ئه‌ڤرۆ نیوز: ڤه‌ده‌ر ره‌شاڤایی:
نه‌ته‌وێن ئێكگرتی د به‌یاننامه‌كێ دا راگه‌هاند وێ داخازنامه بۆ رژێما سوری و گرۆپێن ئۆپۆزسیۆنێ هنارتن بۆپشكداریكرنێ د دانوستاندنێن جنێڤـ 3 دا كو ل به‌ره رۆژا ئینیی 29 ڤێ مه‌هێ بهێنه كرن،لێ بێی دیاركرنا ناڤان.
ئه‌نداما جڤاتا سوریا دیمۆكرات ره‌نده قه‌ساس بۆئاژانسا رویته‌رز گۆت: جڤاتا سوریا دیمۆكرات یا كو مه‌زنترین پێكهاتا وێ په‌یه‌دێ داخازنامه وه‌رگرتییه، هه‌یسه‌م مه‌ننا، ئیلهام ئه‌حمه‌د هه‌ڤسه‌رۆكێن جڤاتێ، و وێ بخو ژی جودا داخازنامه وه‌رگرتینه بۆ پشكداریكرن د جنێڤ 3 ێ دا.
ژ ئالیێ خوه‌ڤه سالح موسلم هه‌ڤسه‌رۆكی په‌یه‌دێ ره‌تكر چ داخازنامه گه‌هشتبنه وی و خویاكر ئه‌و نه‌یێ ئاگه‌هدار هیچ ئالیه‌كێ دی یێ كوردی داخازنامه وه‌رگرتبن.
توركیا ئاشكرا كرییه كو پشكداریكرنا كوردان یا گرنگه لێ ئه‌و رازینابیت په‌یه‌ده پشكداری دانوستاندنان ببیت، و رووسیا ژی پشكدارییا كوردان ب تشته‌كێ سه‌ره‌كی ل قه‌له‌م دایه، داوی بریارا ئۆپۆزسیۆنا سوری ل دۆر ڤێ یه‌كێ هێشتا یا رۆن نینه .
نووترين نووچه
- نەخوەشخانەیا پەنجەشێرێ ب ئاست و كوالێتییەكا بلند دێ كەڤیتە د خزمەتا وەلاتییاندا
- پەرلەمانتارەك: ئەمریكا و ئۆپێك فشارێن ل ئیراقێ دكەن بۆ هنارتنا پەترۆلا هەرێما كوردستانێ
- ل نێزیك پارتی دێ بارەگەهێ مەكتەبا رێكخستنێ ل كەركووكێ ڤەكەت
- دەلیڤەیا سەختەكاریێ ب رێكا تەكنەلۆژیایێ یا هاتیە كێمكرن و دەنگ ب دەستی ژی دێ هێنە هەژمارتن
- پێدڤییە نیازپاكی و ئیرادەیەكا راستەقینە بۆ چارەسەركرنا كێشەیان هەبیت
- پێدڤییە هەوا هەلبژارتنان د سەقایەكێ ئازاد دا و دوور ژ گرژیێ بهێنە ئەنجامدان
- مەسرور بارزانی: ب هێزبوونا پارتی ب هێزبوونا كوردستانێیە
- گرنگە پڕۆژەیێ (هەژمارا من) بەردەوام بیت
- سەرۆكێ حوكمەتا هەرێمێ بۆ گوپیتكا جیهانییا سەقای هاتە ڤەخواندن
- پترییا كێشەیان دێ هێنە چارەسەركرن
سهرهكى Twitter
توركیا دێ ته‌رمێ په‌نابه‌رێن هه‌رێمێ ڤه‌گه‌ڕینیت
ئه‌ڤرۆ نیۆز، قائید میرۆ:
لسه‌ر داخوازا په‌رله‌مانێ كوردستانێ وه‌لاتێ توركیا بڕیاردایه ته‌رمێن په‌نابه‌رێن هه‌رێما كوردستانێ ڤه‌گه‌ڕینن هه‌رێما كوردستانێ.
