ئه‌ڤرۆ نيوز:
هێزێن پێشمه‌رگه‌يێ كوردستانێ و حه‌شد شه‌عبى ئوپه‌راسيونه‌ك بۆ كۆنترۆلكرنا گوندێ به‌شير ده‌ستپێكريه. سه‌رحه‌د قادر رێڤه‌به‌رێ پوليسيێن قه‌زا و ناحيێن كه‌ركووكێ راگه‌هاند: هه‌ر چه‌نده پێشمه‌رگه يێ د پێشڤه‌چوونێ دا، به‌لێ ژ ئه‌گه‌رێ هه‌بوونا بومبێن چاندى، پێشره‌وى يا خاڤه.
گوندێ به‌شير مه‌زنترين گوندێ سنورێ كه‌ركووكێ يه و 25 كليومتران ل باشوورێ كه‌ركووكێ يێ دووره.
ئه‌ڤرۆ نيوز:
رێڤه‌به‌ريا كه‌شناسى و بيڤه‌له‌رزێ ل دهۆكێ راگه‌هاند كو سوبه‌هى رۆژا ئێكشه‌مبى رێكه‌فتى 1ى ئه‌يارا 2016ێ ئه‌سمان دێ ژ ساهياتى بۆ ئه‌ورى هێته گوهۆڕين و ده‌ليڤا بارينا هنده‌ك دنكێن بارانێ يێ هه‌يى ب تايه‌بت ل دانێ شه‌ڤێ.
پشكا پێشبينيان ل رێڤه‌به‌ريا گشتيا كه‌شناسى و بيڤه‌له‌رزێ ل هه‌رێما كوردستانێ د نڤيساره‌كێ دا كو دانه‌ك بۆ ئه‌ڤرۆ نيوز ره‌وانه كرينه راگه‌هاند كو ژ ئه‌نجامێ به‌رده‌واميا هاتنا فشارێن نزمێن ده‌ريا سپى ناڤه‌راست بۆ سه‌ر هه‌رێما كوردستانێ دهێته پێشبينيكرن ئه‌سمان ژ ساهياتى بۆ ئه‌ورى هێته گوهۆڕين و ده‌ليڤا بارينا هنده‌ك دنكێن بارانێ يێ هه‌يى ب تايه‌بت ل دانێ شه‌ڤێ.
پشكا پێشبينيان دايه زايه زانين كو دێ ئاراستێ باى ژى دێ باشوورێ رۆژئاڤا بيت ب ره‌نگه‌كى د ناڤبه‌را 5 هه‌تا 10كم دا و هنده‌ك و ماوێ ديتنێ ژى دێ 9 بۆ 10كم بيت، پلێن گه‌رمێ ژى دێ د ناڤبه‌را (16 بۆ 30) پلان دا بيت.
ئەڤرۆ نیوز، زنار تۆڤی:
دابەشکرنا مووچێ ھەیڤا ئادارێ ب دوماھی ھات و ل دەستپێکا ھەیڤا بھێت دێ مووچێ ھەیڤا شواتێ یێ خانەنشینان ھێتە دابەشکرن.
وەزارەتا دارایی و ئابووری یا حوکمەتا ھەرێما کوردستانێ رۆژا 23-4-2016 د راگەھاندنەکێ دا دوماھیک خشتێ دابەشکرنا مووچێ ھەیڤا ئادارێ راگەھاندیە و دیارکریە، پشتی ب دوماھی ھاتنا دابەشکرنا مووچێ ھەیڤا ئادارێ یێن دامودەزگەھێن حوکمەتا ھەرێما کوردستانێ،دێ دەست ب دابەشکرنا مووچێ ھەیڤا شواتێ یێ خانەنشینان ھێتەکرن.
ھەروەسا دیارکریە کو ل رۆژا پێنجشەمبی 28-4-2016 دووماھی ب دابەشکرنا مووچێ ھەیڤا ئادارێ ھاتیەکرن و ل حەفتیا بھێت دێ مووچێ خانەنشینان ھێتەدان.
