ئه‌ڤرۆ نيوز:
چ پێنەڤێت کو ھەڤکێشەکا کارا یا ھەی دا ژڤانێ ئێکێ سەرکەڤیت، و ھەکە وەسا نەبا گەلەک کەسان ھەڤژینی پێک نەدئینا، ڤەکۆلەر گەھشتنە ڤان ئەنجامان پشتی دانوستاندن ل گەل 2000 کەسان کری ل دۆر روودانێن ژڤانێ وان یێ ئێکێ، و کا ئەنجامێ ژڤانێ ئێکێ ژڤانێ دویێ و ھەڤبەندی ل پشت ھاتن یان نە، ئەڤ راپرسینە بۆ سایتێ Match.com ھاتە ئەنجامدان.
وەسا دیارە کو گەلەک سایت و مالپەر و بابەتێن دانوستاندنێ و ھەتا ھندەک جۆرێن خوارنێ ژی ب شێوەکێ مەزن باندۆرێ ل سەرکەفتنا ژڤانێ ئێکێ دکەن، ئێک یان دو ژ وان یان ھەمیان پەیرەو بکە دا ژڤانێ تە یێ سەرکەفتی بیت.
ل سەر تۆرا ئنترنێتێ لێ بگەریێ:
ڤەکۆلینێ وەسا دیار کر کو ئەو ھەڤژینێن ل سەر تۆرا ئنترنێتێ ئێک و دو دیتی پتر حەزا دیدارێ و ھەڤبەندیێ ھەبوو و ب رێژا 78% پتر ژ خەلکێ ب رێیا ھەڤال و کەس و کاران ئێک و دو دیتی.
“ھێلین فیشەر” شیرەتکارا سایتێ Match.com و خودانا پرتووکا “کەلاشتنا ئەڤینێ” دیار کر کو پرانیا ئەو کەسێن ئنترنێتێ بکاردئینن بۆ دیتنا ھەڤپشکێ ژیانێ درژن، ھندەک سایتان ژی پێدڤی یا ب وەستیانێ و ھەدار کێشانێ و دووڤچوونێ ھەی و ئەڤە رامانا وێ چەندێ یە کو ئەڤ کەسە یێ پێگیرە بۆ دیتنا ھەڤپشکێ ژیانێ.
داخواز بکە نانخوارنێ:
گەلەک زەلام پەنایێ بۆ ڤێ رستێ دبەن “بلا قەھوەکێ پێکڤە ڤەخوین”، بەلێ د راستی دا قەھوە ب تنێ بەش نینە. قەھوەخانە و کافی ل پرانیا جاران د تژی مرۆڤن و قەرەبالغە و مرۆڤ نەشێن وێ سحبەتێ بکەت یا دڤێت، ھەروەسا دەمێ ڤەخوارنا قەھوێ ژی ھندی یێ دریژ بیت نابیتە سەعەتەک.
داخواز بکە نانخوارنەکێ ل جھەکێ خۆش، ھێلین فیشەر” دبێژیت: روونشتن ل بەرامبەری وێ ل جھەکێ و خۆش و ئارام، دێ یا ھاریکار بیت مرۆڤ پتر ل سەر بابەتی یێ کوک بیت و دێ ئاڤریان ل ئێک دو گوھۆریت، و دێ پتر خۆشیێ ژ دەمێ خوە بەی و پتر رژدی یا مرۆڤی دیار بیت.
خورانێن گران نەخۆن:
ل دووڤ ئەنجامێن راپرسینێ، پرانیا وان کەسێن چووینە خوارنگەھێن ماسیان ب رێژا 170% جارا دویێ ژی چووینە ژڤانی بەراورد ل گەل خوارنگەھێن دی، ڤەکۆلەر ژی حێبەتی مان ل سەر ھەڤبەندیا جۆرێ خوارنێ و بەردەوامیا ھەڤبەندیێ، فیشەر دبێژیت: ماسیێن ب دوون وەکو ماسیا “تونە و سەلەمون” کەرستێ “ئۆمێگا3″ یێ د ناڤ دا ھەی کو زڤرینا خوینێ ب ھێز دئێخیت و ھشێن مرۆڤی زێدە دکەت، ھەروەسا خوارنێن دەریایی کەرستێ “یود” یێ د ناڤ دا کو ھورمۆنێ “تستوستیرۆن” و سەرنجراکێشیا سیکسی زێدە دکەت، بەلێ خورانا کەسکاتیان لێدانێن دلی زێدە دکەن و ھناروکێن روویێن مرۆڤی سۆر دکەن.