دكتۆر شوان قه‌لادزه‌یی، ئه‌ندامێ په‌رله‌مانێ كوردستانێ بۆ ئه‌ڤرۆ نیۆز راگه‌هاند” مه شانده‌كێ په‌رله‌مانێ كوردستانێ سه‌ره‌دانا قۆنسولخانه‌یا توركیا ل هه‌ولێرێ كر و د كۆمبوونه‌كێ مه داخوازا ژ حوكمه‌تا ئه‌نكه‌ره كریه، جه‌نازێن كورد یێن دناڤا ده‌ریا ئیجه‌دا خه‌ندقی و هاتینه دیتن ڤه‌گه‌ڕیننن هه‌رێما كوردستانێ .
قه‌لادزه‌یی گۆتژی” وه‌لاتێ توركیا هه‌موو به‌رهه‌ڤیێن خوه نیشاندان و د ده‌مه‌كێ نێزیك دا، دێ ته‌رمێن په‌نابه‌رێن كورد لسه‌ر ئه‌ركێ خوه ڤه‌گه‌ڕینن هه‌رێما كوردستانێ و چاڤه‌ڕێ بالیۆزخانه‌یا عێراقێ دكه‌ن بۆ هنارتنا به‌لگه‌نامه‌یێن كه‌سێن خه‌ندقی.
عومه‌ر كوچه‌ر: كۆمپانیه‌ك دێ موچێ فه‌رمانبه‌ران دابین كه‌ت
ئه‌ڤرۆنیۆز، سالار دۆسكى:
سه‌رۆكێ لژنا نه‌زاهێ ل په‌رله‌مانێ كوردستانێ بۆ ئه‌ڤرۆ نيوز دیاركر كو ب مه‌ره‌ما دیتنا چاره‌كێ بۆ قه‌یرانا نوكه و دابینكرنا مووچێ فه‌رمانبه‌ران كومپانیه‌كا په‌ترۆلێ به‌رهه‌ڤیا خوه دیاركریه كو پاره‌ى بۆ مووچێ فه‌رمانبه‌ران ب مه‌زێخیت.
عومه‌ر كۆچه‌ر سه‌رۆكێ لژنا نه‌زاهێ ل په‌رله‌مانێ كوردستانێ زێده‌تر بۆ ئه‌ڤرۆ نیۆز گۆت: نه‌بوونا مووچێ به‌ر ب چاره‌بوونێ یا دچیت، چونكه ئه‌ڤه گرێدایى ژیانا خه‌لكى یه، كومپانیه‌كا په‌ترۆلێ سوز دایه مووچێ فه‌رمانبه‌ران دابین بكه‌ت و هه‌تا ماوه‌كێ دى كاودانێن په‌ترۆلێ چاره بیت و بلند بیت ، له‌وما پێشبینى دكه‌ین مووچه ئێدى ل ده‌مێ خوه دا بهێنه‌دان.
عومه‌ر كۆچه‌ر هێشتا گۆت: وه‌ك لژنا نه‌زاهێ ل په‌رله‌مانێ كوردستانێ هاریكار و پشته‌ڤانێن حوكمه‌تێ ینه بۆ ئه‌نجامدانا چاكسازیێن نوكه پێ رابووى و داخاز دكه‌ین ئه‌ڤه د ره و ریشالى بن و دێ چاڤدێرێ ل سه‌ر كه‌ین كا هه‌تا چ راده دێ خزمه‌تا وه‌لاتیان دا بن هه‌كه بوونه بریار دێ چاڤه‌رێى بریارا كه‌ین كا چه‌ند خزمه‌تا وه‌لاتیان دانه.
كوچه‌رى گۆتژى: چه‌نده پرۆژه ل سه‌ر ئه‌نجامدانا چاكسازیان بۆ حوكمه‌تێ هاتینه بلندكرن ل سه‌ر ئاستێ فراكسیۆنان و دیسان لژنان پرۆژه پێشكێشكرینه، خال هه‌موو دزه‌لالن وه‌ك دو مچوویه و بن دیوار و گه‌نده‌لى و خانه‌نشینێن نه قانوونى و هه‌ده‌ردانا سامانێ گشتى و داهاتێ په‌ترۆل و زێده‌گاڤى ل سه‌ر كاره‌با گشتى، هه‌تا ته‌نده‌ران و داهاتێ گومركان كار ل سه‌ر هاتیه‌كرن و پرۆژه ل سه‌ر هاتینه پێشكێشكرن بۆ حوكمه‌تێ.
