ئه‌ڤرۆ نیوز:
سوپاسالارێ وه‌زاره‌تا پێشمه‌رگه‌ى بۆ ئه‌ڤرۆ نیوز دیاركر، خالید عوبه‌یدى وه‌زیرێ به‌ره‌ڤانیا عیراقێ د چارچوڤێ سه‌ره‌دانه‌كێ دا بۆ هه‌رێما كوردستانێ، ئه‌ڤرۆ رۆژا ئه‌ینى گه‌هشته قه‌زا شنگال كو به‌رى چه‌نده‌كێ ل سه‌ر ده‌ستێ هێزا پێشمه‌رگێ قاره‌مان هاتیه رزگاركرن.
سه‌ردانا عوبه‌یدى بۆ وێ چه‌ندێ یه ل گه‌ل به‌رپرسێن وێ قه‌زایێ كوم ببیت و ژ نێزیك ئاگه‌هدارى ره‌وشا وێ ببیت.
ئه‌ڤرۆ نیوز:
دووباره ژن ئینا، به‌لێ د شه‌ڤه‌كێ دا، 4 ژن ئینان، به‌لێ ڤێ جارێ ئه‌گه‌رێ وێ یێ جودا و سه‌رنجراكێشه.
گه‌نجه‌كێ سعودى یێ ته‌مه‌ن 23 سال، چار ژن د ئێك شه‌ڤ دا ئینان ژ كه‌ربێن ژنا خوه یا به‌ردایى دا، كو بۆ سویند خواربوو كو ڤى كارى بكه‌ت.
رۆژنامه‌كا ناڤخویى ل سه‌ر زارێ گه‌نجێ ب ناڤێ “م م القحتانی” ژ خه‌لكێ پارێزگه‌ها وادى ئه‌لدواسر به‌لاڤكریه كو وى گه‌نجى په‌یوه‌ندیه‌كا فاشل ل گه‌ل كچه‌كێ پێكئینابوو و پشتى خواستى و داواتا خو كرى، پشتى چه‌ند هه‌یڤان به‌ردا، و ژنا وى یا به‌ردایى گوتێ، تو نه‌شێ چ كچا بۆ خو بخوازى، ژبه‌ر كو كه‌س شى ب ته ناكه‌ت، به‌لێ وى بۆ سویند خار كو د ئێك شه‌ڤ دا ئه‌و دشێت 4 ژنا بینیت و فعلا كره راست.
ئه‌ڤرۆ نیوز:
ئه‌ڤرۆ د چارچوڤێ پشكداریكرنێ د مه‌راسیمێن هه‌شتێ یێن هه‌وا سالانه یا به‌رهنگاربوونا توندوتیژیا دژى ژنان، ره‌نگێ ریباتا نێچیرڤان بارزانی و قوباد تاڵەبانی یا پرته‌قالى بوو.
كوسار كه‌ریم ئه‌نداما جڤاتا بلندا خانمان راگه‌هاند كو ره‌نگێ پرته‌قالى هێمایه‌كه بۆ به‌رهنگاربوونا توندوتیژیا دژى ژنان و ل پرانیا پایته‌ختێن ولاتێن جیهانێ ل رۆژا جیهانیا ژنان ، د مه‌راسیمان دا ره‌نگێ پرته‌قالى هه‌لدبژێرن.
ئه‌ڤرۆ نیوز:
1-لویس ئینڕیکی: راهێنه‌رێ نوكه یێ به‌رشه‌لونا 5 سالا یارى بۆ ریال كریه و پاشان بۆ به‌رشه‌لونه هاتیه ڤه‌گوهاستن
2- لویس فیگۆی، 5 سالا یارى بۆ به‌رشه‌لونه یێ كرى و پاشان بۆ ریال هاتیه ڤه‌گوهاستن
3-مایکل لاودرۆپی
4- خاڤێر ساڤیۆلای
5- ساموێل ئیتۆی کامیرۆنی:
6- ڕۆناڵدۆی بەڕازیلی:
7- جۆرج هاجی رۆمانی:
ئه‌ڤرۆ نیوز:
بێوار خنسى بسپورێ بیاڤێ نه‌فت و غازێ ل هه‌رێما كوردستانێ دیاركر كو ل ڤان نێزیكان شانده‌كێ تایبه‌تمه‌ندێ وزا ئیرانێ ب مه‌ره‌ما راكێشانا دو بوریێن نه‌فتێ و غازێ ل هه‌رێما كوردستانێ بۆ ئیرانێ و ل وێرێ بۆ ولاتێن ئاسیا دێ سه‌ره‌دانا هه‌ولێرێ كه‌ت، هه‌روه‌سا بۆ دووماهیا سالا 2016 و ده‌ستپێكا سالا 2017 غازا كوردستانێ ب رێیا توركیا دێ گه‌هته ئوروپا.
خنسى ئاماژه ب وێ یه‌كێ دكه‌ت كو پشتى ڤه‌گه‌ریانا ده‌ڤه‌رێن ده‌رڤه‌ى ئیدارا هه‌رێمێ، هه‌رێما كوردستانێ 9% ژ یه‌ده‌كا نه‌فتا جیهانێ پێكدئینیت.
ئه‌ڤرۆ نیۆز، قائید میرۆ
هه‌ردو وه‌لاتێن توركیا و ئیران دبه‌رده‌وامن بۆ گرتنا ژێده‌رێ ئاڤا هه‌رێما كوردستانێ و نوونه‌ره‌كێ كوردژی دبێژیت، ئیرانێ نوكه ژێده‌ره‌كێ ئاڤێ هشككریه.
خۆشه‌ڤی خه‌لیل، ئه‌ندامێ لیژنا ژێده‌رێن ئاڤێ ل په‌رله‌مانێ عێراقێ ب ئه‌ڤرۆ نیۆز راگه‌هاند” هه‌ردو وه‌لاتێن توركیا و ئیران وه‌كه پێدڤی ناهێلن ئاڤ بگه‌هیته ناڤا هه‌رێما كوردستانێ و كاریگه‌ری هه‌بوویه لسه‌ر كێمبوونا ئاڤێ لهه‌رێما كوردستانێ، چونكو گوره‌ی رێكه‌فتنێن ناڤده‌وله‌تی دڤێت ئاڤ نه‌هێته بڕین.
خه‌لیلی دیاركر، ڤێ دوماهیێ كۆمارا ئیسلامیا ئیرانێ زێده‌تر گڤاشتن ئێخستیه سه‌ر هه‌رێما كوردستانێ ژێده‌رێ ئاڤا سیروان وه‌كی پێدڤی ناگه‌هته هه‌رێما كوردستانێ و ژلایێ ئیرانێ ڤه رێژه‌یه‌كا كێم یا ئاڤێ دهێته به‌ردان.
نيشاندان