ئه‌ڤرۆ نيوز:
پيبى به‌رگريكارێ يانا ريال مه‌دريد د ديداره‌كێ دا ل گه‌ل كه‌نالێ سكاى سبورتس راگه‌هاند كو زێنه‌دين زێدان راهێنه‌رێ ريال مه‌دريد چو تشته‌كێ ئيهمال ناكه‌ت هه‌كه چه‌ند يێ بچووك ژى بيت و گۆت: ئه‌م گه‌له‌ك ب ساناهى ژ په‌ياما وى دگه‌هين و دشێن ل مه‌يدانا ته‌پا پێ بجهـ بينين، ئه‌ز د وێ باوه‌رێ دامه ريال دشێت چه‌ندين سالان ل گه‌ل ڤێ راهێنه‌رى بگونجيت.
ئه‌ڤرۆ نيوز:
رێناس جانو په‌رله‌مانتارێ كورد ل په‌رله‌مانێ عيراقێ د په‌يجێ خوه يێ فێسبوكێ دا دياركريه كو ئه‌و هه‌موو ب سلامه‌تن و دياركريه كو ئه‌و ل سه‌ر فه‌رمانا نێچيرڤان بارزانى سه‌رۆكێ حوكمه‌تا هه‌رێما كوردستانێ، ژ فرۆكخانه‌يا به‌غدا به‌ره‌ڤ فرۆكخانا هه‌ولێر برێكه‌فتى نه كو هژماره‌كا زور يا په‌رله‌مانتارێن كورد ژ هه‌موو فراكسيونان تێدانه.
ئه‌ڤرۆ نيوز:
وه‌زيرێ ئابوورى يێ توركيا مستەفا ئەلیتاش د چارچوڤێ سه‌ره‌دانا خوه دا بۆ وانێ ، راگه‌هاند كو ژ كانوونا دوێ يا ئه‌ڤ ساله 22% هنارتنا به‌رهه‌مێن توركيا يێن كێم كرى و كارتێكرن ل بازرگانيا توركيا كرى ب تايبه‌ت پشتى داخستنا گومركا ئيبراهيم خه‌ليل و نێزيكى ئێك مليار دولار زيان گه‌هشتينه توركيا.
ئه‌ڤرۆ نيوز: زه‌رى:
زانايان ئاشكرا كريه كو ئێك ده‌قا ياريا لێدانا پايده‌ران ب ره‌نگه‌كێ گران، به‌رامبه‌ر 45 ده‌قيقێن وه‌رزشێ يه.
د ڤه‌كولينه‌كا نوو دا زانايان ئاشكرا كريه كو رۆژانه ئێك ده‌قا پايسكسواريا گران به‌سه بۆ وێ يه‌كێ مروڤ له‌شه‌كێ جوان و رێك و پێك هه‌بيت ژبه‌ر كو ب تنێ ئه‌و ئێك خوله‌ك به‌رامبه‌ره هندى 45 خوله‌كێن وه‌رزشا ئاسايى.
ئه‌ڤرۆنیوز، كاروان باعه‌درى:
سه‌رۆك خیزانه‌ك ژ كه‌مپا چه‌مشكۆ كو نه‌ڤیا ناڤێ خۆ ئاشكه‌را بكه‌ت بۆ ئه‌ڤرۆ نیوز دیاركر ، چه‌كدارین داعشێ ل گه‌ل وى ئاخڤینه و داخوازا 2 ده‌فته‌رێن دۆلارى كرینه ، دا كو 3 كه‌سێن مالا وى رزگاربكه‌ن .
ڤێ خێزانێ نها كه‌مپینه‌ك بۆ كۆمكرنا هاریكاریا پێكئینایه و ئه‌ڤ كه‌مپینه هاریكاریێ دێ یه به‌ده‌وام بن هه‌تا كو ڤى كوژمێ پاره‌ى كۆم دكه‌ن ل هه‌موو جهان و ب ده‌هان چالاكڤان ل گه‌ل ڤێ خیزانێنه بتنێ دا كو ڤى كوژمى كۆم كه‌ن.
سه‌رۆكێ ڤێ خێزانێ گۆت : 19 كه‌س ژ خیزَأنا مه دده‌ستێ داعشێ دانه، هه‌فت كه‌س هاتینه رزگاركرن , 12 كه‌س ماینه ئه‌گه‌ر ئه‌ڤ كوژمه دده‌مه‌كى نێزیك دا بهیته كۆمكرن دى 3 كه‌سێن دى ژی دێ هینه رزگاركرن. چونكى ئه‌ڤه بو جارا دوویێ یه داعش مۆله‌تێ دده‌ته مه ، ئه‌گه‌ر ئه‌م كۆم نه‌كه‌ین دبیت تشته‌كى بهینه سه‌رێ خیزانا مه‘‘ .
سه‌رۆكێ ڤێ خێزانێ ب رێكا ئه‌ڤرۆ نیوز داخوازیا هاریكاریێ ژ هه‌موو خێرخوازا دكه‌ت ب هانا وى ڤه بهێن.
هه‌ر كه‌سه‌كى خێره‌كێ ل گه‌ل ڤى كه‌سى بكه‌ت ئه‌ڤه ژمارا كه‌سه‌كى نێزیكى ڤێ خێزانێ یه 07507848346
ئه‌ڤرۆ نيوز:
ب هه‌لكه‌فتا 1 ئايارێ، رۆژا جيهانيا كرێكاران، مه‌سعود بارزانى سه‌رۆكێ هه‌رێما كوردستانێ، راگه‌هاند: پێدڤيه هه‌موو لايه‌ك پشته‌ڤانيا ماف و داخوازيێن كرێكاران بكه‌ين ل هه‌ردو كه‌رتێن تايبه‌ت و گشتى دا.
سه‌رۆك بارزانى پيرۆزباهيێن خوه ئاراسته‌ى كرێكارێن كوردستانێ و جيهانێ كريه و دياركريه ئه‌و ولات دشێت ژ ئاليێ ئابوورى ڤه پێشبكه‌ڤيت كو كرێكارێن وێ ب ئاسوده‌يى بشێن خزمه‌تا وه‌لاتى بكه‌ن.
ئه‌ڤرۆ نيوز:
حه‌يده‌ر عه‌بادى سه‌رۆك وه‌زيرێن عيراقێ داخواز ژ خونيشاده‌ران كر كو ڤه‌گه‌رنه وى جهێ ئه‌و جهێ بۆ وان هاتيه دياركرن بۆ خونيشادانان و رژدى ل سه‌ر وێ يه‌كێ كر كو به‌غدا يا ل ژێر كونترولێ دا.
عه‌بادى پشتى روودانێن په‌رله‌مانێ عيراقێ يێن ئه‌ڤرۆ كو خونيشاده‌ر چووينه د ناڤ ئاڤاهيێ په‌رله‌مانى دا، به‌ياننامه‌ك به‌لاڤكر و تێدا داخواز كر كو خونيشاده‌ر ڤه‌گه‌رنه وى جهێ كو بۆ وان هاتيه ده‌ستنيشانكرن بۆ خونيشادانان.
نيشاندان