عومه‌ر كۆچه‌ر هێشتا گۆت: ل گه‌ل كێمكرنا مووچاینه لێ دڤێت یێن پله بلند نه مووچێن نزم بهێنه كێمكرن.
هه‌مبه‌ر كێمكرنا مووچێ ئه‌ندام په‌رله‌مان ناڤبرى گۆت: پێشنیار هاتیه‌كرن مووچێ ئه‌ندام په‌رله‌مان 20% هه‌تا 70% بهێـته كێمكرن و به‌حسێ دو ملیۆن و نیڤان دهێـته‌كرن و ئه‌م درازینه ، ب تنێ خه‌لك ژ ڤێ قه‌یرانێ ده‌ربازبیت وگه‌نده‌لى بێته چاره‌سه‌ركرن.
بهایێ ئوتێل و خوارنگه‌هان دێ هێته كێمكرن
ئه‌ڤرۆ نیۆز، سالار دۆسكى:
په‌یڤدارێ ده‌سته‌یا گه‌شت و گوزارێ ل هه‌رێما كوردستانێ ئاشكراكر كو ب مه‌ره‌ما زێده‌كرنا داهاتێ هه‌رێمێ، ده‌سته‌یا ناڤبرى چه‌ندین پێنگاڤێن گرنگ هاڤێتن.
نادر روستى په‌یڤدارێ ده‌سته‌یا گه‌شت و گوزارێ ل هه‌رێما كوردستانێ بۆ ئه‌ڤرۆ نیۆز گۆت: ده‌سته‌یا گه‌شت و گوزارێ ل گه‌ل كومه‌لا مێهڤانخانه و تێشتخانا كومبوونه‌ك ل گه‌ل چه‌ندین كومپانیێن گه‌شتیارى ل هه‌ولێرێ گرێدایه و ژڤانه ئه‌ڤ كومبوونه رۆژێن بهێن ل سلێمانى و دهۆكێ و گه‌رمیان ژى بهێنه‌كرن و بڤێ مه‌ره‌مێ چه‌ندین پێنگاڤ هاتینه هاڤێتن.
روستى زێده‌تر ژى گۆت: هه‌موو ئاسانكارى و رێ خوه‌شكه‌ر دێ بۆ ئه‌وان كومپانیان هێنه‌كرن ئه‌وێن گه‌شتیاران ژ ده‌رڤه‌ى هه‌رێمێ دئیننه ناڤ هه‌رێما كوردستانێ و بزاڤا خورتكرنا ئابوورێ هه‌رێمێ د ده‌ن، دیسا هه‌موو بزاڤ دێ هێنه‌كرن بهایێن ئوتێل و موتێل و خوارنگه‌ها داشكاند بكه‌ڤتێ و تایبه‌ت بۆ گرۆپێن گه‌شتیارى ئه‌ڤێن ژ ده‌رڤه‌ى وه‌لاتى دهێنه ناڤ هه‌رێما كوردستانێ .
سه‌رۆكايه‌تيا هه‌رێمێ ب ڤى ره‌نگى به‌حسێ ده‌ربازكرنا قه‌يرانا هه‌رێمێ دكه‌ت
ئه‌ڤرۆ نيوز:
د كومبوونا ئه‌ڤرۆ يا سه‌رۆك بارزانى ل گه‌ل حزبێن پشكدار ل حكومه‌ت و په‌رله‌مانێ كوردستانێ، به‌حسێ ده‌ربازكرنا قه‌يرانێ هه‌رێمێ كريه.