ئەڤ گوھۆرینێن فیسیولۆژی دشێن وە بکەن کو ھەردو لایەن ھەست ب ئارامیێ و ھشیاریێ و سەرنجراکێشیێ بکەن.
بەحسێ سیاسەتێ:
گەلەک کەس وەسا ھزر دکەن کو گەنگەشێن سیاسی ل گەل کەسەکی تو ژ نوو دنیاسی دێ بیتە کارەسات، بەلێ د راستی دا پیچەکا سحبەتێ ل دۆر سیاسەتێ دێ دەلیڤا ژڤانێ دویێ 91% زێدە کەت.
فیشەر دبێژیت: دڤێت سحبەت د جۆرا و جۆر بن و نە ب تنێ بمننە ل سەر ژیانا کەسێ دی ھەتا دیدار ب دووماھی دھێت. گوھداریا بۆچوونێن جودا کارەکێ ساخلەمە و نەرماتی و دلینی و لێبۆرنا مرۆڤی دیار دکەت و ھێزا مرۆڤی بۆ پێزانینێن گشتی دیار دکەت.
دیدارا ئێکێ گەلەک درێژ نەکە:
ل دووڤ ئەنجامێن راپرسینێ، پێدڤیە دیدارا ئێکێ گەلەک یا درێژ نەبیت، ئانکو ژ دو سەعەت و 15 دەقیقان نەبۆریت.
پشتی بۆرینا دو سەعەتان کو دەمەکێ گونجایە بۆ دیدارا ئێکێ و خوارنێ، ب رێزگرتن بێژێ ھەکە بڤێت بچیتە مال، ب ڤێ چەندێ دێ 15 دەقیقێن دی ژی ل سحبەتا ھەوە زێدە بن و دێ زانی کا حەز دکەت جارا دویێ بگەھنە ئێک یان نە.

ئەڤرۆ نيوز:
ھەمبرگەر ژ وان خوارنێن بلەزە یێن گەنج و زارۆ گەلەک حەزژێ دکەن و رەنگ و تام و شێوێ پێشکێشکرنا وێ دلێ مرۆڤی پتر دبەتێ، چۆنکو ھەردەم حەزا ل سەر ھەی باشترە خانما مالێ ئەڤێ خوارنێ ل مال بۆ زارۆیێن خوە چێکەت داکو ژ زیانێن خوارنگەھا بدەتە پاش. ئەڤ خوارنە پتر ژ 80% پێدڤیا لەشی بۆ خوێ پەیدا دکەت، ھەروەسا ھەر دانەکی پتری 600 بھایێن گەرموکی دەت یا کو پێدڤی بۆ گەنجێ د ژیێ 18 سالیی َدا. لەورا پێدڤیە خوە ش ھەمبرگەرا ئامادەکری بدەیە پاش و ل مال چێکەی. بۆ زانینا چاوانیا چێکرنا وێ ب شێوەکێ ساخلەم و تام خۆش:
پێکھاتە:
ــ نیڤ کیلویا گوشتێ ھوورکری
ــ پیڤازەکا ھوورکری
ــ نیڤ کوبێ شەربەتا تەماتێ
ــ بوھارات و خوێ و فلفل
ــ ھێکەک
ــ کوبەکێ ئاری
رێیا چێکرنێ:
جارا ئێکێ دێ ھەموو پێکھاتا ل گەلک تێکەل کەین، پاشان دێ بوھاراتا کەینە سەر و دانینە د سەلاجێ دا داکو باش بوھاراتا ب ھەلمێژیت، پاشی دێ تێکەلێ ب شێوێ بازنا گەر کەین و دناڤ زەیتی َدا قەلینین. ل گەل لەفا ھەمبرگەرێ مرۆڤ دشێت مایونێزێ یان کتشابێ بکەتە نیڤا لەفێ ل گەل کیزیێت پیڤازێ و باجانێ و فلفلا کەسک، ھندەک ژی پرتێن پەنیری و خەسێ ژی دکەنە دناڤ دا.