دو كه‌س بریندار دبن

05/01/2016 12:13

261

ئه‌ڤرو نیوز ،بارزان مزوورى
پێشه‌نگ به‌درخان محه‌مه‌د سه‌لیم، به‌رپرسێ پشكا هاتنوچونا شێخان بو مالپه‌رێ ئه‌ڤرو نیوز دیار كر ئه‌ڤرو سپێدێ ده‌مژمێر 8:45 خوله‌ك 5/1/2015 ل سه‌ر رێیا سه‌ره‌كیا شێخان بو كومه‌لگه‌ها چره‌ ل نێزیك گوندێ بێتنارێ ترومبێله‌ك ژ جورێ هوندا ئه‌لنترا تایبه‌ت وه‌رگه‌ریا و د ئه‌نجام دا دوو كه‌س ب دژوارى برینداربون و بو نه‌خوشخانا شێخان هاتن ڤه‌گوهاستن.
ناڤبرى ل دور ئه‌گه‌رێن رویدانێ گوت : له‌زاتى بكارئینایه‌ و ژبه‌ر به‌فر و بارانێ نه‌شیایه‌ كونترولێ ل سه‌ر له‌زاتیێ بكه‌ت و توشى وه‌رگه‌ریانێ بوویه‌.

نووترين پێزانين ل سه‌ر رێيێن هاتينه‌ گرتن و ڤه‌كرن ل پارێزگه‌ها دهۆكێ

05/01/2016 12:03

765

ئه‌ڤرۆ نيوز:

ژ ئه‌نجامێ كه‌فتنا پێله‌كا به‌فرێ ل هه‌رێما كوردستانێ و ب تايبه‌ت ژى ده‌ڤه‌را دهۆكێ چه‌ندين رێيێن سه‌ره‌كى يێن پارێزگه‌ها دهۆكێ هاتبوونه‌ گرتن، تانهاژی هند رێكێن سەرەکی دگرتینە و تیما كارێ رێڤه‌به‌ريا سه‌خبێريا رێك و پرا ل پارێزگه‌ها دهۆكێ کاری لسەر ڤەکرنا رێکێن سەرەکی دکەن .

دێوالى حه‌مێ بريندار، رێڤه‌به‌رێ سه‌خبيريا رێك و پرا ل پارێزگه‌ها دهۆكێ، د داخۆيانيه‌كێ دا بۆ رادیویا ترافیک دیارکریە
: “ژ ئه‌نجامێ كه‌فتنا وێ پێلا باران بارينێ شڤێدی گه‌له‌ك رێيێن سه‌ره‌كى يێن پارێزگه‌ها دهۆكێ هاتينه‌ گرتن، به‌لێ رێڤه‌به‌ريا وان ‌ ب حه‌فت تيما شيان پتريا ڤان رێيان ڤه‌كه‌ن”.

زێده‌تر گۆت: “به‌رى كێمتر ژ نيڤ ده‌مژمێرێ رێيا گه‌ليێ زاخۆ هاتيه‌ ڤه‌كرن”،

دا زانين ژى كو نوكه‌ رێيا سه‌ره‌كى يا دهۆك هه‌تا سه‌رسنگ و ئامێدیێ يا بێ كێشه‌يه‌ و ل لايێ دچيت بۆ به‌روارى بالا ژى هه‌تا نێزيك کانیماسێ يا هه‌ى، به‌لێ رێيا سه‌رزێرى نينه‌.

ئاماژه‌ ب وێ چه‌ندێ ژى كر كو ژ لايێ سيار و سينداران ژى هه‌تا رێ يا هه‌ى و ، به‌لێ رێيا چيايێ گاره‌ى نينه‌ و گۆت: “ل وێرێ ژى ده‌ما شوفێر هاتنچوونێ دكه‌ن، دڤێت دهشيار بن ژ به‌ر كو جه‌مه‌د دروست دبيت و به‌رده‌وام به‌فر يا د باريت”.

ل دووماهيێ ژى گۆت: “ئه‌ڤه‌ د ماوێ بوریدا ، شه‌ش جاران ئه‌ڤ هه‌موو رێيێن سه‌ره‌كى يێن دهێنه‌ پارێزگه‌ها دهۆكێ هاتنه‌ ڤه‌كرن ژ لايێ تيمێن مه‌ ڤه‌”

رێژا به‌فر بارینێ ل پارێزگه‌ها دهۆكێ

05/01/2016 11:42

850

ئه‌ڤرۆ نيوز:

رێڤه‌به‌ریا كه‌شناسى و بیڤه‌له‌رزان ل دهۆكێ ئه‌ڤرۆ ئامارا 24 ده‌مژمێرێن بوورى یێن به‌فر بارینێ ل سنورێ پارێزگه‌ها دهۆك راگه‌هاندن كو ل كانێ ماسێ و چه‌مانكێ پتر ژ هه‌موو ده‌ڤه‌رێن دى یێن پارێزگه‌هێ به‌فر باریه‌ و ب ڤى ره‌نگى:
مانگێشك 5 سم، ئامێدى 20 سم، سه‌رسنك 20 سم، بامه‌رنێ 21 سم، دێره‌لوك 20 سم، كانێ ماسێ 23 سم، سیاره‌تیكا 18 سم، چه‌مانكێ 35 سم، دینارته‌ 5 سم.