ئه‌ڤرۆ نيوز:
رێڤه‌به‌ريا كه‌شناسى و بيڤه‌له‌رزێ ل دهۆكێ راگه‌هاند كو سوبه‌هى رۆژا شه‌مبى رێكه‌فتى 30ى نيسانا 2016ێ ئه‌سمان دێ د ناڤبه‌را ئه‌ورێن كێم و ساهياتيێ دا بيت و ل ده‌ڤه‌رێن چيايى و سنورى دێ بارانه‌كا سڤك باريت و ئه‌گه‌رێ هه‌بوونا تۆزه‌كا سڤك ژى يێ هه‌يى.
پشكا پێشبينيان ل رێڤه‌به‌ريا گشتيا كه‌شناسى و بيڤه‌له‌رزێ ل هه‌رێما كوردستانێ د نڤيساره‌كێ دا كو دانه‌ك بۆ ئه‌ڤرۆ نيوز ره‌وانه كرينه راگه‌هاند كو ژ ئه‌نجامێ به‌رده‌واميا هاتنا فشارێن نزمێن ده‌ريا سپى ناڤه‌راست بۆ سه‌ر هه‌رێما كوردستانێ دهێته پێشبينيكرن ئه‌سمان د ناڤبه‌را ئه‌ورێن كێم و ساهياتيێ دا بيت و ل ده‌ڤه‌رێن چيايى و سنورى دێ بارانه‌كا سڤك باريت و ئه‌گه‌رێ هه‌بوونا تۆزه‌كا سڤك ژى يێ هه‌يى.
پشكا پێشبينيان دايه زايه زانين كو دێ ئاراستێ باى ژى دێ باشوورێ رۆژئاڤا بيت ب ره‌نگه‌كى د ناڤبه‌را 5 هه‌تا 10كم دا و هنده‌ك و ماوێ ديتنێ ژى دێ 8 بۆ 9كم بيت، پلێن گه‌رمێ ژى دێ د ناڤبه‌را (14 بۆ 29) پلان دا بيت.
ئەڤرۆ نیوز،زنار تۆڤی:
وەزیرێ بەرگریا ئەمریکا ئاشتن کارتەر د گۆتارەکێ دا ل واشنتۆنا پایتەختێ ئەمریکا دا گۆت:ئەم وەک ئەمریکا و ھێزێن ھەڤپەیمانان دەست خۆشیێ ل ھێزێن پێشمەرگێ کوردستانێ دکەین بۆ رزگارکرنا شنگالێ گۆت ژی،دێ پتر ھاریکاریا پێشمەرگەی کەین و دێ راھێنانێن چرتر پێکەین و پێشمەرگە شیا مووسلێ ژ رەقە و دەڤەرێن دیتر یێن ددەستێ داعشێ دا داببریت،ھەروەسا مە دگەل سەرۆک بارزانێ بەحسێ پێشھاتێن شەرێ دگەل داعش کریە و پێدڤیە جیھان ھەمی روو ب روو داعشێ ببن،دیارکر ئەم پتر پشتەڤانیێ ل ھێزێن عێراقی کەین و دێ فرۆکێن بھێز ھنێرین د شەرێ دژی داعشێ دا،ھەبوونا ھێزێن ئەمریکا ل دەڤەرێ داعش پاشڤە بر،ئەم سۆزێ ددەینە ھەڤپەیمانێن خۆ دێ داعشێ ژناڤ بەین،دڤێت گرنگی ب لایەنێ سووننی بھێتەدان و نوکە رەوشا رۆژھەلاتا ناڤێن یا جھگیر نینە.
ناڤھاتی گۆت ژی،پێدڤیە پرۆسا ژناڤبرنا داعشێ لەزتر لێ بکەین،کارێ مەیێ سەرەکی نوکە رزگارکرنا مۆسلە.
