بەرانبەری هێرشا سەر كێلگەها گازا كۆرمۆر، وەلاتێ فەرەنسا هەڤسۆزی و پشتەڤانیا خوە بۆ هەرێما كوردستانێ دەربڕی.
بالێوزخانەیا فەرەنسا ل ئیراقێ ڕاگەهاندەك بەلاڤكر، وتێدا گۆت: فەرەنسا ب توندی وێ هێرشا ل رۆژا ئەینیا بۆری ل سەر كێلگەها گازا كۆرمۆر ل هەرێما كوردستانێ شەرمزار دكەت، كو چەندین قوربانیێن سڤیل و زیانێن مەزن یێن ماددی گەهاندینە وێ كێلگەهێ.
ئەو هێرشا ب فرۆكێن بێ فڕوكەڤان هاتیە ئەنجامدان، هەتا نوكە چو لایەنەكی بەرپرسیا خوە دوێ هێرشی دا نە ڕاگەهاندیە، حكومەتا هەرێما كوردستانێ ئەو هێرش ب هێرشەكا تیرۆرستی ب ناڤبریە، و حكومەتا فیدرالا ئیراقێ لیژنەیەكا ڤەكۆلینێ بۆ ڤی بابەتێ هاتیە راسپاردن.
بالێوزخانەیا فەرەنسا دبێژیت، فەرەنسا هەڤسۆزییا خوە بۆ حكومەتا هەرێما كوردستانێ دەردبڕیت، و داكوكیێ ل رێزگرتنا و ل سەلامەتیا ژێرخانا وزا هەرێما كوردستانێ دكەت، كو هەموو خەلكێ ئیراقێ یێ مفادارە ژ بەرهەمێ وێ كێلگەهێ.
هەروەسا وەلاتێن ئەورۆپا ژی پشتەڤانیا خوە بۆ بزاڤێن حكومەتا ئیراقێ و حكومەتا هەرێما كوردستانێ سەبارەت سەقامگیری و سەربخوەیا سەروەریا ئیراقێ دووپاتكر.
پرۆژێ گازا كوردستانێ ل سالا 2007 هاتیە دروستكرن، وی دەمی كۆمپانیا دانەگاز یا ئیماراتی گرێبەستێن وەبەرهێنانێ ل گەل حكومەتا هەرێما كوردستانێ ئیمزا كرن، داكو كاری ل هەر دو ویستگەهێن كۆرمۆر و چەچمەمال ل هەرێما كوردستانێ دا بكەت، پشتی بۆرینا 15 هەیڤان ل سەر پرۆژەیێ ناڤبری و ل چریا ئێكێ یا سالا 2008 بەرهەمێ گازا كۆرمۆر دەستپێكر د ویستگەهەكێ دا كو هشنی هاتیە دروستكرن، ل گۆڕ گۆتنێن كۆمپانیا دانەگاز یا ئیمارتی نوكە رۆژنە (452) ملیۆن پێ سێ جار گازێ بەرهەم دئینیتن.
فەرەنسا هەڤسۆزی و پشتەڤانیا خوە بۆ هەرێما كوردستانێ دوپاتكر
نيشاندان