ئەڤرۆ نیوز:
ئەڤرۆ چارشەمبی محەمەد تۆفیق عەلاوی، سەرۆكێ راسپاردی بۆ پێكئینانا حوکمەتا نوو یا عیراقێ راگەهاند رۆژا دوشەمبیا بهێت دێ پێكهاتێ حوکمەتا نوو پێشكێشی پەرلەمانی كەین.
ناڤهاتى گۆتیە ژی، دخوازم په‌رله‌مان ده‌نگی ب پێكهاتێ نوو یێ حكومه‌تێ بده‌ن، هەروەسا پێدڤیه ئە هه‌موو لاپه‌ره‌كێ نوو ڤەکەین و ئه‌وێن کو به‌رپرس بووینه ژ توندوتیژیان و ئه‌وێن خۆپیشانده‌ر ئازار داین، دڤێت بهێنە دادگەهـ کرن.
ئەڤرۆ نیوز:
ئەڤرۆ چارشه‌مبی پڕۆێ رێیا گرشین- سحێلا، کو رێیەکا نێڤدەولەتیە، هاتە ڤەکرن.
مەعسوم ئیبراهیم، رێڤەبەرێ گشتی یێ رێک و پرا و ئاڤەدانکرن و نیشتەجێکرنێ ل پارێزگەها دهۆکێ راگەهاند، پڕۆژێ دووریانا رێیا گرشین-سحێلا، کو ئێکە ژ پڕۆژێن گرنگ و ستراتیژی ل سالا ٢٠١٧ دەست ب دروستکرنێ هاتیە کرن، ئەڤرۆ هاتە ڤەکرن.
هەروەسا گۆتیە: درێژاهیا ڤێ رێکێ ٢٠ کم ، دو سایدە، هەر سایدەک ژی دو لاینە، گوژمێ ڤی پڕۆژەی ژی ٥٣،٦٤٨،٦٦٢ ملیۆن دۆلارن و ژ ئالیێ بانکا نێڤدەولەتیڤە هاتیە تەمویل کرن، کو ژ چار ئۆڤەرپاسان و دو ئاندەرپاسان پێک دهێت و رێیەکا نێڤدەولەتیە.
ئەڤرۆ نیوز:
وەزارەتا ساخلەمیا هەرێمێ راگەهاندیە، ، وان رێکارێن توند گرتینە بەر ل هەمبەر هاتنا وەلاتیێن ئیرانى بۆ هەرێمێ و چ کەسەک بێ پشکنین ناهێتە هەرێما کوردستانێ.
پشتى ئەڤرۆ ل ولاتێ ئیرانێ دو کەسان ب ئەگەرێ تۆشبوونا ڤایرۆسێ کۆرۆنا ژیانا خۆ ژ دەست داین، محەمەد مەلا قادر پەیڤدارێ وەزارەتا ساخلەمیا هەرێمێ دیار کر، چ کەس بێی پشکنین ناهێتە د ناڤ ئاخا هەرێمێ دا و پێدڤیە ساخلەمیا وان پشتراستبن پاشی رێکی پێبدەن بهێنه کوردستانێ.
گوت ژى، ئەو وەلاتیێن هەرێمێ ژى یێن چووینە ئیرانێ دێ ب تەمامى پشکنین بۆ هێنە کرن، پاشی دێ رێک پێ هێتە دان کو بۆ هەرێمێ ڤەگەرن.
بەحس ژى کر، هەمى ئەو کەسێن ل وان وەلاتێن کو ڤایرۆسێ کۆرۆنا تێدا دهێنە هەرێمێ، دەستپێکێ دێ هێنە جۆداکرن و پشکنین دێ بۆ هێنە کرن.
ئەڤە ژى د دەمەکی دایە، کو ئەڤرۆ چارشەمبی وەزارەتا ساخلەمیا هەرێمێ د کونفرانسەکێ رۆژنامەڤانی دا راگەهاند هەتا نوکە چ حالەتێن توشبوون ب نەخوشیا کۆرۆنایێ ل هەرێمێ نەهاتینە تۆمار کرن.
ئەڤرۆ نیوز:
رێڤەبەریا باژێرڤانیان ل دھۆکێ وەلاتیێن قەزا سێمێلێ ھایدار دكەت، کو دێ بارانە‌كا بھێز ل وێ قە‌زایێ باریت ئەگەرێ دروستبوونا لە‌ھیان ژی ھە‌یە.
دیار سادق، بەرپرسێ پشکا ژینگەهێ ل رێڤەبەریا گشتی یا باژێرڤانیان ل پارێزگەها دهۆکێ راگەهاند، ل گورەی راسپاردێن رێڤەبەریا گشتی یا باژێرڤانیان ل پارێزگەها دهۆکێ، پشتبەستن ب سەقاناسیا هەرێما کوردستانێ، ئەڤ شەڤە و سوبەهی رۆژا پێنجشەمبی٢٠ شباتا ٢٠٢٠، دێ پێلەکا بهێز یا بارانێ سنورێ قەزا سێمێلێ و دەوروبەران ڤەگریت و چێدبیت لەهی درۆست ببن.
هەروەسا دازانین ژى، رێڤەبەریا وان هەموو باژێرڤانیێن سنورێ قەزا سێمێلێ و دەڤەرێ ھایدار كرینە کو د بەرهەڤبن بۆ پاراستنا سەر و مال و گیانێ وەلاتیان.