د به‌ياننامه‌كێ دا سه‌رۆكايه‌تيا هه‌رێما كوردستانێ دياركريه: ئه‌م خه‌لكى پشت راست دكه‌ين كو دێ پێكڤه قه‌يرانان ده‌رباز كه‌ين و پشته‌ڤانيا خوه بۆ رێكارێن حكومه‌ت بۆ سياسه‌تا كێمكرنا خه‌رجاين و چاكسازى و ڤه‌ديتنا رێكه چاره‌يان بۆ كێشان رادگه‌هينين، ب ره‌نگه‌كێ رێكارێن حكومه‌تێ دڤێت كێمترين فشار بۆ چينى هه‌ژار و كێم ده‌رامه‌ت و فه‌رمانبه‌ران بيت و كێمكرنا موچێ فه‌رمانبه‌ران وه‌كو پاشكه‌فت دێ بۆ فه‌رمانبه‌ران مينيت و موچێ چ فه‌رمانبه‌ره‌كى نافه‌وتيت، هه‌روه‌سا ئه‌ڤ سياسه‌ته و به‌رهه‌ڤيه ب ره‌نگه‌كێ گشتى دێ خزمه‌تا بده‌ستڤه‌ئينانا دادپه‌روه‌رى و نه‌هێلانا ئاريشێن دارايى كه‌ت.
سه‌باره‌ت كاراكرنا په‌رله‌مانى، پشكداربووى، هه‌ڤره‌ئى بوون كو پێدڤيه ب مفا وه‌رگرتن ژ ئه‌زموونان، هه‌ر زوو په‌رله‌مان بهێته كاراكرن و زه‌مينه بۆ ئاشته‌واييا سياسى د ناڤبه‌را لايه‌نان بهێته خوشكرن و بريار هاته دان كوميته‌يه‌ك بهێته پێكئينان و د ماوێ حه‌فتيه‌كێ دا ئه‌نجامێن كارێ خوه بئێخته به‌رده‌م كومبوونا بهێت يا پارتێن سياسى ل گه‌ل سه‌رۆكێ هه‌رێمێ كوردستانێ.
خواندنا بلند: قوتابی دشێن ب پارە ژ کولیژەکێ بچنە کولیژەکا باشتر
ئەڤرۆ نیوز ، نەوزاد زادە ھلۆری:
پشتی بەلاڤکرنا دەنگویێ وێ یەکێ کو وەزارەتا خواندنا بلند و ڤەکولینێن زانستی یا حکومەتا ھەرێما کوردستانێ بو خواندنا حکومی نمرەیان د فرۆشنە قوتابیان ، ئاخفتنکەرێ وەزارەتا ناڤبری دیارکر کو ئەڤ بابەتە سیستەمی پارالێلە و نھا بریار لسەر دەرچوویە و کەفتیە دوارێ بجھکرنێ دا.
دوھی دوشەمبی 25 چریا دوویێ 2016 عەباس ئەکرەم ئاخفتنکەرێ وەزارەتا خواندنا بلند و ڤەکولینێن زانستی بو باس دیارکر کو ئەوا ھاتیە بەلاڤکرن تشتەکێ حێبەتی نیە و مە ئەو بخوە بەلاڤکریە کو دبێژنێ سیستەمێ خواندنا پارالێل و نھا ئەڤ یەک چوویە دوارێ بجھکرنێ دا و بریار ژی لسەر ھاتیەدان.
ئاخفتنکەرێ وەزارەتا خواندنا بلند بو باس ئاشکەراکر کو قوتابی دکارن ب پارە کولیژا خوە بگوھرن و گوت ژی : ( بو نموونە ئەگەر کولیژا نوشداری100 نمرەیان وەربگریت دڤی حالەتی دا قوتابی دکارن نمرەیا 97 ھەبیت و 3 نمرە دێ دەنە وی و دبەرامبەر دا کوژمەکێ پارەی ژ وی ھێتە وەرگرتن و ناڤی وی قوتابی دێ چیتە دخالا بەریکانەیێ دا بو خواندنێ ل کولیژا نوشداری ).
