ئەڤرۆ نیوز:
ستێرا ھێلا بەرەڤانیا یانا ریال مەدرید و کابتنێ وێ سێرجیو راموس پشتی یاریا شڤێدی ب دووماھی ھاتی کەیفخوشحالیا خوە دیارکر بوو وێ سەرکەفتنێ و دیارکر ئەو ھەژی وێ سەرکەفتنێ بوون .
زێدەتر کابتنێ یانا مەلەکی بۆ مالپەرێ ئەلکترونی یێ ئاس یێ ئیسپانی دیارکری یە د ماوێ پێنج ھەیڤانە و ھەر ل گەل ھاتنا راھێنەرێ وان یێ نوو زێدان تیما ئەوان گوھورینەکا مەزن لێ پەیدابووی یە و وەکو خێزانەک یاریێ کەن و ئەو دبینت جەماوەرێ یانێ و یانا ریال مەدرید ھەژی دەربازبوونێ بوون بۆ یاریا دووماھیا قارەمانیێ و ئەگەر یاریا مانچستەر سیتی ل دەستپێکا وەرزی با و بەری یاریێ پرسیار ژ ئەوی ھاتبا کرن شیان دا ھەیە ریال سەرکەفتنێ ل سەر مانچستەر سیتی توماربکەت بێ گومان دا دیارکەم نە ژبەرکو تیما ئەوان ئاستێ وێ دەستپێکێ یێ لاواز بوو.
ل دووماھیێ سەبارەت یاریا دووماھیا قارەمانیێ راموس دیارکر د شیان دا ھەیە ئەو بشێن سەرکەفتنێ توماربکەن و ئەڤە جارا دوێ یە دو سالان دا دێ یاریا دووماھیێ ل گەل ئەتلەتیکو تومارکەن و دووماھی جار بەری سێ سالان ئەو شیابوون سەرکەفتنێ توماربکەن و ئەڤ جارە ژی ئەو دێ شێن وێ سەرکەفتنێ دوبارە کەن ل سەر ھەڤرکا خوە یانا ئەتلەتیکو مەدرید.

ئەڤرۆ نیوز:
بریارە ئەڤرۆ یاریێن گەرا پێنجێ ژ خولا بژارە یا عیراقێ یا تەپا پێ بھێنەکرن و د گرنگترین یاریا ڤێ حەفتیێ دا نەفت وەست ھەلگرا ناسناڤێ وەرزێ بوری و سەرکێشا خولێ دێ ل یاریگەھا خوە ل باژێرێ نەجەف مێڤانداریا خودانا رێزا دوێ یانا زەورا کەت کو ئەڤ یاریا دێ ھەڤرکیەکا دژوار دناڤبەرا ھەردو تیمان دا ھێتەکرن کو سەرکەفتی ڤێ دبیت ھەتا رادەکێ رێیا خوە خوش بکەت بۆ برنا ناسناڤێ وەرزێ ئەڤ سالە کو نەفت ل رێزا ئێکێ دھێت ب ١١ خالان و زەورا رێزا دوێ دھێت ب ٨ خالان.
تیما نەفت وەست ئەوا ل وەرزێ بوری بۆ جارا ئێکێ د مێژویا خوە دا دەربازی خولا پلا نایاب بووی و شیای د پشکداریا خوە یا ئێکێ دا ناسناڤێ خولا عیراقێ ب دەستخوڤە بینت، دێ بزاڤێ کەت بۆ سەرکەفتنێ و جوداھیێ دناڤبەرا خوە و ھەڤرکیێن خوە زێدەتر لێ بکەت کو چاڤدێرێن وەرزشی وەسا دیارکەن ب سەرکەفتنا سوباھی ھەتارادەیەکێ مەزن نەفت وەست دێ ناسناڤێ خولێ جارەکا دی ڤەگەرینتە باژێرێ نەجەف، بەرامبەر تیما زەورا  خودانا ١٢ ناسناڤێن خولێ دێ ھەمی شیانێن خوە تەرخان کەت بۆ سەرکەفتنێ و برنا ناسناڤێ خولێ کو دووماھی جار شیابوو ناسناڤی ب دەستخوڤە بینت ل وەرزێ ٢٠١٠-٢٠١١ بوو .