ئەڤرۆ نیۆز، قائید میرۆ:
بەرپرسەکێ وەزارەتا ئەوقافێ ئاشکراکر، ژبەر دورخستنا وەزیرێ ئەوقافێ نوکە مامەلەیێن پەیوەندی ب وەزیریڤە ھەی ناھێنە رێڤەبرن و داخوازێ ل وەلاتیان دکەین سەرەدانا وەزارەتێ نەکەن.
مەریوان نەقشبەندی، رێڤەبەرێ پەیوەندیێن وەزارەتا ئەوقاف و کاروبارێن ئاینی ب ئەڤرۆ نیۆز راگەھاند” ژبەر دورخستنا وەزیرێ ئەوقافێ نوکە چو مامەلەیێن وەلاتیان یێن پەیوەندی ب وەزیرێ ئەوقافێ ھەی ناھێتە مەشاندن و نەک تنێ وەزارەت بێ وەزیر مایە، بەلکۆ رێڤەبەرێ دیوانا وەزارەتێ ژی سەر ب بزاڤا گۆڕانە و ھاتینە دورخستن.
نەقشبەندی دیارکر، ژبەر نەبوونا وەزیرێ وەزارەت نەشێت دەستکاریێ ل ڤەگوھاستنا مامۆستایێن ئاینی بکەت و بەرسیڤا نڤیسارێن فەرمی بدەین، لەوڕا داخوازێ ل وەلاتیان دکەین سەرەدانا وەزارەتێ نەکەن، ھەتا ئەف پرس دھێتە ئێکلاکرن.

ئەڤرۆ نیوز، بارزان مزووری:
پێشەنگێ  هاتنوچوونێ بەدرخان محەمەد سەلیم، بەرپرسێ پشکا ھاتنوچونا شێخان بو مالپەرێ ئەڤرۆ نيوز ئاشکرا کر

كو سپێده‌هيا ئه‌ڤرۆ رۆژا شه‌مبى رێكه‌فتى 24ى چريا ئێكێ زارۆيه‌كى ترۆمبێلا بابێ خوه‌ يا ژ جۆرێ كيا تو ته‌ن د ناڤ بازارێ شێخان ل به‌رامبه‌ر قوتابخانا پێكڤه‌ژيان بۆش كر و د ئه‌نجام دا خوه‌ ل ترۆمبێله‌كا ئۆپل ئۆمێگا و هوندا ئه‌لنترا و جى ئێم تايبه‌ت دا و د دووڤدا ترۆمبێل نه‌راوه‌ستيا و چو ب ديوارێ بنگه‌هێ لالش كه‌ڤت.

گۆتژى: “زيانێن مه‌زن ب هه‌ر چار ترۆمبێلا كه‌فينه‌ و زارۆ ژى تووشى ترسه‌كا مه‌زن بوويه‌، به‌لێ ژ لايێ ساخله‌ميا خوه‌ ڤه‌ يێ ب سلامه‌ته‌”.

دا زانين ژى كو ئه‌ڤ روودانه‌ ژ ئه‌گه‌رێ خه‌مساريا بابێ وى زارۆيى روودايه‌ ل ده‌مێ ترۆمبێلا خوه‌ ل ناڤ بازارى راوه‌ستاندى و چووى كه‌لوپه‌لێن مالێ ب كريت و زارۆ ژى هێلايه‌ تێدا.

ناڤبری زێدەتر گۆت: “ئەڤرۆ دەواما قوتابخانێ نەبوو هه‌كه‌ دەوام هه‌بايه‌، دبيت زيانێن مه‌زن ل دووڤ خوه‌ هێلابان و قوربانى ژى لێ كه‌فت بان”.

ئه‌ڤرۆ نيوز:

رێڤه‌به‌ريا كه‌شناسى و بيڤه‌له‌رزێ ل دهۆكێ راگه‌هاند كو سوبه‌هى رۆژا چارشه‌مبى رێكه‌فتى 22ى چريا ئێكێ يا 2015ێ ئه‌سمانێ دهۆكێ دێ ب تمامى ئه‌وره‌كێ ناڤه‌ندى بيت و پاسان دێ بۆ ئه‌ورێن باراناوى هێته‌ گوهۆڕين و هنده‌ك جاران دێ بريسى ژى لێده‌ن.

پشكا پێشبينيان ل رێڤه‌به‌ريا گشتيا كه‌شناسى و بيڤه‌له‌رزێ ل هه‌رێما كوردستانێ د نڤيساره‌كێ دا كو دانه‌ك بۆ ئه‌ڤرۆ نيوز ره‌وانه‌ كرينه‌ راگه‌هاند كو ژ ئه‌نجامێ فشارێن نزمێن ده‌ريا ناڤه‌راست بۆ سه‌ر هه‌رێما كوردستانێ دهێته‌ پێشبينيكرن ئه‌سمانێ دهۆكێ دێ ب تمامى ئه‌وره‌كێ ناڤه‌ندى بيت و پاسان دێ بۆ ئه‌ورێن باراناوى هێته‌ گوهۆڕين و هنده‌ك جاران دێ بريسى ژى لێده‌ن.

پشكا پێشبينيان دايه‌ زايه‌ زانين كو دێ ئاراستێ باى ژى باكوورێ رۆژهه‌لاته‌ ب ره‌نگه‌كى د ناڤبه‌را 10 هه‌تا 20 كم دا و ماوێ ديتنێ ژى دێ 8 بۆ 10 كم بيت.