخت یێ پەرلەمانێ کوردستانێ هەروەسا دیار کر کو پاشی نەوەی نوێ ل دادگەها ئیداری یا پارێزگەها هەولیرێ سکالا ل سەر من تۆمار کرینە و تێدا دیار کرینە کو من ب زانەبوون کۆمبوون یا ڤەکری هێلایە و من قانوون بنپێ کریە و گۆت: (بریارە سپێدێ دادگەه ل دۆر ڤی بابەتی بریارەکێ بدەت).
سەرۆکێ بەروەخت یێ پەرلەمانێ کوردستانێ هەروەسا راگەهاند کو ئەز داخواز ژ سازی و دەزگەهێن میری و زانکۆیان و هەموو وەلاتیێن کوردستانێ و ب تایبەتی ژی یێن پارێزگەها دهۆکێ دکەم کو هەر پێشنیاز و داخوازیەک هەبن بگەهیننە ئۆفیسێن مە، ئۆفیسێن مە هەموو گاڤان ڤەکرینە دا ئەو پێشنیاز بگەهنە بەر دەستێ لیژنێن پەرلەمانی کو ١٥ لیژنە نە و گۆت: (مەرەما مە ژی ئەڤە دا داخوازیێن وەلاتیان ببنە پشکەک ژ بەرنامێن لیژنێن پەرلەمانی دا پتر خزمەتا کەسوکارێن شەهیدان و هەموو خەلکێ کوردستانێ بهێتە کرن).
فرۆکێن تورکیا دەڤەرا زێبارێ بوردومان دکەن
ئەڤرۆ نیوز، نەوزاد ھلۆری:
شەڤا بوری تا سپێدەھیا ئەڤرۆ ژ لایێ دو فرۆکێن تورکیا ب دژواری دەڤەرا زێبارێ ھاتە بوردومانکرن، ژبەرکو ئەو دەڤەر بەری نوکە ھاتیە چولکرن ھەتا نوکە زیانێن وێ بوردومانێ نەھاتینە زانین، ھەتا بەرھەڤکرنا ئەڤی نووچەیی ژی زڤرینا فروکەیان بۆ دەڤەرا زێبارێ بەردەوامە.
مێھرەڤان کادانی، وەلاتیەکێ دەڤەرا زێبارێ یە دیارکر کو شەڤا بوری ھەتا سپێدەھیا ئەڤرۆ گوندەوارێن وان ژلایێ فروکێن تورکیا ھاتیە بوردومانکرن و بۆ ئەڤرۆ نیوز گۆت: (ئەو دەڤەر و گوندێن کو ھاتینە بوردومانکرن پێکدھێن ژ گوندێن نپاخ و چاربوت و زنجیرە چیایێ گارە، بەلێ ژبەرکو بەری نوکە ئەو گوند ژ بەر مەترسیا بوردومانا فروکەیان و شەری ھاتینە چولکرن، ھەتا نوکە چوو زانیاری لسەر زیانێن بوردومانێ ناھێنە زانین).
زێدەتر گۆت: (پشکەک ژ خەلکێ وان گوندان ب مەرەما کاری و خودانکرنا تەرش و کەوالی دچنە سەر گوندێن خوە، بەلێ ژبەر مەترسیا بوردومانێ، خوە ل وان جھان دویرکریە).
بوردومانا فروکێن تورکیا ددەمەکێ دایە کو چەند روژێن بوری گوندێ کادانا ژبەر بەردەوامبوونا بوردومانێن تورکیا ب ئێکجاری ھاتە چولکرن و خەلکێ وێ ئاوارەیێ دینارتە و دەوروبەران بوون.
نيشاندان
WP Facebook Auto Publish Powered By : XYZScripts.com