عەباس ئەکرەم ئەو یەک ژی نەڤەشارت کو کوژمێ ئەو پارەیێ ژ قوتابیان دھێتە وەرگرتن ل گورەی کولیژ و پشکان دھێتە گوھرین و چوو کوژمێن دیارکریێن پارەیان نینن و دبێژیت ژی : ( خواندن ژی ل سپێدەیان و نھا ئەڤ یەک چوویە دوارێ بجھکرنێ دا ).
ئەو یەک ژی رونکر کو پشتی کومبوونا ئەنجومەنا وەزارەتا خواندنا بلند و ڤەکولینێن زانستی دگەل سەروکێن زانکویان ب بەرھەڤبوونا وەزیرێ خواندنا بلند و ڤەکولینێن زانستی بریار ھاتیە دان ب ڤەکرنا خواندنا پارالێل ، و دوپات ژی کر کو ھەموو زانکو لسەر ئەوان پشکان سەرپشک کریە ب مەرجەکێ کو نابیت ھەر پشکەک ب رێژەیا 10% کێمتر یا رێژەیا پەسەندکری دەرباز بکەت ، زانکویان ژی دەست ب بجھکرنا پێرابونێن قانونیێن سیستەمی کریە ب وی رەنگی کو 3 نمرە زێدەتر بو وان قوتابیان نەھێتەدان کو ئەڤێ یەکێ دخوازن و گوت ژی : ( دبێژنە ئەڤێ خوێندێ خواندنا پارالێل).
ل گورەی زانیاریێن باس دناڤبەرا قوتابیان دا دەنگویێ وێ یەکێ بەلاڤبوویە کو ئەو قوتابیێن ئەڤان نمرەیێن زێدە دکرن دڤێت کوژمێ 7 ھزار دولاران بدەنە حکومەتا ھەرێما کوردستانێ.
دڤی واریدا لگورەی راگەیاندنەکا نڤیسینگەھا سەروکێ زانکویا سلێمانیێ کو وێنەیەک بو باسنیوز ھنارتیە قوتابی لسەر وێ یەکێ ھاتینە ئاگەھدارکرن کو ماوەیێ پێشکێشکرن و ڤەگەراندنا فورمان بو خواندنا ئێڤاران و پارالێل بو رۆژا پێنجشەمبی 28 چریا دویێ 2016 ھاتیە پاشئێخستن و داخواز ژی ژ رێڤەبەریا گشتی یا پەروەردا سلێمانیێ و رێڤەبەریێن قوتابخانەیان ھاتیەکرن بو ڤێ مەرەمێ ھەڤکاریا قوتابیان بکەن.
ژ ئەگەرا ئەڤێ بریاری وەزارەتا خواندنا بلند و ڤەکولینێن زانستی یا حکومەتا ھەرێما کوردستانێ نەرازیبوون دناڤبەرا قوتابیێن ھەژار و کێم دەرامەت دا درۆست بوویە ، و کو ئەڤ یەک بوویە سەدەم کو زارویێن سەرمایەدار و دەولەمەندان دڤێ بریارێ مفاداربن و جوداھیەکا ئاشکەرا دناڤبەرا قوتابیێن ھەژار و دەولەمەندان دھێتە نیشاندان.