داخويانيا حوكمه‌تێ سه‌باره‌ت بهێنڤه‌دانا سوبه‌

05/01/2016 11:24

631

ئه‌ڤرۆ نيوز:

سه‌فين دزه‌يى په‌يڤدارێ فه‌رمى يێ حكومه‌تا هه‌رێما كوردستانێ راگه‌هاند كو ل دووڤ قانوونا په‌رله‌مانێ كوردستانێ، سوبه‌ رۆژا 4 شه‌مبى، بهێنڤه‌دانه‌ ل هه‌موو دام و ده‌زگه‌هێن حكومى.

تورکیا خوه‌ بۆ شه‌رێ قانوونى دژى رووسيا به‌رهه‌ڤ دكه‌ت

05/01/2016 10:11

ئه‌ڤرۆ نيوز:

توركيا وه‌لاتێ رووسيا گونه‌هبار دكه‌ت ب ده‌ست سه‌رداگرتنا كومپانيێن توركى و ب ژڤانه‌ دژى كومپانيێن رووسى ل رێكخراوا بازرگانيا جيهانى و دادگه‌هێن نێڤده‌وله‌تى سكالايێ دژى رووسيا تومار بكه‌ت.

موستەفا ئێلیتاش وه‌زيرێ ئابووريا توركيا راگه‌هاند كو سكالا ييێن گه‌هشتيه‌ وان كو ل باژاروكێن بچووك يێن رووسا، هه‌ره‌ ل كومپانيێن توركى هاتينه‌ كرن و فشار ل سه‌ر هاتيه‌ دروست كرن كو پشكێن خوه‌ راده‌ستى هه‌ڤپشكێن رووسى بكه‌ن.

ديارده‌كا سه‌ير

05/01/2016 09:57

415

ئه‌ڤرۆ نيوز:

ب وێنه‌: گه‌شته‌ك بۆ چيايێ گاره‌ى

05/01/2016 00:01

1578

ئه‌ڤرۆ نيوز:

پشتى ژ ئه‌نجامێ وێ پێلا ڤان رۆژان يا به‌فر بارينێ بۆ سه‌ر هه‌رێما كوردستان و ب تايبه‌ت ل ده‌ڤه‌رێن چيايى، بوويه‌ ئه‌گه‌رێ وێ چه‌ندێ كو وه‌لاتى بچنه‌ ناڤ به‌فرێ و وه‌كو ره‌نگه‌ خۆشيه‌كێ بۆ خوه‌ ده‌ربڕن.

ئه‌ڤ وێنێن خوارێ ژى ژ لايێ ئێك ژ وان كه‌سان ڤه‌ هاتنه‌ گرتن يێن وه‌كو ده‌ربڕين ژ بارينا به‌فرێ چوويه‌ سه‌رێ چيايى گاره‌ى ب ناڤێ جه‌لال كه‌مال مزوورى.

10 شه‌ڕ ل 2016 دێ روو ده‌ن

04/01/2016 23:58

936

ئه‌ڤرۆنیۆز، ئه‌یاد به‌رواری
رۆژناما Foreign Policy یا ئه‌مریكی، 10 جه ل جیهانێ دیاركرن كو پێشبینیا روودانا شه‌ڕێ لێ كر ل سالا 2016 ێ.ل دووڤ وێ رۆژنامێ، ئه‌و ده‌ڤه‌ر سووریا، عیراق، یه‌مه‌ن، باشوورێ سودانێ، ئه‌فغانستان، تشاد و لیبیا.
به‌لاڤكر ژی كو ناكۆكیا ل توركیا (د ناڤبه‌را ئه‌نقه‌ره‌ و په‌كه‌كێ) مه‌ترسیێن مه‌زن په‌یدا دكه‌ت.

