%50 مووچێ په‌رله‌مانتاران هاته كێمكرن
ئه‌ڤرۆ نيوز:
ئه‌ندامه‌كێ جڤاتا نوونه‌رێن عيراقێ ل لژنا ئابوورى يا جڤاتێ راگه‌هاند كو بڕيارا بڕينا 50% مووچێ نوونه‌ران و 30% مووچێ فه‌رمانبه‌رێن جڤاتا نوونه‌ران و 50% ژى زێره‌ڤانێن نوونه‌ران هاتنه كێمكرن.
حاكم سه‌رحان، ئه‌ندامێ فراكسيۆنا پارتى ديموكرتى كوردستان ل سه‌ر لژنا دارايى ل جڤاتا نوونه‌رێن عيراقێ راگه‌هاند كو ئه‌و چاكسازيێن د چارچۆڤێ پرۆژێ بودجێ دا دياركرين چوونه وارێ بجهئينانێ.
گۆتژى: “بڕيارا كێمكرنا مووچێ په‌رله‌مانتاران ب رێژا 50% د چارچۆڤێ چاكسازيان دا چوو وارێ بجهئينانێ كو به‌رى نوكه 12 مليۆن دينار بوون، بوونه شه‌ش مليۆن دينار”.
ئه‌وى په‌رله‌مانتارێ پارتى بۆ ئه‌ڤرۆ نيوز گۆتژى: “ئه‌و كێمكرنه ژمارا زێره‌ڤانێن به‌رێ و نوكه ژى ب رێژا 50% ڤه‌دگريت”.
روون ژى كر كو مووچێ فه‌رمانبه‌رێن جڤاتا نوونه‌رێن عيراقێ ژى دێ ب رێژا 30% ب گۆره‌ى پرۆژێ چاكسازيێ هێته كێمكرن.