بەرپرسێ پشکا ژینگەهێ ل رێڤەبەریا گشتی یا باژێرڤانیان ل پارێزگەها دهۆکێ دیار ژى کر، هەموو تیمێن خوە ئێخستینە د خزمەتا دەڤەرێ دا، دا کو چ بوویەرێن نەخواستى دروست نەبن.
لدووڤ پێشبینیێن رێڤەبەریا گشتی یا سەقاناسی و ئەردهەژێن هەرێما کوردستانێ سوبەهی دێ ئەسمان عەور و باران بیت و ل دەڤەرێن چیایی دێ بەفر باریت.
ئەڤرۆ نیوز:
شێلمدر ئێكه ژ مفاترین کەسکاتیان و ژ بنه‌مالا سپێناغێ یە، ڤەکولینێن نوو دیار کریە، کو شێلمدرێ گەلەک مفایێن خوە هەنە.
نۆشدار پێشنیار د‌كه‌ن کو رۆژانه ئه‌ڤێ خوارنا ساخلەم بخون، چونکی خوارنا وان ئەڤ مفایە هەنە:
. خوارنا وان دبیته ئەگەرێ هندێ کو تە كێشەکا ساخلەم و رێكوپێک هەبیت.
. وزه‌کا زۆر دبەخشیتە مرۆڤی
. فشارا خوینێ هەڤسه‌نگ دکەت.
. زڤرینا خوینێ زێدە دکەت.
. دبیتە ئەگەرێ هێرانا باش و ساخلەمیا خوارنان و دووركه‌فتن ژ ته‌مبەلیا ریخۆلان.
. ڵەشی بۆ بزاڤێن وه‌رزشی ئاماده دکەت.
. خه‌وەکا ئارام و ئاسۆده دبەخشیتە مرۆڤی.
ئەڤرۆ نیوز:
وەزارەتا ساخلەمیێ یا ئیرانێ راگەهاند کو دو وەلاتیێن ئیرانی تووشی ڤایرۆسا کۆرۆنا بووینە و ئەو هەر دو کەسە ژی خەلکێ باژێرێ قومێ نە و نها ژی ل ژێر چاڤدێریا توند یا نوشداران دانە.
بەری چەند رۆژان هندەک دەزگەهێن راگەهاندنا ئیرانێ دیار کربوون کو چەند کەس ل ئیرانێ ژ بەر ڤایرۆسا کۆرۆنا جانێ خوە ژ دەست داینە لێ ئەو یەک ژ ئالیێ وەزارەتا ساخلەمیێ یا ئیرانێ ڤە هاتبوو رەتکرن.
ئەڤرۆ نیوز:
وەزیرێ دەرڤە یێ روسیا راگەهاند کو د چەند رۆژێن بۆری دا چەندین کۆمبوون ل گەل تورکیا ل دۆر سووریێ هاتنە کرن، لێ چو رێککەفتن د ناڤبەرا وان و تورکیا دا نەهاتیە کرن.
سیرگێی لاڤرۆڤ راگەهاند کو تورکیا سۆزێن کو بەری نها ل دۆر ئدلبێ دابوو بجه نەئینایە و پێدڤی تورکیا هاریکاریا تیرۆرستان نەکەت.
ناڤهاتی راگەهاند کو جارێ پوتین چو هەڤدیتنان ل گەل ئەردۆگانی ناکەت.
ئەڤرۆ نیوز:
ل رۆما سەرۆکێ حوکمەتا هەرێما کوردستانێ مەسرور بارزانی ل گەل لۆرێنزۆ گویرینی وەزیرێ بەرەڤانیێ یێ ئیتالیا کۆمبوو.
د کۆمبوونێ دا هەر دو ئالیان دیار کرن کو هێشتا مەترسیا داعشێ ل سەر عیراقێ و دەڤەرێ یا هەی و ژ بەر هندێ ژی پێدڤیە هاریکاریا لەشکرێ عیراقێ و پێشمەرگێن کوردستانێ بهێتە کرن.
وەزیرێ بەرەڤانیێ یێ ئیتالیا رۆلێ هەرێما کوردستانێ د شەرێ ل دژی داعشێ دا بلند نرخاند و سەرۆکێ حوکمەتێ ژی سوپاسیا وەلاتێ ئیتالیا کر کو د شەرێ ل دژی داعشێ دا هاریکاریا پێشمەرگێن کوردستانێ کریە.
ئەڤرۆ نیوز:
رەجەب تەیب ئەردۆگانێ سەرۆک کۆمارێ تورکیا راگەهاند کو هەتا نها دانوستاندنێن وان ل گەل روسیا ل دۆر ئدلبێ نەگەهشتینە چو ئەنجامەکێ و رژێما سووریێ ژی ب هەموو شیانێن خوە هێرش دکەت و گۆت: (رەوشا ئدلبێ ب چو رەنگەکێ ناهێتە قەبوولکرن و هەموو بەرهەڤی بۆ ئۆپەراسیۆنا ئدلبێ هاتینە کرن و هەکە شەرێ ل ئدلبێ نەهێتە راگرتن دێ تورکیا یا پێدڤی کەت).
ئەردۆگانی ئەو یەک ژی دیار کر کو ژ بەر شەرێ ئدلبێ ب هزاران وەلاتیێن سووریێ بەرێ خوە داینە تورکیا و ئالۆزیێن ل ئدلبێ دێ کارتێکرنا خوە ل ئاسایشا تورکیا کەت.
نيشاندان