ئەم یێن ھێلاینە بێ خودان
ئەڤرۆ نیوز:
ژنەکا 30 سالی دلێ خوە بۆ ئەڤرۆ ڤەدکەت و دبێژیت: من 3 زارۆ ھەنە ئەڤە ماوێ پێنج سالانە زەلامێ من چویە دەرڤەی وەلاتی و ئەم بێ خودان ھێلاینە ھەرچەندە پەیوەندیێ بمن دکەت و دبێژیت دێ ھەوە ژی بەمە نک خوە بەس من باوەری نینە چونکی گرنگیێ بمن نادەت و لدووڤ پێزانینێن من ژنەکا دی یا بخۆ ئینای ئەم دگەل مالباتا وی دژین و چو پارە ژی ناگەھنە دەستێ من بۆ زارۆیێن من و من ژی چو ژێدەرێن پارەی نینن لێ ڤان رۆژا من نەرازیبونا خوە دیار کر بۆ دایک و بابێن وی وان گۆتە من ھەکە تە بڤێت ھەرە مالبابا خوە چونکی ئەم نەشێین بۆ تە چو بکەین برایێن من ژی خورتیێ لمن دکەن کو بچم مال بەلێ من نەڤێت زارۆیێن خوە بھێلم و بچم ئەڤجا ھوون بۆ ڤێ ئاریشا من چو دبێژن و ئەز چو بکەم؟
خانما ھێژا :
مخابن د جڤاکێ مەدا لدەف ھندەک کەسان باشی بەروڤاژی دھێتە وەرگرتن نەخاسمە دگەل کەسێن کێم ھەست ئەڤجا بێگومان کو تە زەحمەت یا کێشای و تەحمل یا کری و خو بێ بەھر کری ژ گەلەک کارێن نورمال لسەر خاترا سمعەتێ و زارویێن خوە و ئەڤێ چەندێ بو تە بباشی ل قەلەم ددەین ودەست خوشیێ لتە دکەین و دبێژن براستی تو نموونا باشا ژنا کوردستانێی و براستی گەلەک جارا دڤێت بریارێن دروست بھێنە وەرگرتن ددەمێ خوەدا و باشترە ھەر زوو دیتن بھێنە دیار کرن و کار بو بھێتە کرن ب مشاوەرەتا مالباتێ و دڤێت تە جەختە ل کریارا کربا نە ل ئاخفتنا ژبەرکو رێڤەبرنا ژیانێ نە کارەکێ ئاسانە نەخاسمە سێ زارۆ خوە نەبەس خوارن و ڤەخارنە و ھەر ئێک ژ وان پێدڤی ب پەروەردێ یە ھەروەسا دووڤچونا وان و ھەستکرنا وان کو لایێ دی ببینن و مفای ژێ وەربگرن و ئەڤە ھەموو نینە لەوما چەند دەم ببوریت ئەو زارۆ پێدڤی بابێ پتر دبیت و بێ بەھر بونا وان شاشیەکا مەزن دێ د کەسایەتیا وان دا پەیدا کەت ژبلی لایێن دی و نەخاسمە یێ ئابوری و بتایبەت د ڤی دەمی دا . لەوا باشترە بابەت بھێتە چارەسەر کرن و ھەموو ھەولا بدە وان زارۆیا نەکە قوربانا ڤی کاری و مالباتا تە و یا وی دگەل وی ھەموو کارا دیار بکەن و بێ دەنگی بابەتی ب زەحمەتر لێ دکەت ئەڤجا بابەتی چارەسەر بکەن .
ب وێنه: كه‌سه‌ك ژ مرنێ قورتال كر
ئه‌ڤرۆ نيوز:
به‌ره‌ڤانيا باژێرى ل پارێزگه‌ها دهۆكێ راگه‌هاند كو ئه‌ڤرۆ رۆژا سێشه‌مبى كو به‌له‌ما كه‌سه‌كى مايه ئاسێ د ناڤا سكرێ دهۆكێ دا.
رائيدێ مافپه‌روه‌ر، بێوار عه‌بدولعه‌زيز، به‌رپرسێ راگه‌هاندنێ ل رێڤه‌به‌ريا به‌ره‌ڤانيا باژێرى ل دهۆكێ بۆ ئه‌ڤرۆ نيوز گۆت: “سپێده‌هيا ئه‌ڤرۆ رۆژا سێشه‌مبى رێكه‌فتى 26ى كانوونا دويێ 2016 تيمێن مه هاتنه ئاگه‌هداركرن كو به‌له‌ما كه‌سه‌كى ب ناڤێ حه‌بيب شێح موس عومه‌ر د ناڤ ئاڤا سكرێ دهۆكێ دا مايه ئاسێ”.
زێده‌تر گۆت: “پشتى گه‌هشتنا تيمێن مه ب سه‌رپه‌رشتيا ئه‌ڤسه‌رێ بنگه‌هێ گه‌لى جيدارێ دويێ عازى عه‌بدولا بۆ جهێ روودانێ، شيان وى وه‌لاتى ژ ناڤا سكرێ دهۆكێ ب ساخى قورتال بكه‌ن”.