ئه‌ڤرۆنیۆز، سالار دۆسكى:
ب مه‌ره‌ما هاریكاریا خزانێن پێشمه‌گه‌ى و كێم ده‌رامه‌تان، دوهى 28/4 رێكخراوامه‌ند بۆ یه‌كسانیێ رابوو ب به‌لاڤه‌كرنا هاریكاریێ ل سه‌ر 200 خێزانان ل ده‌ڤه‌را بێسرێ ل قه‌زا دهۆكێ.
چالاكڤانێ جڤاكێ مه‌ده‌نى و به‌رپرسێ رێكخراوا مه‌ند بۆ یه‌كسانیێ هێرش ره‌شید بۆ ئه‌ڤرۆ نیۆز گۆت: رێكخراوا مه‌ند بۆ یه‌كسانیێ ب هه‌فكارى ل گه‌ل هه‌یڤا سورا عیراقى پێدڤیێن ناڤ مالێ ل سه‌ر 200 خێزانێن پێشمه‌رگه‌ى و كێم ده‌رمه‌تان به‌لاڤكرن و ئه‌ڤى پرۆژه‌ى دێ به‌رده‌وامى هه‌بیت.
هێرشى ئاشكراكر ژى كو ل دووڤ به‌رنامێ رێكخراوا مه‌ند و هه‌یڤا سورا عیراقى هه‌تا 1000 خێزانان دێ مفا دارێن پرۆژه‌ى بن و دێ به‌رده‌وامى هه‌بیت .
ناڤبرى ئه‌وچه‌نده‌ژى گۆت: ئه‌ڤ هاریكاریه ژ ده‌ه كه‌رستێن ناڤ مالێ پێك دهێن وه‌ك 2 دو شه‌ك سێ به‌ته‌نى وئێك كارتونا كه‌رستێن پاقژیێ و كارتونه‌ك ئه‌رزاقى و ئێك پارچا لایلونى و چه‌ندین كه‌رستێن دى.
ئه‌ڤرۆ نيوز:
پشتى رۆژناما ئه‌ڤرۆ ديداره‌ك ل گه‌ل ئه‌حمه‌د زه‌روى ئه‌نجامداى و دياركرى كو ئه‌و دێ په‌رتوكخانا خوه گريت، ل تورێن جڤاكى گه‌له‌ك ره‌نگڤه‌دان هه‌بوون، رۆژنامه‌ڤان عسمه‌ت خابور، ژ په‌يجێ خوه يێ فێسبوكێ ب ڤى ره‌نگى هه‌لويستێ خوه دياركريه.
زه‌رۆ.. ئه‌حمه‌د زه‌رۆ.. ئه‌و مرۆڤێ مه‌زن.. نه بتنێ عه‌مرێ خۆ.. به‌لكو ب عه‌مرێ دیرۆكا ره‌وشه‌نبیری یا ڤی باژێری..
ل ڤێ دویماهیێ خه‌به‌ره‌ك په‌یدابوو و دگۆت: “په‌رتووكخانا زه‌رووی دێ هێته عه‌زلكرن چونكو زه‌رۆی پێچێنابیت كرێیا خۆ بده‌ت!!” خه‌به‌ره‌كێ تراژیدی بوو.. نه بۆ زه‌رۆی.. به‌لكو بۆ من و بۆ ده‌ستهه‌لاتا ڤی باژێری!! تراژیدی بوو ژبه‌ر چه‌ند ئه‌گه‌ره‌كا.. كو دێ ل خوارێ رێزكه‌م و بلا عاقلدارێن ڤی باژێری ژی بخوینن:
١. باژێر بێ په‌رتووكخانه.. گونده! زه‌رۆی ئێكه‌م په‌رتووكخانه ل سالا 1979ێ ل باژێری دانا! زه‌رۆی گوندێ مه كره باژێر! نها ژی ئه‌مێ زه‌رۆی بتنێ وه‌كو تاجره‌ك ته‌ماشا دكه‌ین! حه‌یف!!!!