ئه‌ڤرۆ نیوز پێزانینه‌كا نوى ل دۆر ڤه‌لڤینێن داعش ل مووسل به‌لاڤ دكه‌ت

04/01/2016 23:11

614

ئه‌ڤرو نیوز ،بارزان مزوورى
عه‌مید فه‌همى ئه‌حمه‌د یوسف، فه‌رماندێ سوپایێ 3 یێ زێره‌ڤانى ل میحوه‌رێ ناوه‌ران بو مالپه‌رێ ئه‌ڤرو نیوز دیار كر كو ئه‌و هێرشا چه‌كدارێن تیرورستێن داعش كرى بو سه‌ر میحوه‌رێ ناوه‌ران مه‌زنترین هێرش بو ل سه‌ر ئاستێن میحوه‌رێن پێشمه‌رگه‌ى و شكه‌ستنه‌كا ب ئێكجار ل پشت خو هێلان و پشتى شكه‌ستنا وانا هه‌رده‌م هه‌ولده‌ن كو وره‌یا چه‌كدارێن خو بزڤرینه‌ڤه‌ وه‌كو به‌رى به‌لێ فروكێن هه‌ڤپه‌یمان و هێزێن پێشمه‌رگه‌ى وان هه‌ولێن وان تێك دده‌ن و ناهێلن هه‌ولێن وا بهێنه‌جه ببن.
ناڤبرى دیار كر كو مووسل گرنگیا خو یا هه‌ى بو چه‌كدارێن تیرورستێن داعش گه‌له‌ك ژ باژێرێ مووسل دترسن، نه‌وێرن هێزێن خو دناڤا مووسل كوم بكه‌ن و هه‌ر هێزه‌كا دگه‌هیته‌ مووسل بو ده‌رڤه‌ وى باژێرێ بنه‌ جه دكه‌ن ژ ترسێن خه‌لكێ مووسل كو ئه‌و خه‌لك گه‌له‌ك بێزاربوویه‌ ژ ده‌ستهه‌لاتا وان كو رابنه‌ سه‌رخو و دژى وان شه‌رى بكه‌ن.
ناڤبرى گوت : چه‌كدارێن تیرورستێن داعش جهێن گرنگ دناڤا باژێرێ مووسل هه‌ر پێنج پرێن مووسل و ئاڤاهیێن بلند هه‌ر جهه‌ك ژوان چه‌كه‌كێ دوشكه‌كێ دانایه‌ ئێك یان دوو چه‌كدار لێ بنه‌جه كرینه‌ ئه‌وێن دى بو ده‌رڤه‌ى مووسل بنجه‌هكرینه‌ ژترسێن هاتنا خارا هه‌ڤپه‌یمانان و هێزێن پێشمه‌رگه‌ى ب فروكه‌یا بو ناڤ باره‌گایێن وان یێن ناڤ سه‌نته‌رێ مووسل و لدوڤ گازیا وان ب جیهازێن وان یێن گه‌هاندنا په‌یامێ بو هه‌موو باره‌گایێن وان گازى ئێك دوو دكر كو لدوڤ بریارا ئه‌میرێن وان هه‌موو جهێن چه‌كدار و باره‌گایێن وان دناڤ مووسل بۆ ده‌وروبه‌ران بهێنه‌ گهورین ژبه‌ر هاتنا هه‌ڤپه‌یمانان و هێزێن پێشمه‌رگه‌ى ب فروكه‌یا ب تایبه‌ت پشتى وان پروسه‌یێن هه‌ڤپه‌یمانان و پێشمه‌رگه‌یا ئه‌نجام دایى ل حه‌ویجه‌ و هنده‌ك ده‌ڤه‌رێن دى.
ناڤبرى زێده‌تر گوت كو ئه‌و هێزێن ژ رومادى ره‌ڤین بو مووسل هاتین هه‌موو ل ده‌رڤه‌ى مووسل بنجه‌ه كرینه‌ و نه‌شیان بچنه‌ دناڤ سه‌نته‌رێ باژێرى ژ ترسێن چوونا هه‌ڤپه‌یمانان و پێشمه‌رگه‌ى .
دوماهیێ ناڤبرى ئاشكرا كر كو ئه‌و هێزێن داعش یێن رومادى هاتین نه‌شێن شه‌رێ پێشمه‌رگه‌ى بكه‌ن چونكو ناڤ و ده‌نگێ پێشمه‌رگه‌ى گه‌هشتیه‌ وان كو هه‌ر هێرشه‌كا چویه‌ سه‌ر پێشمه‌رگه‌ى ب ساخى نه‌زڤرینه‌ڤه‌ له‌وما خو دویر ژ پێشمه‌رگه‌ى دكه‌ن و هه‌ولێن ره‌ڤینێ دكه‌ن بو ده‌رڤه‌ى عێراقێ .

ب فه‌رمێ زێدان بۆ راهێنه‌رێ ريال مه‌دريد

04/01/2016 22:41

126

ئه‌ڤرۆ نيوز:

به‌رێ ماوه‌كێ كێم فلۆرێنتینۆ پێرێز سه‌رۆكێ يانا ريال مه‌دريد ب ره‌نگه‌كێ فه‌رمى دوورخستنا ڕافائێل بینیتێز ژ راهێنه‌ريا يانا خوه‌ راگه‌هاند و زينه‌دين زيدان كره‌ شوينگرێ وى.

زينه‌دين زيدان راهێنه‌رێ نوو يێ ريال د په‌يڤه‌كێ دا گوت: ئه‌و ده‌مێ وه‌كو ياريكه‌ر هاتمه‌ ڤێ يانێ، من زانى چ يانه‌كا مه‌زنه‌ ، ئه‌م خودان باشترين هانده‌رين د جيهانێ دا ، دێ هه‌موو پێنگاڤان هاڤێژين بۆ سه‌ركه‌فتنان.

د ماوێ 12 سالێن سه‌رۆكايه‌تيا فلۆرێنتینۆ پێرێز، ئه‌ڤه‌ 10 راهێنه‌ر هاتنه‌ گوهۆرين.

نيشاندان 1...1,070 2,070 3,070 3,0783,0793,080 4,080...4,170 زێده‌تر

لاپه‌ر 3,079 ژ 4,170