هه‌تا نوكه دو كۆمپانيێن ئه‌نترنێتێ دێ بهايێ خوه كێم كه‌ن
ئه‌ڤرۆ نيوز:
ئاخفتنكه‌رێ ب ناڤێ وه‌زاره‌تا ڤه‌گوهاستن و گه‌هاندنێ ل حوكه‌تا هه‌رێما كوردستانێ د داخۆيانيه‌كێ دا بۆ خه‌ندان گۆت: “ل ده‌سپێكێ نوونه‌رێن هه‌موو كومپانيان ب ره‌نگه‌كێ مه‌بده‌ئى رازى ببوون بهايێن خوه كێم بكه‌ن، به‌لێ گۆتبوو دێ ل گه‌ل ئيدارێن خوه ئاخڤين”.
زێده‌تر گۆت: “نوكه ب تنێ كۆمپانيا نورتێل و فاستليك ل دووڤ داخوازيا وه‌زاره‌تا ڤه‌گوهاستنێ هاتينه ب ره‌نگه‌كى كو نورتێل ئه‌وا خزمه‌تگۆزاريا ADSL پێشكێش دكه‌ت دێ ژ ده‌سپێكا هه‌يڤا بهێت كارتێن خوه يێن 60 هزارى كه‌ته 49 هزار دينار و كۆمپانيا فاستلينك ژى دێ گێگابايتان زێده كه‌ت”.
ده‌رباره‌ى كۆمپانيێن دژى دا زانين كو هێشتا كۆمپانيێن دى ل دووڤ داخوازيا وه‌زاره‌تێ نه‌هاتينه و چو نه‌دايه ده‌ستێ وان.
ئاخفتنكه‌رێ ب ناڤێ وه‌زاره‌تا ڤه‌گوهاستن وگه‌هاندنێ ل حوكمه‌تا هه‌رێما كوردستانێ ته‌كست ل سه‌ر وێ چه‌ندێ ژى كر كو كێمكرنا بهايێ ئه‌نترنێتێ وان كۆمپانيان ب خوه ڤه ناگريت يێن خزمه‌تا واى فاى پێش كێش دكه‌ن ژ به‌ر كو پێشكداريا وان يا كێمه.
ب وێنه: مێسى ئه‌و زارۆ ديت
ئه‌ڤرۆ نيوز، نيوار محه‌مه‌د سه‌ليم:
پشتى ستێرا هه‌لبژارتيێ ئه‌رژه‌نتين و ياريكه‌رێ يانا به‌رشه‌لۆنا داخوازا ديتنا زارۆيه‌كێ عيراقى كرى و ميديا جيهانى و ناڤخۆى هه‌موو مژوولى ڤى بابه‌تى بووين، ل دووماهيێ ژ لايێ گه‌نجه‌كێ پارێزگه‌ها دهۆكێ ڤه ب ناڤێ شه‌وكه‌ت محه‌مه‌د سالح ئه‌ڤ گه‌نجه هاته ديتن و ميسى ژى ل سه‌ر پێگه‌هێ تايبه‌تێ خوه يێ تۆڕا جڤاكى تويته‌رى به‌لاڤكر كو ئه‌و زارۆ يێ هاتيه ديتن.
ميسى ل سه‌ر پێگه‌هێ خوه نڤيسيه: نوچه‌كێ خۆشه، كوردستان 24 ئه‌ڤ زارۆيه ديت، ناڤێ وى “هۆمه‌ن”ه ل باژێرێ دهۆكێ كوردستانا عيراقێ دژيت”.
زێده‌تر دبێژيت: “ئه‌وى زارۆى گۆتيه كو ئه‌ڤ وێنێ من ل به‌رى دو سالان هاتيه گرتن، ئه‌ز حه‌ز ژ ميسى دكه‌م چونكو ياريكه‌ره‌كێ پرشنگدار”.
نيشاندان
WP Facebook Auto Publish Powered By : XYZScripts.com