٢. زه‌رۆ به‌رده‌وام ل باژێرێن هه‌رێما كوردستانێ دگه‌ریا ب تنێ بۆ په‌یداكرنا په‌رتووكێن كوردی و دابینكرنا وان بۆ خوانده‌ڤانێن باژێری، گه‌له‌ك ماندی دبوو بۆ هندێ كو كتێبا كوردی بۆ كوردان دابین ببیت!
٣. زه‌رۆی په‌رتووكخانا خۆ ل ژێر سیبه‌را باره‌گایێ ئه‌منا دهۆكێ دانا و كتێبێن كورده‌واری و كوردپه‌روه‌ریێ و دیرۆك و چاند و ئه‌ده‌بیاتێن كوردی بۆ خوینده‌ڤانا دابیندكرن.. دوو جارا ژی هاته گرتن و گه‌له‌ك نه‌خۆشی دیتن! ئه‌ڤرۆ ژی هه‌رێ نه‌خۆشیا دبینیت.. مه‌عه‌لعلم ئه‌م كورد ب خۆ یێ حوكمی دكه‌ین!! حه‌یف!!!
٤. زه‌رۆی هه‌ڤركی كر! ل بن سیبه‌را ئاڤاهیێ ئه‌منا به‌عسیا كوردپه‌روه‌ری دفرۆت! كه‌سه‌ك نه‌شیا وی ژ بزاڤێ راگریت! لێ.. دیاره كورد و حوكمێ وان ژ یێن به‌ری وان ب قوه‌تتره! چونكو كورد شیان په‌رتووكخانا وی دائێخن!!! حه‌یف!!!!!
٥. زه‌رۆ نه خودانێ په‌رتووكخانه‌یه‌كێ یه ل دهۆكێ.. به‌لكو.. زه‌رۆ.. دیرۆكا په‌رتووكخانێ یه ل دهۆكێ! لێ مخابن.. زه‌رۆ یێ دبیته قوربانیێ په‌رتووكێ.. ل دهۆكێ!!!
٦. زه‌رۆ یێ موعیزه.. بێ چاره‌یه.. وه‌كی هه‌ر دلسۆزه‌ك و خه‌باتكه‌ره‌كێ كورد! یێ بێ چاره‌یه ده‌ما دبینیت رێز ل كه‌دا وی نه‌هاته گرتن! چنینه زه‌رۆ.. خۆ عاجز نه‌كه.. ئه‌م هه‌ر ئه‌ڤه‌ینه.. خه‌باتكه‌ران بن ئاخدكه‌ین و سیخوره و بازرگانێن شۆره‌شان سه‌رده‌ستدكه‌ین!!
٧. زه‌رۆ مرۆڤه‌كێ كورده… خودان په‌رتووكخانه‌یه! په‌رتووكه‌كا كوردیه.. قه‌بیل نه‌كریه ب رێكا فرۆتنا په‌رتووكێن تژی گه‌مار و ژه‌هرێن عه‌ره‌با خۆ زه‌نگین كه‌ت! ئێ زه‌رۆ! ما تو خشیمی!! هه‌ما دا تو ژی وه‌كی هه‌می په‌رتووكخانێن دی و وه‌كی داعشا په‌رتووكێن ابن بازی و سه‌ید قوتبی و شه‌یخ النه‌وه‌وی فرۆشی و نوكه دا بییه كول فیل كول و ئه‌م دا پارا ژ ته ده‌ین كه‌ین!!
زه‌رۆ.. ئه‌ڤ باژێره.. مرۆڤ كوژه.. كورد كوژه.. خوزی تو ژی ببایه نوكه‌ر و خزمه‌تكارێ دوژمنان دا تو ژی وه‌كی شاهان ژیابای!! نه‌كو په‌رتووكخانا ته ل شینا ببا قیبله‌گه‌هه‌ك، هاتبا عه‌زلكرن!! عه‌زلكرنا په‌رتووكخانا ته.. عه‌زلكرنا دیرۆكا ره‌وشه‌نبیرییا ڤی باژی یه.. ئه‌لفاتیحه!!
نيشاندان